Read in తెలుగు / ಕನ್ನಡ / தமிழ் / देवनागरी / English (IAST)
śiva harē śivarāmasakhē prabhō
trividhatāpanivāraṇa hē vibhō |
ajajanēśvarayādava pāhi māṁ
śiva harē vijayaṁ kuru mē varam || 1 ||
kamalalōcana rāma dayānidhē
hara gurō gajarakṣaka gōpatē |
śivatanō bhavaśaṅkara pāhi māṁ
śiva harē vijayaṁ kuru mē varam || 2 ||
sujanarañjanamaṅgalamandiraṁ
bhajati tē puruṣaḥ paramaṁ padam |
bhavati tasya sukhaṁ paramādbhutaṁ
śiva harē vijayaṁ kuru mē varam || 3 ||
jaya yudhiṣṭhiravallabha bhūpatē
jaya jayārjita puṇyapayōnidhē |
jaya kr̥pāmaya kr̥ṣṇa namō:’stu tē
śiva harē vijayaṁ kuru mē varam || 4 ||
bhavavimōcana mādhava māpatē
sukavimānasahaṁsa śivāratē |
janakajārata rāghava rakṣa māṁ
śiva harē vijayaṁ kuru mē varam || 5 ||
avanimaṇḍalamaṅgala māpatē
jaladasundara rāma ramāpatē |
nigamakīrtiguṇārṇava gōpatē
śiva harē vijayaṁ kuru mē varam || 6 ||
patitapāvana nāmamayī latā
tava yaśō vimalaṁ parigīyatē |
tadapi mādhava māṁ kimupēkṣasē
śiva harē vijayaṁ kuru mē varam || 7 ||
amaratāparadēva ramāpatē
vijayatastava nāmadhanōpamā |
mayi kathaṁ karuṇārṇava jāyatē
śiva harē vijayaṁ kuru mē varam || 8 ||
hanumataḥ priyacāpakara prabhō
surasariddhr̥taśēkhara hē gurō |
mama vibhō kimu vismaraṇaṁ kr̥taṁ
śiva harē vijayaṁ kuru mē varam || 9 ||
aharaharjana rañjanasundaraṁ
paṭhati yaḥ śivarāmakr̥tastavam |
viśati rāmaramācaraṇāmbujē
śiva harē vijayaṁ kuru mē varam || 10 ||
prātarutthāya yō bhaktyā paṭhēdēkāgramānasaḥ |
vijayō jāyatē tasya viṣṇumārādhyamāpnuyāt || 11 ||
iti śrīrāmānandaviracitaṁ śrīśivarāmastōtram |
See more śrī śiva stotras for chanting. See more śrī rāma stōtrāṇi for chanting.
గమనిక: ఉగాది నుండి మొదలయ్యే వసంత నవరాత్రుల కోసం "శ్రీ లలితా స్తోత్రనిధి" పారాయణ గ్రంథము అందుబాటులో ఉంది.
Chant other stotras in తెలుగు, ಕನ್ನಡ, தமிழ், देवनागरी, english.
Did you see any mistake/variation in the content above? Click here to report mistakes and corrections in Stotranidhi content.
