Devi Narayaniyam Dasakam 18 – அஷ்டாத³ஶ த³ஶகம் (18) – ராம கதா²

ஸூர்யாந்வயே தா³ஶரதீ² ரமேஶோ
ராமாபி⁴தோ⁴(அ)பூ⁴த்³ப⁴ரதோ(அ)த² ஜாத꞉ ।
ஜ்யேஷ்டாநுவர்தீ க²லு லக்ஷ்மணஶ்ச
ஶத்ருக்⁴நநாமா(அ)பி ஜக³த்³விதா⁴த்ரி ॥ 18-1 ॥

விமாத்ருவாக்யோஜ்ஜி²தராஜ்யபோ⁴கோ³
ராம꞉ ஸஸீத꞉ ஸஹலக்ஷ்மணஶ்ச ।
சரந் ஜடாவள்கலவாநரண்யே
கோ³தா³வரீதீரமவாப தே³வி ॥ 18-2 ॥

தம் வஞ்சயந் ராவண ஏத்ய மாயீ
ஜஹார ஸீதாம் யதிரூபதா⁴ரீ ।
ராமஸ்ய பத்நீவிரஹாதுரஸ்ய
ஶ்ருத்வா விளாபம் வநமப்யரோதீ³த் ॥ 18-3 ॥

ஶ்ரீநாரதோ³(அ)ப்⁴யேத்ய ஜகா³த³ ராமம்
கிம் ரோதி³ஷி ப்ராக்ருதமர்த்யதுல்ய꞉ ।
த்வம் ராவணம் ஹந்துமிஹாவதீர்ணோ
ஹரி꞉ கத²ம் விஸ்மரஸீத³மார்ய ॥ 18-4 ॥

க்ருதே யுகே³ வேத³வதீதி கந்யா
ஹரிம் ஶ்ருதிஜ்ஞா பதிமாப்துமைச்ச²த் ।
ஸா புஷ்கரத்³வீபக³தா தத³ர்த²-
-மேகாகிநீ தீவ்ரதபஶ்சகார ॥ 18-5 ॥

ஶ்ருதா தயா(அ)பூ⁴த³ஶரீரிவாக்தே
ஹரி꞉ பதிர்பா⁴விநி ஜந்மநி ஸ்யாத் ।
நிஶம்ய தத்³த்⁴ருஷ்டமநாஸ்ததை²வ
க்ருத்வா தபஸ்தத்ர நிநாய காலம் ॥ 18-6 ॥

தாம் ராவண꞉ காமஶரார்தி³த꞉ ஸம்-
-ஶ்சகர்ஷ ஸா ச ஸ்தவநேந தே³வீம் ।
ப்ரஸாத்³ய கோபாருணலோசநாப்⁴யாம்
நிரீக்ஷ்ய தம் நிஶ்சலமாததாந ॥ 18-7 ॥

ஶஶாப தம் ச த்வமரே மத³ர்தே²
ஸபா³ந்த⁴வோ ராக்ஷஸ நங்க்ஷ்யஸீதி ।
ஸ்வம் கௌணபஸ்ப்ருஷ்டமஶுத்³த⁴தே³ஹம்
யோகே³ந ஸத்³யோ விஜஹௌ ஸதீ ஸா ॥ 18-8 ॥

ஜாதா புந꞉ ஸா மிதி²லேஶகந்யா
காலே ஹரிம் த்வாம் பதிமாப தை³வாத் ।
ஸ ஹந்யதாம் ஸத்வரமாஶரேந்த்³ர-
-ஸ்தந்நாஶகாலஸ்து ஸமாக³தஶ்ச ॥ 18-9 ॥

தத³ர்த²மாராத⁴ய லோகநாதா²ம்
நவாஹயஜ்ஞேந க்ருதோபவாஸ꞉ ।
ப்ரஸாத்³ய தாமேவ ஸுரா நராஶ்ச
காமாந் லப⁴ந்தே ஶுப⁴மேவ தே ஸ்யாத் ॥ 18-10 ॥

இத்யூசிவாம்ஸம் முநிமேவ ராம
ஆசார்யமாகல்ப்ய ஸலக்ஷ்மணஸ்த்வாம் ।
ஸம்பூஜ்ய ஸுஸ்மேரமுகீ²ம் வ்ரதாந்தே
ஸிம்ஹாதி⁴ரூடா⁴ம் ச புரோ த³த³ர்ஶ ॥ 18-11 ॥

ப⁴க்த்யா நதம் தம் த்³ருதமாத்த² ராம
ஹரிஸ்த்வமம்ஶேந மதா³ஜ்ஞயைவ ।
ஜாதோ நரத்வேந த³ஶாஸ்யஹத்யை
த³தா³மி தச்ச²க்திமஹம் தவேஹ ॥ 18-12 ॥

ஶ்ருத்வா தவோக்திம் ஸ ஹநூமதா³த்³யை꞉
ஸாகம் கபீந்த்³ரை꞉ க்ருதஸேதுப³ந்த⁴꞉ ।
லங்காம் ப்ரவிஷ்டோ ஹதராவணாத்³ய꞉
புரீமயோத்⁴யாமக³மத்ஸஸீத꞉ ॥ 18-13 ॥

ஹா தே³வி ப⁴க்திர்ந ஹி மே கு³ருஶ்ச
ந சைவ வஸ்துக்³ரஹணே படுத்வம் ।
ஸத்ஸங்க³திஶ்சாபி ந தே பதந்து
க்ருபாகடாக்ஷா மயி தே நமோ(அ)ஸ்து ॥ 18-14 ॥

ஏகோநவிம்ஶ த³ஶகம் (19) – பூ⁴ம்யா꞉ து³꞉க²ம் >>

---

ஸம்பூர்ண தே³வீ நாராயணீயம் பார்க்க.

Did you see any mistake/variation in the content above? Click here to report mistakes and corrections in Stotranidhi content.