Devi Narayaniyam Dasakam 12 – ದ್ವಾದಶ ದಶಕಮ್ (೧೨) – ಉತಥ್ಯ ಜನನಮ್


|| ಉತಥ್ಯ ಜನನಮ್ ||

ಪುರಾ ದ್ವಿಜಃ ಕಶ್ಚನ ದೇವದತ್ತೋ
ನಾಮ ಪ್ರಜಾರ್ಥಂ ತಮಸಾಸಮೀಪೇ |
ಕುರ್ವನ್ ಮಖಂ ಗೋಭಿಲಶಾಪವಾಚಾ
ಲೇಭೇ ಸುತಂ ಮೂಢಮನಂತದುಃಖಃ || ೧೨-೧ ||

ಉತಥ್ಯನಾಮಾ ವವೃಧೇ ಸ ಬಾಲೋ
ಮೂಢಸ್ತು ದೃಷ್ಟಂ ನ ದದರ್ಶ ಕಿಂಚಿತ್ |
ಶ್ರುತಂ ನ ಶುಶ್ರಾವ ಜಗಾದ ನೈವ
ಪೃಷ್ಟೋ ನ ಚ ಸ್ನಾನಜಪಾದಿ ಚಕ್ರೇ || ೧೨-೨ ||

ಇತಸ್ತತೋಽಟನ್ ಸಮವಾಪ್ತಗಂಗೋ
ಜಲೇ ನಿಮಜ್ಜನ್ ಪ್ರಪಿಬಂಸ್ತದೇವ |
ವಸನ್ ಮುನೀನಾಮುಟಜೇಷು ವೇದ-
-ಮಂತ್ರಾಂಶ್ಚ ಶೃಣ್ವನ್ ಸ ದಿನಾನಿ ನಿನ್ಯೇ || ೧೨-೩ ||

ಕ್ರಮೇಣ ಸತ್ಸಂಗವಿವೃದ್ಧಸತ್ವಃ
ಸತ್ಯವ್ರತಃ ಸತ್ಯತಪಾಶ್ಚ ಭೂತ್ವಾ |
ನಾಸತ್ಯವಾಕ್ ತ್ವತ್ಕೃಪಯಾ ಸ ಮೂಢೋ-
-ಽಪ್ಯುನ್ಮೀಲಿತಾಂತರ್ನಯನೋ ಬಭೂವ || ೧೨-೪ ||

ಕುಲಂ ಪವಿತ್ರಂ ಜನನೀ ವಿಶುದ್ಧಾ
ಪಿತಾ ಚ ಸತ್ಕರ್ಮರತಃ ಸದಾ ಮೇ |
ಮಯಾ ಕೃತಂ ನೈವ ನಿಷಿದ್ಧಕರ್ಮ
ತಥಾಽಪಿ ಮೂಢೋಽಸ್ಮಿ ಜನೈಶ್ಚ ನಿಂದ್ಯಃ || ೧೨-೫ ||

ಜನ್ಮಾಂತರೇ ಕಿಂ ನು ಕೃತಂ ಮಯಾಽಘಂ
ಕಿಂ ವಾ ನ ವಿದ್ಯಾಽರ್ಥಿ ಜನಸ್ಯ ದತ್ತಾ |
ಗ್ರಂಥೋಽಪ್ಯದತ್ತಃ ಕಿಮು ಪೂಜ್ಯಪೂಜಾ
ಕೃತಾ ನ ಕಿಂ ವಾ ವಿಧಿವನ್ನ ಜಾನೇ || ೧೨-೬ ||

ನಾಕಾರಣಂ ಕಾರ್ಯಮಿತೀರ್ಯತೇ ಹಿ
ದೈವಂ ಬಲಿಷ್ಠಂ ದುರತಿಕ್ರಮಂ ಚ |
ತತೋಽತ್ರ ಮೂಢೋ ವಿಫಲೀಕೃತೋಽಸ್ಮಿ
ವಂಧ್ಯದ್ರುವನ್ನಿರ್ಜಲಮೇಘವಚ್ಚ || ೧೨-೭ ||

ಇತ್ಯಾದಿ ಸಂಚಿಂತ್ಯ ವನೇ ಸ್ಥಿತಃ ಸ
ಕದಾಚಿದೇಕಂ ರುಧಿರಾಪ್ಳುತಾಂಗಮ್ |
ಬೀಭತ್ಸರೂಪಂ ಕಿಟಿಮೇಷ ಪಶ್ಯ-
-ನ್ನಯ್ಯಯ್ಯ ಇತ್ಯುತ್ಸ್ವನಮುಚ್ಚಚಾರ || ೧೨-೮ ||

ಶರೇಣ ವಿದ್ಧಃ ಸ ಕಿರಿರ್ಭಯಾರ್ತಃ
ಪ್ರವೇಪಮಾನೋ ಮುನಿವಾಸದೇಶೇ |
ಅಂತರ್ನಿಕುಂಜಸ್ಯ ಗತಶ್ಚ ದೈವಾ-
-ದದೃಶ್ಯತಾಮಾಪ ಭಯಾರ್ತಿಹಂತ್ರಿ || ೧೨-೯ ||

ವಿನಾ ಮಕಾರಂ ಚ ವಿನಾ ಚ ಭಕ್ತಿ-
-ಮುಚ್ಚಾರ್ಯ ವಾಗ್ಬೀಜಮನುಂ ಪವಿತ್ರಮ್ |
ಪ್ರಸನ್ನಬುದ್ಧಿಃ ಕೃಪಯಾ ತವೈಷ
ಬಭೂವ ದೂರೀಕೃತಸರ್ವಪಾಪಃ || ೧೨-೧೦ ||

ನಾಹಂ ಕವಿರ್ಗಾನವಿಚಕ್ಷಣೋ ನ
ನಟೋ ನ ಶಿಲ್ಪಾದಿಷು ನ ಪ್ರವೀಣಃ |
ಪಶ್ಯಾತ್ರ ಮಾಂ ಮೂಢಮನನ್ಯಬಂಧುಂ
ಪ್ರಸನ್ನಬುದ್ಧಿಂ ಕುರು ಮಾಂ ನಮಸ್ತೇ || ೧೨-೧೧ ||

ತ್ರಯೋದಶ ದಶಕಮ್ (೧೩) – ಉತಥ್ಯ ಮಹಿಮಾ >>


ಸಂಪೂರ್ಣ ದೇವೀ ನಾರಾಯಣೀಯಂ ನೋಡಿ.

Report mistakes and corrections in Stotranidhi content.

Facebook Comments
error: Not allowed
%d bloggers like this: