Read in తెలుగు / ಕನ್ನಡ / தமிழ் / देवनागरी / English (IAST)
అథోరుపుణ్యే మథురాపురే తు
విభూషితే మౌక్తికమాలికాభిః |
శ్రీదేవకీశౌరివివాహరంగే
సర్వైః శ్రుతం వ్యోమవచః స్ఫుటార్థమ్ || ౨౦-౧ ||
అవేహి భో దేవకనందనాయాః
సుతోఽష్టమః కంస తవాంతకః స్యాత్ |
శ్రుత్వేతి తాం హంతుమసిం దధానః
కంసో నిరుద్ధో వసుదేవముఖ్యైః || ౨౦-౨ ||
అథాహ శౌరిః శృణు కంస పుత్రాన్
దదామి తేఽస్యాః శపథం కరోమి |
ఏతద్వచో మే వ్యభిచర్యతే చే-
-న్మత్పూర్వజాతా నరకే పతంతు || ౨౦-౩ ||
శ్రద్ధాయ శౌరేర్వచనం ప్రశాంత-
-స్తాం దేవకీం భోజపతిర్ముమోచ |
సర్వే చ తుష్టా యదవో నగర్యాం
తౌ దంపతీ చోషతురాత్తమోదమ్ || ౨౦-౪ ||
కాలే సతీ పుత్రమసూత తాతః
కంసాయ నిశ్శంకమదాత్సుతం స్వమ్ |
హంతా న మేఽయం శిశురిత్యుదీర్య
తం ప్రత్యదాద్భోజపతిశ్చ తస్మై || ౨౦-౫ ||
అథాశు భూభారవినాశనాఖ్య-
-త్వన్నాటకప్రేక్షణకౌతుకేన |
శ్రీనారదః సర్వవిదేత్య కంస-
-మదృశ్యహాసం సకలం జగాద || ౨౦-౬ ||
త్వం భూప దైత్యః ఖలు కాలనేమి-
-ర్జగత్ప్రసిద్ధో హరిణా హతశ్చ |
తతోఽత్ర జాతోఽసి సురా హరిశ్చ
త్వాం హంతుమిచ్ఛంత్యధునాఽపి శత్రుమ్ || ౨౦-౭ ||
దేవాస్తదర్థం నరరూపిణోఽత్ర
వ్రజే చ జాతా వసుదేవముఖ్యాః |
నందాదయశ్చ త్రిదశా ఇమే న
విస్రంభణీయా న చ బాంధవాస్తే || ౨౦-౮ ||
త్వం వ్యోమవాణీం స్మర దేవకస్య
పుత్ర్యాః సుతేష్వష్టమతాం గతః సన్ |
స త్వాం నిహంతా హరిరేవ శత్రు-
-రల్పోఽపి నోపేక్ష్య ఇతీర్యతే హి || ౨౦-౯ ||
సర్వాత్మజానాం నృప మేళనేఽస్యాః
సర్వేఽష్టమాః స్యుః ప్రథమే చ సర్వే |
మాయావినం విద్ధి హరిం సదేతి
గతే మునౌ క్రోధమియాయ కంసః || ౨౦-౧౦ ||
స దేవకీసూనుమరం జఘాన
కారాగృహే తాం పతిమప్యబధ్నాత్ |
తయోః సుతాన్ షట్ ఖలు జాతమాత్రాన్
హత్వా కృతం స్వం హితమేవ మేనే || ౨౦-౧౧ ||
కాయేన వాచా మనసేంద్రియైర్వా
మా జాతు పాపం కరవాణి దేవి |
మమాస్తు సత్కర్మరతిః ప్రియస్తే
భవాని భక్తం కురు మాం నమస్తే || ౨౦-౧౨ ||
ఏకవింశ దశకమ్ (౨౧) – నందసుతావతారమ్ >>
సంపూర్ణ దేవీ నారాయణీయం (41 దశకాలు) చూడండి.
గమనిక: ఉగాది నుండి మొదలయ్యే వసంత నవరాత్రుల కోసం "శ్రీ లలితా స్తోత్రనిధి" పారాయణ గ్రంథము అందుబాటులో ఉంది.
Chant other stotras in తెలుగు, ಕನ್ನಡ, தமிழ், देवनागरी, english.
Did you see any mistake/variation in the content above? Click here to report mistakes and corrections in Stotranidhi content.
