Read in తెలుగు / ಕನ್ನಡ / தமிழ் / देवनागरी / English (IAST)
<< ನವಮ ದಶಕಮ್ (೯) ಭುವನೇಶ್ವರೀದರ್ಶನಮ್
|| ಶಕ್ತಿಪ್ರದಾನಮ್ ||
ತತೋ ವಿಮಾನಾದಜವಿಷ್ಣುರುದ್ರಾ-
-ಸ್ತ್ವದ್ಗೋಪುರದ್ವಾರ್ಯವರುಹ್ಯ ಸದ್ಯಃ |
ಸ್ತ್ರಿಯಃ ಕೃತಾ ದೇವಿ ತವೇಚ್ಛಯೈವ
ಸವಿಸ್ಮಯಾಸ್ತ್ವನ್ನಿಕಟಂ ಸಮೀಯುಃ || ೧೦-೧ ||
ಕೃತಪ್ರಣಾಮಾಸ್ತವ ಪಾದಯುಗ್ಮ-
-ನಖೇಷು ವಿಶ್ವಂ ಪ್ರತಿಬಿಂಬಿತಂ ತೇ |
ವಿಲೋಕ್ಯ ಸಾಶ್ಚರ್ಯಮಮೋಘವಾಗ್ಭಿಃ
ಪೃಥಕ್ ಪೃಥಕ್ ತುಷ್ಟುವುರಂಬಿಕೇ ತ್ವಾಮ್ || ೧೦-೨ ||
ನುತಿಪ್ರಸನ್ನಾ ನಿಜಸರ್ಗಶಕ್ತಿಂ
ಮಹಾಸರಸ್ವತ್ಯಭಿಧಾಮಜಾಯ |
ರಕ್ಷಾರ್ಥಶಕ್ತಿಂ ಹರಯೇ ಮಹಾಲ-
-ಕ್ಷ್ಮ್ಯಾಖ್ಯಾಂ ಚ ಲೀಲಾನಿರತೇ ದದಾಥ || ೧೦-೩ ||
ಗೌರೀಂ ಮಹಾಕಾಳ್ಯಭಿಧಾಂ ಚ ದತ್ವಾ
ಸಂಹಾರಶಕ್ತಿಂ ಗಿರಿಶಾಯ ಮಾತಃ |
ನವಾಕ್ಷರಂ ಮಂತ್ರಮುದೀರಯಂತೀ
ಬದ್ಧಾಂಜಲೀಂಸ್ತಾನ್ ಸ್ಮಿತಪೂರ್ವಮಾತ್ಥ || ೧೦-೪ ||
ಬ್ರಹ್ಮನ್ ಹರೇ ರುದ್ರ ಮದೀಯಶಕ್ತಿ-
-ತ್ರಯೇಣ ದತ್ತೇನ ಸುಖಂ ಭವಂತಃ |
ಬ್ರಹ್ಮಾಂಡಸರ್ಗಸ್ಥಿತಿಸಂಹೃತೀಶ್ಚ
ಕುರ್ವಂತು ಮೇ ಶಾಸನಯಾ ವಿನೀತಾಃ || ೧೦-೫ ||
ಮಾನ್ಯಾ ಭವದ್ಭಿಃ ಖಲು ಶಕ್ತಯೋ ಮೇ
ಸ್ಯಾಚ್ಛಕ್ತಿಹೀನಂ ಸಕಲಂ ವಿನಿಂದ್ಯಮ್ |
ಸ್ಮರೇತ ಮಾಂ ಸಂತತಮೇವಮುಕ್ತ್ವಾ
ಪ್ರಸ್ಥಾಪಯಾಮಾಸಿಥ ತಾಂಸ್ತ್ರಿಮೂರ್ತೀನ್ || ೧೦-೬ ||
ನತ್ವಾ ತ್ರಯಸ್ತೇ ಭವತೀಂ ನಿವೃತ್ತಾಃ
ಪುಂಸ್ತ್ವಂ ಗತಾ ಆರುರುಹುರ್ವಿಮಾನಮ್ |
ಸದ್ಯಸ್ತಿರೋಧಾಃ ಸ ಸುಧಾಸಮುದ್ರೋ
ದ್ವೀಪೋ ವಿಮಾನಶ್ಚ ತಿರೋಬಭೂವುಃ || ೧೦-೭ ||
ಏಕಾರ್ಣವೇ ಪಂಕಜಸನ್ನಿಧೌ ಚ
ಹತಾಸುರೇ ತೇ ಖಲು ತಸ್ಥಿವಾಂಸಃ |
ದೃಷ್ಟಂ ನು ಸತ್ಯಂ ಕಿಮು ಬುದ್ಧಿಮೋಹಃ
ಸ್ವಪ್ನೋ ನು ಕಿಂ ವೇತಿ ಚ ನ ವ್ಯಜಾನನ್ || ೧೦-೮ ||
ತತಸ್ತ್ರಯಸ್ತೇ ಖಲು ಸತ್ಯಲೋಕ-
-ವೈಕುಂಠಕೈಲಾಸಕೃತಾಧಿವಾಸಾಃ |
ಬ್ರಹ್ಮಾಂಡಸೃಷ್ಟ್ಯಾದಿಷು ದತ್ತಚಿತ್ತಾ-
-ಸ್ತ್ವಾಂ ಸರ್ವಶಕ್ತಾಮಭಜಂತ ದೇವಿ || ೧೦-೯ ||
ಸುಧಾಸಮುದ್ರಂ ತರಳೋರ್ಮಿಮಾಲಂ
ಸ್ಥಾನಂ ಮಣಿದ್ವೀಪಮನೋಪಮಂ ತೇ |
ಮಂಚೇ ನಿಷಣ್ಣಾಂ ಭವತೀಂ ಚ ಚಿತ್ತೇ
ಪಶ್ಯಾನಿ ತೇ ದೇವಿ ನಮಃ ಪ್ರಸೀದ || ೧೦-೧೦ ||
ಏಕಾದಶ ದಶಕಮ್ (೧೧) – ಬ್ರಹ್ಮನಾರದ ಸಂವಾದಮ್ >>
ಸಂಪೂರ್ಣ ದೇವೀ ನಾರಾಯಣೀಯಂ ನೋಡಿ.
గమనిక: ఉగాది నుండి మొదలయ్యే వసంత నవరాత్రుల కోసం "శ్రీ లలితా స్తోత్రనిధి" పారాయణ గ్రంథము అందుబాటులో ఉంది.
Chant other stotras in తెలుగు, ಕನ್ನಡ, தமிழ், देवनागरी, english.
Did you see any mistake/variation in the content above? Click here to report mistakes and corrections in Stotranidhi content.
