Read in తెలుగు / ಕನ್ನಡ / தமிழ் / देवनागरी / English (IAST)
ನಾರದ ಉವಾಚ |
ಇಂದ್ರಾದಿದೇವವೃಂದೇಶ ಈಡ್ಯೇಶ್ವರ ಜಗತ್ಪತೇ |
ಮಹಾವಿಷ್ಣೋರ್ನೃಸಿಂಹಸ್ಯ ಕವಚಂ ಬ್ರೂಹಿ ಮೇ ಪ್ರಭೋ |
ಯಸ್ಯ ಪ್ರಪಠನಾದ್ವಿದ್ವಾಂಸ್ತ್ರೈಲೋಕ್ಯವಿಜಯೀ ಭವೇತ್ || ೧ ||
ಬ್ರಹ್ಮೋವಾಚ |
ಶೃಣು ನಾರದ ವಕ್ಷ್ಯಾಮಿ ಪುತ್ರಶ್ರೇಷ್ಠ ತಪೋಧನ |
ಕವಚಂ ನರಸಿಂಹಸ್ಯ ತ್ರೈಲೋಕ್ಯವಿಜಯೀ ಭವೇತ್ || ೨ ||
ಸ್ರಷ್ಟಾಽಹಂ ಜಗತಾಂ ವತ್ಸ ಪಠನಾದ್ಧಾರಣಾದ್ಯತಃ |
ಲಕ್ಷ್ಮೀರ್ಜಗತ್ತ್ರಯಂ ಪಾತಿ ಸಂಹರ್ತಾ ಚ ಮಹೇಶ್ವರಃ || ೩ ||
ಪಠನಾದ್ಧಾರಣಾದ್ದೇವಾ ಬಹವಶ್ಚ ದಿಗೀಶ್ವರಾಃ |
ಬ್ರಹ್ಮಮಂತ್ರಮಯಂ ವಕ್ಷ್ಯೇ ಭ್ರಾಂತ್ಯಾದಿವಿನಿವಾರಕಮ್ || ೪ ||
ಯಸ್ಯ ಪ್ರಸಾದಾದ್ದುರ್ವಾಸಾಸ್ತ್ರೈಲೋಕ್ಯವಿಜಯೀ ಭವೇತ್ |
ಪಠನಾದ್ಧಾರಣಾದ್ಯಸ್ಯ ಶಾಸ್ತಾ ಚ ಕ್ರೋಧಭೈರವಃ || ೫ ||
ತ್ರೈಲೋಕ್ಯವಿಜಯಸ್ಯಾಸ್ಯ ಕವಚಸ್ಯ ಪ್ರಜಾಪತಿಃ |
ಋಷಿಶ್ಛಂದಸ್ತು ಗಾಯತ್ರೀ ನೃಸಿಂಹೋ ದೇವತಾ ವಿಭುಃ || ೬ ||
ಚತುರ್ವರ್ಗೇ ಚ ಶಾಂತೌ ಚ ವಿನಿಯೋಗಃ ಪ್ರಕೀರ್ತಿತಃ |
ಕ್ಷ್ರೌಂ ಬೀಜಂ ಮೇ ಶಿರಃ ಪಾತು ಚಂದ್ರವರ್ಣೋ ಮಹಾಮನುಃ || ೭ ||
ಓಂ ಉಗ್ರಂ ವೀರಂ ಮಹಾವಿಷ್ಣುಂ ಜ್ವಲಂತಂ ಸರ್ವತೋಮುಖಮ್ |
ನೃಸಿಂಹಂ ಭೀಷಣಂ ಭದ್ರಂ ಮೃತ್ಯುಮೃತ್ಯುಂ ನಮಾಮ್ಯಹಮ್ || ೮ ||
ದ್ವಾತ್ರಿಂಶದಕ್ಷರೋ ಮಂತ್ರೋ ಮಂತ್ರರಾಜಃ ಸುರದ್ರುಮಃ |
ಕಂಠಂ ಪಾತು ಧ್ರುವಂ ಕ್ಷ್ರೌಂ ಹೃದ್ಭಗವತೇ ಚಕ್ಷುಷೀ ಮಮ || ೯ ||
ನರಸಿಂಹಾಯ ಚ ಜ್ವಾಲಾಮಾಲಿನೇ ಪಾತು ಕರ್ಣಕಮ್ |
ದೀಪ್ತದಂಷ್ಟ್ರಾಯ ಚ ತಥಾ ಅಗ್ನಿನೇತ್ರಾಯ ನಾಸಿಕಾಮ್ || ೧೦ ||
ಸರ್ವರಕ್ಷೋಘ್ನಾಯ ತಥಾ ಸರ್ವಭೂತಹಿತಾಯ ಚ |
ಸರ್ವಜ್ವರವಿನಾಶಾಯ ದಹ ದಹ ಪದದ್ವಯಮ್ || ೧೧ ||
ರಕ್ಷ ರಕ್ಷ ವರ್ಮಮಂತ್ರಃ ಸ್ವಾಹಾ ಪಾತು ಮುಖಂ ಮಮ |
ತಾರಾದಿರಾಮಚಂದ್ರಾಯ ನಮಃ ಪಾತು ಹೃದಂ ಮಮ || ೧೨ ||
ಕ್ಲೀಂ ಪಾಯಾತ್ ಪಾರ್ಶ್ವಯುಗ್ಮಂ ಚ ತಾರೋ ನಮಃ ಪದಂ ತತಃ |
ನಾರಾಯಣಾಯ ನಾಭಿಂ ಚ ಆಂ ಹ್ರೀಂ ಕ್ರೋಂ ಕ್ಷ್ರೌಂ ಚ ಹುಂ ಫಟ್ || ೧೩ ||
ಷಡಕ್ಷರಃ ಕಟಿಂ ಪಾತು ಓಂ ನಮೋ ಭಗವತೇ ಪದಮ್ |
ವಾಸುದೇವಾಯ ಚ ಪೃಷ್ಠಂ ಕ್ಲೀಂ ಕೃಷ್ಣಾಯ ಉರುದ್ವಯಮ್ || ೧೪ ||
ಕ್ಲೀಂ ಕೃಷ್ಣಾಯ ಸದಾ ಪಾತು ಜಾನುನೀ ಚ ಮನೂತ್ತಮಃ |
ಕ್ಲೀಂ ಗ್ಲೌಂ ಕ್ಲೀಂ ಶ್ಯಾಮಲಾಂಗಾಯ ನಮಃ ಪಾಯಾತ್ ಪದದ್ವಯಮ್ || ೧೫ ||
ಕ್ಷ್ರೌಂ ನೃಸಿಂಹಾಯ ಕ್ಷ್ರೌಂ ಹ್ರೀಂ ಚ ಸರ್ವಾಂಗಂ ಮೇ ಸದಾಽವತು |
ಇತಿ ತೇ ಕಥಿತಂ ವತ್ಸ ಸರ್ವಮಂತ್ರೌಘವಿಗ್ರಹಮ್ || ೧೬ ||
ತವ ಸ್ನೇಹಾನ್ಮಯಾ ಖ್ಯಾತಂ ಪ್ರವಕ್ತವ್ಯಂ ನ ಕಸ್ಯಚಿತ್ |
ಗುರುಪೂಜಾಂ ವಿಧಾಯಾಥ ಗೃಹ್ಣೀಯಾತ್ ಕವಚಂ ತತಃ || ೧೭ ||
ಸರ್ವಪುಣ್ಯಯುತೋ ಭೂತ್ವಾ ಸರ್ವಸಿದ್ಧಿಯುತೋ ಭವೇತ್ |
ಶತಮಷ್ಟೋತ್ತರಂ ಚಾಸ್ಯ ಪುರಶ್ಚರ್ಯಾವಿಧಿಃ ಸ್ಮೃತಃ || ೧೮ ||
ಹವನಾದೀನ್ ದಶಾಂಶೇನ ಕೃತ್ವಾ ಸತ್ಸಾಧಕೋತ್ತಮಃ |
ತತಸ್ತು ಸಿದ್ಧಕವಚೋ ರೂಪೇಣ ಮದನೋಪಮಃ || ೧೯ ||
ಸ್ಪರ್ಧಾಮುದ್ಧೂಯ ಭವನೇ ಲಕ್ಷ್ಮೀರ್ವಾಣೀ ವಸೇನ್ಮುಖೇ |
ಪುಷ್ಪಾಂಜಲ್ಯಷ್ಟಕಂ ದತ್ತ್ವಾ ಮೂಲೇನೈವ ಪಠೇತ್ ಸಕೃತ್ || ೨೦ ||
ಅಪಿ ವರ್ಷಸಹಸ್ರಾಣಾಂ ಪೂಜಾನಾಂ ಫಲಮಾಪ್ನುಯಾತ್ |
ಭೂರ್ಜೇ ವಿಲಿಖ್ಯ ಗುಟಿಕಾಂ ಸ್ವರ್ಣಸ್ಥಾಂ ಧಾರಯೇದ್ಯದಿ || ೨೧ ||
ಕಂಠೇ ವಾ ದಕ್ಷಿಣೇ ಬಾಹೌ ನರಸಿಂಹೋ ಭವೇತ್ ಸ್ವಯಮ್ |
ಯೋಷಿದ್ವಾಮಭುಜೇ ಚೈವ ಪುರುಷೋ ದಕ್ಷಿಣೇ ಕರೇ || ೨೨ ||
ಬಿಭೃಯಾತ್ ಕವಚಂ ಪುಣ್ಯಂ ಸರ್ವಸಿದ್ಧಿಯುತೋ ಭವೇತ್ |
ಕಾಕವಂಧ್ಯಾ ಚ ಯಾ ನಾರೀ ಮೃತವತ್ಸಾ ಚ ಯಾ ಭವೇತ್ || ೨೩ ||
ಜನ್ಮವಂಧ್ಯಾ ನಷ್ಟಪುತ್ರಾ ಬಹುಪುತ್ರವತೀ ಭವೇತ್ |
ಕವಚಸ್ಯ ಪ್ರಸಾದೇನ ಜೀವನ್ಮುಕ್ತೋ ಭವೇನ್ನರಃ || ೨೪ ||
ತ್ರೈಲೋಕ್ಯಂ ಕ್ಷೋಭಯತ್ಯೇವಂ ತ್ರೈಲೋಕ್ಯವಿಜಯೀ ಭವೇತ್ |
ಭೂತಪ್ರೇತಪಿಶಾಚಾಶ್ಚ ರಾಕ್ಷಸಾ ದಾನವಾಶ್ಚ ಯೇ || ೨೫ ||
ತಂ ದೃಷ್ಟ್ವಾ ಪ್ರಪಲಾಯಂತೇ ದೇಶಾದ್ದೇಶಾಂತರಂ ಧ್ರುವಮ್ |
ಯಸ್ಮಿನ್ ಗೃಹೇ ಚ ಕವಚಂ ಗ್ರಾಮೇ ವಾ ಯದಿ ತಿಷ್ಠತಿ |
ತದ್ದೇಶಂ ತು ಪರಿತ್ಯಜ್ಯ ಪ್ರಯಾಂತಿ ಹ್ಯಾತಿದೂರತಃ || ೨೬ ||
ಇತಿ ಶ್ರೀಬ್ರಹ್ಮಸಂಹಿತಾಯಾಂ ಸಪ್ತದಶೋಽಧ್ಯಾಯೇ ತ್ರೈಲೋಕ್ಯವಿಜಯಂ ನಾಮ ಶ್ರೀ ನೃಸಿಂಹ ಕವಚಮ್ |
ಇನ್ನಷ್ಟು ಶ್ರೀ ನೃಸಿಂಹ ಸ್ತೋತ್ರಗಳು ನೋಡಿ.
మా ప్రచురణ: "శ్రీ బగళాముఖీ స్తోత్రనిధి (తాత్పర్య సహితం)" ప్రింటింగు పూర్తి అయి కొనుగోలుకు సిద్ధంగా ఉంది.
స్తోత్రనిధి (తెలుగు) వాట్సాప్ ఛానల్ : మా తెలుగు వాట్సాప్ ఛానల్ ని ఫాలో చేయడానికి ఇక్కడ క్లిక్ చేయండి.
Support this Dharma Karya : If you find value in the Stotranidhi collection, please consider supporting this work. You can make a contribution through these links - PhonePe/GooglePay/BHIM (within India) or Paypal (outside India)
Buy Prabhata Stotranidhi Book: A single book with important stotras of Devatas is available in 4 languages - "తెలుగు" , "ಕನ್ನಡ" , "देवनागरि" , "English (IAST)".
విప్రులకు, ద్విజులకు విజ్ఞప్తి : మంత్ర అనుష్ఠానం లేక నేటి కాలంలో ధర్మాచరణ క్షీణిస్తూ ఉన్నది. దయచేసి మీకు ఉపదేశం ఉన్న మంత్రం కనీసం లక్ష జపం చేయండి. మీకు అతిదగ్గరలో ఉన్న దేవాలయానికి ప్రతిరోజూ వెళ్ళి అక్కడి దేవత మంత్రాన్ని కనీసం 108 జపంచేసి, ఆ దేవత బలాన్ని వృద్ధి చేయండి. దేవత అనుగ్రహం ఉంటేనే ఆ ప్రాంతంలో ధర్మం వర్ధిల్లుతుంది.
Important message to Dharmikas : Please visit your nearest Devalayam and chant mantra of that Devata atleast 108 times daily in that temple. When Devata becomes powerful, it will automatically protect Dharma.
Chant other stotras in తెలుగు, ಕನ್ನಡ, தமிழ், देवनागरी, english.
Did you see any mistake/variation in the content above? Click here to report mistakes and corrections in Stotranidhi content.
