Devi Narayaniyam Dasakam 19 – ஏகோநவிம்ஶ த³ஶகம் (19) – பூ⁴ம்யா꞉ து³꞉க²ம்

ஸ்தோத்ரநிதி → தே³வீ நாராயணீயம் → ஏகோநவிம்ஶ த³ஶகம் (19) – பூ⁴ம்யா꞉ து³꞉க²ம்

புரா த⁴ரா து³ர்ஜநபா⁴ரதீ³நா
ஸமம் ஸுரப்⁴யா விபு³தை⁴ஶ்ச தே³வி ।
விதி⁴ம் ஸமேத்ய ஸ்வத³ஶாமுவாச
ஸ சாநயத்க்ஷீரபயோநிதி⁴ம் தாந் ॥ 19-1 ॥

ஸ்துதோ ஹரி꞉ பத்³மப⁴வேந ஸர்வம்
ஜ்ஞாத்வா(அ)கி²லாந் ஸாஞ்ஜலிப³ந்த⁴மாஹ ।
ப்³ரஹ்மந் ஸுரா நைவ வயம் ஸ்வதந்த்ரா
தை³வம் ப³லீய꞉ கிமஹம் கரோமி ॥ 19-2 ॥

தை³வேந நீத꞉ க²லு மத்ஸ்யகூர்ம-
-கோலாதி³ஜந்மாந்யவஶோ(அ)ஹமாப்த꞉ ।
ந்ருஸிம்ஹபா⁴வாத³திபீ⁴கரத்வம்
ஹயாநநத்வாத்பரிஹாஸ்யதாம் ச ॥ 19-3 ॥

ஜாத꞉ புநர்தா³ஶரதி²ஶ்ச து³꞉கா²-
-த்³து³꞉க²ம் க³தோ(அ)ஹம் விபிநாந்தசாரீ ।
ராஜ்யம் ச நஷ்டம் த³யிதா ஹ்ருதா மே
பிதா ம்ருதோ ஹா ப்லவகா³꞉ ஸஹாயா꞉ ॥ 19-4 ॥

க்ருத்வா ரணம் பீ⁴மமரிம் நிஹத்ய
பத்நீம் ச ராஜ்யம் ச புநர்க்³ருஹீத்வா ।
து³ஷ்டாபவாதே³ந பதிவ்ரதாம் தாம்
விஹாய ஹா து³ர்யஶஸா(அ)பி⁴ஷிக்த꞉ ॥ 19-5 ॥

யதி³ ஸ்வதந்த்ரோ(அ)ஸ்மி மமைவமார்தி-
-ர்ந ஸ்யாத்³வயம் கர்மகலாபப³த்³தா⁴꞉ ।
ஸதா³(அ)பி மாயவஶகா³ஸ்ததோ(அ)த்ர
மாயாதி⁴நாதா²ம் ஶரணம் வ்ரஜாம꞉ ॥ 19-6 ॥

இதீரிதைர்ப⁴க்திவிநம்ரஶீர்ஷை-
-ர்நிமீலிதாக்ஷைர்விபு³தை⁴꞉ ஸ்ம்ருதா த்வம் ।
ப்ரபா⁴தஸந்த்⁴யேவ ஜபாஸுமாங்கீ³
தமோநிஹந்த்ரீ ச புர꞉ ஸ்தி²தா(ஆ)த்த² ॥ 19-7 ॥

ஜாநே த³ஶாம் வோ வஸுதே³வபுத்ரோ
பூ⁴த்வா ஹரிர்து³ஷ்டஜநாந் நிஹந்தா ।
தத³ர்த²ஶக்தீரஹமஸ்ய த³த்³யா-
-மம்ஶேந ஜாயேய ச நந்த³புத்ரீ ॥ 19-8 ॥

யூயம் ச ஸாஹாய்யமமுஷ்ய கர்து-
-மம்ஶேந தே³வா த³யிதாஸமேதா꞉ ।
ஜாயேத்⁴வமுர்வ்யாம் ஜக³தோ(அ)ஸ்து ப⁴த்³ர-
-மேவம் விநிர்தி³ஶ்ய திரோத³தா⁴த² ॥ 19-9 ॥

விசித்ரது³ஷ்டாஸுரபா⁴வபா⁴ர-
-நிபீடி³தம் மே ஹ்ருத³யம் மஹேஶி ।
அத்ராவதீர்யேத³மபாகுரு த்வம்
மாதா ஹி மே தே வரதே³ நமோ(அ)ஸ்து ॥ 19-10 ॥

விம்ஶ த³ஶகம் (20) – தே³வகீபுத்ரவத⁴ம் >>

---

ஸம்பூர்ண தே³வீ நாராயணீயம் பார்க்க.

---