Devi Narayaniyam Dasakam 19 – ఏకోనవింశ దశకమ్ (౧౯) – భూమ్యాః దుఃఖమ్

పురా ధరా దుర్జనభారదీనా
సమం సురభ్యా విబుధైశ్చ దేవి |
విధిం సమేత్య స్వదశామువాచ
స చానయత్క్షీరపయోనిధిం తాన్ || ౧౯-౧ ||

స్తుతో హరిః పద్మభవేన సర్వం
జ్ఞాత్వాఽఖిలాన్ సాంజలిబంధమాహ |
బ్రహ్మన్ సురా నైవ వయం స్వతంత్రా
దైవం బలీయః కిమహం కరోమి || ౧౯-౨ ||

దైవేన నీతః ఖలు మత్స్యకూర్మ-
-కోలాదిజన్మాన్యవశోఽహమాప్తః |
నృసింహభావాదతిభీకరత్వం
హయాననత్వాత్పరిహాస్యతాం చ || ౧౯-౩ ||

జాతః పునర్దాశరథిశ్చ దుఃఖా-
-ద్దుఃఖం గతోఽహం విపినాంతచారీ |
రాజ్యం చ నష్టం దయితా హృతా మే
పితా మృతో హా ప్లవగాః సహాయాః || ౧౯-౪ ||

కృత్వా రణం భీమమరిం నిహత్య
పత్నీం చ రాజ్యం చ పునర్గృహీత్వా |
దుష్టాపవాదేన పతివ్రతాం తాం
విహాయ హా దుర్యశసాఽభిషిక్తః || ౧౯-౫ ||

యది స్వతంత్రోఽస్మి మమైవమార్తి-
-ర్న స్యాద్వయం కర్మకలాపబద్ధాః |
సదాఽపి మాయవశగాస్తతోఽత్ర
మాయాధినాథాం శరణం వ్రజామః || ౧౯-౬ ||

ఇతీరితైర్భక్తివినమ్రశీర్షై-
-ర్నిమీలితాక్షైర్విబుధైః స్మృతా త్వమ్ |
ప్రభాతసంధ్యేవ జపాసుమాంగీ
తమోనిహంత్రీ చ పురః స్థితాఽఽత్థ || ౧౯-౭ ||

జానే దశాం వో వసుదేవపుత్రో
భూత్వా హరిర్దుష్టజనాన్ నిహంతా |
తదర్థశక్తీరహమస్య దద్యా-
-మంశేన జాయేయ చ నందపుత్రీ || ౧౯-౮ ||

యూయం చ సాహాయ్యమముష్య కర్తు-
-మంశేన దేవా దయితాసమేతాః |
జాయేధ్వముర్వ్యాం జగతోఽస్తు భద్ర-
-మేవం వినిర్దిశ్య తిరోదధాథ || ౧౯-౯ ||

విచిత్రదుష్టాసురభావభార-
-నిపీడితం మే హృదయం మహేశి |
అత్రావతీర్యేదమపాకురు త్వం
మాతా హి మే తే వరదే నమోఽస్తు || ౧౯-౧౦ ||

వింశ దశకమ్ (౨౦) – దేవకీపుత్రవధమ్ >>


సంపూర్ణ దేవీ నారాయణీయం (41 దశకాలు) చూడండి.


గమనిక: "శ్రీ శివ స్తోత్రనిధి" పుస్తకము ముద్రణ చేయుటకు ఆలోచన చేయుచున్నాము.

Facebook Comments

You may also like...

error: Not allowed
%d bloggers like this: