Read in తెలుగు / ಕನ್ನಡ / தமிழ் / देवनागरी / English (IAST)
<< ಸಪ್ತತ್ರಿಂಶ ದಶಕಮ್ (೩೭) ವಿಷ್ಣುಮಹತ್ತ್ವಮ್
|| ಚಿತ್ತಶುದ್ಧಿಪ್ರಾಧಾನ್ಯಮ್ ||
ಅಂತರ್ಮುಖೋ ಯಃ ಸ್ವಶುಭೇಚ್ಛಯೈವ
ಸ್ವಯಂ ವಿಮರ್ಶೇನ ಮನೋಮಲಾನಿ |
ದೃಷ್ಟ್ವಾ ಶಮಾದ್ಯೈರ್ಧುನುತೇ ಸಮೂಲಂ
ಸ ಭಾಗ್ಯವಾನ್ದೇವಿ ತವ ಪ್ರಿಯಶ್ಚ || ೩೮-೧ ||
ನ ವೇದಶಾಸ್ತ್ರಾಧ್ಯಯನೇನ ತೀರ್ಥ-
-ಸಂಸೇವಯಾ ದಾನತಪೋವ್ರತೈರ್ವಾ |
ಶುದ್ಧಿಂ ಮನೋ ಯಾತಿ ತವ ಸ್ಮೃತೇಸ್ತ-
-ದ್ವೈಶದ್ಯಮಾದರ್ಶವದೇತಿ ಮಾತಃ || ೩೮-೨ ||
ಶುದ್ಧಿರ್ನ ಯಜ್ಞೇನ ಯಜನ್ ಶಶಾಂಕಃ
ಪತ್ನೀಂ ಗುರೋಃ ಪ್ರಾಪ ಭೃಶಂ ಸ್ಮರಾರ್ತಃ |
ಶತಕ್ರತುರ್ಗೌತಮಧರ್ಮಪತ್ನೀ-
-ಮಗಾದಹಲ್ಯಾಂ ಮದನೇಷು ವಿದ್ಧಃ || ೩೮-೩ ||
ಸ ವಿಘ್ನಕಾರೀ ತಪಸಾಂ ಮುನೀನಾಂ
ಗತಸ್ಪೃಹಂ ಯೋಗಿವರಂ ಪ್ರಶಾಂತಮ್ |
ಹಾ ವಿಶ್ವರೂಪಂ ಪವಿನಾ ಜಘಾನ
ನ ಕಿಂಚನಾಕಾರ್ಯಮಧರ್ಮಬುದ್ಧೇಃ || ೩೮-೪ ||
ಮುನಿರ್ವಸಿಷ್ಠಃ ಖಲು ತೀರ್ಥಸೇವೀ
ತಪೋನಿಧಿರ್ಗಾಧಿಸುತಶ್ಚ ಕೋಪಾತ್ |
ಉಭೌ ಮಿಥಃ ಶೇಪತುರಾಡಿಭಾವಂ
ಪ್ರಾಪ್ತಃ ಕಿಲೈಕೋ ಬಕತಾಂ ಪರಶ್ಚ || ೩೮-೫ ||
ಧನಾನಿ ಪೃಷ್ಟಾನಿ ಗುರೂನದಾತೄನ್
ಸ್ವಾನ್ ಭಾರ್ಗವಾನ್ ಪುತ್ರಕಳತ್ರಭಾಜಃ |
ಕ್ರುದ್ಧಾಃ ಪರಂ ಹೈಹಯಭೂಮಿಪಾಲಾ
ನ್ಯಪೀಡಯನ್ ಕೋಽತ್ರ ವಿಶುದ್ಧಚಿತ್ತಃ || ೩೮-೬ ||
ಕುರ್ಯಾನ್ನ ಕಿಂ ಲೋಭಹತೋ ಮನುಷ್ಯೋ
ಯುಧಿಷ್ಠಿರಾದ್ಯಾ ಅಪಿ ಧರ್ಮನಿಷ್ಠಾಃ |
ಪಿತಾಮಹಂ ಬಂಧುಜನಾನ್ ಗುರೂಂಶ್ಚ
ರಣೇ ನಿಜಘ್ನುಃ ಖಲು ರಾಜ್ಯಲೋಭಾತ್ || ೩೮-೭ ||
ಕೃಷ್ಣೋಪದಿಷ್ಟೋ ಜನಮೇಜಯಸ್ತು
ಶುದ್ಧಾಂತರಂಗಃ ಪಿತರಂ ಮಖೇನ |
ಪರೀಕ್ಷಿತಂ ಪಾಪವಿಮುಕ್ತಮಾರ್ಯಂ
ವಿಧಾಯ ತೇ ಪ್ರಾಪಯತಿಸ್ಮ ಲೋಕಮ್ || ೩೮-೮ ||
ಸದಾ ಸದಾಚಾರರತೋ ವಿವಿಕ್ತೇ
ದೇಶೇ ನಿಷಣ್ಣಶ್ಚರಣಾಂಬುಜೇ ತೇ |
ಧ್ಯಾಯನ್ನಜಸ್ರಂ ನಿಜವಾಸನಾ ಯೋ
ನಿರ್ಮಾರ್ಷ್ಟಿ ಸ ತ್ವನ್ಮಯತಾಮುಪೈತಿ || ೩೮-೯ ||
ಜ್ಞಾನಂ ನ ಭಕ್ತಿರ್ನ ತಪೋ ನ ಯೋಗ-
-ಬುದ್ಧಿರ್ನ ಮೇ ಚಿತ್ತಜಯೋಽಪಿ ಮಾತಃ |
ಅಂಧಂ ತಮೋಽಹಂ ಪ್ರವಿಶಾಮಿ ಮೃತ್ಯೋಃ
ಸಮುದ್ಧರೇಮಂ ವರದೇ ನಮಸ್ತೇ || ೩೮-೧೦ ||
ಏಕೋನಚತ್ವಾರಿಂಶ ದಶಕಮ್ (೩೯) – ಮಣಿದ್ವೀಪನಿವಾಸಿನೀ >>
ಸಂಪೂರ್ಣ ದೇವೀ ನಾರಾಯಣೀಯಂ ನೋಡಿ.
గమనిక: ఉగాది నుండి మొదలయ్యే వసంత నవరాత్రుల కోసం "శ్రీ లలితా స్తోత్రనిధి" పారాయణ గ్రంథము అందుబాటులో ఉంది.
Chant other stotras in తెలుగు, ಕನ್ನಡ, தமிழ், देवनागरी, english.
Did you see any mistake/variation in the content above? Click here to report mistakes and corrections in Stotranidhi content.
