Read in తెలుగు / ಕನ್ನಡ / தமிழ் / देवनागरी / English (IAST)
ಕೌಶಿಕಶ್ರೀನಿವಾಸಾರ್ಯತನಯಂ ವಿನಯೋಜ್ಜ್ವಲಮ್ |
ವಾತ್ಸಲ್ಯಾದಿಗುಣಾವಾಸಂ ವಂದೇ ವರದದೇಶಿಕಮ್ ||
ಪದ್ಮಸ್ಥಾಂ ಯುವತೀಂ ಪರಾರ್ಧ್ಯವೃಷಭಾದ್ರೀಶಾಯತೋರಸ್ಸ್ಥಲೀ-
ಮಧ್ಯಾವಾಸಮಹೋತ್ಸವಾಂ ಕ್ಷಣಸಕೃದ್ವಿಶ್ಲೇಷವಾಕ್ಯಾಸಹಾಮ್ |
ಮೂರ್ತೀಭಾವಮುಪಾಗತಾಮಿವ ಕೃಪಾಂ ಮುಗ್ಧಾಖಿಲಾಂಗಾಂ ಶ್ರಿಯಂ
ನಿತ್ಯಾನಂದವಿಧಾಯಿನೀಂ ನಿಜಪದೇ ನ್ಯಸ್ತಾತ್ಮನಾಂ ಸಂಶ್ರಯೇ || ೧ ||
ಶ್ರೀಮಚ್ಛೇಷಮಹೀಧರೇಶಚರಣೌ ಪ್ರಾಪ್ಯೌ ಚ ಯೌ ಪ್ರಾಪಕೌ
ಅಸ್ಮದ್ದೇಶಿಕಪುಂಗವೈಃ ಕರುಣಯಾ ಸಂದರ್ಶಿತೌ ತಾವಕೌ |
ಪ್ರೋಕ್ತೌ ವಾಕ್ಯಯುಗೇನ ಭೂರಿಗುಣಕಾವಾರ್ಯೈಶ್ಚ ಪೂರ್ವೈರ್ಮುಹುಃ
ಶ್ರೇಯೋಭಿಃ ಶಠವೈರಿಮುಖ್ಯಮುನಿಭಿಸ್ತೌ ಸಂಶ್ರಿತೌ ಸಂಶ್ರಯೇ || ೨ ||
ಯಸ್ಯೈಕಂ ಗುಣಮಾದೃತಾಃ ಕವಯಿತುಂ ನಿತ್ಯಾಃ ಪ್ರವೃತ್ತಾ ಗಿರಃ
ತಸ್ಯಾಭೂಮಿತಯಾ ಸ್ವವಾಙ್ಮನಸಯೋರ್ವೈಕ್ಲಬ್ಯಮಾಸೇದಿರೇ |
ತತ್ತಾದೃಗ್ಬಹುಸದ್ಗುಣಂ ಕವಯಿತುಂ ಮೋಹಾದ್ವೃಷಾದ್ರೀಶ್ವರಂ
ಕಾಂಕ್ಷೇ ಕಾರ್ಯವಿವೇಚನಂ ನ ಹಿ ಭವೇನ್ಮೂಢಾಶಯಾನಾಂ ನೃಣಾಮ್ || ೩ ||
ಯತ್ಪಾದಾ .. ಯೋಷಿತಂ ನಿಜಸಕೃತ್ಸ್ಪರ್ಶೇನ ಕಾಂಚಿಚ್ಛಿಲಾ-
ಮಂಗಾರ .. ಡಿಂಭತಾಮನುಪಮೌ ಶಾಂತಂ ಕಮಪ್ಯಂಚಿತೌ |
ಯತ್ಪಾದೂರಖಿಲಾಂ ಶಶಾಸ ಚ ಮಹೀಮಾಶ್ಚರ್ಯಸೀಮಾಸ್ಥಲೀಮ್
ಅದ್ರಾಕ್ಷಂ ಹರಿಮಂಜನಾಚಲತಟೇ ನಿರ್ನಿದ್ರಪದ್ಮೇಕ್ಷಣಮ್ || ೪ ||
ಅತ್ರಸ್ಯನ್ಮಣಿರಾಜರಾಜಿವಿಲಸನ್ಮಂಜೀರನಿರ್ಯನ್ಮಹಃ-
ಸ್ತೋಮಪ್ರಾಸ್ತಸಮಸ್ತವಿಸ್ತೃತತಮಶ್ಶ್ರೀಮಂದಿರಾಭ್ಯಂತರಮ್ |
ವ್ಯಾಕೋಚಾಂಬುಜಸುಂದರಂ ಚರಣಯೋರ್ದ್ವಂದ್ವಂ ವೃಷಾದ್ರೀಶಿತುಃ
ಚಕ್ಷುರ್ಭ್ಯಾಮನುಭೂಯ ಸರ್ವಸುಲಭಂ ಪ್ರಾಪ್ಸ್ಯಾಮಿ ಮೋದಂ ಕದಾ || ೫ ||
ಸತ್ಕೃತ್ಯಾ ಸಮಕಾಲಲಬ್ಧತನುಭಿರ್ಗೋಪೀಭಿರತ್ಯಾದರಾತ್
ವಿನ್ಯಸ್ತೌ ವದನೇ ಕುಚೇ ಚ ನಿತರಾಂ ರೋಮಾಂಚರೋಹಾಂಚಿತೇ |
ಪದ್ಮಾಭೂಕರಪಲ್ಲವೈಃ ಸಚಕಿತಂ ಸಂವಾಹ್ಯಮಾನೌ ಮೃದೂ
ಮಾನ್ಯೌ ವೇಂಕಟಭೂಧರೇಶಚರಣೌ ಮಾರ್ಗೇ ದೃಶೋಃ ಸ್ತಾಂ ಮಮ || ೬ ||
ಪ್ರಾತಃ ಫುಲ್ಲಪಯೋರುಹಾಂತರದಲಸ್ನಿಗ್ಧಾರುಣಾಂತಸ್ಥಲೌ
ನಿಷ್ಪೀತಾಖಿಲನೀರನೀರಧಿಲಸನ್ನೀಲಾಂಬುದಾಭೌ ಬಹಿಃ |
ರಾಕಾಶೀತಮರೀಚಿಸನ್ನಿಭನಖಜ್ಯೋತಿರ್ವಿತಾನಾಂಚಿತೌ
ಪಾದೌ ಪನ್ನಗಪುಂಗವಾಚಲಪತೇರ್ಮಧ್ಯೇಮನಸ್ಸ್ತಾಂ ಮಮ || ೭ ||
ಮಂದಾರಪ್ರಸವಾಭಿರಾಮಶಿರಸಾಂ ಬೃಂದಾರಕಶ್ರೇಯಸಾಂ
ಬೃಂದೈರಿಂದುಕಲಾಭೃತಾ ಚ ವಿಧಿನಾ ವಂದ್ಯೌ ಧೃತಾನಂದಥೂ |
ಬಂಧಚ್ಛೇದವಿಧಾಯಿನೌ ವಿನಮತಾಂ ಛಂದಶ್ಶತಾಭಿಷ್ಟುತೌ
ವಂದೇ ಶೇಷಮಹೀಧರೇಶಚರಣೌ ವಂದಾರುಚಿಂತಾಮಣೀ || ೮ ||
ಚಿಂಚಾಮೂಲಕೃತಾಸನೇನ ಮುನಿನಾ ತತ್ತ್ವಾರ್ಥಸಂದರ್ಶಿನಾ
ಕಾರುಣ್ಯೇನ ಜಗದ್ಧಿತಂ ಕಥಯತಾ ಸ್ವಾನುಷ್ಠಿತಿಖ್ಯಾಪನಾತ್ |
ನಿಶ್ಚಿಕ್ಯೇ ಶರಣಂ ಯದೇವ ಪರಮಂ ಪ್ರಾಪ್ಯಂ ಚ ಸರ್ವಾತ್ಮನಾಂ
ತತ್ಪಾದಾಬ್ಜಯುಗಂ ಭಜಾಮಿ ವೃಷಭಕ್ಷೋಣೀಧರಾಧೀಶಿತುಃ || ೯ ||
ನಂದಿಷ್ಯಾಮಿ ಕದಾಽಹಮೇತ್ಯ ಮಹತಾ ಘರ್ಮೇಣ ತಪ್ತೋ ಯಥಾ
ಮಂದೋದಂಚಿತಮಾರುತಂ ಮರುತಲೇ ಮರ್ತ್ಯೋ ಮಹಾಂತಂ ಹ್ರದಮ್ |
ಸಂತಪ್ತೋ ಭವತಾಪದಾವಶಿಖಿನಾ ಸರ್ವಾರ್ತಿಸಂಶಾಮಕಂ
ಪಾದದ್ವಂದ್ವಮಹೀಶಭೂಧರಪತೇರ್ನಿರ್ದ್ವಂದ್ವಹೃನ್ಮಂದಿರಮ್ || ೧೦ ||
ಯೌ ಬೃಂದಾವನಭೂತಲೇ ವ್ಯಹರತಾಂ ದೈತೇಯಬೃಂದಾವೃತೇ
ಕುಪ್ಯತ್ಕಾಲಿಯವಿಸ್ತೃತೋಚ್ಛ್ರಿತಫಣಾರಂಗೇಷು ಚಾನೃತ್ಯತಾಮ್ |
ಕಿಂಚಾನಸ್ಸಮುದಾಸ್ಥತಾಂ ಕಿಸಲಯಪ್ರಸ್ಪರ್ಧಿನಾವಾಸುರಂ
ತನ್ವಾತಾಂ ಮಮ ವೇಂಕಟೇಶಚರಣೌ ತಾವಂಹಸಾಂ ಸಂಹೃತಿಮ್ || ೧೧ ||
ಶೇಷಿತ್ವಪ್ರಮುಖಾನ್ನಿಪೀಯ ತು ಗುಣಾನ್ನಿತ್ಯಾ ಹರೇಸ್ಸೂರಯೋ
ವೈಕುಂಠೇ ತತ ಏತ್ಯ ವೇಂಕಟಗಿರಿಂ ಸೌಲಭ್ಯಮುಖ್ಯಾನಿಹ |
ನಿತ್ಯೋದಂಚಿತಸಂನಿಧೇರ್ನಿರುಪಮಾನ್ನಿರ್ವಿಶ್ಯ ತಸ್ಯಾದ್ಭುತಾನ್
ನಿರ್ಗಂತುಂ ಪ್ರಭವಂತಿ ಹಂತ ನ ತತೋ ವೈಕುಂಠಕುಂಠಾದರಾಃ || ೧೨ ||
ಸಂಫುಲ್ಲಾದ್ಭುತಪುಷ್ಪಭಾರವಿನಮಚ್ಛಾಖಾಶತಾನಾಂ ಸದಾ
ಸೌರಭ್ಯಾನುಭವಾಭಿಯನ್ಮಧುಲಿಹಾಂ ಸಂಘೈರ್ವೃತೇ ಭೂರುಹಾಮ್ |
ಉದ್ಯದ್ರಶ್ಮಿಭಿರುಜ್ಜ್ವಲೈರ್ಮಣಿಗಣೈರುತ್ತುಂಗಶೃಂಗೈರ್ವೃಷ-
ಕ್ಷೋಣೀಭರ್ತರಿ ವರ್ತತೇಽಖಿಲಜಗತ್ಕ್ಷೇಮಾಯ ಲಕ್ಷ್ಮೀಸಖಃ || ೧೩ ||
ನಾನಾದಿಙ್ಮುಖವಾಸಿನೋ ನರಗಣಾನಭ್ಯಾಗತಾನಾದರಾತ್
ಪ್ರತ್ಯುದ್ಯಾತ ಇವಾಂತಿಕಸ್ಫುಟತರಪ್ರೇಕ್ಷ್ಯಪ್ರಸನ್ನಾನನಃ |
ಸಾನುಕ್ರೋಶಮನಾಸ್ಸಡಿಂಭಮಹಿಲಾನ್ ಸಂಪ್ರಾಪ್ತಸರ್ವೇಪ್ಸಿತಾನ್
ಕುರ್ವನ್ನಂಜನಭೂಧರೇ ಕುವಲಯಶ್ಯಾಮೋ ಹರಿರ್ಭಾಸತೇ || ೧೪ ||
ಆಪಾದಾದನವದ್ಯಮಾಚ ಶಿರಸಸ್ಸೌಂದರ್ಯಸೀಮಾಸ್ಪದಂ
ಹಸ್ತೋದಂಚಿತಶಂಖಚಕ್ರಮುರಸಾ ಬಿಭ್ರಾಣಮಂಭೋಧಿಜಾಮ್ |
ಮಾಲ್ಯೈರುಲ್ಲಸಿತಂ ಮನೋಜ್ಞಮಕುಟೀಮುಖ್ಯೈಶ್ಚ ಭೂಷಾಶತೈಃ
ಮಧ್ಯೇತಾರಣಮಂಜನಾಚಲತಟೇ ಭಾಂತಂ ಹರಿಂ ಭಾವಯೇ || ೧೫ ||
ಮಂಜೀರಾಂಚಿತಪಾದಮದ್ಭುತಕಟೀವಿಭ್ರಾಜಿಪೀತಾಂಬರಂ
ಪದ್ಮಾಲಂಕೃತನಾಭಿಮಂಗಮಹಸಾ ಪಾಥೋಧರಭ್ರಾಂತಿದಮ್ |
ಪಾರ್ಶ್ವಾಲಂಕೃತಿಶಂಖಚಕ್ರವಿಲಸತ್ಪಾಣಿಂ ಪರಂ ಪೂರುಷಂ
ವಂದೇ ಮಂದಹಸಂ ವಿಚಿತ್ರಮಕುಟೀಜುಷ್ಟಂ ವೃಷಾದ್ರೀಶ್ವರಮ್ || ೧೬ ||
ನಾನಾಭಾಸುರರತ್ನಮೌಕ್ತಿಕವರಶ್ರೇಣೀಲಸತ್ತೋರಣ-
ಸ್ವರ್ಣಸ್ತಂಭಯುಗಾಂತರಾಲಕಭೃಶಪ್ರದ್ಯೋತಮಾನಾನನಮ್ |
ಆನಾಸಶ್ರುತಿಲೋಲನೀಲವಿಶದಸ್ನಿಗ್ಧಾಂತರಕ್ತೇಕ್ಷಣಂ
ನಾಥಂ ಪ್ರೇಕ್ಷಿತುಮಂಜನಾಚಲತಟೇ ನಾಲಂ ಸಹಸ್ರಂ ದೃಶಾಮ್ || ೧೭ ||
ಚಕ್ರಾಬ್ಜೇ ಕರಯುಗ್ಮಕೇನ ಸತತಂ ಬಿಭ್ರತ್ ಕರೇಣ ಸ್ಪೃಶನ್
ಸವ್ಯೇನೋರುಮಪೀತರೇಣ ಚರಣೌ ಸಂದರ್ಶಯನ್ ಭೂಷಣೈಃ |
ಸದ್ರತ್ನೈಃ ಸಕಲಾ ದಿಶೋ ವಿತಿಮಿರಾಃ ಕುರ್ವನ್ ವೃಷಾದ್ರೌ ಹರಿಃ
ಶುದ್ಧಸ್ವಾಂತನಿಷೇವಿತೇ ವಿಜಯತೇ ಶುದ್ಧಾಂತಬಾಹಾಂತರಃ || ೧೮ ||
ಸುಸ್ನಿಗ್ಧಾಧರಪಲ್ಲವಂ ಮೃದುಹಸಂ ಮೀನೋಲ್ಲಸಲ್ಲೋಚನಂ
ಗಂಡಪ್ರಸ್ಫುರದಂಶುಕುಂಡಲಯುಗಂ ವಿಭ್ರಾಜಿಸುಭ್ರೂನ್ನಸಮ್ |
ಫಾಲೋದ್ಭಾಸಿಪರಾರ್ಧ್ಯರತ್ನತಿಲಕಂ ವಕ್ತ್ರಂ ಪ್ರಲಂಬಾಲಕಂ
ಭವ್ಯಂ ವೇಂಕಟನಾಯಕಸ್ಯ ಪಿಬತಾಂ ಭಾಗ್ಯಂ ನ ವಾಚಾಂ ಪದಮ್ || ೧೯ ||
ತ್ವತ್ಪಾದಾಂಬುಜಸಸ್ಪೃಹಂ ಮಮ ಮನಃ ಕುರ್ಯಾಸ್ತ್ವದನ್ಯಸ್ಪೃಹಾಂ
ದೂರಂ ತೋಲಯ ದುಃಖಜಾಲಜನನೀಂ ತ್ವತ್ಪಾದವಾಂಛಾದ್ವಿಷಮ್ |
ಕಿಂಚ ತ್ವತ್ಪರತಂತ್ರಭೂಸುರಕೃಪಾಪಾತ್ರಂ ಕ್ರಿಯಾ ಮಾಂ ಸದಾ
ಸರ್ಪಾಧೀಶ್ವರಭೂಧರೇಂದ್ರ ಭಗವನ್ ಸರ್ವಾರ್ಥಸಂದಾಯಕ || ೨೦ ||
ನಾಕಾರ್ಷಂ ಶ್ರುತಿಚೋದಿತಾಂ ಕೃತಿಮಹಂ ಕಿಂಚಿನ್ನ ಚಾವೇದಿಷಂ
ಜೀವೇಶೌ ಭವಭಂಜನೀ ನ ಚ ಭವತ್ಪಾದಾಬ್ಜಭಕ್ತಿರ್ಮಮ |
ಶ್ರೀಮತ್ತ್ವತ್ಕರುಣೈವ ದೇಶಿಕವರೋಪಜ್ಞಂ ಪ್ರವೃತ್ತಾ ಮಯಿ
ತ್ವತ್ಪ್ರಾಪ್ತೌ ಶರಣಂ ವೃಷಾಚಲಪತೇಽಭೂವಂ ತತಸ್ತ್ವದ್ಭರಃ || ೨೧ ||
ಶ್ರೀಮತ್ಕೌಶಿಕವಂಶವಾರಿಧಿವಿಧೋಃ ಶ್ರೀವೇಂಕಟೇಶಾಖ್ಯಯಾ
ವಿಖ್ಯಾತಸ್ಯ ಗುರೋರ್ವಿಶುದ್ಧಮನಸೋ ವಿದ್ಯಾನಿಧೇಃ ಸೂನುನಾ |
ಭಕ್ತ್ಯೈತಾಂ ವರದಾಭಿಧೇನ ಭಣಿತಾಂ ಶ್ರೀವೇಂಕಟೇಶಸ್ತುತಿಂ
ಭವ್ಯಾಂ ಯಸ್ತು ಪಠೇದಮುಷ್ಯ ವಿತರೇಚ್ಛ್ರೇಯಃ ಪರಂ ಶ್ರೀಸಖಃ ||
ಇತಿ ವೇಂಕಟೇಶ ಸ್ತೋತ್ರಮ್ |
ಇನ್ನಷ್ಟು ಶ್ರೀ ವೇಂಕಟೇಶ್ವರ ಸ್ತೋತ್ರಗಳು ನೋಡಿ.
మా ప్రచురణ: "శ్రీ బగళాముఖీ స్తోత్రనిధి (తాత్పర్య సహితం)" ప్రింటింగు పూర్తి అయి కొనుగోలుకు సిద్ధంగా ఉంది.
స్తోత్రనిధి (తెలుగు) వాట్సాప్ ఛానల్ : మా తెలుగు వాట్సాప్ ఛానల్ ని ఫాలో చేయడానికి ఇక్కడ క్లిక్ చేయండి.
Support this Dharma Karya : If you find value in the Stotranidhi collection, please consider supporting this work. You can make a contribution through these links - PhonePe/GooglePay/BHIM (within India) or Paypal (outside India)
Buy Prabhata Stotranidhi Book: A single book with important stotras of Devatas is available in 4 languages - "తెలుగు" , "ಕನ್ನಡ" , "देवनागरि" , "English (IAST)".
విప్రులకు, ద్విజులకు విజ్ఞప్తి : మంత్ర అనుష్ఠానం లేక నేటి కాలంలో ధర్మాచరణ క్షీణిస్తూ ఉన్నది. దయచేసి మీకు ఉపదేశం ఉన్న మంత్రం కనీసం లక్ష జపం చేయండి. మీకు అతిదగ్గరలో ఉన్న దేవాలయానికి ప్రతిరోజూ వెళ్ళి అక్కడి దేవత మంత్రాన్ని కనీసం 108 జపంచేసి, ఆ దేవత బలాన్ని వృద్ధి చేయండి. దేవత అనుగ్రహం ఉంటేనే ఆ ప్రాంతంలో ధర్మం వర్ధిల్లుతుంది.
Important message to Dharmikas : Please visit your nearest Devalayam and chant mantra of that Devata atleast 108 times daily in that temple. When Devata becomes powerful, it will automatically protect Dharma.
Chant other stotras in తెలుగు, ಕನ್ನಡ, தமிழ், देवनागरी, english.
Did you see any mistake/variation in the content above? Click here to report mistakes and corrections in Stotranidhi content.
