Read in తెలుగు / ಕನ್ನಡ / தமிழ் / देवनागरी / English (IAST)
ಬ್ರಾಹ್ಮಣ್ಯೈ ಯೋ ಮಂಕ್ಷು ಭಿಕ್ಷಾನ್ನತೋಭೂ-
-ತ್ಪ್ರೀತಸ್ತಸ್ಯಾ ಯಃ ಕೃಪಾರ್ದ್ರಃ ಸುತೋಽಭೂತ್ |
ವಿಸ್ಮೃತ್ಯಾಸ್ಮಾನ್ ಕಿಂ ಸ ಗಾಢಂ ನಿದದ್ರೌ
ಶ್ರೀಪಾದದ್ರೌ ವಾಪದಾಹಾನಿದದ್ರೌ || ೧ ||
ಆಶ್ವಾಸ್ಯಾಂಬಾಂ ಪ್ರವ್ರಜನ್ನಗ್ರಜಾನ್ಯಃ
ಕೃತ್ವಾ ಸ್ವಂಗಾನ್ ಸಂಚಚಾರಾರ್ಯಮಾನ್ಯಃ |
ವಿಸ್ಮೃತ್ಯಾಸ್ಮಾನ್ ಕಿಂ ಸ ಗಾಢಂ ನಿದದ್ರೌ
ಶ್ರೀಪಾದದ್ರೌ ವಾಪದಾಹಾನಿದದ್ರೌ || ೨ ||
ಸಾರ್ಭಾ ಮರ್ತುಂ ಯೋದ್ಯತಾ ಸ್ತ್ರೀಸ್ತು ತಸ್ಯಾ
ದುಃಖಂ ಹರ್ತುಂ ತ್ವಂ ಸ್ವಯಂ ತತ್ಸುತಃ ಸ್ಯಾಃ |
ವಿಸ್ಮೃತ್ಯಾಸ್ಮಾನ್ ಕಿಂ ಸ ಗಾಢಂ ನಿದದ್ರೌ
ಶ್ರೀಪಾದದ್ರೌ ವಾಪದಾಹಾನಿದದ್ರೌ || ೩ ||
ರಾಜ್ಯಂ ಯೋಽದಾದಾಶು ನಿರ್ಣೇಜಕಾಯ
ಪ್ರೀತೋ ನತ್ಯಾ ಯಃ ಸ್ವಗುಪ್ತ್ಯೈ ನೃಕಾಯಃ |
ವಿಸ್ಮೃತ್ಯಾಸ್ಮಾನ್ ಕಿಂ ಸ ಗಾಢಂ ನಿದದ್ರೌ
ಶ್ರೀಪಾದದ್ರೌ ವಾಪದಾಹಾನಿದದ್ರೌ || ೪ ||
ಪ್ರೇತಂ ವಿಪ್ರಂ ಜೀವಯಿತ್ವಾಽಸ್ತಜೂರ್ತಿ
ಯಶ್ಚಕ್ರೇ ದಿಕ್ಶಾಲಿನೀಂ ಸ್ವೀಯಕೀರ್ತಿಮ್ |
ವಿಸ್ಮೃತ್ಯಾಸ್ಮಾನ್ ಕಿಂ ಸ ಗಾಢಂ ನಿದದ್ರೌ
ಶ್ರೀಪಾದದ್ರೌ ವಾಪದಾಹಾನಿದದ್ರೌ || ೫ ||
ಇತಿ ಶ್ರೀವಾಸುದೇವಾನಂದಸರಸ್ವತೀ ವಿರಚಿತಂ ಶ್ರೀಪಾದಶ್ರೀವಲ್ಲಭ ಸ್ತೋತ್ರಮ್ |
ಇನ್ನಷ್ಟು ಶ್ರೀ ದತ್ತತ್ರೇಯ ಸ್ತೋತ್ರಗಳು ನೋಡಿ.
గమనిక: ఉగాది నుండి మొదలయ్యే వసంత నవరాత్రుల కోసం "శ్రీ లలితా స్తోత్రనిధి" పారాయణ గ్రంథము అందుబాటులో ఉంది.
Chant other stotras in తెలుగు, ಕನ್ನಡ, தமிழ், देवनागरी, english.
Did you see any mistake/variation in the content above? Click here to report mistakes and corrections in Stotranidhi content.
