Read in తెలుగు / ಕನ್ನಡ / தமிழ் / देवनागरी / English (IAST)
<< ಚತುರ್ವಿಂಶ ದಶಕಮ್ (೨೪) ಮಹಿಷಾಸುರವಧಮ್-ದೇವೀಸ್ತುತಿಃ
|| ಮಹಾಸರಸ್ವತ್ಯವತಾರಮ್-ಸುಂಭಾದಿವಧಮ್ ||
ಅಥಾಮರಾಃ ಶತ್ರುವಿನಾಶತೃಪ್ತಾ-
-ಶ್ಚಿರಾಯ ಭಕ್ತ್ಯಾ ಭವತೀಂ ಭಜಂತಃ |
ಮಂದೀಭವದ್ಭಕ್ತಿಹೃದಃ ಕ್ರಮೇಣ
ಪುನಶ್ಚ ದೈತ್ಯಾಭಿಭವಂ ಸಮೀಯುಃ || ೨೫-೧ ||
ಸುಂಭೋ ನಿಸುಂಭಶ್ಚ ಸಹೋದರೌ ಸ್ವೈಃ
ಪ್ರಸಾದಿತಾತ್ಪದ್ಮಭವಾತ್ತಪೋಭಿಃ |
ಸ್ತ್ರೀಮಾತ್ರವಧ್ಯತ್ವಮವಾಪ್ಯ ದೇವಾನ್
ಜಿತ್ವಾ ರಣೇಽಧ್ಯೂಷತುರೈಂದ್ರಲೋಕಮ್ || ೨೫-೨ ||
ಭ್ರಷ್ಟಶ್ರಿಯಸ್ತೇ ತು ಗುರೂಪದೇಶಾ-
-ದ್ಧಿಮಾದ್ರಿಮಾಪ್ತಾ ನುನುವುಃ ಸುರಾಸ್ತ್ವಾಮ್ |
ತೇಷಾಂ ಪುರಶ್ಚಾದ್ರಿಸುತಾಽಽವಿರಾಸೀ-
-ತ್ಸ್ನಾತುಂ ಗತಾ ಸಾ ಕಿಲ ದೇವನದ್ಯಾಮ್ || ೨೫-೩ ||
ತದ್ದೇಹಕೋಶಾತ್ತ್ವಮಜಾ ಪ್ರಜಾತಾ
ಯತಃ ಪ್ರಸಿದ್ಧಾ ಖಲು ಕೌಶಿಕೀತಿ |
ಮಹಾಸರಸ್ವತ್ಯಭಿಧಾಂ ದಧಾನಾ
ತ್ವಂ ರಾಜಸೀಶಕ್ತಿರಿತೀರ್ಯಸೇ ಚ || ೨೫-೪ ||
ಹಿಮಾದ್ರಿಶೃಂಗೇಷು ಮನೋಹರಾಂಗೀ
ಸಿಂಹಾಧಿರೂಢಾ ಮೃದುಗಾನಲೋಲಾ |
ಶ್ರೋತ್ರಾಣಿ ನೇತ್ರಾಣ್ಯಪಿ ದೇಹಭಾಜಾಂ
ಚಕರ್ಷಿಥಾಷ್ಟಾದಶಬಾಹುಯುಕ್ತಾ || ೨೫-೫ ||
ವಿಜ್ಞಾಯ ಸುಂಭಃ ಕಿಲ ದೂತವಾಕ್ಯಾ-
-ತ್ತ್ವಾಂ ಮೋಹನಾಂಗೀಂ ದಯಿತಾಂ ಚಿಕೀರ್ಷುಃ |
ತ್ವದಂತಿಕೇ ಪ್ರೇಷಯತಿಸ್ಮ ದೂತಾ-
-ನೇಕೈಕಶಃ ಸ್ನಿಗ್ಧವಚೋವಿಲಾಸಾನ್ || ೨೫-೬ ||
ತ್ವಾಂ ಪ್ರಾಪ್ಯ ತೇ ಕಾಲಿಕಯಾ ಸಮೇತಾ-
-ಮೇಕೈಕಶಃ ಸುಂಭಗುಣಾನ್ ಪ್ರಭಾಷ್ಯ |
ಪತ್ನೀ ಭವಾಸ್ಯೇತಿ ಕೃತೋಪದೇಶಾ-
-ಸ್ತತ್ಪ್ರಾತಿಕುಲ್ಯಾತ್ಕುಪಿತಾ ಬಭೂವುಃ || ೨೫-೭ ||
ಸುಂಭಾಜ್ಞಯಾ ಧೂಮ್ರವಿಲೋಚನಾಖ್ಯೋ
ರಣೋದ್ಯತಃ ಕಾಳಿಕಯಾ ಹತೋಽಭೂತ್ |
ಚಂಡಂ ಚ ಮುಂಡಂ ಚ ನಿಹತ್ಯ ಕಾಳೀ
ತ್ವತ್ಫಾಲಜಾ ತದ್ರುಧಿರಂ ಪಪೌ ಚ || ೨೫-೮ ||
ಚಾಮುಂಡಿಕೇತಿ ಪ್ರಥಿತಾ ತತಃ ಸಾ
ತ್ವಾಂ ರಕ್ತಬೀಜೋಽಧ ಯುಯುತ್ಸುರಾಪ |
ಯದ್ರಕ್ತಬಿಂದೂದ್ಭವರಕ್ತಬೀಜ-
-ಸಂಘೈರ್ಜಗದ್ವ್ಯಾಪ್ತಮಭೂದಶೇಷಮ್ || ೨೫-೯ ||
ಬ್ರಹ್ಮೇಂದ್ರಪಾಶ್ಯಾದಿಕದೇವಶಕ್ತಿ-
-ಕೋಟ್ಯೋ ರಣಂ ಚಕ್ರುರರಾತಿಸಂಘೈಃ |
ತತ್ಸಂಗರಂ ವರ್ಣಯಿತುಂ ನ ಶಕ್ತಃ
ಸಹಸ್ರಜಿಹ್ವೋಽಪಿ ಪುನಃ ಕಿಮನ್ಯೇ || ೨೫-೧೦ ||
ರಣೇಽತಿಘೋರೇ ವಿವೃತಾನನಾ ಸಾ
ಕಾಳೀ ಸ್ವಜಿಹ್ವಾಂ ಖಲು ಚಾಲಯಂತೀ |
ತ್ವಚ್ಛಸ್ತ್ರಕೃತ್ತಾಖಿಲರಕ್ತಬೀಜ-
-ರಕ್ತಂ ಪಪೌ ಗರ್ಜನಭೀತದೈತ್ಯಾ || ೨೫-೧೧ ||
ತ್ವಯಾ ನಿಸುಂಭಸ್ಯ ಶೀರೋ ನಿಕೃತ್ತಂ
ಸುಂಭಸ್ಯ ತತ್ಕಾಳಿಕಯಾಽಪಿ ಚಾಂತೇ |
ಅನ್ಯೇಽಸುರಾಸ್ತ್ವಾಂ ಶಿರಸಾ ಪ್ರಣಮ್ಯ
ಪಾತಾಳಮಾಪುಸ್ತ್ವದನುಗ್ರಹೇಣ || ೨೫-೧೨ ||
ಹತೇಷು ದೇವಾ ರಿಪುಷು ಪ್ರಣಮ್ಯ
ತ್ವಾಂ ತುಷ್ಟುವುಃ ಸ್ವರ್ಗಮಗುಃ ಪುನಶ್ಚ |
ತೇ ಪೂರ್ವವದ್ಯಜ್ಞಹವಿರ್ಹರಂತೋ
ಭೂಮಾವವರ್ಷನ್ ಜಹೃಷುಶ್ಚ ಮರ್ತ್ಯಾಃ || ೨೫-೧೩ ||
ಮಾತರ್ಮದೀಯೇ ಹೃದಿ ಸಂತಿ ದಂಭ-
-ದರ್ಪಾಭಿಮಾನಾದ್ಯಸುರಾ ಬಲಿಷ್ಠಾಃ |
ನಿಹತ್ಯ ತಾನ್ ದೇಹ್ಯಭಯಂ ಸುಖಂ ಚ
ತ್ವಮೇವ ಮಾತಾ ಮಮ ತೇ ನಮೋಽಸ್ತು || ೨೫-೧೪ ||
ಷಡ್ವಿಂಶ ದಶಕಮ್ (೨೬) – ಸುರಥ ಕಥಾ >>
ಸಂಪೂರ್ಣ ದೇವೀ ನಾರಾಯಣೀಯಂ ನೋಡಿ.
గమనిక : హనుమద్విజయోత్సవం (హనుమజ్జయంతి) సందర్భంగా "శ్రీ ఆంజనేయ స్తోత్రనిధి" పుస్తకము కొనుగోలుకు అందుబాటులో ఉంది. Click here to buy.
పైరసీ ప్రకటన : శ్రీఆదిపూడి వెంకటశివసాయిరామ్ గారు మరియు నాగేంద్రాస్ న్యూ గొల్లపూడి వీరాస్వామి సన్ కలిసి మా పుస్తకాలను ఉన్నది ఉన్నట్టు కాపీచేసి, పేరు మార్చి అమ్ముతున్నారు. దయచేసి గమనించగలరు.
Chant other stotras in తెలుగు, ಕನ್ನಡ, தமிழ், देवनागरी, english.
Did you see any mistake/variation in the content above? Click here to report mistakes and corrections in Stotranidhi content.
