Trailokya Vijaya Narasimha Kavacham – ஶ்ரீ ந்ருஸிம்ஹ கவசம் (த்ரைலோக்யவிஜயம்)


நாரத³ உவாச ।
இந்த்³ராதி³தே³வவ்ருந்தே³ஶ ஈட்³யேஶ்வர ஜக³த்பதே ।
மஹாவிஷ்ணோர்ந்ருஸிம்ஹஸ்ய கவசம் ப்³ரூஹி மே ப்ரபோ⁴ ।
யஸ்ய ப்ரபட²நாத்³வித்³வாம்ஸ்த்ரைலோக்யவிஜயீ ப⁴வேத் ॥ 1 ॥

ப்³ரஹ்மோவாச ।
ஶ்ருணு நாரத³ வக்ஷ்யாமி புத்ரஶ்ரேஷ்ட² தபோத⁴ந ।
கவசம் நரஸிம்ஹஸ்ய த்ரைலோக்யவிஜயீ ப⁴வேத் ॥ 2 ॥

ஸ்ரஷ்டா(அ)ஹம் ஜக³தாம் வத்ஸ பட²நாத்³தா⁴ரணாத்³யத꞉ ।
லக்ஷ்மீர்ஜக³த்த்ரயம் பாதி ஸம்ஹர்தா ச மஹேஶ்வர꞉ ॥ 3 ॥

பட²நாத்³தா⁴ரணாத்³தே³வா ப³ஹவஶ்ச தி³கீ³ஶ்வரா꞉ ।
ப்³ரஹ்மமந்த்ரமயம் வக்ஷ்யே ப்⁴ராந்த்யாதி³விநிவாரகம் ॥ 4 ॥

யஸ்ய ப்ரஸாதா³த்³து³ர்வாஸாஸ்த்ரைலோக்யவிஜயீ ப⁴வேத் ।
பட²நாத்³தா⁴ரணாத்³யஸ்ய ஶாஸ்தா ச க்ரோத⁴பை⁴ரவ꞉ ॥ 5 ॥

த்ரைலோக்யவிஜயஸ்யாஸ்ய கவசஸ்ய ப்ரஜாபதி꞉ ।
ருஷிஶ்ச²ந்த³ஸ்து கா³யத்ரீ ந்ருஸிம்ஹோ தே³வதா விபு⁴꞉ ॥ 6 ॥

சதுர்வர்கே³ ச ஶாந்தௌ ச விநியோக³꞉ ப்ரகீர்தித꞉ ।
க்ஷ்ரௌம் பீ³ஜம் மே ஶிர꞉ பாது சந்த்³ரவர்ணோ மஹாமநு꞉ ॥ 7 ॥

ஓம் உக்³ரம் வீரம் மஹாவிஷ்ணும் ஜ்வலந்தம் ஸர்வதோமுக²ம் ।
ந்ருஸிம்ஹம் பீ⁴ஷணம் ப⁴த்³ரம் ம்ருத்யும்ருத்யும் நமாம்யஹம் ॥ 8 ॥

த்³வாத்ரிம்ஶத³க்ஷரோ மந்த்ரோ மந்த்ரராஜ꞉ ஸுரத்³ரும꞉ ।
கண்ட²ம் பாது த்⁴ருவம் க்ஷ்ரௌம் ஹ்ருத்³ப⁴க³வதே சக்ஷுஷீ மம ॥ 9 ॥

நரஸிம்ஹாய ச ஜ்வாலாமாலிநே பாது கர்ணகம் ।
தீ³ப்தத³ம்ஷ்ட்ராய ச ததா² அக்³நிநேத்ராய நாஸிகாம் ॥ 10 ॥

ஸர்வரக்ஷோக்⁴நாய ததா² ஸர்வபூ⁴தஹிதாய ச ।
ஸர்வஜ்வரவிநாஶாய த³ஹ த³ஹ பத³த்³வயம் ॥ 11 ॥

ரக்ஷ ரக்ஷ வர்மமந்த்ர꞉ ஸ்வாஹா பாது முக²ம் மம ।
தாராதி³ராமசந்த்³ராய நம꞉ பாது ஹ்ருத³ம் மம ॥ 12 ॥

க்லீம் பாயாத் பார்ஶ்வயுக்³மம் ச தாரோ நம꞉ பத³ம் தத꞉ ।
நாராயணாய நாபி⁴ம் ச ஆம் ஹ்ரீம் க்ரோம் க்ஷ்ரௌம் ச ஹும் ப²ட் ॥ 13 ॥

ஷட³க்ஷர꞉ கடிம் பாது ஓம் நமோ ப⁴க³வதே பத³ம் ।
வாஸுதே³வாய ச ப்ருஷ்ட²ம் க்லீம் க்ருஷ்ணாய உருத்³வயம் ॥ 14 ॥

க்லீம் க்ருஷ்ணாய ஸதா³ பாது ஜாநுநீ ச மநூத்தம꞉ ।
க்லீம் க்³ளௌம் க்லீம் ஶ்யாமளாங்கா³ய நம꞉ பாயாத் பத³த்³வயம் ॥ 15 ॥

க்ஷ்ரௌம் ந்ருஸிம்ஹாய க்ஷ்ரௌம் ஹ்ரீம் ச ஸர்வாங்க³ம் மே ஸதா³(அ)வது ।
இதி தே கதி²தம் வத்ஸ ஸர்வமந்த்ரௌக⁴விக்³ரஹம் ॥ 16 ॥

தவ ஸ்நேஹாந்மயா க்²யாதம் ப்ரவக்தவ்யம் ந கஸ்யசித் ।
கு³ருபூஜாம் விதா⁴யாத² க்³ருஹ்ணீயாத் கவசம் தத꞉ ॥ 17 ॥

ஸர்வபுண்யயுதோ பூ⁴த்வா ஸர்வஸித்³தி⁴யுதோ ப⁴வேத் ।
ஶதமஷ்டோத்தரம் சாஸ்ய புரஶ்சர்யாவிதி⁴꞉ ஸ்ம்ருத꞉ ॥ 18 ॥

ஹவநாதீ³ந் த³ஶாம்ஶேந க்ருத்வா ஸத்ஸாத⁴கோத்தம꞉ ।
ததஸ்து ஸித்³த⁴கவசோ ரூபேண மத³நோபம꞉ ॥ 19 ॥

ஸ்பர்தா⁴முத்³தூ⁴ய ப⁴வநே லக்ஷ்மீர்வாணீ வஸேந்முகே² ।
புஷ்பாஞ்ஜல்யஷ்டகம் த³த்த்வா மூலேநைவ படே²த் ஸக்ருத் ॥ 20 ॥

அபி வர்ஷஸஹஸ்ராணாம் பூஜாநாம் ப²லமாப்நுயாத் ।
பூ⁴ர்ஜே விளிக்²ய கு³டிகாம் ஸ்வர்ணஸ்தா²ம் தா⁴ரயேத்³யதி³ ॥ 21 ॥

கண்டே² வா த³க்ஷிணே பா³ஹௌ நரஸிம்ஹோ ப⁴வேத் ஸ்வயம் ।
யோஷித்³வாமபு⁴ஜே சைவ புருஷோ த³க்ஷிணே கரே ॥ 22 ॥

பி³ப்⁴ருயாத் கவசம் புண்யம் ஸர்வஸித்³தி⁴யுதோ ப⁴வேத் ।
காகவந்த்⁴யா ச யா நாரீ ம்ருதவத்ஸா ச யா ப⁴வேத் ॥ 23 ॥

ஜந்மவந்த்⁴யா நஷ்டபுத்ரா ப³ஹுபுத்ரவதீ ப⁴வேத் ।
கவசஸ்ய ப்ரஸாதே³ந ஜீவந்முக்தோ ப⁴வேந்நர꞉ ॥ 24 ॥

த்ரைலோக்யம் க்ஷோப⁴யத்யேவம் த்ரைலோக்யவிஜயீ ப⁴வேத் ।
பூ⁴தப்ரேதபிஶாசாஶ்ச ராக்ஷஸா தா³நவாஶ்ச யே ॥ 25 ॥

தம் த்³ருஷ்ட்வா ப்ரபலாயந்தே தே³ஶாத்³தே³ஶாந்தரம் த்⁴ருவம் ।
யஸ்மிந் க்³ருஹே ச கவசம் க்³ராமே வா யதி³ திஷ்ட²தி ।
தத்³தே³ஶம் து பரித்யஜ்ய ப்ரயாந்தி ஹ்யாதிதூ³ரத꞉ ॥ 26 ॥

இதி ஶ்ரீப்³ரஹ்மஸம்ஹிதாயாம் ஸப்தத³ஶோ(அ)த்⁴யாயே த்ரைலோக்யவிஜயம் நாம ஶ்ரீ ந்ருஸிம்ஹ கவசம் ।


மேலும் ஶ்ரீ ந்ருஸிம்ஹ ஸ்தோத்திரங்கள் பார்க்க.


గమనిక: మా రెండు పుస్తకాలు - "నవగ్రహ స్తోత్రనిధి" మరియు "శ్రీ సూర్య స్తోత్రనిధి", విడుదల చేశాము. కొనుగోలుకు ఇప్పుడు అందుబాటులో ఉన్నాయి.

Did you see any mistake/variation in the content above? Click here to report mistakes and corrections in Stotranidhi content.

Facebook Comments
error: Not allowed