Read in తెలుగు / ಕನ್ನಡ / தமிழ் / देवनागरी / English (IAST)
ಅಸ್ಯ ಶ್ರೀಕಾರ್ತವೀರ್ಯಾರ್ಜುನ ಮಾಲಾಮಂತ್ರಸ್ಯ ದತ್ತಾತ್ರೇಯ ಋಷಿಃ ಗಾಯತ್ರೀ ಛಂದಃ ಶ್ರೀಕಾರ್ತವೀರ್ಯಾರ್ಜುನೋ ದೇವತಾ, ದತ್ತಾತ್ರೇಯ ಪ್ರಿಯತಮಾಯ ಹೃತ್, ಮಾಹಿಷ್ಮತೀನಾಥಾಯ ಶಿರಃ, ರೇವಾನದೀಜಲಕ್ರೀಡಾತೃಪ್ತಾಯ ಶಿಖಾ, ಹೈಹಯಾಧಿಪತಯೇ ಕವಚಂ, ಸಹಸ್ರಬಾಹವೇ ಅಸ್ತ್ರಂ, ಕಾರ್ತವೀರ್ಯಾರ್ಜುನ ಪ್ರಸಾದ ಸಿದ್ಧ್ಯರ್ಥೇ ಜಪೇ ವಿನಿಯೋಗಃ |
ಧ್ಯಾನಮ್ –
ದೋರ್ದಂಡೇಷು ಸಹಸ್ರಸಮ್ಮಿತತರೇಷ್ವೇತೇಷ್ವಜಸ್ರಂ ಲಸತ್
ಕೋದಂಡೈಶ್ಚ ಶರೈರುದಗ್ರನಿಶಿತೈರುದ್ಯದ್ವಿವಸ್ವತ್ಪ್ರಭಃ |
ಬ್ರಹ್ಮಾಂಡಂ ಪರಿಪೂರಯನ್ ಸ್ವನಿನದೈರ್ಗಂಡದ್ವಯಾಂದೋಳಿತ
ದ್ಯೋತತ್ಕುಂಡಲಮಂಡಿತೋ ವಿಜಯತೇ ಶ್ರೀಕಾರ್ತವೀರ್ಯೋ ವಿಭುಃ ||
ಅಥ ಮಾಲಾಮಂತ್ರಃ –
ಓಂ ನಮೋ ಭಗವತೇ ಕಾರ್ತವೀರ್ಯಾರ್ಜುನಾಯ ಹೈಹಯಾಧಿಪತಯೇ ಸಹಸ್ರಕವಚಾಯ ಸಹಸ್ರಕರಸದೃಶಾಯ ಸರ್ವದುಷ್ಟಾಂತಕಾಯ ಸರ್ವಶಿಷ್ಟೇಷ್ಟಾಯ | ಸರ್ವತ್ರೋದಧೇರಾಗಂತುಕಾನ್ ಅಸ್ಮದ್ವಸುಲುಂಪಕಾನ್ ಚೋರಸಮೂಹಾನ್ ಸ್ವಕರಸಹಸ್ರೈಃ ನಿವಾರಯ ನಿವಾರಯ ರೋಧಯ ರೋಧಯ ಪಾಶಸಹಸ್ರೈಃ ಬಂಧಯ ಬಂಧಯ ಅಂಕುಶಸಹಸ್ರೈರಾಕುಂಡಯಾಕುಂಡಯ ಸ್ವಚಾಪೋದ್ಗತೈರ್ಬಾಣಸಹಸ್ರೈಃ ಭಿಂಧಿ ಭಿಂಧಿ ಸ್ವಹಸ್ತೋದ್ಗತ ಖಡ್ಗಸಹಸ್ರೈಶ್ಛಿಂದಿ ಛಿಂದಿ ಸ್ವಹಸ್ತೋದ್ಗತಮುಸಲಸಹಸ್ರೈರ್ಮರ್ದಯ ಮರ್ದಯ ಸ್ವಶಂಖೋದ್ಗತನಾದಸಹಸ್ರೈರ್ಭೀಷಯ ಭೀಷಯ ಸ್ವಹಸ್ತೋದ್ಗತಚಕ್ರಸಹಸ್ರೈಃ ಕೃಂತಯ ಕೃಂತಯ ತ್ರಾಸಯ ತ್ರಾಸಯ ಗರ್ಜಯ ಗರ್ಜಯ ಆಕರ್ಷಯಾಕರ್ಷಯ ಮೋಹಯ ಮೋಹಯ ಮಾರಯ ಮಾರಯ ಉನ್ಮಾದಯೋನ್ಮಾದಯ ತಾಪಯ ತಾಪಯ ವಿದಾರಯ ವಿದಾರಯ ಸ್ತಂಭಯ ಸ್ತಂಭಯ ಜೃಂಭಯ ಜೃಂಭಯ ವಾರಯ ವಾರಯ ವಶೀಕುರು ವಶೀಕುರು ಉಚ್ಚಾಟಯೋಚ್ಚಾಟಯ ವಿನಾಶಯ ವಿನಾಶಯ ದತ್ತಾತ್ರೇಯ ಶ್ರೀಪಾದಪ್ರಿಯತಮ ಕಾರ್ತವೀರ್ಯಾರ್ಜುನ ಸರ್ವತ್ರೋದಧೇರಾಗಂತುಕಾನ್ ಅಸ್ಮದ್ವಸುಲುಂಪಕಾನ್ ಚೋರಸಮೂಹಾನ್ ಸಮಗ್ರಮುನ್ಮೂಲಯೋನ್ಮೂಲಯ ಹುಂ ಫಟ್ ಸ್ವಾಹಾ ||
ಅನೇನ ಮಂತ್ರರಾಜೇನ ಸರ್ವಕಾಮಾಂಶ್ಚ ಸಾಧಯೇತ್ |
ಮಾಲಾಮಂತ್ರಜಪಾಚ್ಚೋರಾನ್ ಮಾರೀಂಶ್ಚೈವ ವಿಶೇಷತಃ |
ಕ್ಷಪಯೇತ್ ಕ್ಷೋಭಯೇಚ್ಚೈವೋಚ್ಚಾಟಯೇನ್ಮಾರಯೇತ್ತಥಾ ||
ವಶಯೇತ್ತತ್ಕ್ಷಣಾದೇವ ತ್ರೈಲೋಕ್ಯಮಪಿ ಮಂತ್ರವಿತ್ ||
ಇತಿ ಶ್ರೀ ಕಾರ್ತವೀರ್ಯಾರ್ಜುನ ಮಾಲಾ ಮಂತ್ರಃ |
ಇನ್ನಷ್ಟು ಶ್ರೀ ದತ್ತತ್ರೇಯ ಸ್ತೋತ್ರಗಳು ನೋಡಿ.
గమనిక: ఉగాది నుండి మొదలయ్యే వసంత నవరాత్రుల కోసం "శ్రీ లలితా స్తోత్రనిధి" పారాయణ గ్రంథము అందుబాటులో ఉంది.
Chant other stotras in తెలుగు, ಕನ್ನಡ, தமிழ், देवनागरी, english.
Did you see any mistake/variation in the content above? Click here to report mistakes and corrections in Stotranidhi content.
