Read in తెలుగు / ಕನ್ನಡ / தமிழ் / देवनागरी / English (IAST)
తతో విమానాదజవిష్ణురుద్రా-
-స్త్వద్గోపురద్వార్యవరుహ్య సద్యః |
స్త్రియః కృతా దేవి తవేచ్ఛయైవ
సవిస్మయాస్త్వన్నికటం సమీయుః || ౧౦-౧ ||
కృతప్రణామాస్తవ పాదయుగ్మ-
-నఖేషు విశ్వం ప్రతిబింబితం తే |
విలోక్య సాశ్చర్యమమోఘవాగ్భిః
పృథక్ పృథక్ తుష్టువురంబికే త్వామ్ || ౧౦-౨ ||
నుతిప్రసన్నా నిజసర్గశక్తిం
మహాసరస్వత్యభిధామజాయ |
రక్షార్థశక్తిం హరయే మహాల-
-క్ష్మ్యాఖ్యాం చ లీలానిరతే దదాథ || ౧౦-౩ ||
గౌరీం మహాకాళ్యభిధాం చ దత్వా
సంహారశక్తిం గిరిశాయ మాతః |
నవాక్షరం మంత్రముదీరయంతీ
బద్ధాంజలీంస్తాన్ స్మితపూర్వమాత్థ || ౧౦-౪ ||
బ్రహ్మన్ హరే రుద్ర మదీయశక్తి-
-త్రయేణ దత్తేన సుఖం భవంతః |
బ్రహ్మాండసర్గస్థితిసంహృతీశ్చ
కుర్వంతు మే శాసనయా వినీతాః || ౧౦-౫ ||
మాన్యా భవద్భిః ఖలు శక్తయో మే
స్యాచ్ఛక్తిహీనం సకలం వినింద్యమ్ |
స్మరేత మాం సంతతమేవముక్త్వా
ప్రస్థాపయామాసిథ తాంస్త్రిమూర్తీన్ || ౧౦-౬ ||
నత్వా త్రయస్తే భవతీం నివృత్తాః
పుంస్త్వం గతా ఆరురుహుర్విమానమ్ |
సద్యస్తిరోధాః స సుధాసముద్రో
ద్వీపో విమానశ్చ తిరోబభూవుః || ౧౦-౭ ||
ఏకార్ణవే పంకజసన్నిధౌ చ
హతాసురే తే ఖలు తస్థివాంసః |
దృష్టం ను సత్యం కిము బుద్ధిమోహః
స్వప్నో ను కిం వేతి చ న వ్యజానన్ || ౧౦-౮ ||
తతస్త్రయస్తే ఖలు సత్యలోక-
-వైకుంఠకైలాసకృతాధివాసాః |
బ్రహ్మాండసృష్ట్యాదిషు దత్తచిత్తా-
-స్త్వాం సర్వశక్తామభజంత దేవి || ౧౦-౯ ||
సుధాసముద్రం తరళోర్మిమాలం
స్థానం మణిద్వీపమనోపమం తే |
మంచే నిషణ్ణాం భవతీం చ చిత్తే
పశ్యాని తే దేవి నమః ప్రసీద || ౧౦-౧౦ ||
ఏకాదశ దశకమ్ (౧౧) – బ్రహ్మనారద సంవాదమ్ >>
సంపూర్ణ దేవీ నారాయణీయం (41 దశకాలు) చూడండి.
గమనిక: "శ్రీ కాళికా స్తోత్రనిధి" విడుదల చేశాము. కొనుగోలుకు అందుబాటులో ఉంది. Click here to buy.
Chant other stotras in తెలుగు, ಕನ್ನಡ, தமிழ், देवनागरी, english.
Did you see any mistake/variation in the content above? Click here to report mistakes and corrections in Stotranidhi content.
