Pitru Suktam – ಪಿತೃ ಸೂಕ್ತಮ್


(ಋ।1।10।15।1)

ಉದೀ॑ರತಾ॒ಮವ॑ರ॒ ಉತ್ಪರಾ॑ಸ॒ ಉನ್ಮ॑ಧ್ಯ॒ಮಾಃ ಪಿ॒ತರ॑: ಸೋ॒ಮ್ಯಾಸ॑: ।
ಅಸುಂ॒ ಯ ಈ॒ಯುರ॑ವೃ॒ಕಾ ಋ॑ತ॒ಜ್ಞಾಸ್ತೇ ನೋ॑ಽವನ್ತು ಪಿ॒ತರೋ॒ ಹವೇ॑ಷು ॥ 01

ಇ॒ದಂ ಪಿ॒ತೃಭ್ಯೋ॒ ನಮೋ॑ ಅಸ್ತ್ವ॒ದ್ಯ ಯೇ ಪೂರ್ವಾ॑ಸೋ॒ ಯ ಉಪ॑ರಾಸ ಈ॒ಯುಃ ।
ಯೇ ಪಾರ್ಥಿ॑ವೇ॒ ರಜ॒ಸ್ಯಾ ನಿಷ॑ತ್ತಾ॒ ಯೇ ವಾ॑ ನೂ॒ನಂ ಸು॑ವೃ॒ಜನಾ॑ಸು ವಿ॒ಕ್ಷು ॥ 02

ಆಹಂ ಪಿ॒ತೄನ್ಸು॑ವಿ॒ದತ್ರಾ॑ಁ ಅವಿತ್ಸಿ॒ ನಪಾ॑ತಂ ಚ ವಿ॒ಕ್ರಮ॑ಣಂ ಚ॒ ವಿಷ್ಣೋ॑: ।
ಬ॒ರ್ಹಿ॒ಷದೋ॒ ಯೇ ಸ್ವ॒ಧಯಾ॑ ಸು॒ತಸ್ಯ॒ ಭಜ॑ನ್ತ ಪಿ॒ತ್ವಸ್ತ ಇ॒ಹಾಗ॑ಮಿಷ್ಠಾಃ ॥ 03

ಬರ್ಹಿ॑ಷದಃ ಪಿತರ ಊ॒ತ್ಯ(1॒॑ )ರ್ವಾಗಿ॒ಮಾ ವೋ॑ ಹ॒ವ್ಯಾ ಚ॑ಕೃಮಾ ಜು॒ಷಧ್ವ॑ಮ್ ।
ತ ಆ ಗ॒ತಾವ॑ಸಾ॒ ಶನ್ತ॑ಮೇ॒ನಾಥಾ॑ ನ॒: ಶಂ ಯೋರ॑ರ॒ಪೋ ದ॑ಧಾತ ॥ 04

ಉಪ॑ಹೂತಾಃ ಪಿ॒ತರ॑: ಸೋ॒ಮ್ಯಾಸೋ॑ ಬರ್ಹಿ॒ಷ್ಯೇ॑ಷು ನಿ॒ಧಿಷು॑ ಪ್ರಿ॒ಯೇಷು॑ ।
ತ ಆ ಗ॑ಮನ್ತು॒ ತ ಇ॒ಹ ಶ್ರು॑ವ॒ನ್ತ್ವಧಿ॑ ಬ್ರುವನ್ತು॒ ತೇ॑ಽವನ್ತ್ವ॒ಸ್ಮಾನ್ ॥ 05

ಆಚ್ಯಾ॒ ಜಾನು॑ ದಕ್ಷಿಣ॒ತೋ ನಿ॒ಷದ್ಯೇ॒ಮಂ ಯ॒ಜ್ಞಮ॒ಭಿ ಗೃ॑ಣೀತ॒ ವಿಶ್ವೇ॑ ।
ಮಾ ಹಿಂ॑ಸಿಷ್ಟ ಪಿತರ॒: ಕೇನ॑ ಚಿನ್ನೋ॒ ಯದ್ವ॒ ಆಗ॑: ಪುರು॒ಷತಾ॒ ಕರಾ॑ಮ ॥ 06

ಆಸೀ॑ನಾಸೋ ಅರು॒ಣೀನಾ॑ಮು॒ಪಸ್ಥೇ॑ ರ॒ಯಿಂ ಧ॑ತ್ತ ದಾ॒ಶುಷೇ॒ ಮರ್ತ್ಯಾ॑ಯ ।
ಪು॒ತ್ರೇಭ್ಯ॑: ಪಿತರ॒ಸ್ತಸ್ಯ॒ ವಸ್ವ॒: ಪ್ರ ಯ॑ಚ್ಛತ॒ ತ ಇ॒ಹೋರ್ಜಂ॑ ದಧಾತ ॥ 07

ಯೇ ನ॒: ಪೂರ್ವೇ॑ ಪಿ॒ತರ॑: ಸೋ॒ಮ್ಯಾಸೋ॑ಽನೂಹಿ॒ರೇ ಸೋ॑ಮಪೀ॒ಥಂ ವಸಿ॑ಷ್ಠಾಃ ।
ತೇಭಿ॑ರ್ಯ॒ಮಃ ಸಂ॑ರರಾ॒ಣೋ ಹ॒ವೀಂಷ್ಯು॒ಶನ್ನು॒ಶದ್ಭಿ॑: ಪ್ರತಿಕಾ॒ಮಮ॑ತ್ತು ॥ 08

ಯೇ ತಾ॑ತೃ॒ಷುರ್ದೇ॑ವ॒ತ್ರಾ ಜೇಹ॑ಮಾನಾ ಹೋತ್ರಾ॒ವಿದ॒: ಸ್ತೋಮ॑ತಷ್ಟಾಸೋ ಅ॒ರ್ಕೈಃ ।
ಆಗ್ನೇ॑ ಯಾಹಿ ಸುವಿ॒ದತ್ರೇ॑ಭಿರ॒ರ್ವಾಙ್ ಸ॒ತ್ಯೈಃ ಕ॒ವ್ಯೈಃ ಪಿ॒ತೃಭಿ॑ರ್ಘರ್ಮ॒ಸದ್ಭಿ॑: ॥ 09

ಯೇ ಸ॒ತ್ಯಾಸೋ॑ ಹವಿ॒ರದೋ॑ ಹವಿ॒ಷ್ಪಾ ಇನ್ದ್ರೇ॑ಣ ದೇ॒ವೈಃ ಸ॒ರಥಂ॒ ದಧಾ॑ನಾಃ ।
ಆಗ್ನೇ॑ ಯಾಹಿ ಸ॒ಹಸ್ರಂ॑ ದೇವವ॒ನ್ದೈಃ ಪರೈ॒: ಪೂರ್ವೈ॑: ಪಿ॒ತೃಭಿ॑ರ್ಘರ್ಮ॒ಸದ್ಭಿ॑: ॥ 10

ಅಗ್ನಿ॑ಷ್ವಾತ್ತಾಃ ಪಿತರ॒ ಏಹ ಗ॑ಚ್ಛತ॒ ಸದ॑:ಸದಃ ಸದತ ಸುಪ್ರಣೀತಯಃ ।
ಅ॒ತ್ತಾ ಹ॒ವೀಂಷಿ॒ ಪ್ರಯ॑ತಾನಿ ಬ॒ರ್ಹಿಷ್ಯಥಾ॑ ರ॒ಯಿಂ ಸರ್ವ॑ವೀರಂ ದಧಾತನ ॥ 11

ತ್ವಮ॑ಗ್ನ ಈಲಿ॒ತೋ ಜಾ॑ತವೇ॒ದೋಽವಾ॑ಡ್ಢ॒ವ್ಯಾನಿ॑ ಸುರ॒ಭೀಣಿ॑ ಕೃ॒ತ್ವೀ ।
ಪ್ರಾದಾ॑: ಪಿ॒ತೃಭ್ಯ॑: ಸ್ವ॒ಧಯಾ॒ ತೇ ಅ॑ಕ್ಷನ್ನ॒ದ್ಧಿ ತ್ವಂ ದೇ॑ವ॒ ಪ್ರಯ॑ತಾ ಹ॒ವೀಂಷಿ॑ ॥ 12

ಯೇ ಚೇ॒ಹ ಪಿ॒ತರೋ॒ ಯೇ ಚ॒ ನೇಹ ಯಾಂಶ್ಚ॑ ವಿ॒ದ್ಮ ಯಾಁ ಉ॑ ಚ॒ ನ ಪ್ರ॑ವಿ॒ದ್ಮ ।
ತ್ವಂ ವೇ॑ತ್ಥ॒ ಯತಿ॒ ತೇ ಜಾ॑ತವೇದಃ ಸ್ವ॒ಧಾಭಿ॑ರ್ಯ॒ಜ್ಞಂ ಸುಕೃ॑ತಂ ಜುಷಸ್ವ ॥ 13

ಯೇ ಅ॑ಗ್ನಿದ॒ಗ್ಧಾ ಯೇ ಅನ॑ಗ್ನಿದಗ್ಧಾ॒ ಮಧ್ಯೇ॑ ದಿ॒ವಃ ಸ್ವ॒ಧಯಾ॑ ಮಾ॒ದಯ॑ನ್ತೇ ।
ತೇಭಿ॑: ಸ್ವ॒ರಾಲಸು॑ನೀತಿಮೇ॒ತಾಂ ಯ॑ಥಾವ॒ಶಂ ತ॒ನ್ವಂ॑ ಕಲ್ಪಯಸ್ವ ॥ 14

ಓಂ ಶಾನ್ತಿ॒: ಶಾನ್ತಿ॒: ಶಾನ್ತಿ॑: ।

Report mistakes and corrections in Stotranidhi content.

Facebook Comments

ನಿಮ್ಮದೊಂದು ಉತ್ತರ

ನಿಮ್ಮ ಮಿಂಚೆ ವಿಳಾಸ ಎಲ್ಲೂ ಪ್ರಕಟವಾಗುವುದಿಲ್ಲ.

error: Not allowed
%d bloggers like this: