Sri Bhramarambika Ashtakam (Sri Kantarpita) – śrī bhramarāmbikāṣṭakam 2 (śrīkaṇṭhārpita)


śrīkaṇṭhārpitapatragaṇḍayugalāṁ siṁhāsanādhyāsinīṁ
lōkānugrahakāriṇīṁ guṇavatīṁ lōlēkṣaṇāṁ śāṅkarīm |
pākāripramukhāmarārcitapadāṁ mattēbhakumbhastanīṁ
śrīśaila bhramarāmbikāṁ bhaja manaḥ śrīśāradāsēvitām || 1 ||

vindhyādrīndragr̥hāntarēnivasitāṁ vēdāntavēdyāṁ nidhiṁ
mandāradrumapuṣpavāsitakucāṁ māyāṁ mahāmāyinīm |
bandhūkaprasavōjjvalāruṇanibhāṁ pañcākṣarīrūpiṇīṁ
śrīśaila bhramarāmbikāṁ bhaja manaḥ śrīśāradāsēvitām || 2 ||

mādyacchumbhaniśumbhamēghapaṭalapradhvaṁsa jhañjhānilāṁ
kaumārīṁ mahiṣākhya śuṣkaviṭapī dhūmōrudāvānalām |
cakrādyāyudhasaṅgrahōjjvalakarāṁ cāmuṇḍikādhīśvarīṁ
śrīśaila bhramarāmbikāṁ bhaja manaḥ śrīśāradāsēvitām || 2 ||

dr̥kkañjāta vilāsakalpita sarōjātōru śōbhānvitāṁ
nakṣatrēśvara śēkharapriyatamāṁ dēvīṁ jaganmōhinīm |
rañjanmaṅgaladāyinīṁ śubhakarīṁ rājatsvarūpōjjvalāṁ
śrīśaila bhramarāmbikāṁ bhaja manaḥ śrīśāradāsēvitām || 3 ||

kēlīmandira rājatācalatalāṁ sampūrṇacandrānanāṁ
yōgīndrairnutapādapaṅkajayugāṁ ratnāmbarālaṅkr̥tām |
svargāvāsa sarōjapatra nayanābhīṣṭapradāṁ nirmalāṁ
śrīśaila bhramarāmbikāṁ bhaja manaḥ śrīśāradāsēvitām || 4 ||

saṁsārārṇavatārakāṁ bhagavatīṁ dāridryavidhvaṁsinīṁ
sandhyātāṇḍavakēlikāṁ priyasatīṁ sadbhaktakāmapradām |
śiñjannūpurapādapaṅkajayugāṁ bimbādharāṁ śyāmalāṁ
śrīśaila bhramarāmbikāṁ bhaja manaḥ śrīśāradāsēvitām || 5 ||

cañcatkāñcanaratnacārukaṭakāṁ sarvaṁ sahāvallabhāṁ
kāñcīkāñcanaghaṇṭikāghaṇaghaṇāṁ kañjātapatrēkṣaṇam |
ārtatrāṇaparāyaṇāṁ puraharaprāṇēśvarīṁ śāmbhavīṁ
śrīśaila bhramarāmbikāṁ bhaja manaḥ śrīśāradāsēvitām || 6 ||

svarlōkēśvaravandyapādakamalāṁ paṅkēruhākṣastutāṁ
prālēyācalavaṁśapāvanakarīṁ śr̥ṅgārabhūṣānidhim |
tattvātītamahāprabhāṁ vijayinīṁ dākṣāyiṇīṁ bhairavīṁ
śrīśailabhramarāmbikāṁ bhaja manaḥ śrīśāradāsēvitām || 7 ||

bhramarāmbāmahādēvyāḥ aṣṭakaṁ sarvasiddhidam |
narāṇāṁ sarvaśatrūṇāṁ dhvaṁsanaṁ tadvadāmyaham || 8 ||

iti śrīdūrvāsaviracitaṁ śrībhramarāmbāṣṭakaṁ sampūrṇam |


See more dēvī stōtrāṇi for chanting.


గమనిక: "శ్రీ సుబ్రహ్మణ్య స్తోత్రనిధి" పుస్తక ప్రచురణ జరుగుతున్నది.

Facebook Comments

Leave a Reply

Your email address will not be published.

error: Not allowed
%d bloggers like this: