Read in తెలుగు / ಕನ್ನಡ / தமிழ் / देवनागरी / English (IAST)
ಅಥ ವಿಬುಧವಿಲಾಸಿನೀಷು ವಿಷ್ವ-
-ಙ್ಮುನಿಮಭಿತಃ ಪರಿವಾರ್ಯ ತಸ್ಥುಷೀಷು |
ಮದವಿಹೃತಿವಿಕತ್ಥನಪ್ರಲಾಪಾ-
-ಸ್ವವಮತಿನಿರ್ಮಿತನೈಜಚಾಪಲಾಸು || ೧ ||
ತ್ರಿಭುವನಮುದಮುದ್ಯತಾಸು ಕರ್ತುಂ
ಮಧುಸಹಸಾಗತಿಸರ್ವನಿರ್ವಹಾಸು |
ಮಧುರಸಭರಿತಾಖಿಲಾತ್ಮಭಾವಾ-
-ಸ್ವಗಣಿತಭೀತಿಷು ಶಾಪತಶ್ಶುಕಸ್ಯ || ೨ ||
ಅತಿವಿಮಲಮತಿರ್ಮಹಾನುಭಾವೋ
ಮುನಿರಪಿ ಶಾಂತಮನಾ ನಿಜಾತ್ಮಗುಪ್ತ್ಯೈ |
ಅಖಿಲಭುವನರಕ್ಷಕಸ್ಯ ವಿಷ್ಣೋಃ
ಸ್ತುತಿಮಥ ಕರ್ತುಮನಾ ಮನಾಗ್ಬಭೂವ || ೩ ||
ಶ್ರಿಯಃಶ್ರಿಯಂ ಷಡ್ಗುಣಪೂರಪೂರ್ಣಂ
ಶ್ರೀವತ್ಸಚಿಹ್ನಂ ಪುರುಷಂ ಪುರಾಣಮ್ |
ಶ್ರೀಕಂಠಪೂರ್ವಾಮರಬೃಂದವಂದ್ಯಂ
ಶ್ರಿಯಃಪತಿಂ ತಂ ಶರಣಂ ಪ್ರಪದ್ಯೇ || ೪ ||
ವಿಭುಂ ಹೃದಿ ಸ್ವಂ ಭುವನೇಶಮೀಡ್ಯಂ
ನೀಳಾಶ್ರಯಂ ನಿರ್ಮಲಚಿತ್ತಚಿಂತ್ಯಮ್ |
ಪರಾತ್ಪರಂ ಪಾಮರಪಾರಮೇನ-
-ಮುಪೇಂದ್ರಮೂರ್ತಿಂ ಶರಣಂ ಪ್ರಪದ್ಯೇ || ೫ ||
ಸ್ಮೇರಾತಸೀಸೂನಸಮಾನಕಾಂತಿಂ
ಸುರಕ್ತಪದ್ಮಪ್ರಭಪಾದಹಸ್ತಮ್ |
ಉನ್ನಿದ್ರಪಂಕೇರುಹಚಾರುನೇತ್ರಂ
ಪವಿತ್ರಪಾಣಿಂ ಶರಣಂ ಪ್ರಪದ್ಯೇ || ೬ ||
ಸಹಸ್ರಭಾನುಪ್ರತಿಮೋಪಲೌಘ-
-ಸ್ಫುರತ್ಕಿರೀಟಪ್ರವರೋತ್ತಮಾಂಗಮ್ |
ಪ್ರವಾಲಮುಕ್ತಾನವರತ್ನಹಾರ-
-ತಾರಂ ಹರಿಂ ತಂ ಶರಣಂ ಪ್ರಪದ್ಯೇ || ೭ ||
ಪುರಾ ರಜೋದುಷ್ಟಧಿಯೋ ವಿಧಾತು-
-ರಪಾಹೃತಾನ್ ಯೋ ಮಧುಕೈಟಭಾಭ್ಯಾಮ್ |
ವೇದಾನುಪಾದಾಯ ದದೌ ಚ ತಸ್ಮೈ
ತಂ ಮತ್ಸ್ಯರೂಪಂ ಶರಣಂ ಪ್ರಪದ್ಯೇ || ೮ ||
ಪಯೋಧಿಮಧ್ಯೇಽಪಿ ಚ ಮಂದರಾದ್ರಿಂ
ಧರ್ತುಂ ಚ ಯಃ ಕೂರ್ಮವಪುರ್ಬಭೂವ |
ಸುಧಾಂ ಸುರಾಣಾಮವನಾರ್ಥಮಿಚ್ಛಂ-
-ಸ್ತಮಾದಿದೇವಂ ಶರಣಂ ಪ್ರಪದ್ಯೇ || ೯ ||
ವಸುಂಧರಾಮಂತರದೈತ್ಯಪೀಡಾಂ
ರಸಾತಲಾಂತರ್ವಿವಶಾಭಿವಿಷ್ಟಾಮ್ |
ಉದ್ಧಾರಣಾರ್ಥಂ ಚ ವರಾಹ ಆಸೀ-
-ಚ್ಚತುರ್ಭುಜಂ ತಂ ಶರಣಂ ಪ್ರಪದ್ಯೇ || ೧೦ ||
ನಖೈರ್ವರೈಸ್ತೀಕ್ಷ್ಣಮುಖೈರ್ಹಿರಣ್ಯ-
-ಮರಾತಿಮಾಮರ್ದಿತಸರ್ವಸತ್ತ್ವಮ್ |
ವಿದಾರಯಾಮಾಸ ಚ ಯೋ ನೃಸಿಂಹೋ
ಹಿರಣ್ಯಗರ್ಭಂ ಶರಣಂ ಪ್ರಪದ್ಯೇ || ೧೧ ||
ಮಹನ್ಮಹತ್ವೇಂದ್ರಿಯಪಂಚಭೂತ-
-ತನ್ಮಾತ್ರಮಾತ್ರಪ್ರಕೃತಿಃ ಪುರಾಣೀ |
ಯತಃ ಪ್ರಸೂತಾ ಪುರುಷಾಸ್ತದಾತ್ಮಾ
ತಮಾತ್ಮನಾಥಂ ಶರಣಂ ಪ್ರಪದ್ಯೇ || ೧೨ ||
ಪುರಾ ಯ ಏತತ್ಸಕಲಂ ಬಭೂವ
ಯೇನಾಪಿ ತದ್ಯತ್ರ ಚ ಲೀನಮೇತತ್ |
ಆಸ್ತಾಂ ಯತೋಽನುಗ್ರಹನಿಗ್ರಹೌ ಚ
ತಂ ಶ್ರೀನಿವಾಸಂ ಶರಣಂ ಪ್ರಪದ್ಯೇ || ೧೩ ||
ನಿರಾಮಯಂ ನಿಶ್ಚಲನೀರರಾಶಿ-
-ನೀಕಾಶಸದ್ರೂಪಮಯಂ ಮಹಸ್ತತ್ |
ನಿಯಂತೃ ನಿರ್ಮಾತೃ ನಿಹಂತೃ ನಿತ್ಯಂ
ನಿದ್ರಾಂತಮೇನಂ ಶರಣಂ ಪ್ರಪದ್ಯೇ || ೧೪ ||
ಜಗಂತಿ ಯಃ ಸ್ಥಾವರಜಂಗಮಾನಿ
ಸಂಹೃತ್ಯ ಸರ್ವಾಣ್ಯುದರೇಶಯಾನಿ |
ಏಕಾರ್ಣವಾಂತರ್ವಟಪತ್ರತಲ್ಪೇ
ಸ್ವಪಿತ್ಯನಂತಂ ಶರಣಂ ಪ್ರಪದ್ಯೇ || ೧೫ ||
ನಿರಸ್ತದುಃಖೌಘಮತೀಂದ್ರಿಯಂ ತಂ
ನಿಷ್ಕಾರಣಂ ನಿಷ್ಕಲಮಪ್ರಮೇಯಮ್ |
ಅಣೋರಣೀಯಾಂಸಮನಂತಮಂತ-
-ರಾತ್ಮಾನುಭಾವಂ ಶರಣಂ ಪ್ರಪದ್ಯೇ || ೧೬ ||
ಸಪ್ತಾಂಬುಜೀರಂಜಕರಾಜಹಾಸಂ
ಸಪ್ತಾರ್ಣವೀಸಂಸೃತಿಕರ್ಣಧಾರಮ್ |
ಸಪ್ತಾಶ್ವಬಿಂಬಾಶ್ವಹಿರಣ್ಮಯಂ ತಂ
ಸಪ್ತಾರ್ಚಿರಂಗಂ ಶರಣಂ ಪ್ರಪದ್ಯೇ || ೧೭ ||
ನಿರಾಗಸಂ ನಿರ್ಮಲಪೂರ್ಣಬಿಂಬಂ
ನಿಶೀಥಿನೀನಾಥನಿಭಾನನಾಭಮ್ |
ನಿರ್ಣೀತನಿದ್ರಂ ನಿಗಮಾಂತನಿತ್ಯಂ
ನಿಃಶ್ರೇಯಸಂ ತಂ ಶರಣಂ ಪ್ರಪದ್ಯೇ || ೧೮ ||
ನಿರಾಮಯಂ ನಿರ್ಮಲಮಪ್ರಮೇಯಂ
ನಿಜಾಂತರಾರೋಪಿತವಿಶ್ವಬಿಂಬಮ್ |
ನಿಸ್ಸೀಮಕಲ್ಯಾಣಗುಣಾತ್ಮಭೂತಿಂ
ನಿಧಿಂ ನಿಧೀನಾಂ ಶರಣಂ ಪ್ರಪದ್ಯೇ || ೧೯ ||
ತ್ವಕ್ಚರ್ಮಮಾಂಸಾಸ್ಥ್ಯಸೃಗಶ್ರುಮೂತ್ರ-
-ಶ್ಲೇಷ್ಮಾಂತ್ರವಿಟ್ಚ್ಛುಕ್ಲಸಮುಚ್ಚಯೇಷು |
ದೇಹೇಷ್ವಸಾರೇಷು ನ ಮೇ ಸ್ಪೃಹೈಷಾ
ಧ್ರುವಂ ಧ್ರುವಂ ತ್ವಂ ಭಗವನ್ ಪ್ರಸೀದ || ೨೦ ||
ಗೋವಿಂದ ಕೇಶವ ಜನಾರ್ದನ ವಾಸುದೇವ
ವಿಶ್ವೇಶ ವಿಶ್ವ ಮಧುಸೂದನ ವಿಶ್ವರೂಪ |
ಶ್ರೀಪದ್ಮನಾಭ ಪುರುಷೋತ್ತಮ ಪುಷ್ಕರಾಕ್ಷ
ನಾರಾಯಣಾಚ್ಯುತ ನೃಸಿಂಹ ನಮೋ ನಮಸ್ತೇ || ೨೧ ||
ದೇವಾಃ ಸಮಸ್ತಾಮರಯೋಗಿಮುಖ್ಯಾಃ
ಗಂಧರ್ವವಿದ್ಯಾಧರಕಿನ್ನರಾಶ್ಚ |
ಯತ್ಪಾದಮೂಲಂ ಸತತಂ ನಮಂತಿ
ತಂ ನಾರಸಿಂಹಂ ಶರಣಂ ಪ್ರಪದ್ಯೇ || ೨೨ ||
ವೇದಾನ್ ಸಮಸ್ತಾನ್ ಖಲು ಶಾಸ್ತ್ರಗರ್ಭಾನ್
ಆಯುಃ ಸ್ಥಿರಂ ಕೀರ್ತಿಮತೀವ ಲಕ್ಷ್ಮೀಮ್ |
ಯಸ್ಯ ಪ್ರಸಾದಾತ್ ಪುರುಷಾ ಲಭಂತೇ
ತಂ ನಾರಸಿಂಹಂ ಶರಣಂ ಪ್ರಪದ್ಯೇ || ೨೩ ||
ಬ್ರಹ್ಮಾ ಶಿವಸ್ತ್ವಂ ಪುರುಷೋತ್ತಮಶ್ಚ
ನಾರಾಯಣೋಽಸೌ ಮರುತಾಂಪತಿಶ್ಚ |
ಚಂದ್ರಾರ್ಕವಾಯ್ವಗ್ನಿಮರುದ್ಗಣಾಶ್ಚ
ತ್ವಮೇವ ನಾನ್ಯತ್ ಸತತಂ ನತೋಽಸ್ಮಿ || ೨೪ ||
ಸ್ರಷ್ಟಾ ಚ ನಿತ್ಯಂ ಜಗತಾಮಧೀಶಃ
ತ್ರಾತಾ ಚ ಹಂತಾ ವಿಭುರಪ್ರಮೇಯಃ |
ಏಕಸ್ತ್ವಮೇವ ತ್ರಿವಿಧಾ ವಿಭಿನ್ನಃ
ತ್ವಾಂ ಸಿಂಹಮೂರ್ತಿಂ ಸತತಂ ನತೋಽಸ್ಮಿ || ೨೫ ||
ಇತಿ ಶ್ರೀನಿವಾಸ ಸ್ತೋತ್ರಮ್ ||
ಇನ್ನಷ್ಟು ಶ್ರೀ ನೃಸಿಂಹ ಸ್ತೋತ್ರಗಳು ನೋಡಿ.
మా ప్రచురణ: "శ్రీ బగళాముఖీ స్తోత్రనిధి (తాత్పర్య సహితం)" ప్రింటింగు పూర్తి అయి కొనుగోలుకు సిద్ధంగా ఉంది.
స్తోత్రనిధి (తెలుగు) వాట్సాప్ ఛానల్ : మా తెలుగు వాట్సాప్ ఛానల్ ని ఫాలో చేయడానికి ఇక్కడ క్లిక్ చేయండి.
Support this Dharma Karya : If you find value in the Stotranidhi collection, please consider supporting this work. You can make a contribution through these links - PhonePe/GooglePay/BHIM (within India) or Paypal (outside India)
Buy Prabhata Stotranidhi Book: A single book with important stotras of Devatas is available in 4 languages - "తెలుగు" , "ಕನ್ನಡ" , "देवनागरि" , "English (IAST)".
విప్రులకు, ద్విజులకు విజ్ఞప్తి : మంత్ర అనుష్ఠానం లేక నేటి కాలంలో ధర్మాచరణ క్షీణిస్తూ ఉన్నది. దయచేసి మీకు ఉపదేశం ఉన్న మంత్రం కనీసం లక్ష జపం చేయండి. మీకు అతిదగ్గరలో ఉన్న దేవాలయానికి ప్రతిరోజూ వెళ్ళి అక్కడి దేవత మంత్రాన్ని కనీసం 108 జపంచేసి, ఆ దేవత బలాన్ని వృద్ధి చేయండి. దేవత అనుగ్రహం ఉంటేనే ఆ ప్రాంతంలో ధర్మం వర్ధిల్లుతుంది.
Important message to Dharmikas : Please visit your nearest Devalayam and chant mantra of that Devata atleast 108 times daily in that temple. When Devata becomes powerful, it will automatically protect Dharma.
Chant other stotras in తెలుగు, ಕನ್ನಡ, தமிழ், देवनागरी, english.
Did you see any mistake/variation in the content above? Click here to report mistakes and corrections in Stotranidhi content.
