Read in తెలుగు / ಕನ್ನಡ / தமிழ் / देवनागरी / English (IAST)
purā haristvāṁ kila sāttvikēna
prasādayāmāsa makhēna dēvi |
surēṣu taṁ śrēṣṭhatamaṁ cakartha
sa tēna sarvatra babhūva pūjyaḥ || 37-1 ||
adharmavr̥ddhiśca yadā trilōkē
dharmakṣayaścāpi tadā bhavatyā |
dharmaṁ samuddhartumadharmamr̥ddhaṁ
mārṣṭuṁ ca dēvyēṣa niyujyatē hi || 37-2 ||
sa īḍyatē sarvata ēva sarvaiḥ
patnyā ca bhūtaiśca samaṁ girīśaḥ |
ilāvr̥tē:’pūruṣasannidhānē
saṅkarṣaṇākhyaṁ bhajatē murārim || 37-3 ||
tamēva bhadraśravasō hayāsyaṁ
bhadrāśvavarṣē munayaḥ stuvanti |
prahlāda uccairharivarṣavāsī
viśvārtiśāntyai nr̥hariṁ ca nauti || 37-4 ||
śrīḥ kētumālē khalu kāmarūpaṁ
taṁ ramyakē matsyatanuṁ manuśca |
hiraṇmayē kūrmaśarīrabhājaṁ
stuvanti nārāyaṇamaryamā ca || 37-5 ||
mahāvarāhaṁ kuruṣūttarēṣu
bhū rāghavaṁ kimpuruṣē hanūmān |
taṁ nāradō bhāratavarṣavartī
naraṁ ca nārāyaṇamāśrayantē || 37-6 ||
satkarmabhūmirbharatasya rājyaṁ
santyatra vaikuṇṭhakathaikasaktāḥ |
tīrthāni puṇyāśramaparvatāśca
janmātra dēvāḥ spr̥hayantyajasram || 37-7 ||
prahlādapautraḥ sutalādhivāsaḥ
surakṣitaścātmanivēdanēna |
vārdhakyarōgaklamabhītimuktō
mahābalirvāmanamēva nauti || 37-8 ||
sahasraśīrṣaḥ śirasā dadhat kṣmāṁ
halī harēstāmasamūrtirāryaiḥ |
saṁstūyamānaḥ sahanāgakanyaḥ
pātālamūlē ca salīlamāstē || 37-9 ||
vicitrarūpaṁ jagatāṁ hitāya
sarvē stuvantyacyutamiddhabhaktyā |
ēnaṁ kuru tvaṁ varadānadakṣaṁ
mātaḥ kr̥pārdrē varadē namastē || 37-10 ||
aṣṭātriṁśa daśakam (38) – cittaśuddhiprādhānyam >>
See dēvī nārāyaṇīyam for chanting.
గమనిక: ఉగాది నుండి మొదలయ్యే వసంత నవరాత్రుల కోసం "శ్రీ లలితా స్తోత్రనిధి" పారాయణ గ్రంథము అందుబాటులో ఉంది.
Chant other stotras in తెలుగు, ಕನ್ನಡ, தமிழ், देवनागरी, english.
Did you see any mistake/variation in the content above? Click here to report mistakes and corrections in Stotranidhi content.