Sri Shiva Rama Ashtakam – ಶ್ರೀ ಶಿವರಾಮಾಷ್ಟಕಂ


ಶಿವ ಹರೇ ಶಿವರಾಮಸಖೇ ಪ್ರಭೋ
ತ್ರಿವಿಧತಾಪನಿವಾರಣ ಹೇ ವಿಭೋ |
ಅಜಜನೇಶ್ವರಯಾದವ ಪಾಹಿ ಮಾಂ
ಶಿವ ಹರೇ ವಿಜಯಂ ಕುರು ಮೇ ವರಮ್ || ೧ ||

ಕಮಲಲೋಚನ ರಾಮ ದಯಾನಿಧೇ
ಹರ ಗುರೋ ಗಜರಕ್ಷಕ ಗೋಪತೇ |
ಶಿವತನೋ ಭವಶಂಕರ ಪಾಹಿ ಮಾಂ
ಶಿವ ಹರೇ ವಿಜಯಂ ಕುರು ಮೇ ವರಮ್ || ೨ ||

ಸುಜನರಂಜನಮಂಗಲಮಂದಿರಂ
ಭಜತಿ ತೇ ಪುರುಷಃ ಪರಮಂ ಪದಮ್ |
ಭವತಿ ತಸ್ಯ ಸುಖಂ ಪರಮಾದ್ಭುತಂ
ಶಿವ ಹರೇ ವಿಜಯಂ ಕುರು ಮೇ ವರಮ್ || ೩ ||

ಜಯ ಯುಧಿಷ್ಠಿರವಲ್ಲಭ ಭೂಪತೇ
ಜಯ ಜಯಾರ್ಜಿತ ಪುಣ್ಯಪಯೋನಿಧೇ |
ಜಯ ಕೃಪಾಮಯ ಕೃಷ್ಣ ನಮೋಽಸ್ತು ತೇ
ಶಿವ ಹರೇ ವಿಜಯಂ ಕುರು ಮೇ ವರಮ್ || ೪ ||

ಭವವಿಮೋಚನ ಮಾಧವ ಮಾಪತೇ
ಸುಕವಿಮಾನಸಹಂಸ ಶಿವಾರತೇ |
ಜನಕಜಾರತ ರಾಘವ ರಕ್ಷ ಮಾಂ
ಶಿವ ಹರೇ ವಿಜಯಂ ಕುರು ಮೇ ವರಮ್ || ೫ ||

ಅವನಿಮಂಡಲಮಂಗಳ ಮಾಪತೇ
ಜಲದಸುಂದರ ರಾಮ ರಮಾಪತೇ |
ನಿಗಮಕೀರ್ತಿಗುಣಾರ್ಣವ ಗೋಪತೇ
ಶಿವ ಹರೇ ವಿಜಯಂ ಕುರು ಮೇ ವರಮ್ || ೬ ||

ಪತಿತಪಾವನ ನಾಮಮಯೀ ಲತಾ
ತವ ಯಶೋ ವಿಮಲಂ ಪರಿಗೀಯತೇ |
ತದಪಿ ಮಾಧವ ಮಾಂ ಕಿಮುಪೇಕ್ಷಸೇ
ಶಿವ ಹರೇ ವಿಜಯಂ ಕುರು ಮೇ ವರಮ್ || ೭ ||

ಅಮರತಾಪರದೇವ ರಮಾಪತೇ
ವಿಜಯತಸ್ತವ ನಾಮಧನೋಪಮಾ |
ಮಯಿ ಕಥಂ ಕರುಣಾರ್ಣವ ಜಾಯತೇ
ಶಿವ ಹರೇ ವಿಜಯಂ ಕುರು ಮೇ ವರಮ್ || ೮ ||

ಹನುಮತಃ ಪ್ರಿಯಚಾಪಕರ ಪ್ರಭೋ
ಸುರಸರಿದ್ಧೃತಶೇಖರ ಹೇ ಗುರೋ |
ಮಮ ವಿಭೋ ಕಿಮು ವಿಸ್ಮರಣಂ ಕೃತಂ
ಶಿವ ಹರೇ ವಿಜಯಂ ಕುರು ಮೇ ವರಮ್ || ೯ ||

ಅಹರಹರ್ಜನ ರಂಜನಸುಂದರಂ
ಪಠತಿ ಯಃ ಶಿವರಾಮಕೃತಸ್ತವಮ್ |
ವಿಶತಿ ರಾಮರಮಾಚರಣಾಂಬುಜೇ
ಶಿವ ಹರೇ ವಿಜಯಂ ಕುರು ಮೇ ವರಮ್ || ೧೦ ||

ಪ್ರಾತರುತ್ಥಾಯ ಯೋ ಭಕ್ತ್ಯಾ ಪಠೇದೇಕಾಗ್ರಮಾನಸಃ |
ವಿಜಯೋ ಜಾಯತೇ ತಸ್ಯ ವಿಷ್ಣುಮಾರಾಧ್ಯಮಾಪ್ನುಯಾತ್ || ೧೧ ||

ಇತಿ ಶ್ರೀರಾಮಾನಂದವಿರಚಿತಂ ಶ್ರೀಶಿವರಾಮಸ್ತೋತ್ರಮ್ |


ಇನ್ನಷ್ಟು ಶ್ರೀ ಶಿವ ಸ್ತೋತ್ರಗಳು ನೋಡಿ. ಇನ್ನಷ್ಟು ಶ್ರೀ ರಾಮ ಸ್ತೋತ್ರಗಳು ನೋಡಿ.


గమనిక: "శ్రీ లక్ష్మీ స్తోత్రనిధి" ముద్రణ పూర్తి అయినది. Click here to buy

Report mistakes and corrections in Stotranidhi content.

Facebook Comments

ನಿಮ್ಮದೊಂದು ಉತ್ತರ

ನಿಮ್ಮ ಮಿಂಚೆ ವಿಳಾಸ ಎಲ್ಲೂ ಪ್ರಕಟವಾಗುವುದಿಲ್ಲ.

error: Not allowed
%d bloggers like this: