Read in తెలుగు / ಕನ್ನಡ / தமிழ் / देवनागरी / English (IAST)
యుధాజితం శత్రుజితం చ హత్వా
రణాంగణస్థా నుతిభిః ప్రసన్నా |
సుబాహుముఖ్యాననుగృహ్య భక్తాన్
సర్వేషు పశ్యత్సు తిరోదధాథ || ౧౭-౧ ||
పృష్టో నృపాన్ ప్రాహ సుదర్శనస్తాన్
దృష్టా భవద్భిః ఖలు సర్వశక్తా |
యా నిర్గుణా యోగిభిరప్యదృశ్యా
దృశ్యా చ భక్తైః సగుణా వినీతైః || ౧౭-౨ ||
యా రాజసీదం సృజతీవ శక్తి-
-ర్యా సాత్వికీ పాలయతీవ విశ్వమ్ |
యా తామసీ సంహరతీవ సర్వం
సద్వస్తు సైవాన్యదసత్సమస్తమ్ || ౧౭-౩ ||
భక్తార్తిహంత్రీ కరుణామయీ సా
భక్తద్రుహాం భీతికరీ ప్రకామమ్ |
వసన్ భరద్వాజతపోవనాంతే
చిరాయ మాత్రా సహ తాం భజేఽహమ్ || ౧౭-౪ ||
తామేవ భక్త్యా భజతేహ భుక్తి-
-ముక్తిప్రదామస్తు శుభం సదా వః |
శ్రుత్వేదమానమ్రముఖాస్తథేతి
సమ్మంత్ర్య భూపాశ్చ తతో నివృత్తాః || ౧౭-౫ ||
సుదర్శనో మాతృవధూసమేతః
సుబాహుమాపృఛ్య రథాధిరూఢః |
పురీమయోధ్యాం ప్రవిశన్ పురేవ
సీతాపతిస్తోషయతి స్మ సర్వాన్ || ౧౭-౬ ||
లీలావతీం ప్రాప్య విమాతరం చ
నత్వా విషణ్ణాం హతపుత్రతాతామ్ |
సదుక్తిభిః కర్మగతీః ప్రబోధ్య
స సాంత్వయామాస మహేశి భక్తః || ౧౭-౭ ||
జనేషు పశ్యత్సు సుదర్శనోఽత్ర
త్వాం పూజయిత్వా గురుణాఽభిషిక్తః |
రాజ్యే త్వదీయం గృహమాశు కృత్వా
పూజావిధానాది చ సంవృధత్త || ౧౭-౮ ||
తస్మిన్ నృపే త్వత్సదనాని కృత్వా
జనాః ప్రతిగ్రామమపూజయంస్త్వామ్ |
కాశ్యాం సుబాహుశ్చ తథాఽకరోత్తే
సర్వత్ర పేతుః కరుణాకటాక్షాః || ౧౭-౯ ||
న కర్మణా న ప్రజయా ధనేన
న యోగసాంఖ్యాదివిచింతయా చ |
న చ వ్రతేనాపి సుఖానుభూతి-
-ర్భక్త్యైవ మర్త్యః సుఖమేతి మాతః || ౧౭-౧౦ ||
నాహం సుబాహుశ్చ సుదర్శనశ్చ
న మే భరద్వాజమునిః శరణ్యః |
గురుః సుహృద్బంధురపి త్వమేవ
మహేశ్వరి త్వాం సతతం నమామి || ౧౭-౧౧ ||
అష్టాదశ దశకమ్ (౧౮) – రామ కథా >>
సంపూర్ణ దేవీ నారాయణీయం (41 దశకాలు) చూడండి.
గమనిక: రాబోయే ధనుర్మాసం సందర్భంగా "శ్రీ కృష్ణ స్తోత్రనిధి" ముద్రించుటకు ఆలోచన చేయుచున్నాము. ఇటీవల మేము "శ్రీ సాయి స్తోత్రనిధి" పుస్తకము విడుదల చేశాము.
Chant other stotras in తెలుగు, ಕನ್ನಡ, தமிழ், देवनागरी, english.
Did you see any mistake/variation in the content above? Click here to report mistakes and corrections in Stotranidhi content.
