Read in తెలుగు / ಕನ್ನಡ / தமிழ் / देवनागरी / English (IAST)
ēkārṇavē:’smin jagati pralīnē
daityau harirbrahmavadhōdyatau tau |
jaghāna dēvi tvadanugrahēṇa
tvadicchayaivāgamadatra rudraḥ || 9-1 ||
ēkō vimānastarasā:’:’gataḥ khā-
-ttrimūrtyavijñātagatistvadīyaḥ |
tvatprēritā āruruhustamētē
sa cōtpatan vyōmni cacāra śīghram || 9-2 ||
vaimānikāścōdgatayaḥ saśakraṁ
divaṁ sapadmōdbhavasatyalōkam |
sarudrakailāsamamī saviṣṇu-
-vaikuṇṭhamapyutpulakā apaśyan || 9-3 ||
adr̥ṣṭapūrvānitarāṁstrimūrtīn
sthānāni tēṣāmapi dr̥ṣṭavantaḥ |
trimūrtayastē ca vimōhamāpuḥ
prāptō vimānaśca sudhāsamudram || 9-4 ||
tvadbhrūlatālōlataraṅgamālaṁ
tvadīyamandasmitacāruphēnam |
tvanmañjumañjīramr̥dusvanāḍhyaṁ
tvatpādayugmōpamasaukhyadaṁ ca || 9-5 ||
tanmadhyatastē dadr̥śurvicitra-
-prākāranānādrulatāparītam |
sthānaṁ maṇidvīpamadr̥ṣṭapūrvaṁ
kramācchivē tvāṁ ca sakhīsamētām || 9-6 ||
jñātvā drutaṁ tvāṁ harirāha dhāta-
-strinētra dhanyā vayamadya nūnam |
sudhāsamudrō:’yamanalpapuṇyaiḥ
prāpyā jaganmātr̥nivāsabhūmiḥ || 9-7 ||
sā dr̥śyatē rāgijanairadr̥śyā
mañcē niṣaṇṇā bahuśaktiyuktā |
ēṣaiva dr̥k sarvamidaṁ ca dr̥śya-
-mahēturēṣā khalu sarvahētuḥ || 9-8 ||
bālaḥ śayānō vaṭapatra ēka
ēkārṇavē:’paśyamimāṁ smitāsyām |
yayaiva mātrā parilālitō:’ha-
-mēnāṁ samastārtiharāṁ vrajēma || 9-9 ||
rudhyāmahē dvāri yadi stuvāma-
-statra sthitā ēva vayaṁ mahēśīm |
ityacyutēnābhihitē vimāna-
-stvadgōpuradvāramavāpa dēvi || 9-10 ||
āyāmyahaṁ cittanirōdharūpa-
-vimānatastē padamadvitīyam |
na kēnacidruddhagatō bhavāni
tvāmēva mātaḥ śaraṇaṁ vrajāmi || 9-11 ||
daśama daśakam (10) – śaktipradānam >>
See dēvī nārāyaṇīyam for chanting.
గమనిక: ఉగాది నుండి మొదలయ్యే వసంత నవరాత్రుల కోసం "శ్రీ లలితా స్తోత్రనిధి" పారాయణ గ్రంథము అందుబాటులో ఉంది.
Chant other stotras in తెలుగు, ಕನ್ನಡ, தமிழ், देवनागरी, english.
Did you see any mistake/variation in the content above? Click here to report mistakes and corrections in Stotranidhi content.
