Devi Narayaniyam Dasakam 8 – அஷ்டம த³ஶகம் (8) – பரமஜ்ஞாநோபதே³ஶம்


அதா²ஹ க்ருஷ்ண꞉ ஶ்ருணு சிந்தயா(அ)லம்
க்³ருஹாஶ்ரமஸ்தே ந ச ப³ந்த⁴க்ருத்ஸ்யாத் ।
ப³ந்த⁴ஸ்ய முக்தேஶ்ச மநோ ஹி ஹேது-
-ர்மநோஜயார்த²ம் ப⁴ஜ விஶ்வதா⁴த்ரீம் ॥ 8-1 ॥

யஸ்யா꞉ ப்ரஸாதே³ ஸப²லம் ஸமஸ்தம்
யத³ப்ரஸாதே³ விப²லம் ஸமஸ்தம் ।
மாஹாத்ம்யமஸ்யா விதி³தம் ஜக³த்ஸு
மயா க்ருதம் பா⁴க³வதம் ஶ்ருணு த்வம் ॥ 8-2 ॥

விஷ்ணுர்ஜக³த்யேகஸமுத்³ரளீநே
பா³ல꞉ ஶயாநோ வடபத்ர ஏக꞉ ।
ஸ்வபா³லதாஹேதுவிசாரமக்³ந꞉
ஶுஶ்ராவ காமப்யஶரீரிவாசம் ॥ 8-3 ॥

ஸநாதநம் ஸத்யமஹம் மத³ந்ய-
-த்ஸத்யம் ந ச ஸ்யாத³ஹமேவ ஸர்வம் ।
ஶ்ருத்வேத³முந்மீலிதத்³ருஷ்டிரேஷ
ஸ்மிதாநநாம் த்வாம் ஜநநீம் த³த³ர்ஶ ॥ 8-4 ॥

சதுர்பு⁴ஜா ஶங்க²க³தா³ரிபத்³ம-
-த⁴ரா க்ருபாத்³யை꞉ ஸஹ ஶக்திஜாலை꞉ ।
ஸ்தி²தா ஜலோபர்யமலாம்ப³ரா த்வம்
ப்ரஹ்ருஷ்டசித்தம் ஹரிமேவமாத்த² ॥ 8-5 ॥

கிம் விஸ்மயேநாச்யுத விஸ்ம்ருதா(அ)ஹம்
த்வயா பராஶக்திமஹாப்ரபா⁴வாத் ।
ஸா நிர்கு³ணா வாங்மநஸோரக³ம்யா
மாம் ஸாத்விகீம் ஶக்திமவேஹி லக்ஷ்மீம் ॥ 8-6 ॥

ஶ்ருதஸ்த்வயா யஸ்த்வஶரீரிஶப்³தோ³
ஹிதாய தே தே³வ தயா ஸ உக்த꞉ ।
அயம் ஹி ஸர்வஶ்ருதிஶாஸ்த்ரஸாரோ
மா விஸ்மரேமம் ஹ்ருதி³ ரக்ஷணீயம் ॥ 8-7 ॥

நாத꞉ பரம் ஜ்ஞேயமவேஹி கிஞ்சி-
-த்ப்ரியோ(அ)ஸி தே³வ்யா꞉ ஶ்ருணு மே வசஸ்த்வம் ।
த்வந்நாபி⁴பத்³மாத்³த்³ருஹிணோ ப⁴வேத்ஸ
கர்தா ஜக³த்பாலய தத்ஸமஸ்தம் ॥ 8-8 ॥

ப்⁴ரூமத்⁴யத꞉ பத்³மப⁴வஸ்ய கோபா-
-த்³ருத்³ரோ ப⁴விஷ்யந் ஸகலம் ஹரேச்ச ।
தே³வீம் ஸதா³ ஸம்ஸ்மர தே(அ)ஸ்து ப⁴த்³ர-
-மேவம் நிக³த்³யாஶு திரோத³தா⁴த² ॥ 8-9 ॥

ஹரேரித³ம் ஜ்ஞாநமஜஸ்ய லப்³த⁴-
-மஜாத்ஸுரர்ஷேஶ்ச ததோ மமாபி ।
மயா த்வித³ம் விஸ்தரத꞉ ஸுதோக்தம்
யத்ஸூரயோ பா⁴க³வதம் வத³ந்தி ॥ 8-10 ॥

தே³வ்யா மஹத்த்வம் க²லு வர்ண்யதே(அ)த்ர
யத்³ப⁴க்திமாப்தஸ்ய க்³ருஹே ந ப³ந்த⁴꞉ ।
யத்³ப⁴க்திஹீநஸ்த்வக்³ருஹே(அ)பி ப³த்³தோ⁴
ராஜா(அ)பி முக்தோ ஜநகோ க்³ருஹஸ்த²꞉ ॥ 8-11 ॥

விதே³ஹராஜம் தமவாப்ய ப்ருஷ்ட்வா
ஸ்வத⁴ர்மஶங்கா꞉ பரிஹ்ருத்ய தீ⁴ர꞉ ।
ப²லேஷ்வஸக்த꞉ குரு கர்ம தேந
கர்மக்ஷய꞉ ஸ்யாத்தவ ப⁴த்³ரமஸ்து ॥ 8-12 ॥

ஶ்ருத்வேதி ஸத்³ய꞉ ஶுக ஆஶ்ரமாத்ஸ
ப்ரஸ்தா²ய வைதே³ஹபுரம் ஸமேத்ய ।
ப்ரத்யுத்³க³த꞉ ஸர்வஜநைர்ந்ருபாய
ந்யவேத³யத்ஸ்வாக³மநஸ்ய ஹேதும் ॥ 8-13 ॥

க்³ருஹஸ்த²த⁴ர்மஸ்ய மஹத்த்வமஸ்மா-
-த்³விஜ்ஞாய தீ⁴மாந் ஸ ஶுகோ நிவ்ருத்த꞉ ।
பித்ராஶ்ரமம் ப்ராப்ய ஸுதாம் பித்ருணாம்
வ்யாஸே(அ)திஹ்ருஷ்டே க்³ருஹிணீம் சகார ॥ 8-14 ॥

உத்பாத்³ய புத்ராம்ஶ்சதுர꞉ ஸுதாம் ச
க்³ருஹஸ்த²த⁴ர்மாந் விதி⁴நா(ஆ)சரந் ஸ꞉ ।
ப்ரதா³ய சைநாம் முநயே(அ)ணுஹாய
ப³பூ⁴வ காலே க்ருதஸர்வக்ருத்ய꞉ ॥ 8-15 ॥

ஹித்வா(ஆ)ஶ்ரமம் தாதமபீஶஶைல-
-ஶ்ருங்கே³ தபஸ்வீ ஸஹஸோத்பதந் கே² ।
ப³பௌ⁴ ஸ பா⁴ஸ்வாநிவ தத்³வியோக³-
-கி²ந்நம் ஶிவோ வ்யாஸமஸாந்த்வயச்ச ॥ 8-16 ॥

ஸர்வத்ர ஶங்காகுலமேவ சித்தம்
மமேஹ விக்ஷிப்தமதீ⁴ரமார்தம் ।
கர்தவ்யமூடோ⁴(அ)ஸ்மி ஸதா³ ஶிவே மாம்
தீ⁴ரம் குரு த்வம் வரதே³ நமஸ்தே ॥ 8-17 ॥

நவம த³ஶகம் (9) – பு⁴வநேஶ்வரீத³ர்ஶநம் >>


ஸம்பூர்ண தே³வீ நாராயணீயம் பார்க்க.

Did you see any mistake/variation in the content above? Click here to report mistakes and corrections in Stotranidhi content.

Facebook Comments
error: Not allowed