Devi Narayaniyam Dasakam 20 – விம்ஶ த³ஶகம் (20) – தே³வகீபுத்ரவத⁴ம்


அதோ²ருபுண்யே மது²ராபுரே து
விபூ⁴ஷிதே மௌக்திகமாலிகாபி⁴꞉ ।
ஶ்ரீதே³வகீஶௌரிவிவாஹரங்கே³
ஸர்வை꞉ ஶ்ருதம் வ்யோமவச꞉ ஸ்பு²டார்த²ம் ॥ 20-1 ॥

அவேஹி போ⁴ தே³வகநந்த³நாயா꞉
ஸுதோ(அ)ஷ்டம꞉ கம்ஸ தவாந்தக꞉ ஸ்யாத் ।
ஶ்ருத்வேதி தாம் ஹந்துமஸிம் த³தா⁴ந꞉
கம்ஸோ நிருத்³தோ⁴ வஸுதே³வமுக்²யை꞉ ॥ 20-2 ॥

அதா²ஹ ஶௌரி꞉ ஶ்ருணு கம்ஸ புத்ராந்
த³தா³மி தே(அ)ஸ்யா꞉ ஶபத²ம் கரோமி ।
ஏதத்³வசோ மே வ்யபி⁴சர்யதே சே-
-ந்மத்பூர்வஜாதா நரகே பதந்து ॥ 20-3 ॥

ஶ்ரத்³தா⁴ய ஶௌரேர்வசநம் ப்ரஶாந்த-
-ஸ்தாம் தே³வகீம் போ⁴ஜபதிர்முமோச ।
ஸர்வே ச துஷ்டா யத³வோ நக³ர்யாம்
தௌ த³ம்பதீ சோஷதுராத்தமோத³ம் ॥ 20-4 ॥

காலே ஸதீ புத்ரமஸூத தாத꞉
கம்ஸாய நிஶ்ஶங்கமதா³த்ஸுதம் ஸ்வம் ।
ஹந்தா ந மே(அ)யம் ஶிஶுரித்யுதீ³ர்ய
தம் ப்ரத்யதா³த்³போ⁴ஜபதிஶ்ச தஸ்மை ॥ 20-5 ॥

அதா²ஶு பூ⁴பா⁴ரவிநாஶநாக்²ய-
-த்வந்நாடகப்ரேக்ஷணகௌதுகேந ।
ஶ்ரீநாரத³꞉ ஸர்வவிதே³த்ய கம்ஸ-
-மத்³ருஶ்யஹாஸம் ஸகலம் ஜகா³த³ ॥ 20-6 ॥

த்வம் பூ⁴ப தை³த்ய꞉ க²லு காலநேமி-
-ர்ஜக³த்ப்ரஸித்³தோ⁴ ஹரிணா ஹதஶ்ச ।
ததோ(அ)த்ர ஜாதோ(அ)ஸி ஸுரா ஹரிஶ்ச
த்வாம் ஹந்துமிச்ச²ந்த்யது⁴நா(அ)பி ஶத்ரும் ॥ 20-7 ॥

தே³வாஸ்தத³ர்த²ம் நரரூபிணோ(அ)த்ர
வ்ரஜே ச ஜாதா வஸுதே³வமுக்²யா꞉ ।
நந்தா³த³யஶ்ச த்ரித³ஶா இமே ந
விஸ்ரம்ப⁴ணீயா ந ச பா³ந்த⁴வாஸ்தே ॥ 20-8 ॥

த்வம் வ்யோமவாணீம் ஸ்மர தே³வகஸ்ய
புத்ர்யா꞉ ஸுதேஷ்வஷ்டமதாம் க³த꞉ ஸந் ।
ஸ த்வாம் நிஹந்தா ஹரிரேவ ஶத்ரு-
-ரள்போ(அ)பி நோபேக்ஷ்ய இதீர்யதே ஹி ॥ 20-9 ॥

ஸர்வாத்மஜாநாம் ந்ருப மேலநே(அ)ஸ்யா꞉
ஸர்வே(அ)ஷ்டமா꞉ ஸ்யு꞉ ப்ரத²மே ச ஸர்வே ।
மாயாவிநம் வித்³தி⁴ ஹரிம் ஸதே³தி
க³தே முநௌ க்ரோத⁴மியாய கம்ஸ꞉ ॥ 20-10 ॥

ஸ தே³வகீஸூநுமரம் ஜகா⁴ந
காராக்³ருஹே தாம் பதிமப்யப³த்⁴நாத் ।
தயோ꞉ ஸுதாந் ஷட் க²லு ஜாதமாத்ராந்
ஹத்வா க்ருதம் ஸ்வம் ஹிதமேவ மேநே ॥ 20-11 ॥

காயேந வாசா மநஸேந்த்³ரியைர்வா
மா ஜாது பாபம் கரவாணி தே³வி ।
மமாஸ்து ஸத்கர்மரதி꞉ ப்ரியஸ்தே
ப⁴வாநி ப⁴க்தம் குரு மாம் நமஸ்தே ॥ 20-12 ॥

ஏகவிம்ஶ த³ஶகம் (21) – நந்த³ஸுதாவதாரம் >>


ஸம்பூர்ண தே³வீ நாராயணீயம் பார்க்க.


పైరసీ ప్రకటన : నాగేంద్రాస్ న్యూ గొల్లపూడి వీరాస్వామి సన్ మరియు శ్రీఆదిపూడి వెంకటశివసాయిరామ్ గారు కలిసి మా రెండు పుస్తకాలను ("శ్రీ వారాహీ స్తోత్రనిధి" మరియు "శ్రీ శ్యామలా స్తోత్రనిధి") ఉన్నది ఉన్నట్టు కాపీచేసి, పేరు మార్చి అమ్ముతున్నారు. దయచేసి గమనించగలరు.

Did you see any mistake/variation in the content above? Click here to report mistakes and corrections in Stotranidhi content.

Facebook Comments
error: Not allowed