Devi Narayaniyam Dasakam 9 – நவம த³ஶகம் (9) – பு⁴வநேஶ்வரீத³ர்ஶநம்


ஏகார்ணவே(அ)ஸ்மிந் ஜக³தி ப்ரளீநே
தை³த்யௌ ஹரிர்ப்³ரஹ்மவதோ⁴த்³யதௌ தௌ ।
ஜகா⁴ந தே³வி த்வத³நுக்³ரஹேண
த்வதி³ச்ச²யைவாக³மத³த்ர ருத்³ர꞉ ॥ 9-1 ॥

ஏகோ விமாநஸ்தரஸா(ஆ)க³த꞉ கா²-
-த்த்ரிமூர்த்யவிஜ்ஞாதக³திஸ்த்வதீ³ய꞉ ।
த்வத்ப்ரேரிதா ஆருருஹுஸ்தமேதே
ஸ சோத்பதந் வ்யோம்நி சசார ஶீக்⁴ரம் ॥ 9-2 ॥

வைமாநிகாஶ்சோத்³க³தய꞉ ஸஶக்ரம்
தி³வம் ஸபத்³மோத்³ப⁴வஸத்யலோகம் ।
ஸருத்³ரகைலாஸமமீ ஸவிஷ்ணு-
-வைகுண்ட²மப்யுத்புலகா அபஶ்யந் ॥ 9-3 ॥

அத்³ருஷ்டபூர்வாநிதராம்ஸ்த்ரிமூர்தீந்
ஸ்தா²நாநி தேஷாமபி த்³ருஷ்டவந்த꞉ ।
த்ரிமூர்தயஸ்தே ச விமோஹமாபு꞉
ப்ராப்தோ விமாநஶ்ச ஸுதா⁴ஸமுத்³ரம் ॥ 9-4 ॥

த்வத்³ப்⁴ரூலதாலோலதரங்க³மாலம்
த்வதீ³யமந்த³ஸ்மிதசாருபே²நம் ।
த்வந்மஞ்ஜுமஞ்ஜீரம்ருது³ஸ்வநாட்⁴யம்
த்வத்பாத³யுக்³மோபமஸௌக்²யத³ம் ச ॥ 9-5 ॥

தந்மத்⁴யதஸ்தே த³த்³ருஶுர்விசித்ர-
-ப்ராகாரநாநாத்³ருலதாபரீதம் ।
ஸ்தா²நம் மணித்³வீபமத்³ருஷ்டபூர்வம்
க்ரமாச்சி²வே த்வாம் ச ஸகீ²ஸமேதாம் ॥ 9-6 ॥

ஜ்ஞாத்வா த்³ருதம் த்வாம் ஹரிராஹ தா⁴த-
-ஸ்த்ரிநேத்ர த⁴ந்யா வயமத்³ய நூநம் ।
ஸுதா⁴ஸமுத்³ரோ(அ)யமநல்பபுண்யை꞉
ப்ராப்யா ஜக³ந்மாத்ருநிவாஸபூ⁴மி꞉ ॥ 9-7 ॥

ஸா த்³ருஶ்யதே ராகி³ஜநைரத்³ருஶ்யா
மஞ்சே நிஷண்ணா ப³ஹுஶக்தியுக்தா ।
ஏஷைவ த்³ருக் ஸர்வமித³ம் ச த்³ருஶ்ய-
-மஹேதுரேஷா க²லு ஸர்வஹேது꞉ ॥ 9-8 ॥

பா³ல꞉ ஶயாநோ வடபத்ர ஏக
ஏகார்ணவே(அ)பஶ்யமிமாம் ஸ்மிதாஸ்யாம் ।
யயைவ மாத்ரா பரிலாலிதோ(அ)ஹ-
-மேநாம் ஸமஸ்தார்திஹராம் வ்ரஜேம ॥ 9-9 ॥

ருத்⁴யாமஹே த்³வாரி யதி³ ஸ்துவாம-
-ஸ்தத்ர ஸ்தி²தா ஏவ வயம் மஹேஶீம் ।
இத்யச்யுதேநாபி⁴ஹிதே விமாந-
-ஸ்த்வத்³கோ³புரத்³வாரமவாப தே³வி ॥ 9-10 ॥

ஆயாம்யஹம் சித்தநிரோத⁴ரூப-
-விமாநதஸ்தே பத³மத்³விதீயம் ।
ந கேநசித்³ருத்³த⁴க³தோ ப⁴வாநி
த்வாமேவ மாத꞉ ஶரணம் வ்ரஜாமி ॥ 9-11 ॥

த³ஶம த³ஶகம் (10) – ஶக்திப்ரதா³நம் >>


ஸம்பூர்ண தே³வீ நாராயணீயம் பார்க்க.

Did you see any mistake/variation in the content above? Click here to report mistakes and corrections in Stotranidhi content.

Facebook Comments
error: Not allowed