Devi Narayaniyam Dasakam 17 – ஸப்தத³ஶ த³ஶகம் (17) – ஸுத³ர்ஶந கோஸலப்ராப்தி꞉


யுதா⁴ஜிதம் ஶத்ருஜிதம் ச ஹத்வா
ரணாங்க³ணஸ்தா² நுதிபி⁴꞉ ப்ரஸந்நா ।
ஸுபா³ஹுமுக்²யாநநுக்³ருஹ்ய ப⁴க்தாந்
ஸர்வேஷு பஶ்யத்ஸு திரோத³தா⁴த² ॥ 17-1 ॥

ப்ருஷ்டோ ந்ருபாந் ப்ராஹ ஸுத³ர்ஶநஸ்தாந்
த்³ருஷ்டா ப⁴வத்³பி⁴꞉ க²லு ஸர்வஶக்தா ।
யா நிர்கு³ணா யோகி³பி⁴ரப்யத்³ருஶ்யா
த்³ருஶ்யா ச ப⁴க்தை꞉ ஸகு³ணா விநீதை꞉ ॥ 17-2 ॥

யா ராஜஸீத³ம் ஸ்ருஜதீவ ஶக்தி-
-ர்யா ஸாத்விகீ பாலயதீவ விஶ்வம் ।
யா தாமஸீ ஸம்ஹரதீவ ஸர்வம்
ஸத்³வஸ்து ஸைவாந்யத³ஸத்ஸமஸ்தம் ॥ 17-3 ॥

ப⁴க்தார்திஹந்த்ரீ கருணாமயீ ஸா
ப⁴க்தத்³ருஹாம் பீ⁴திகரீ ப்ரகாமம் ।
வஸந் ப⁴ரத்³வாஜதபோவநாந்தே
சிராய மாத்ரா ஸஹ தாம் ப⁴ஜே(அ)ஹம் ॥ 17-4 ॥

தாமேவ ப⁴க்த்யா ப⁴ஜதேஹ பு⁴க்தி-
-முக்திப்ரதா³மஸ்து ஶுப⁴ம் ஸதா³ வ꞉ ।
ஶ்ருத்வேத³மாநம்ரமுகா²ஸ்ததே²தி
ஸம்மந்த்ர்ய பூ⁴பாஶ்ச ததோ நிவ்ருத்தா꞉ ॥ 17-5 ॥

ஸுத³ர்ஶநோ மாத்ருவதூ⁴ஸமேத꞉
ஸுபா³ஹுமாப்ருச்²ய ரதா²தி⁴ரூட⁴꞉ ।
புரீமயோத்⁴யாம் ப்ரவிஶந் புரேவ
ஸீதாபதிஸ்தோஷயதி ஸ்ம ஸர்வாந் ॥ 17-6 ॥

லீலாவதீம் ப்ராப்ய விமாதரம் ச
நத்வா விஷண்ணாம் ஹதபுத்ரதாதாம் ।
ஸது³க்திபி⁴꞉ கர்மக³தீ꞉ ப்ரபோ³த்⁴ய
ஸ ஸாந்த்வயாமாஸ மஹேஶி ப⁴க்த꞉ ॥ 17-7 ॥

ஜநேஷு பஶ்யத்ஸு ஸுத³ர்ஶநோ(அ)த்ர
த்வாம் பூஜயித்வா கு³ருணா(அ)பி⁴ஷிக்த꞉ ।
ராஜ்யே த்வதீ³யம் க்³ருஹமாஶு க்ருத்வா
பூஜாவிதா⁴நாதி³ ச ஸம்வ்ருத⁴த்த ॥ 17-8 ॥

தஸ்மிந் ந்ருபே த்வத்ஸத³நாநி க்ருத்வா
ஜநா꞉ ப்ரதிக்³ராமமபூஜயம்ஸ்த்வாம் ।
காஶ்யாம் ஸுபா³ஹுஶ்ச ததா²(அ)கரோத்தே
ஸர்வத்ர பேது꞉ கருணாகடாக்ஷா꞉ ॥ 17-9 ॥

ந கர்மணா ந ப்ரஜயா த⁴நேந
ந யோக³ஸாங்க்²யாதி³விசிந்தயா ச ।
ந ச வ்ரதேநாபி ஸுகா²நுபூ⁴தி-
-ர்ப⁴க்த்யைவ மர்த்ய꞉ ஸுக²மேதி மாத꞉ ॥ 17-10 ॥

நாஹம் ஸுபா³ஹுஶ்ச ஸுத³ர்ஶநஶ்ச
ந மே ப⁴ரத்³வாஜமுநி꞉ ஶரண்ய꞉ ।
கு³ரு꞉ ஸுஹ்ருத்³ப³ந்து⁴ரபி த்வமேவ
மஹேஶ்வரி த்வாம் ஸததம் நமாமி ॥ 17-11 ॥

அஷ்டாத³ஶ த³ஶகம் (18) – ராம கதா² >> 


ஸம்பூர்ண தே³வீ நாராயணீயம் பார்க்க.

Did you see any mistake/variation in the content above? Click here to report mistakes and corrections in Stotranidhi content.

Facebook Comments
error: Not allowed