Devi Narayaniyam Dasakam 10 – த³ஶம த³ஶகம் (10) – ஶக்திப்ரதா³நம்

ததோ விமாநாத³ஜவிஷ்ணுருத்³ரா-
-ஸ்த்வத்³கோ³புரத்³வார்யவருஹ்ய ஸத்³ய꞉ ।
ஸ்த்ரிய꞉ க்ருதா தே³வி தவேச்ச²யைவ
ஸவிஸ்மயாஸ்த்வந்நிகடம் ஸமீயு꞉ ॥ 10-1 ॥

க்ருதப்ரணாமாஸ்தவ பாத³யுக்³ம-
-நகே²ஷு விஶ்வம் ப்ரதிபி³ம்பி³தம் தே ।
விளோக்ய ஸாஶ்சர்யமமோக⁴வாக்³பி⁴꞉
ப்ருத²க் ப்ருத²க் துஷ்டுவுரம்பி³கே த்வாம் ॥ 10-2 ॥

நுதிப்ரஸந்நா நிஜஸர்க³ஶக்திம்
மஹாஸரஸ்வத்யபி⁴தா⁴மஜாய ।
ரக்ஷார்த²ஶக்திம் ஹரயே மஹால-
-க்ஷ்ம்யாக்²யாம் ச லீலாநிரதே த³தா³த² ॥ 10-3 ॥

கௌ³ரீம் மஹாகால்யபி⁴தா⁴ம் ச த³த்வா
ஸம்ஹாரஶக்திம் கி³ரிஶாய மாத꞉ ।
நவாக்ஷரம் மந்த்ரமுதீ³ரயந்தீ
ப³த்³தா⁴ஞ்ஜலீம்ஸ்தாந் ஸ்மிதபூர்வமாத்த² ॥ 10-4 ॥

ப்³ரஹ்மந் ஹரே ருத்³ர மதீ³யஶக்தி-
-த்ரயேண த³த்தேந ஸுக²ம் ப⁴வந்த꞉ ।
ப்³ரஹ்மாண்ட³ஸர்க³ஸ்தி²திஸம்ஹ்ருதீஶ்ச
குர்வந்து மே ஶாஸநயா விநீதா꞉ ॥ 10-5 ॥

மாந்யா ப⁴வத்³பி⁴꞉ க²லு ஶக்தயோ மே
ஸ்யாச்ச²க்திஹீநம் ஸகலம் விநிந்த்³யம் ।
ஸ்மரேத மாம் ஸந்ததமேவமுக்த்வா
ப்ரஸ்தா²பயாமாஸித² தாம்ஸ்த்ரிமூர்தீந் ॥ 10-6 ॥

நத்வா த்ரயஸ்தே ப⁴வதீம் நிவ்ருத்தா꞉
பும்ஸ்த்வம் க³தா ஆருருஹுர்விமாநம் ।
ஸத்³யஸ்திரோதா⁴꞉ ஸ ஸுதா⁴ஸமுத்³ரோ
த்³வீபோ விமாநஶ்ச திரோப³பூ⁴வு꞉ ॥ 10-7 ॥

ஏகார்ணவே பங்கஜஸந்நிதௌ⁴ ச
ஹதாஸுரே தே க²லு தஸ்தி²வாம்ஸ꞉ ।
த்³ருஷ்டம் நு ஸத்யம் கிமு பு³த்³தி⁴மோஹ꞉
ஸ்வப்நோ நு கிம் வேதி ச ந வ்யஜாநந் ॥ 10-8 ॥

ததஸ்த்ரயஸ்தே க²லு ஸத்யலோக-
-வைகுண்ட²கைலாஸக்ருதாதி⁴வாஸா꞉ ।
ப்³ரஹ்மாண்ட³ஸ்ருஷ்ட்யாதி³ஷு த³த்தசித்தா-
-ஸ்த்வாம் ஸர்வஶக்தாமப⁴ஜந்த தே³வி ॥ 10-9 ॥

ஸுதா⁴ஸமுத்³ரம் தரளோர்மிமாலம்
ஸ்தா²நம் மணித்³வீபமநோபமம் தே ।
மஞ்சே நிஷண்ணாம் ப⁴வதீம் ச சித்தே
பஶ்யாநி தே தே³வி நம꞉ ப்ரஸீத³ ॥ 10-10 ॥

ஏகாத³ஶ த³ஶகம் (11) – ப்³ரஹ்மநாரத³ ஸம்வாத³ம் >>

---

ஸம்பூர்ண தே³வீ நாராயணீயம் பார்க்க.

Did you see any mistake/variation in the content above? Click here to report mistakes and corrections in Stotranidhi content.