Read in తెలుగు / ಕನ್ನಡ / தமிழ் / देवनागरी / English (IAST)
[గమనిక: ఈ స్తోత్రము “శ్రీ దుర్గా స్తోత్రనిధి” పారాయణ గ్రంథములో కూడా ఉన్నది. Click here to buy.]
శ్రీకంఠార్పితపత్రగండయుగళాం సింహాసనాధ్యాసినీం
లోకానుగ్రహకారిణీం గుణవతీం లోలేక్షణాం శాంకరీమ్ |
పాకారిప్రముఖామరార్చితపదాం మత్తేభకుంభస్తనీం
శ్రీశైలభ్రమరాంబికాం భజ మనః శ్రీశారదాసేవితామ్ || ౧ ||
వింధ్యాద్రీంద్రగృహాంతరే నివసితాం వేదాంతవేద్యానిధిం
మందారద్రుమపుష్పవాసితకుచాం మాయాం మహామాయినీమ్ |
బంధూకప్రసవోజ్జ్వలారుణనిభాం పంచాక్షరీరూపిణీం
శ్రీశైలభ్రమరాంబికాం భజ మనః శ్రీశారదాసేవితామ్ || ౨ ||
మాద్యచ్ఛుంభనిశుంభమేఘపటలప్రధ్వంసఝంఝానిలాం
కౌమారీం మహిషాఖ్యశుష్కవిటపీధూమోరుదావానలామ్ |
చక్రాద్యాయుధసంగ్రహోజ్జ్వలకరాం చాముండికాధీశ్వరీం
శ్రీశైలభ్రమరాంబికాం భజ మనః శ్రీశారదాసేవితామ్ || ౩ ||
దృక్కంజాతవిలాసకల్పితసరోజాతోరుశోభాన్వితాం
నక్షత్రేశ్వరశేఖరప్రియతమాం దేవీం జగన్మోహినీమ్ |
రంజన్మంగళదాయినీం శుభకరీం రాజత్స్వరూపోజ్జ్వలాం
శ్రీశైలభ్రమరాంబికాం భజ మనః శ్రీశారదాసేవితామ్ || ౪ ||
కేళీమందిరరాజతాచలతలాం సంపూర్ణచంద్రాననాం
యోగీంద్రైర్నుతపాదపంకజయుగాం రత్నాంబరాలంకృతామ్ |
స్వర్గావాససరోజపత్రనయనాభీష్టప్రదాం నిర్మలాం
శ్రీశైలభ్రమరాంబికాం భజ మనః శ్రీశారదాసేవితామ్ || ౫ ||
సంసారార్ణవతారకాం భగవతీం దారిద్ర్యవిధ్వంసినీం
సంధ్యాతాండవకేళికాం ప్రియసతీం సద్భక్తకామప్రదామ్ |
శింజన్నూపురపాదపంకజయుగాం బింబాధరాం శ్యామలాం
శ్రీశైలభ్రమరాంబికాం భజ మనః శ్రీశారదాసేవితామ్ || ౬ ||
చంచత్కాంచనరత్నచారుకటకాం సర్వం సహావల్లభాం
కాంచీకాంచనఘంటికాఘణఘణాం కంజాతపత్రేక్షణామ్ |
సారోదారగుణాంచితాం పురహరప్రాణేశ్వరీం శాంభవీం
శ్రీశైలభ్రమరాంబికాం భజ మనః శ్రీశారదాసేవితామ్ || ౭ ||
బ్రహ్మర్షీశ్వరవంద్యపాదకమలాం పంకేరుహాక్షస్తుతాం
ప్రాలేయాచలవంశపావనకరీం శృంగారభూషానిధిమ్ |
తత్త్వాతీతమహాప్రభాం విజయినీం దాక్షాయిణీం భైరవీం
శ్రీశైలభ్రమరాంబికాం భజ మనః శ్రీశారదాసేవితామ్ || ౮ ||
భ్రమరాంబా మహాదేవ్యాః అష్టకం సర్వసిద్ధిదమ్ |
శత్రూణాం తు నరాణాం చ ధ్వంసనం తద్వదామ్యహమ్ || ౯ ||
ఇతి శ్రీదూర్వాసవిరచితం శ్రీభ్రమరాంబికాష్టకమ్ |
గమనిక: పైన ఇవ్వబడిన స్తోత్రము, ఈ క్రింది పుస్తకములో కూడా ఉన్నది.
శ్రీ దుర్గా స్తోత్రనిధి
(నిత్య పారాయణ గ్రంథము)
మరిన్ని దేవీ స్తోత్రాలు చూడండి.
గమనిక: ఉగాది నుండి మొదలయ్యే వసంత నవరాత్రుల కోసం "శ్రీ లలితా స్తోత్రనిధి" పారాయణ గ్రంథము అందుబాటులో ఉంది.
Chant other stotras in తెలుగు, ಕನ್ನಡ, தமிழ், देवनागरी, english.
Did you see any mistake/variation in the content above? Click here to report mistakes and corrections in Stotranidhi content.
