Read in తెలుగు / ಕನ್ನಡ / தமிழ் / देवनागरी / English (IAST)
శ్రీనారదః పద్మజమేకదాఽఽహ
పితస్త్వయా సృష్టమిదం జగత్కిమ్ |
కిం విష్ణునా వా గిరిశేన వా కి-
-మకర్తృకం వా సకలేశ్వరః కః || ౧౧-౧ ||
ఇతీరితోఽజః సుతమాహ సాధు
పృష్టం త్వయా నారద మాం శృణు త్వమ్ |
విభాతి దేవీ ఖలు సర్వశక్తి-
-స్వరూపిణీ సా భువనస్య హేతుః || ౧౧-౨ ||
ఏకం పరం బ్రహ్మ సదద్వితీయ-
-మాత్మేతి వేదాంతవచోభిరుక్తా |
న సా పుమాన్ స్త్రీ చ న నిర్గుణా సా
స్త్రీత్వం చ పుంస్త్వం చ గుణైర్దధాతి || ౧౧-౩ ||
సర్వం తదా వాస్యమిదం జగత్సా
జాతా న సర్వం తత ఏవ జాతమ్ |
తత్రైవ సర్వం చ భవేత్ప్రలీనం
సైవాఖిలం నాస్తి చ కించనాన్యత్ || ౧౧-౪ ||
గౌణాని చాంతఃకరణేంద్రియాణి
సా నిర్గుణాఽవాఙ్మతిగోచరా చ |
సా స్తోత్రమంత్రైః సగుణా మహద్భిః
సంస్తూయతే భక్తవిపన్నిహంత్రీ || ౧౧-౫ ||
సుధాసముద్రే వసతీయమార్యా
ద్వీపే విచిత్రాద్భుతశక్తియుక్తా |
సర్వం జగద్యద్వశగం వయం చ
త్రిమూర్తయో నామ యదాశ్రితాః స్మః || ౧౧-౬ ||
తద్దత్తశక్తిత్రయమాత్రభాజ-
-స్త్రిమూర్తయః పుత్ర వయం వినీతాః |
తదాజ్ఞయా సాధు సదాఽపి కుర్మో
బ్రహ్మాండసర్గస్థితిసంహృతీశ్చ || ౧౧-౭ ||
దైవేన మూఢం కవిమాతనోతి
సా దుర్బలం తు ప్రబలం కరోతి |
పంగుం గిరిం లంఘయతే చ మూకం
కృపావతీ చాఽతనుతే సువాచమ్ || ౧౧-౮ ||
యత్కించిదజ్ఞాయి మయా మహత్త్వం
దేవ్యాస్తదుక్తం తవ సంగ్రహేణ |
సర్వత్ర తద్వర్ణయ విస్తరేణ
విధత్స్వ భక్తిం హృదయే జనానామ్ || ౧౧-౯ ||
ఇతీరితోఽజేన మునిః ప్రసన్న-
-స్తవ ప్రభావం కరుణార్ద్రచిత్తే |
వ్యాసం తథాఽన్యాంశ్చ యథోచితం స
ప్రబోధయామస పవిత్రవాగ్భిః || ౧౧-౧౦ ||
న మే గురుస్త్వచ్చరితస్య వక్తా
న మే మతిస్త్వత్స్మరణైకసక్తా |
అవాచ్యవక్తాఽహమకార్యకర్తా
నమామి మాతశ్చరణాంబుజం తే || ౧౧-౧౧ ||
ద్వాదశ దశకమ్ (౧౨) – ఉతథ్య జననమ్ >>
సంపూర్ణ దేవీ నారాయణీయం (41 దశకాలు) చూడండి.
గమనిక: రాబోయే ధనుర్మాసం సందర్భంగా "శ్రీ కృష్ణ స్తోత్రనిధి" ముద్రించుటకు ఆలోచన చేయుచున్నాము. ఇటీవల మేము "శ్రీ సాయి స్తోత్రనిధి" పుస్తకము విడుదల చేశాము.
Chant other stotras in తెలుగు, ಕನ್ನಡ, தமிழ், देवनागरी, english.
Did you see any mistake/variation in the content above? Click here to report mistakes and corrections in Stotranidhi content.
