Read in తెలుగు / ಕನ್ನಡ / தமிழ் / देवनागरी / English (IAST)
<< ಸಪ್ತದಶ ದಶಕಮ್ (೧೭) ಸುದರ್ಶನ ಕೋಸಲಪ್ರಾಪ್ತಿಃ
|| ರಾಮ ಕಥಾ ||
ಸೂರ್ಯಾನ್ವಯೇ ದಾಶರಥೀ ರಮೇಶೋ
ರಾಮಾಭಿಧೋಽಭೂದ್ಭರತೋಽಥ ಜಾತಃ |
ಜ್ಯೇಷ್ಟಾನುವರ್ತೀ ಖಲು ಲಕ್ಷ್ಮಣಶ್ಚ
ಶತ್ರುಘ್ನನಾಮಾಽಪಿ ಜಗದ್ವಿಧಾತ್ರಿ || ೧೮-೧ ||
ವಿಮಾತೃವಾಕ್ಯೋಜ್ಝಿತರಾಜ್ಯಭೋಗೋ
ರಾಮಃ ಸಸೀತಃ ಸಹಲಕ್ಷ್ಮಣಶ್ಚ |
ಚರನ್ ಜಟಾವಲ್ಕಲವಾನರಣ್ಯೇ
ಗೋದಾವರೀತೀರಮವಾಪ ದೇವಿ || ೧೮-೨ ||
ತಂ ವಂಚಯನ್ ರಾವಣ ಏತ್ಯ ಮಾಯೀ
ಜಹಾರ ಸೀತಾಂ ಯತಿರೂಪಧಾರೀ |
ರಾಮಸ್ಯ ಪತ್ನೀವಿರಹಾತುರಸ್ಯ
ಶ್ರುತ್ವಾ ವಿಲಾಪಂ ವನಮಪ್ಯರೋದೀತ್ || ೧೮-೩ ||
ಶ್ರೀನಾರದೋಽಭ್ಯೇತ್ಯ ಜಗಾದ ರಾಮಂ
ಕಿಂ ರೋದಿಷಿ ಪ್ರಾಕೃತಮರ್ತ್ಯತುಲ್ಯಃ |
ತ್ವಂ ರಾವಣಂ ಹಂತುಮಿಹಾವತೀರ್ಣೋ
ಹರಿಃ ಕಥಂ ವಿಸ್ಮರಸೀದಮಾರ್ಯ || ೧೮-೪ ||
ಕೃತೇ ಯುಗೇ ವೇದವತೀತಿ ಕನ್ಯಾ
ಹರಿಂ ಶ್ರುತಿಜ್ಞಾ ಪತಿಮಾಪ್ತುಮೈಚ್ಛತ್ |
ಸಾ ಪುಷ್ಕರದ್ವೀಪಗತಾ ತದರ್ಥ-
-ಮೇಕಾಕಿನೀ ತೀವ್ರತಪಶ್ಚಕಾರ || ೧೮-೫ ||
ಶ್ರುತಾ ತಯಾಽಭೂದಶರೀರಿವಾಕ್ತೇ
ಹರಿಃ ಪತಿರ್ಭಾವಿನಿ ಜನ್ಮನಿ ಸ್ಯಾತ್ |
ನಿಶಮ್ಯ ತದ್ಧೃಷ್ಟಮನಾಸ್ತಥೈವ
ಕೃತ್ವಾ ತಪಸ್ತತ್ರ ನಿನಾಯ ಕಾಲಮ್ || ೧೮-೬ ||
ತಾಂ ರಾವಣಃ ಕಾಮಶರಾರ್ದಿತಃ ಸಂ-
-ಶ್ಚಕರ್ಷ ಸಾ ಚ ಸ್ತವನೇನ ದೇವೀಮ್ |
ಪ್ರಸಾದ್ಯ ಕೋಪಾರುಣಲೋಚನಾಭ್ಯಾಂ
ನಿರೀಕ್ಷ್ಯ ತಂ ನಿಶ್ಚಲಮಾತತಾನ || ೧೮-೭ ||
ಶಶಾಪ ತಂ ಚ ತ್ವಮರೇ ಮದರ್ಥೇ
ಸಬಾಂಧವೋ ರಾಕ್ಷಸ ನಂಕ್ಷ್ಯಸೀತಿ |
ಸ್ವಂ ಕೌಣಪಸ್ಪೃಷ್ಟಮಶುದ್ಧದೇಹಂ
ಯೋಗೇನ ಸದ್ಯೋ ವಿಜಹೌ ಸತೀ ಸಾ || ೧೮-೮ ||
ಜಾತಾ ಪುನಃ ಸಾ ಮಿಥಿಲೇಶಕನ್ಯಾ
ಕಾಲೇ ಹರಿಂ ತ್ವಾಂ ಪತಿಮಾಪ ದೈವಾತ್ |
ಸ ಹನ್ಯತಾಂ ಸತ್ವರಮಾಶರೇಂದ್ರ-
-ಸ್ತನ್ನಾಶಕಾಲಸ್ತು ಸಮಾಗತಶ್ಚ || ೧೮-೯ ||
ತದರ್ಥಮಾರಾಧಯ ಲೋಕನಾಥಾಂ
ನವಾಹಯಜ್ಞೇನ ಕೃತೋಪವಾಸಃ |
ಪ್ರಸಾದ್ಯ ತಾಮೇವ ಸುರಾ ನರಾಶ್ಚ
ಕಾಮಾನ್ ಲಭಂತೇ ಶುಭಮೇವ ತೇ ಸ್ಯಾತ್ || ೧೮-೧೦ ||
ಇತ್ಯೂಚಿವಾಂಸಂ ಮುನಿಮೇವ ರಾಮ
ಆಚಾರ್ಯಮಾಕಲ್ಪ್ಯ ಸಲಕ್ಷ್ಮಣಸ್ತ್ವಾಮ್ |
ಸಂಪೂಜ್ಯ ಸುಸ್ಮೇರಮುಖೀಂ ವ್ರತಾಂತೇ
ಸಿಂಹಾಧಿರೂಢಾಂ ಚ ಪುರೋ ದದರ್ಶ || ೧೮-೧೧ ||
ಭಕ್ತ್ಯಾ ನತಂ ತಂ ದ್ರುತಮಾತ್ಥ ರಾಮ
ಹರಿಸ್ತ್ವಮಂಶೇನ ಮದಾಜ್ಞಯೈವ |
ಜಾತೋ ನರತ್ವೇನ ದಶಾಸ್ಯಹತ್ಯೈ
ದದಾಮಿ ತಚ್ಛಕ್ತಿಮಹಂ ತವೇಹ || ೧೮-೧೨ ||
ಶ್ರುತ್ವಾ ತವೋಕ್ತಿಂ ಸ ಹನೂಮದಾದ್ಯೈಃ
ಸಾಕಂ ಕಪೀಂದ್ರೈಃ ಕೃತಸೇತುಬಂಧಃ |
ಲಂಕಾಂ ಪ್ರವಿಷ್ಟೋ ಹತರಾವಣಾದ್ಯಃ
ಪುರೀಮಯೋಧ್ಯಾಮಗಮತ್ಸಸೀತಃ || ೧೮-೧೩ ||
ಹಾ ದೇವಿ ಭಕ್ತಿರ್ನ ಹಿ ಮೇ ಗುರುಶ್ಚ
ನ ಚೈವ ವಸ್ತುಗ್ರಹಣೇ ಪಟುತ್ವಮ್ |
ಸತ್ಸಂಗತಿಶ್ಚಾಪಿ ನ ತೇ ಪತಂತು
ಕೃಪಾಕಟಾಕ್ಷಾ ಮಯಿ ತೇ ನಮೋಽಸ್ತು || ೧೮-೧೪ ||
ಏಕೋನವಿಂಶ ದಶಕಮ್ (೧೯) – ಭೂಮ್ಯಾಃ ದುಃಖಮ್ >>
ಸಂಪೂರ್ಣ ದೇವೀ ನಾರಾಯಣೀಯಂ ನೋಡಿ.
గమనిక : మా తదుపరి ప్రచురణ "శ్రీ దక్షిణామూర్తి స్తోత్రనిధి" పుస్తకము ప్రింటు చేయుటకు ఆలోచన చేయుచున్నాము.
పైరసీ ప్రకటన : శ్రీఆదిపూడి వెంకటశివసాయిరామ్ గారు మరియు నాగేంద్రాస్ న్యూ గొల్లపూడి వీరాస్వామి సన్ కలిసి స్తోత్రనిధి పుస్తకాలను ఉన్నది ఉన్నట్టు కాపీచేసి, పేరు మార్చి అమ్ముతున్నారు. దయచేసి గమనించగలరు.
Chant other stotras in తెలుగు, ಕನ್ನಡ, தமிழ், देवनागरी, english.
Did you see any mistake/variation in the content above? Click here to report mistakes and corrections in Stotranidhi content.
