Sri Lakshmi Narasimha Ashtakam – ஶ்ரீ லக்ஷ்மீந்ருஸிம்ஹாஷ்டகம்

ஸ்தோத்ரநிதி → ஶ்ரீ ந்ருஸிம்ஹ ஸ்தோத்திரங்கள் → ஶ்ரீ லக்ஷ்மீந்ருஸிம்ஹாஷ்டகம்

யம் த்⁴யாயஸே ஸ க்வ தவாஸ்தி தே³வ
இத்யுக்த ஊசே பிதரம் ஸஶஸ்த்ரம் ।
ப்ரஹ்லாத³ ஆஸ்தேகி²லகோ³ ஹரி꞉ ஸ
லக்ஷ்மீந்ருஸிம்ஹோ(அ)வது மாம் ஸமந்தாத் ॥ 1 ॥

ததா³ பதா³தாட³யதா³தி³தை³த்ய꞉
ஸ்தம்ப⁴ம் ததோ(அ)ஹ்நாய கு⁴ரூருஶப்³த³ம் ।
சகார யோ லோகப⁴யங்கரம் ஸ
லக்ஷ்மீந்ருஸிம்ஹோ(அ)வது மாம் ஸமந்தாத் ॥ 2 ॥

ஸ்தம்ப⁴ம் விநிர்பி⁴த்³ய விநிர்க³தோ யோ
ப⁴யங்கராகார உத³ஸ்தமேக⁴꞉ ।
ஜடாநிபாதை꞉ ஸ ச துங்க³கர்ணோ
லக்ஷ்மீந்ருஸிம்ஹோ(அ)வது மாம் ஸமந்தாத் ॥ 3 ॥

பஞ்சாநநாஸ்யோ மநுஜாக்ருதிர்யோ
ப⁴யங்கரஸ்தீக்ஷ்ணநகா²யுதோ⁴(அ)ரிம் ।
த்⁴ருத்வா நிஜோர்வோர்வித³தா³ர ஸோ(அ)ஸௌ
லக்ஷ்மீந்ருஸிம்ஹோ(அ)வது மாம் ஸமந்தாத் ॥ 4 ॥

வரப்ரதோ³க்தேரவிரோத⁴தோ(அ)ரிம்
ஜகா⁴ந ப்⁴ருத்யோக்தம்ருதம் ஹி குர்வந் ।
ஸ்ரக்³வத்தத³ந்த்ரம் நித³தௌ⁴ ஸ்வகண்டே²
லக்ஷ்மீந்ருஸிம்ஹோ(அ)வது மாம் ஸமந்தாத் ॥ 5 ॥

விசித்ரதே³ஹோ(அ)பி விசித்ரகர்மா
விசித்ரஶக்தி꞉ ஸ ச கேஸரீஹ ।
பாபம் ச தாபம் விநிவார்ய து³꞉க²ம்
லக்ஷ்மீந்ருஸிம்ஹோ(அ)வது மாம் ஸமந்தாத் ॥ 6 ॥

ப்ரஹ்லாத³꞉ க்ருதக்ருத்யோ(அ)பூ⁴த்³யத்க்ருபாலேஶதோ(அ)மரா꞉ ।
நிஷ்கண்டகம் ஸ்வதா⁴மாபு꞉ ஶ்ரீந்ருஸிம்ஹ꞉ ஸ பாது மாம் ॥ 7 ॥

த³ம்ஷ்ட்ராகராளவத³நோ ரிபூணாம் ப⁴யக்ருத்³ப⁴யம் ।
இஷ்டதோ³ ஹரதி ஸ்வஸ்ய வாஸுதே³வ꞉ ஸ பாது மாம் ॥ 8 ॥

இதி ஶ்ரீமத்பரமஹம்ஸ பரிவ்ராஜகாசார்ய ஶ்ரீவாஸுதே³வாநந்த³ஸரஸ்வதீ விரசிதம் ஶ்ரீ லக்ஷ்மீந்ருஸிம்ஹாஷ்டகம் ।

---

மேலும் ஶ்ரீ ந்ருஸிம்ஹ ஸ்தோத்திரங்கள் பார்க்க.

Did you see any mistake/variation in the content above? Click here to report mistakes and corrections in Stotranidhi content.