Read in తెలుగు / ಕನ್ನಡ / தமிழ் / देवनागरी / English (IAST)
<< ಷಟ್ತ್ರಿಂಶ ದಶಕಮ್ (೩೬) ಮೂಲಪ್ರಕೃತಿಮಹಿಮಾ
|| ವಿಷ್ಣುಮಹತ್ತ್ವಮ್ ||
ಪುರಾ ಹರಿಸ್ತ್ವಾಂ ಕಿಲ ಸಾತ್ತ್ವಿಕೇನ
ಪ್ರಸಾದಯಾಮಾಸ ಮಖೇನ ದೇವಿ |
ಸುರೇಷು ತಂ ಶ್ರೇಷ್ಠತಮಂ ಚಕರ್ಥ
ಸ ತೇನ ಸರ್ವತ್ರ ಬಭೂವ ಪೂಜ್ಯಃ || ೩೭-೧ ||
ಅಧರ್ಮವೃದ್ಧಿಶ್ಚ ಯದಾ ತ್ರಿಲೋಕೇ
ಧರ್ಮಕ್ಷಯಶ್ಚಾಪಿ ತದಾ ಭವತ್ಯಾ |
ಧರ್ಮಂ ಸಮುದ್ಧರ್ತುಮಧರ್ಮಮೃದ್ಧಂ
ಮಾರ್ಷ್ಟುಂ ಚ ದೇವ್ಯೇಷ ನಿಯುಜ್ಯತೇ ಹಿ || ೩೭-೨ ||
ಸ ಈಡ್ಯತೇ ಸರ್ವತ ಏವ ಸರ್ವೈಃ
ಪತ್ನ್ಯಾ ಚ ಭೂತೈಶ್ಚ ಸಮಂ ಗಿರೀಶಃ |
ಇಳಾವೃತೇಽಪೂರುಷಸನ್ನಿಧಾನೇ
ಸಂಕರ್ಷಣಾಖ್ಯಂ ಭಜತೇ ಮುರಾರಿಮ್ || ೩೭-೩ ||
ತಮೇವ ಭದ್ರಶ್ರವಸೋ ಹಯಾಸ್ಯಂ
ಭದ್ರಾಶ್ವವರ್ಷೇ ಮುನಯಃ ಸ್ತುವಂತಿ |
ಪ್ರಹ್ಲಾದ ಉಚ್ಚೈರ್ಹರಿವರ್ಷವಾಸೀ
ವಿಶ್ವಾರ್ತಿಶಾಂತ್ಯೈ ನೃಹರಿಂ ಚ ನೌತಿ || ೩೭-೪ ||
ಶ್ರೀಃ ಕೇತುಮಾಲೇ ಖಲು ಕಾಮರೂಪಂ
ತಂ ರಮ್ಯಕೇ ಮತ್ಸ್ಯತನುಂ ಮನುಶ್ಚ |
ಹಿರಣ್ಮಯೇ ಕೂರ್ಮಶರೀರಭಾಜಂ
ಸ್ತುವಂತಿ ನಾರಾಯಣಮರ್ಯಮಾ ಚ || ೩೭-೫ ||
ಮಹಾವರಾಹಂ ಕುರುಷೂತ್ತರೇಷು
ಭೂ ರಾಘವಂ ಕಿಮ್ಪುರುಷೇ ಹನೂಮಾನ್ |
ತಂ ನಾರದೋ ಭಾರತವರ್ಷವರ್ತೀ
ನರಂ ಚ ನಾರಾಯಣಮಾಶ್ರಯಂತೇ || ೩೭-೬ ||
ಸತ್ಕರ್ಮಭೂಮಿರ್ಭರತಸ್ಯ ರಾಜ್ಯಂ
ಸಂತ್ಯತ್ರ ವೈಕುಂಠಕಥೈಕಸಕ್ತಾಃ |
ತೀರ್ಥಾನಿ ಪುಣ್ಯಾಶ್ರಮಪರ್ವತಾಶ್ಚ
ಜನ್ಮಾತ್ರ ದೇವಾಃ ಸ್ಪೃಹಯಂತ್ಯಜಸ್ರಮ್ || ೩೭-೭ ||
ಪ್ರಹ್ಲಾದಪೌತ್ರಃ ಸುತಲಾಧಿವಾಸಃ
ಸುರಕ್ಷಿತಶ್ಚಾತ್ಮನಿವೇದನೇನ |
ವಾರ್ಧಕ್ಯರೋಗಕ್ಲಮಭೀತಿಮುಕ್ತೋ
ಮಹಾಬಲಿರ್ವಾಮನಮೇವ ನೌತಿ || ೩೭-೮ ||
ಸಹಸ್ರಶೀರ್ಷಃ ಶಿರಸಾ ದಧತ್ ಕ್ಷ್ಮಾಂ
ಹಲೀ ಹರೇಸ್ತಾಮಸಮೂರ್ತಿರಾರ್ಯೈಃ |
ಸಂಸ್ತೂಯಮಾನಃ ಸಹನಾಗಕನ್ಯಃ
ಪಾತಾಳಮೂಲೇ ಚ ಸಲೀಲಮಾಸ್ತೇ || ೩೭-೯ ||
ವಿಚಿತ್ರರೂಪಂ ಜಗತಾಂ ಹಿತಾಯ
ಸರ್ವೇ ಸ್ತುವಂತ್ಯಚ್ಯುತಮಿದ್ಧಭಕ್ತ್ಯಾ |
ಏನಂ ಕುರು ತ್ವಂ ವರದಾನದಕ್ಷಂ
ಮಾತಃ ಕೃಪಾರ್ದ್ರೇ ವರದೇ ನಮಸ್ತೇ || ೩೭-೧೦ ||
ಅಷ್ಟಾತ್ರಿಂಶ ದಶಕಮ್ (೩೮) – ಚಿತ್ತಶುದ್ಧಿಪ್ರಾಧಾನ್ಯಮ್ >>
ಸಂಪೂರ್ಣ ದೇವೀ ನಾರಾಯಣೀಯಂ ನೋಡಿ.
గమనిక: ఉగాది నుండి మొదలయ్యే వసంత నవరాత్రుల కోసం "శ్రీ లలితా స్తోత్రనిధి" పారాయణ గ్రంథము అందుబాటులో ఉంది.
Chant other stotras in తెలుగు, ಕನ್ನಡ, தமிழ், देवनागरी, english.
Did you see any mistake/variation in the content above? Click here to report mistakes and corrections in Stotranidhi content.
