Read in తెలుగు / ಕನ್ನಡ / தமிழ் / देवनागरी / English (IAST)
|| ಭೂಮ್ಯಾಃ ದುಃಖಮ್ ||
ಪುರಾ ಧರಾ ದುರ್ಜನಭಾರದೀನಾ
ಸಮಂ ಸುರಭ್ಯಾ ವಿಬುಧೈಶ್ಚ ದೇವಿ |
ವಿಧಿಂ ಸಮೇತ್ಯ ಸ್ವದಶಾಮುವಾಚ
ಸ ಚಾನಯತ್ಕ್ಷೀರಪಯೋನಿಧಿಂ ತಾನ್ || ೧೯-೧ ||
ಸ್ತುತೋ ಹರಿಃ ಪದ್ಮಭವೇನ ಸರ್ವಂ
ಜ್ಞಾತ್ವಾಽಖಿಲಾನ್ ಸಾಂಜಲಿಬಂಧಮಾಹ |
ಬ್ರಹ್ಮನ್ ಸುರಾ ನೈವ ವಯಂ ಸ್ವತಂತ್ರಾ
ದೈವಂ ಬಲೀಯಃ ಕಿಮಹಂ ಕರೋಮಿ || ೧೯-೨ ||
ದೈವೇನ ನೀತಃ ಖಲು ಮತ್ಸ್ಯಕೂರ್ಮ-
-ಕೋಲಾದಿಜನ್ಮಾನ್ಯವಶೋಽಹಮಾಪ್ತಃ |
ನೃಸಿಂಹಭಾವಾದತಿಭೀಕರತ್ವಂ
ಹಯಾನನತ್ವಾತ್ಪರಿಹಾಸ್ಯತಾಂ ಚ || ೧೯-೩ ||
ಜಾತಃ ಪುನರ್ದಾಶರಥಿಶ್ಚ ದುಃಖಾ-
-ದ್ದುಃಖಂ ಗತೋಽಹಂ ವಿಪಿನಾಂತಚಾರೀ |
ರಾಜ್ಯಂ ಚ ನಷ್ಟಂ ದಯಿತಾ ಹೃತಾ ಮೇ
ಪಿತಾ ಮೃತೋ ಹಾ ಪ್ಲವಗಾಃ ಸಹಾಯಾಃ || ೧೯-೪ ||
ಕೃತ್ವಾ ರಣಂ ಭೀಮಮರಿಂ ನಿಹತ್ಯ
ಪತ್ನೀಂ ಚ ರಾಜ್ಯಂ ಚ ಪುನರ್ಗೃಹೀತ್ವಾ |
ದುಷ್ಟಾಪವಾದೇನ ಪತಿವ್ರತಾಂ ತಾಂ
ವಿಹಾಯ ಹಾ ದುರ್ಯಶಸಾಽಭಿಷಿಕ್ತಃ || ೧೯-೫ ||
ಯದಿ ಸ್ವತಂತ್ರೋಽಸ್ಮಿ ಮಮೈವಮಾರ್ತಿ-
-ರ್ನ ಸ್ಯಾದ್ವಯಂ ಕರ್ಮಕಲಾಪಬದ್ಧಾಃ |
ಸದಾಽಪಿ ಮಾಯವಶಗಾಸ್ತತೋಽತ್ರ
ಮಾಯಾಧಿನಾಥಾಂ ಶರಣಂ ವ್ರಜಾಮಃ || ೧೯-೬ ||
ಇತೀರಿತೈರ್ಭಕ್ತಿವಿನಮ್ರಶೀರ್ಷೈ-
-ರ್ನಿಮೀಲಿತಾಕ್ಷೈರ್ವಿಬುಧೈಃ ಸ್ಮೃತಾ ತ್ವಮ್ |
ಪ್ರಭಾತಸಂಧ್ಯೇವ ಜಪಾಸುಮಾಂಗೀ
ತಮೋನಿಹಂತ್ರೀ ಚ ಪುರಃ ಸ್ಥಿತಾಽಽತ್ಥ || ೧೯-೭ ||
ಜಾನೇ ದಶಾಂ ವೋ ವಸುದೇವಪುತ್ರೋ
ಭೂತ್ವಾ ಹರಿರ್ದುಷ್ಟಜನಾನ್ ನಿಹಂತಾ |
ತದರ್ಥಶಕ್ತೀರಹಮಸ್ಯ ದದ್ಯಾ-
-ಮಂಶೇನ ಜಾಯೇಯ ಚ ನಂದಪುತ್ರೀ || ೧೯-೮ ||
ಯೂಯಂ ಚ ಸಾಹಾಯ್ಯಮಮುಷ್ಯ ಕರ್ತು-
-ಮಂಶೇನ ದೇವಾ ದಯಿತಾಸಮೇತಾಃ |
ಜಾಯೇಧ್ವಮುರ್ವ್ಯಾಂ ಜಗತೋಽಸ್ತು ಭದ್ರ-
-ಮೇವಂ ವಿನಿರ್ದಿಶ್ಯ ತಿರೋದಧಾಥ || ೧೯-೯ ||
ವಿಚಿತ್ರದುಷ್ಟಾಸುರಭಾವಭಾರ-
-ನಿಪೀಡಿತಂ ಮೇ ಹೃದಯಂ ಮಹೇಶಿ |
ಅತ್ರಾವತೀರ್ಯೇದಮಪಾಕುರು ತ್ವಂ
ಮಾತಾ ಹಿ ಮೇ ತೇ ವರದೇ ನಮೋಽಸ್ತು || ೧೯-೧೦ ||
ವಿಂಶ ದಶಕಮ್ (೨೦) – ದೇವಕೀಪುತ್ರವಧಮ್ >>
ಸಂಪೂರ್ಣ ದೇವೀ ನಾರಾಯಣೀಯಂ ನೋಡಿ.
గమనిక : మా తదుపరి ప్రచురణ "శ్రీ దక్షిణామూర్తి స్తోత్రనిధి" పుస్తకము ప్రింటు చేయుటకు ఆలోచన చేయుచున్నాము.
పైరసీ ప్రకటన : శ్రీఆదిపూడి వెంకటశివసాయిరామ్ గారు మరియు నాగేంద్రాస్ న్యూ గొల్లపూడి వీరాస్వామి సన్ కలిసి స్తోత్రనిధి పుస్తకాలను ఉన్నది ఉన్నట్టు కాపీచేసి, పేరు మార్చి అమ్ముతున్నారు. దయచేసి గమనించగలరు.
Chant other stotras in తెలుగు, ಕನ್ನಡ, தமிழ், देवनागरी, english.
Did you see any mistake/variation in the content above? Click here to report mistakes and corrections in Stotranidhi content.
