Read in తెలుగు / ಕನ್ನಡ / தமிழ் / देवनागरी / English (IAST)
ನವನಾರಸಿಂಹ ಮೂರ್ತಯಃ –
ಜ್ವಾಲಾಽಹೋಬಲ ಮಾಲೋಲ ಕ್ರೋಡ ಕಾರಂಜ ಭಾರ್ಗವಾಃ |
ಯೋಗಾನಂದ ಚ್ಛತ್ರವಟ ಪಾವನಾ ನವಮೂರ್ತಯಃ ||
೧. ಜ್ವಾಲಾ ನರಸಿಂಹ –
ಹಿರಣ್ಯಸ್ತಂಭಸಂಭೂತಿ ಪ್ರಖ್ಯಾತ ಪರಮಾತ್ಮನೇ |
ಪ್ರಹ್ಲಾದಾರ್ತಿಮುಷೇ ಜ್ವಾಲಾನರಸಿಂಹಾಯ ಮಂಗಳಮ್ || ೧ ||
೨. ಅಹೋಬಲ ನರಸಿಂಹ –
ಶ್ರೀಶಠಾರಿಯತೀಂದ್ರಾದಿ ಯೋಗಿಹೃತ್ಪದ್ಮಭಾನವೇ |
ಸರ್ವತ್ರ ಪರಿಪೂರ್ಣಾಯಾಽಹೋಬಿಲೇಶಾಯ ಮಂಗಳಮ್ || ೨ ||
೩. ಮಾಲೋಲ ನರಸಿಂಹ –
ವಾರಿಜಾವಾರಿತಭಯೈರ್ವಾಣೀಪತಿಮುಖೈಃ ಸುರೈಃ |
ಮಹಿತಾಯ ಮಹೋದಾರ ಮಾಲೋಲಾಯಾಽಸ್ತು ಮಂಗಳಮ್ || ೩ ||
೪. ಕ್ರೋಡ ನರಸಿಂಹ –
ವರಾಹಕುಂಡೇ ಮೇದಿನ್ಯೈ ವಾರಾಹಾರ್ಥಪ್ರದಾಯಿನೇ |
ದಂತಲಗ್ನ ಹಿರಣ್ಯಾಕ್ಷ ದಂಷ್ಟ್ರಸಿಂಹಾಯ ಮಂಗಳಮ್ || ೪ ||
೫. ಕಾರಂಜ ನರಸಿಂಹ –
ಗೋಭೂಹಿರಣ್ಯನಿರ್ವಿಣ್ಣಗೋಭಿಲಜ್ಞಾನದಾಯಿನೇ |
ಪ್ರಭಂಜನ ಶುನಾಸೀರ ಕಾರಂಜಾಯಾಽಸ್ತು ಮಂಗಳಮ್ || ೫ ||
೬. ಭಾರ್ಗವ ನರಸಿಂಹ –
ಭಾರ್ಗವಾಖ್ಯ ತಪಸ್ವೀಶ ಭಾವನಾಭಾವಿತಾತ್ಮನೇ |
ಅಕ್ಷಯ್ಯತೀರ್ಥತೀರಸ್ಥ ಭಾರ್ಗವಾಯಾಽಸ್ತು ಮಂಗಳಮ್ || ೬ ||
೭. ಯೋಗಾನಂದ ನರಸಿಂಹ –
ಚತುರಾನನಚೇತೋಽಬ್ಜಚಿತ್ರಭಾನುಸ್ವರೂಪಿಣೇ |
ವೇದಾದ್ರಿಗಹ್ವರಸ್ಥಾಯ ಯೋಗಾನಂದಾಯ ಮಂಗಳಮ್ || ೭ ||
೮. ಛತ್ರವಟ ನರಸಿಂಹ –
ಹಾಹಾಹೂಹ್ವಾಖ್ಯಗಂಧರ್ವನೃತ್ತಗೀತಹೃತಾತ್ಮನೇ |
ಭವಹಂತೃ ತಟಚ್ಛತ್ರ ವಟಸಿಂಹಾಯ ಮಂಗಳಮ್ || ೮ ||
೯. ಪಾವನ ನರಸಿಂಹ –
ಭಾರದ್ವಾಜ ಮಹಾಯೋಗಿ ಮಹಾಪಾತಕಹಾರಿಣೇ |
ತಾಪನೀಯರಹಸ್ಯಾರ್ಥ ಪಾವನಾಯಾಽಸ್ತು ಮಂಗಳಮ್ || ೯ ||
ಇತಿ ಶ್ರೀ ನವನಾರಸಿಂಹ ಮಂಗಳಶ್ಲೋಕಾಃ |
గమనిక: "నవగ్రహ స్తోత్రనిధి" పుస్తకము తాయారుచేయుటకు ఆలోచన చేయుచున్నాము.
Chant other stotras in తెలుగు, ಕನ್ನಡ, தமிழ், देवनागरी, english.
Did you see any mistake/variation in the content above? Click here to report mistakes and corrections in Stotranidhi content.
