Read in తెలుగు / ಕನ್ನಡ / தமிழ் / देवनागरी / English (IAST)
ಅಸ್ಯ ಶ್ರೀಶನೈಶ್ಚರ ಸಹಸ್ರನಾಮಸ್ತೋತ್ರ ಮಹಾಮಂತ್ರಸ್ಯ, ಕಾಶ್ಯಪ ಋಷಿಃ, ಅನುಷ್ಟುಪ್ ಛಂದಃ, ಶನೈಶ್ಚರೋ ದೇವತಾ, ಶಂ ಬೀಜಂ, ನಂ ಶಕ್ತಿಃ, ಮಂ ಕೀಲಕಂ, ಶನೈಶ್ಚರಪ್ರಸಾದ ಸಿದ್ಧ್ಯರ್ಥೇ ಜಪೇ ವಿನಿಯೋಗಃ ||
ಕರನ್ಯಾಸಃ –
ಶನೈಶ್ಚರಾಯ ಅಂಗುಷ್ಠಾಭ್ಯಾಂ ನಮಃ |
ಮಂದಗತಯೇ ತರ್ಜನೀಭ್ಯಾಂ ನಮಃ |
ಅಧೋಕ್ಷಜಾಯ ಮಧ್ಯಮಾಭ್ಯಾಂ ನಮಃ |
ಸೌರಯೇ ಅನಾಮಿಕಾಭ್ಯಾಂ ನಮಃ |
ಶುಷ್ಕೋದರಾಯ ಕನಿಷ್ಠಿಕಾಭ್ಯಾಂ ನಮಃ |
ಛಾಯಾತ್ಮಜಾಯ ಕರತಲಕರಪೃಷ್ಠಾಭ್ಯಾಂ ನಮಃ |
ಹೃದಯಾದಿನ್ಯಾಸಃ –
ಶನೈಶ್ಚರಾಯ ಹೃದಯಾಯ ನಮಃ |
ಮಂದಗತಯೇ ಶಿರಸೇ ಸ್ವಾಹಾ |
ಅಧೋಕ್ಷಜಾಯ ಶಿಖಾಯೈ ವಷಟ್ |
ಸೌರಯೇ ಕವಚಾಯ ಹುಮ್ |
ಶುಷ್ಕೋದರಾಯ ನೇತ್ರತ್ರಯಾಯ ವೌಷಟ್ |
ಛಾಯಾತ್ಮಜಾಯ ಅಸ್ತ್ರಾಯ ಫಟ್ |
ಭೂರ್ಭುವಸ್ಸುವರೋಮಿತಿ ದಿಗ್ಬಂಧಃ |
ಧ್ಯಾನಮ್ –
ಚಾಪಾಸನೋ ಗೃಧ್ರಧರಸ್ತು ನೀಲಃ
ಪ್ರತ್ಯಙ್ಮುಖಃ ಕಾಶ್ಯಪ ಗೋತ್ರಜಾತಃ |
ಸಶೂಲಚಾಪೇಷು ಗದಾಧರೋಽವ್ಯಾತ್
ಸೌರಾಷ್ಟ್ರದೇಶಪ್ರಭವಶ್ಚ ಶೌರಿಃ ||
ನೀಲಾಂಬರೋ ನೀಲವಪುಃ ಕಿರೀಟೀ
ಗೃಧ್ರಾಸನಸ್ಥೋ ವಿಕೃತಾನನಶ್ಚ |
ಕೇಯೂರಹಾರಾದಿವಿಭೂಷಿತಾಂಗಃ
ಸದಾಽಸ್ತು ಮೇ ಮಂದಗತಿಃ ಪ್ರಸನ್ನಃ ||
ಸ್ತೋತ್ರಮ್ –
ಓಂ || ಅಮಿತಾಭಾಷ್ಯಘಹರಃ ಅಶೇಷದುರಿತಾಪಹಃ |
ಅಘೋರರೂಪೋಽತಿದೀರ್ಘಕಾಯೋಽಶೇಷಭಯಾನಕಃ || ೧ ||
ಅನಂತೋ ಅನ್ನದಾತಾ ಚಾಽಶ್ವತ್ಥಮೂಲಜಪೇ ಪ್ರಿಯಃ |
ಅತಿಸಂಪತ್ಪ್ರದೋಽಮೋಘಃ ಅನ್ಯಸ್ತುತ್ಯಾ ಪ್ರಕೋಪಿತಃ || ೨ ||
ಅಪರಾಜಿತೋಽದ್ವಿತೀಯಃ ಅತಿತೇಜೋಽಭಯಪ್ರದಃ |
ಅಷ್ಟಮಸ್ಥೋಽಂಜನನಿಭಃ ಅಖಿಲಾತ್ಮಾರ್ಕನಂದನಃ || ೩ ||
ಅತಿದಾರುಣ ಅಕ್ಷೋಭ್ಯಃ ಅಪ್ಸರೋಭಿಃ ಪ್ರಪೂಜಿತಃ |
ಅಭೀಷ್ಟಫಲದೋಽರಿಷ್ಟಮಥನೋಽಮರಪೂಜಿತಃ || ೪ ||
ಅನುಗ್ರಾಹ್ಯೋ ಅಪ್ರಮೇಯ ಪರಾಕ್ರಮ ವಿಭೀಷಣಃ |
ಅಸಾಧ್ಯಯೋಗೋ ಅಖಿಲದೋಷಘ್ನಃ ಅಪರಾಕೃತಃ || ೫ ||
ಅಪ್ರಮೇಯೋಽತಿಸುಖದಃ ಅಮರಾಧಿಪಪೂಜಿತಃ |
ಅವಲೋಕಾತ್ ಸರ್ವನಾಶಃ ಅಶ್ವತ್ಥಾಮ ದ್ವಿರಾಯುಧಃ || ೬ ||
ಅಪರಾಧಸಹಿಷ್ಣುಶ್ಚ ಅಶ್ವತ್ಥಾಮಸುಪೂಜಿತಃ |
ಅನಂತಪುಣ್ಯಫಲದೋ ಅತೃಪ್ತೋಽತಿಬಲೋಽಪಿ ಚ || ೭ ||
ಅವಲೋಕಾತ್ ಸರ್ವವಂದ್ಯಃ ಅಕ್ಷೀಣಕರುಣಾನಿಧಿಃ |
ಅವಿದ್ಯಾಮೂಲನಾಶಶ್ಚ ಅಕ್ಷಯ್ಯಫಲದಾಯಕಃ || ೮ ||
ಆನಂದಪರಿಪೂರ್ಣಶ್ಚ ಆಯುಷ್ಕಾರಕ ಏವ ಚ |
ಆಶ್ರಿತೇಷ್ಟಾರ್ಥವರದಃ ಆಧಿವ್ಯಾಧಿಹರೋಽಪಿ ಚ || ೯ ||
ಆನಂದಮಯ ಆನಂದಕರೋ ಆಯುಧಧಾರಕಃ |
ಆತ್ಮಚಕ್ರಾಧಿಕಾರೀ ಚ ಆತ್ಮಸ್ತುತ್ಯಪರಾಯಣಃ || ೧೦ ||
ಆಯುಷ್ಕರೋ ಆನುಪೂರ್ವ್ಯಃ ಆತ್ಮಾಯತ್ತಜಗತ್ತ್ರಯಃ |
ಆತ್ಮನಾಮಜಪಪ್ರೀತಃ ಆತ್ಮಾಧಿಕಫಲಪ್ರದಃ || ೧೧ ||
ಆದಿತ್ಯಸಂಭವೋ ಆರ್ತಿಭಂಜನೋ ಆತ್ಮರಕ್ಷಕಃ |
ಆಪದ್ಬಾಂಧವ ಆನಂದರೂಪೋ ಆಯುಃಪ್ರದೋಽಪಿ ಚ || ೧೨ ||
ಆಕರ್ಣಪೂರ್ಣಚಾಪಶ್ಚ ಆತ್ಮೋದ್ದಿಷ್ಟ ದ್ವಿಜಪ್ರದಃ |
ಆನುಕೂಲ್ಯೋ ಆತ್ಮರೂಪಪ್ರತಿಮಾದಾನಸುಪ್ರಿಯಃ || ೧೩ ||
ಆತ್ಮಾರಾಮೋ ಆದಿದೇವೋ ಆಪನ್ನಾರ್ತಿವಿನಾಶನಃ |
ಇಂದಿರಾರ್ಚಿತಪಾದಶ್ಚ ಇಂದ್ರಭೋಗಫಲಪ್ರದಃ || ೧೪ ||
ಇಂದ್ರದೇವಸ್ವರೂಪಶ್ಚ ಇಷ್ಟೇಷ್ಟವರದಾಯಕಃ |
ಇಷ್ಟಾಪೂರ್ತಿಪ್ರದೋ ಇಂದುಮತೀಷ್ಟವರದಾಯಕಃ || ೧೫ ||
ಇಂದಿರಾರಮಣಃ ಪ್ರೀತಃ ಇಂದ್ರವಂಶನೃಪಾರ್ಚಿತಃ |
ಇಹಾಮುತ್ರೇಷ್ಟಫಲದ ಇಂದಿರಾರಮಣಾರ್ಚಿತಃ || ೧೬ ||
ಈಂದ್ರಿಯೋ ಈಶ್ವರಪ್ರೀತಃ ಈಷಣಾತ್ರಯವರ್ಜಿತಃ |
ಉಮಾಸ್ವರೂಪ ಉದ್ಬೋಧ್ಯಃ ಉಶನಾ ಉತ್ಸವಪ್ರಿಯಃ || ೧೭ ||
ಉಮಾದೇವ್ಯರ್ಚನಪ್ರೀತಃ ಉಚ್ಚಸ್ಥೋಚ್ಚಫಲಪ್ರದಃ |
ಉರುಪ್ರಕಾಶೋ ಉಚ್ಚಸ್ಥಯೋಗದಃ ಉರುಪರಾಕ್ರಮಃ || ೧೮ ||
ಊರ್ಧ್ವಲೋಕಾದಿಸಂಚಾರೀ ಊರ್ಧ್ವಲೋಕಾದಿನಾಯಕಃ |
ಊರ್ಜಸ್ವೀ ಊನಪಾದಶ್ಚ ಋಕಾರಾಕ್ಷರಪೂಜಿತಃ || ೧೯ ||
ಋಷಿಪ್ರೋಕ್ತ ಪುರಾಣಜ್ಞಃ ಋಷಿಭಿಃ ಪರಿಪೂಜಿತಃ |
ಋಗ್ವೇದವಂದ್ಯೋ ಋಗ್ರೂಪೀ ಋಜುಮಾರ್ಗಪ್ರವರ್ತಕಃ || ೨೦ ||
ಲುಳಿತೋದ್ಧಾರಕೋ ಲೂತಭವಪಾಶಪ್ರಭಂಜನಃ |
ಲೂಕಾರರೂಪಕೋ ಲಬ್ಧಧರ್ಮಮಾರ್ಗಪ್ರವರ್ತಕಃ || ೨೧ ||
ಏಕಾಧಿಪತ್ಯಸಾಮ್ರಾಜ್ಯಪ್ರದೋ ಏನೌಘನಾಶನಃ |
ಏಕಪಾದ್ಯೇಕ ಏಕೋನವಿಂಶತಿಮಾಸಭುಕ್ತಿದಃ || ೨೨ ||
ಏಕೋನವಿಂಶತಿವರ್ಷದಶೋ ಏಣಾಂಕಪೂಜಿತಃ |
ಐಶ್ವರ್ಯಫಲದೋ ಐಂದ್ರ ಐರಾವತಸುಪೂಜಿತಃ || ೨೩ ||
ಓಂಕಾರಜಪಸುಪ್ರೀತ ಓಂಕಾರಪರಿಪೂಜಿತಃ |
ಓಂಕಾರಬೀಜೋ ಔದಾರ್ಯಹಸ್ತೋ ಔನ್ನತ್ಯದಾಯಕಃ || ೨೪ ||
ಔದಾರ್ಯಗುಣ ಔದಾರ್ಯಶೀಲೋ ಔಷಧಕಾರಕಃ |
ಕರಪಂಕಜಸನ್ನದ್ಧಧನುಶ್ಚ ಕರುಣಾನಿಧಿಃ || ೨೫ ||
ಕಾಲಃ ಕಠಿನಚಿತ್ತಶ್ಚ ಕಾಲಮೇಘಸಮಪ್ರಭಃ |
ಕಿರೀಟೀ ಕರ್ಮಕೃತ್ ಕಾರಯಿತಾ ಕಾಲಸಹೋದರಃ || ೨೬ ||
ಕಾಲಾಂಬರಃ ಕಾಕವಾಹಃ ಕರ್ಮಠಃ ಕಾಶ್ಯಪಾನ್ವಯಃ |
ಕಾಲಚಕ್ರಪ್ರಭೇದೀ ಚ ಕಾಲರೂಪೀ ಚ ಕಾರಣಃ || ೨೭ ||
ಕಾರಿಮೂರ್ತಿಃ ಕಾಲಭರ್ತಾ ಕಿರೀಟಮಕುಟೋಜ್ವಲಃ |
ಕಾರ್ಯಕಾರಣ ಕಾಲಜ್ಞಃ ಕಾಂಚನಾಭರಥಾನ್ವಿತಃ || ೨೮ ||
ಕಾಲದಂಷ್ಟ್ರಃ ಕ್ರೋಧರೂಪಃ ಕರಾಳೀ ಕೃಷ್ಣಕೇತನಃ |
ಕಾಲಾತ್ಮಾ ಕಾಲಕರ್ತಾ ಚ ಕೃತಾಂತಃ ಕೃಷ್ಣಗೋಪ್ರಿಯಃ || ೨೯ ||
ಕಾಲಾಗ್ನಿರುದ್ರರೂಪಶ್ಚ ಕಾಶ್ಯಪಾತ್ಮಜಸಂಭವಃ |
ಕೃಷ್ಣವರ್ಣಹಯಶ್ಚೈವ ಕೃಷ್ಣಗೋಕ್ಷೀರಸುಪ್ರಿಯಃ || ೩೦ ||
ಕೃಷ್ಣಗೋಘೃತಸುಪ್ರೀತಃ ಕೃಷ್ಣಗೋದಧಿಷುಪ್ರಿಯಃ |
ಕೃಷ್ಣಗಾವೈಕಚಿತ್ತಶ್ಚ ಕೃಷ್ಣಗೋದಾನಸುಪ್ರಿಯಃ || ೩೧ ||
ಕೃಷ್ಣಗೋದತ್ತಹೃದಯಃ ಕೃಷ್ಣಗೋರಕ್ಷಣಪ್ರಿಯಃ |
ಕೃಷ್ಣಗೋಗ್ರಾಸಚಿತ್ತಸ್ಯ ಸರ್ವಪೀಡಾನಿವಾರಕಃ || ೩೨ ||
ಕೃಷ್ಣಗೋದಾನ ಶಾಂತಸ್ಯ ಸರ್ವಶಾಂತಫಲಪ್ರದಃ |
ಕೃಷ್ಣಗೋಸ್ನಾನ ಕಾಮಸ್ಯ ಗಂಗಾಸ್ನಾನಫಲಪ್ರದಃ || ೩೩ ||
ಕೃಷ್ಣಗೋರಕ್ಷಣಸ್ಯಾಶು ಸರ್ವಾಭೀಷ್ಟಫಲಪ್ರದಃ |
ಕೃಷ್ಣಗಾವಪ್ರಿಯಶ್ಚೈವ ಕಪಿಲಾಪಶುಷು ಪ್ರಿಯಃ || ೩೪ ||
ಕಪಿಲಾಕ್ಷೀರಪಾನಸ್ಯ ಸೋಮಪಾನಫಲಪ್ರದಃ |
ಕಪಿಲಾದಾನಸುಪ್ರೀತಃ ಕಪಿಲಾಜ್ಯಹುತಪ್ರಿಯಃ || ೩೫ ||
ಕೃಷ್ಣಶ್ಚ ಕೃತ್ತಿಕಾಂತಸ್ಥಃ ಕೃಷ್ಣಗೋವತ್ಸಸುಪ್ರಿಯಃ |
ಕೃಷ್ಣಮಾಲ್ಯಾಂಬರಧರಃ ಕೃಷ್ಣವರ್ಣತನೂರುಹಃ || ೩೬ ||
ಕೃಷ್ಣಕೇತುಃ ಕೃಶಕೃಷ್ಣದೇಹಃ ಕೃಷ್ಣಾಂಬರಪ್ರಿಯಃ |
ಕ್ರೂರಚೇಷ್ಟಃ ಕ್ರೂರಭಾವಃ ಕ್ರೂರದಂಷ್ಟ್ರಃ ಕುರೂಪಿ ಚ || ೩೭ ||
ಕಮಲಾಪತಿಸಂಸೇವ್ಯಃ ಕಮಲೋದ್ಭವಪೂಜಿತಃ |
ಕಾಮಿತಾರ್ಥಪ್ರದಃ ಕಾಮಧೇನುಪೂಜನಸುಪ್ರಿಯಃ || ೩೮ ||
ಕಾಮಧೇನುಸಮಾರಾಧ್ಯಃ ಕೃಪಾಯುಷವಿವರ್ಧನಃ |
ಕಾಮಧೇನ್ವೈಕಚಿತ್ತಶ್ಚ ಕೃಪರಾಜಸುಪೂಜಿತಃ || ೩೯ ||
ಕಾಮದೋಗ್ಧಾ ಚ ಕ್ರುದ್ಧಶ್ಚ ಕುರುವಂಶಸುಪೂಜಿತಃ |
ಕೃಷ್ಣಾಂಗಮಹಿಷೀದೋಗ್ಧಾ ಕೃಷ್ಣೇನ ಕೃತಪೂಜನಃ || ೪೦ ||
ಕೃಷ್ಣಾಂಗಮಹಿಷೀದಾನಪ್ರಿಯಃ ಕೋಣಸ್ಥ ಏವ ಚ |
ಕೃಷ್ಣಾಂಗಮಹಿಷೀದಾನಲೋಲುಪಃ ಕಾಮಪೂಜಿತಃ || ೪೧ ||
ಕ್ರೂರಾವಲೋಕನಾತ್ಸರ್ವನಾಶಃ ಕೃಷ್ಣಾಂಗದಪ್ರಿಯಃ |
ಖದ್ಯೋತಃ ಖಂಡನಃ ಖಡ್ಗಧರಃ ಖೇಚರಪೂಜಿತಃ || ೪೨ ||
ಖರಾಂಶುತನಯಶ್ಚೈವ ಖಗಾನಾಂ ಪತಿವಾಹನಃ |
ಗೋಸವಾಸಕ್ತಹೃದಯೋ ಗೋಚರಸ್ಥಾನದೋಷಹೃತ್ || ೪೩ ||
ಗೃಹರಾಶ್ಯಾಧಿಪಶ್ಚೈವ ಗೃಹರಾಜಮಹಾಬಲಃ |
ಗೃಧ್ರವಾಹೋ ಗೃಹಪತಿರ್ಗೋಚರೋ ಗಾನಲೋಲುಪಃ || ೪೪ ||
ಘೋರೋ ಘರ್ಮೋ ಘನತಮೋ ಘರ್ಮೀ ಘನಕೃಪಾನ್ವಿತಃ |
ಘನನೀಲಾಂಬರಧರೋ ಙಾದಿವರ್ಣಸುಸಂಜ್ಞಿತಃ || ೪೫ ||
ಚಕ್ರವರ್ತಿಸಮಾರಾಧ್ಯಶ್ಚಂದ್ರಮತ್ಯಾಸಮರ್ಚಿತಃ |
ಚಂದ್ರಮತ್ಯಾರ್ತಿಹಾರೀ ಚ ಚರಾಚರಸುಖಪ್ರದಃ || ೪೬ ||
ಚತುರ್ಭುಜಶ್ಚಾಪಹಸ್ತಶ್ಚರಾಚರಹಿತಪ್ರದಃ |
ಛಾಯಾಪುತ್ರಶ್ಛತ್ರಧರಶ್ಛಾಯಾದೇವೀಸುತಸ್ತಥಾ || ೪೭ ||
ಜಯಪ್ರದೋ ಜಗನ್ನೀಲೋ ಜಪತಾಂ ಸರ್ವಸಿದ್ಧಿದಃ |
ಜಪವಿಧ್ವಸ್ತವಿಮುಖೋ ಜಂಭಾರಿಪರಿಪೂಜಿತಃ || ೪೮ ||
ಜಂಭಾರಿವಂದ್ಯೋ ಜಯದೋ ಜಗಜ್ಜನಮನೋಹರಃ |
ಜಗತ್ತ್ರಯಪ್ರಕುಪಿತೋ ಜಗತ್ತ್ರಾಣಪರಾಯಣಃ || ೪೯ ||
ಜಯೋ ಜಯಪ್ರದಶ್ಚೈವ ಜಗದಾನಂದಕಾರಕಃ |
ಜ್ಯೋತಿಶ್ಚ ಜ್ಯೋತಿಷಾಂ ಶ್ರೇಷ್ಠೋ ಜ್ಯೋತಿಃಶಾಸ್ತ್ರಪ್ರವರ್ತಕಃ || ೫೦ ||
ಝರ್ಝರೀಕೃತದೇಹಶ್ಚ ಝಲ್ಲರೀವಾದ್ಯಸುಪ್ರಿಯಃ |
ಜ್ಞಾನಮೂರ್ತಿರ್ಜ್ಞಾನಗಮ್ಯೋ ಜ್ಞಾನೀ ಜ್ಞಾನಮಹಾನಿಧಿಃ || ೫೧ ||
ಜ್ಞಾನಪ್ರಬೋಧಕಶ್ಚೈವ ಜ್ಞಾನದೃಷ್ಟ್ಯಾವಲೋಕಿತಃ |
ಟಂಕಿತಾಖಿಲಲೋಕಶ್ಚ ಟಂಕಿತೈನಸ್ತಮೋರವಿಃ || ೫೨ ||
ಟಂಕಾರಕಾರಕಶ್ಚೈವ ಟಂಕೃತೋ ಟಾಂಭದಪ್ರಿಯಃ |
ಠಕಾರಮಯ ಸರ್ವಸ್ವಷ್ಠಕಾರಕೃತಪೂಜಿತಃ || ೫೩ ||
ಢಕ್ಕಾವಾದ್ಯಪ್ರೀತಿಕರೋ ಡಮಡ್ಡಮರುಕಪ್ರಿಯಃ |
ಡಂಬರಪ್ರಭವೋ ಡಂಭೋ ಢಕ್ಕಾನಾದಪ್ರಿಯಂಕರಃ || ೫೪ ||
ಡಾಕಿನೀಶಾಕಿನೀಭೂತಸರ್ವೋಪದ್ರವಕಾರಕಃ |
ಡಾಕಿನೀಶಾಕಿನೀಭೂತಸರ್ವೋಪದ್ರವನಾಶಕಃ || ೫೫ ||
ಢಕಾರರೂಪೋ ಢಾಂಭೀಕೋ ಣಕಾರಜಪಸುಪ್ರಿಯಃ |
ಣಕಾರಮಯಮಂತ್ರಾರ್ಥಃ ಣಕಾರೈಕಶಿರೋಮಣಿಃ || ೫೬ ||
ಣಕಾರವಚನಾನಂದಃ ಣಕಾರಕರುಣಾಮಯಃ |
ಣಕಾರಮಯಸರ್ವಸ್ವಃ ಣಕಾರೈಕಪರಾಯಣಃ || ೫೭ ||
ತರ್ಜನೀಧೃತಮುದ್ರಶ್ಚ ತಪಸಾಂ ಫಲದಾಯಕಃ |
ತ್ರಿವಿಕ್ರಮನುತಶ್ಚೈವ ತ್ರಯೀಮಯವಪುರ್ಧರಃ || ೫೮ ||
ತಪಸ್ವೀ ತಪಸಾದಗ್ಧದೇಹಸ್ತಾಮ್ರಾಧರಸ್ತಥಾ |
ತ್ರಿಕಾಲವೇದಿತವ್ಯಶ್ಚ ತ್ರಿಕಾಲಮತಿತೋಷಿತಃ || ೫೯ ||
ತುಲೋಚ್ಚಯಸ್ತ್ರಾಸಕರಸ್ತಿಲತೈಲಪ್ರಿಯಸ್ತಥಾ |
ತಿಲಾನ್ನಸಂತುಷ್ಟಮನಾಸ್ತಿಲದಾನಪ್ರಿಯಸ್ತಥಾ || ೬೦ ||
ತಿಲಭಕ್ಷ್ಯಪ್ರಿಯಶ್ಚೈವ ತಿಲಚೂರ್ಣಪ್ರಿಯಸ್ತಥಾ |
ತಿಲಖಂಡಪ್ರಿಯಶ್ಚೈವ ತಿಲಾಪೂಪಪ್ರಿಯಸ್ತಥಾ || ೬೧ ||
ತಿಲಹೋಮಪ್ರಿಯಶ್ಚೈವ ತಾಪತ್ರಯನಿವಾರಕಃ |
ತಿಲತರ್ಪಣಸಂತುಷ್ಟಸ್ತಿಲತೈಲಾನ್ನತೋಷಿತಃ || ೬೨ ||
ತಿಲೈಕದತ್ತಹೃದಯಸ್ತೇಜಸ್ವೀ ತೇಜಸಾನ್ನಿಧಿಃ |
ತೇಜಸಾದಿತ್ಯಸಂಕಾಶಸ್ತೇಜೋಮಯ ವಪುರ್ಧರಃ || ೬೩ ||
ತತ್ತ್ವಜ್ಞಸ್ತತ್ತ್ವಗಸ್ತೀವ್ರಸ್ತಪೋರೂಪಸ್ತಪೋಮಯಃ |
ತುಷ್ಟಿದಸ್ತುಷ್ಟಿಕೃತ್ ತೀಕ್ಷ್ಣಸ್ತ್ರಿಮೂರ್ತಿಸ್ತ್ರಿಗುಣಾತ್ಮಕಃ || ೬೪ ||
ತಿಲದೀಪಪ್ರಿಯಶ್ಚೈವ ತಸ್ಯ ಪೀಡಾನಿವಾರಕಃ |
ತಿಲೋತ್ತಮಾಮೇನಕಾದಿನರ್ತನಪ್ರಿಯ ಏವ ಚ || ೬೫ ||
ತ್ರಿಭಾಗಮಷ್ಟವರ್ಗಶ್ಚ ಸ್ಥೂಲರೋಮಾ ಸ್ಥಿರಸ್ತಥಾ |
ಸ್ಥಿತಃ ಸ್ಥಾಯೀ ಸ್ಥಾಪಕಶ್ಚ ಸ್ಥೂಲಸೂಕ್ಷ್ಮಪ್ರದರ್ಶಕಃ || ೬೬ ||
ದಶರಥಾರ್ಚಿತಪಾದಶ್ಚ ದಶರಥಸ್ತೋತ್ರತೋಷಿತಃ |
ದಶರಥಪ್ರಾರ್ಥನಾಕ್ಲುಪ್ತ ದುರ್ಭಿಕ್ಷವಿನಿವಾರಕಃ || ೬೭ ||
ದಶರಥಪ್ರಾರ್ಥನಾಕ್ಲುಪ್ತವರದ್ವಯಪ್ರದಾಯಕಃ |
ದಶರಥಸ್ವಾತ್ಮದರ್ಶೀ ಚ ದಶರಥಾಭೀಷ್ಟದಾಯಕಃ || ೬೮ ||
ದೋರ್ಭಿರ್ಧನುರ್ಧರಶ್ಚೈವ ದೀರ್ಘಶ್ಮಶ್ರುಜಟಾಧರಃ |
ದಶರಥಸ್ತೋತ್ರವರದೋ ದಶರಥಾಭೀಪ್ಸಿತಪ್ರದಃ || ೬೯ ||
ದಶರಥಸ್ತೋತ್ರಸಂತುಷ್ಟೋ ದಶರಥೇನಸುಪೂಜಿತಃ |
ದ್ವಾದಶಾಷ್ಟಮಜನ್ಮಸ್ಥೋ ದೇವಪುಂಗವಪೂಜಿತಃ || ೭೦ ||
ದೇವದಾನವದರ್ಪಘ್ನೋ ದಿನಂ ಪ್ರತಿಮುನಿಸ್ತುತಃ |
ದ್ವಾದಶಸ್ಥೋ ದ್ವಾದಶಾತ್ಮಾ ಸುತೋ ದ್ವಾದಶನಾಮಭೃತ್ || ೭೧ ||
ದ್ವಿತೀಯಸ್ಥೋ ದ್ವಾದಶಾರ್ಕಸೂನುರ್ದೈವಜ್ಞಪೂಜಿತಃ |
ದೈವಜ್ಞಚಿತ್ತವಾಸೀ ಚ ದಮಯಂತ್ಯಾ ಸುಪೂಜಿತಃ || ೭೨ ||
ದ್ವಾದಶಾಬ್ದಂತು ದುರ್ಭಿಕ್ಷಕಾರೀ ದುಃಸ್ವಪ್ನನಾಶನಃ |
ದುರಾರಾಧ್ಯೋ ದುರಾಧರ್ಷೋ ದಮಯಂತೀವರಪ್ರದಃ || ೭೩ ||
ದುಷ್ಟದೂರೋ ದುರಾಚಾರಶಮನೋ ದೋಷವರ್ಜಿತಃ |
ದುಸ್ಸಹೋ ದೋಷಹಂತಾ ಚ ದುರ್ಲಭೋ ದುರ್ಗಮಸ್ತಥಾ || ೭೪ ||
ದುಃಖಪ್ರದೋ ದುಃಖಹಂತಾ ದೀಪ್ತರಂಜಿತ ದಿಙ್ಮುಖಃ |
ದೀಪ್ಯಮಾನಮುಖಾಂಭೋಜಃ ದಮಯಂತ್ಯಾಃ ಶಿವಪ್ರದಃ || ೭೫ ||
ದುರ್ನಿರೀಕ್ಷ್ಯೋ ದೃಷ್ಟಮಾತ್ರದೈತ್ಯಮಂಡಲನಾಶಕಃ |
ದ್ವಿಜದಾನೈಕನಿರತೋ ದ್ವಿಜಾರಾಧನತತ್ಪರಃ || ೭೬ ||
ದ್ವಿಜಸರ್ವಾರ್ತಿಹಾರೀ ಚ ದ್ವಿಜರಾಜಸಮರ್ಚಿತಃ |
ದ್ವಿಜದಾನೈಕಚಿತ್ತಶ್ಚ ದ್ವಿಜರಾಜಪ್ರಿಯಂಕರಃ || ೭೭ ||
ದ್ವಿಜೋ ದ್ವಿಜಪ್ರಿಯಶ್ಚೈವ ದ್ವಿಜರಾಜೇಷ್ಟದಾಯಕಃ |
ದ್ವಿಜರೂಪೋ ದ್ವಿಜಶ್ರೇಷ್ಠೋ ದೋಷದೋ ದುಃಸಹೋಽಪಿ ಚ || ೭೮ ||
ದೇವಾದಿದೇವೋ ದೇವೇಶೋ ದೇವರಾಜಸುಪೂಜಿತಃ |
ದೇವರಾಜೇಷ್ಟವರದೋ ದೇವರಾಜಪ್ರಿಯಂಕರಃ || ೭೯ ||
ದೇವಾದಿವಂದಿತೋ ದಿವ್ಯತನುರ್ದೇವಶಿಖಾಮಣಿಃ |
ದೇವಗಾನಪ್ರಿಯಶ್ಚೈವ ದೇವದೇಶಿಕಪುಂಗವಃ || ೮೦ ||
ದ್ವಿಜಾತ್ಮಜಸಮಾರಾಧ್ಯೋ ಧ್ಯೇಯೋ ಧರ್ಮೀ ಧನುರ್ಧರಃ |
ಧನುಷ್ಮಾನ್ ಧನದಾತಾ ಚ ಧರ್ಮಾಧರ್ಮವಿವರ್ಜಿತಃ || ೮೧ ||
ಧರ್ಮರೂಪೋ ಧನುರ್ದಿವ್ಯೋ ಧರ್ಮಶಾಸ್ತ್ರಾತ್ಮಚೇತನಃ |
ಧರ್ಮರಾಜಪ್ರಿಯಕರೋ ಧರ್ಮರಾಜಸ್ಸುಪೂಜಿತಃ || ೮೨ ||
ಧರ್ಮರಾಜೇಷ್ಟವರದೋ ಧರ್ಮಾಭೀಷ್ಟಫಲಪ್ರದಃ |
ನಿತ್ಯತೃಪ್ತಸ್ವಭಾವಶ್ಚ ನಿತ್ಯಕರ್ಮರತಸ್ತಥಾ || ೮೩ ||
ನಿಜಪೀಡಾರ್ತಿಹಾರೀ ಚ ನಿಜಭಕ್ತೇಷ್ಟದಾಯಕಃ |
ನಿರ್ಮಾಂಸದೇಹೋ ನೀಲಶ್ಚ ನಿಜಸ್ತೋತ್ರಬಹುಪ್ರಿಯಃ || ೮೪ ||
ನಳಸ್ತೋತ್ರಪ್ರಿಯಶ್ಚೈವ ನಳರಾಜಸುಪೂಜಿತಃ |
ನಕ್ಷತ್ರಮಂಡಲಗತೋ ನಮತಾಂ ಪ್ರಿಯಕಾರಕಃ || ೮೫ ||
ನಿತ್ಯಾರ್ಚಿತಪದಾಂಭೋಜೋ ನಿಜಾಜ್ಞಾಪರಿಪಾಲಕಃ |
ನವಗ್ರಹವರೋ ನೀಲವಪುರ್ನಳಕರಾರ್ಚಿತಃ || ೮೬ ||
ನಳಪ್ರಿಯಾನಂದಿತಶ್ಚ ನಳಕ್ಷೇತ್ರನಿವಾಸಕಃ |
ನಳಪಾಕಪ್ರಿಯಶ್ಚೈವ ನಳಪದ್ಭಂಜನಕ್ಷಮಃ || ೮೭ ||
ನಳಸರ್ವಾರ್ತಿಹಾರೀ ಚ ನಳೇನಾತ್ಮಾರ್ಥಪೂಜಿತಃ |
ನಿಪಾಟವೀನಿವಾಸಶ್ಚ ನಳಾಭೀಷ್ಟವರಪ್ರದಃ || ೮೮ ||
ನಳತೀರ್ಥಸಕೃತ್ ಸ್ನಾನಸರ್ವಪೀಡಾನಿವಾರಕಃ |
ನಳೇಶದರ್ಶನಸ್ಯಾಶು ಸಾಮ್ರಾಜ್ಯಪದವೀಪ್ರದಃ || ೮೯ ||
ನಕ್ಷತ್ರರಾಶ್ಯಾಧಿಪಶ್ಚ ನೀಲಧ್ವಜವಿರಾಜಿತಃ |
ನಿತ್ಯಯೋಗರತಶ್ಚೈವ ನವರತ್ನವಿಭೂಷಿತಃ || ೯೦ ||
ನವಧಾ ಭಜ್ಯದೇಹಶ್ಚ ನವೀಕೃತಜಗತ್ತ್ರಯಃ |
ನವಗ್ರಹಾಧಿಪಶ್ಚೈವ ನವಾಕ್ಷರಜಪಪ್ರಿಯಃ || ೯೧ ||
ನವಾತ್ಮಾ ನವಚಕ್ರಾತ್ಮಾ ನವತತ್ತ್ವಾಧಿಪಸ್ತಥಾ |
ನವೋದನ ಪ್ರಿಯಶ್ಚೈವ ನವಧಾನ್ಯಪ್ರಿಯಸ್ತಥಾ || ೯೨ ||
ನಿಷ್ಕಂಟಕೋ ನಿಸ್ಪೃಹಶ್ಚ ನಿರಪೇಕ್ಷೋ ನಿರಾಮಯಃ |
ನಾಗರಾಜಾರ್ಚಿತಪದೋ ನಾಗರಾಜಪ್ರಿಯಂಕರಃ || ೯೩ ||
ನಾಗರಾಜೇಷ್ಟವರದೋ ನಾಗಾಭರಣಭೂಷಿತಃ |
ನಾಗೇಂದ್ರಗಾನನಿರತೋ ನಾನಾಭರಣಭೂಷಿತಃ || ೯೪ ||
ನವಮಿತ್ರಸ್ವರೂಪಶ್ಚ ನಾನಾಶ್ಚರ್ಯವಿಧಾಯಕಃ |
ನಾನಾದ್ವೀಪಾಧಿಕರ್ತಾ ಚ ನಾನಾಲಿಪಿಸಮಾವೃತಃ || ೯೫ ||
ನಾನಾರೂಪಜಗತ್ಸ್ರಷ್ಟಾ ನಾನಾರೂಪಜನಾಶ್ರಯಃ |
ನಾನಾಲೋಕಾಧಿಪಶ್ಚೈವ ನಾನಾಭಾಷಾಪ್ರಿಯಸ್ತಥಾ || ೯೬ ||
ನಾನಾರೂಪಾಧಿಕಾರೀ ಚ ನವರತ್ನಪ್ರಿಯಸ್ತಥಾ |
ನಾನಾವಿಚಿತ್ರವೇಷಾಢ್ಯೋ ನಾನಾಚಿತ್ರವಿಧಾಯಕಃ || ೯೭ ||
ನೀಲಜೀಮೂತಸಂಕಾಶೋ ನೀಲಮೇಘಸಮಪ್ರಭಃ |
ನೀಲಾಂಜನಚಯಪ್ರಖ್ಯೋ ನೀಲವಸ್ತ್ರಧರಪ್ರಿಯಃ || ೯೮ ||
ನೀಚಭಾಷಾಪ್ರಚಾರಜ್ಞೋ ನೀಚೇಸ್ವಲ್ಪಫಲಪ್ರದಃ |
ನಾನಾಗಮವಿಧಾನಜ್ಞೋ ನಾನಾನೃಪಸಮಾವೃತಃ || ೯೯ ||
ನಾನಾವರ್ಣಾಕೃತಿಶ್ಚೈವ ನಾನಾವರ್ಣಸ್ವರಾರ್ತವಃ |
ನಾಗಲೋಕಾಂತವಾಸೀ ಚ ನಕ್ಷತ್ರತ್ರಯಸಂಯುತಃ || ೧೦೦ ||
ನಭಾದಿಲೋಕಸಂಭೂತೋ ನಾಮಸ್ತೋತ್ರಬಹುಪ್ರಿಯಃ |
ನಾಮಪಾರಾಯಣಪ್ರೀತೋ ನಾಮಾರ್ಚನವರಪ್ರದಃ || ೧೦೧ ||
ನಾಮಸ್ತೋತ್ರೈಕಚಿತ್ತಶ್ಚ ನಾನಾರೋಗಾರ್ತಿಭಂಜನಃ |
ನವಗ್ರಹಸಮಾರಾಧ್ಯೋ ನವಗ್ರಹಭಯಾಪಹಃ || ೧೦೨ ||
ನವಗ್ರಹಸುಸಂಪೂಜ್ಯೋ ನಾನಾವೇದಸುರಕ್ಷಕಃ |
ನವಗ್ರಹಾಧಿರಾಜಶ್ಚ ನವಗ್ರಹಜಪಪ್ರಿಯಃ || ೧೦೩ ||
ನವಗ್ರಹಮಯಜ್ಯೋತಿರ್ನವಗ್ರಹವರಪ್ರದಃ |
ನವಗ್ರಹಾಣಾಮಧಿಪೋ ನವಗ್ರಹಸುಪೀಡಿತಃ || ೧೦೪ ||
ನವಗ್ರಹಾಧೀಶ್ವರಶ್ಚ ನವಮಾಣಿಕ್ಯಶೋಭಿತಃ |
ಪರಮಾತ್ಮಾ ಪರಬ್ರಹ್ಮ ಪರಮೈಶ್ವರ್ಯಕಾರಣಃ || ೧೦೫ ||
ಪ್ರಪನ್ನಭಯಹಾರೀ ಚ ಪ್ರಮತ್ತಾಸುರಶಿಕ್ಷಕಃ |
ಪ್ರಾಸಹಸ್ತಃ ಪಂಗುಪಾದಃ ಪ್ರಕಾಶಾತ್ಮಾ ಪ್ರತಾಪವಾನ್ || ೧೦೬ ||
ಪಾವನಃ ಪರಿಶುದ್ಧಾತ್ಮಾ ಪುತ್ರಪೌತ್ರಪ್ರವರ್ಧನಃ |
ಪ್ರಸನ್ನಾತ್ಸರ್ವಸುಖದಃ ಪ್ರಸನ್ನೇಕ್ಷಣ ಏವ ಚ || ೧೦೭ ||
ಪ್ರಜಾಪತ್ಯಃ ಪ್ರಿಯಕರಃ ಪ್ರಣತೇಪ್ಸಿತರಾಜ್ಯದಃ |
ಪ್ರಜಾನಾಂ ಜೀವಹೇತುಶ್ಚ ಪ್ರಾಣಿನಾಂ ಪರಿಪಾಲಕಃ || ೧೦೮ ||
ಪ್ರಾಣರೂಪೀ ಪ್ರಾಣಧಾರೀ ಪ್ರಜಾನಾಂ ಹಿತಕಾರಕಃ |
ಪ್ರಾಜ್ಞಃ ಪ್ರಶಾಂತಃ ಪ್ರಜ್ಞಾವಾನ್ ಪ್ರಜಾರಕ್ಷಣದೀಕ್ಷಿತಃ || ೧೦೯ ||
ಪ್ರಾವೃಷೇಣ್ಯಃ ಪ್ರಾಣಕಾರೀ ಪ್ರಸನ್ನೋತ್ಸವವಂದಿತಃ |
ಪ್ರಜ್ಞಾನಿವಾಸಹೇತುಶ್ಚ ಪುರುಷಾರ್ಥೈಕಸಾಧನಃ || ೧೧೦ ||
ಪ್ರಜಾಕರಃ ಪ್ರಾತಿಕೂಲ್ಯಃ ಪಿಂಗಳಾಕ್ಷಃ ಪ್ರಸನ್ನಧೀಃ |
ಪ್ರಪಂಚಾತ್ಮಾ ಪ್ರಸವಿತಾ ಪುರಾಣಪುರುಷೋತ್ತಮಃ || ೧೧೧ ||
ಪುರಾಣಪುರುಷಶ್ಚೈವ ಪುರುಹೂತಃ ಪ್ರಪಂಚಧೃತ್ |
ಪ್ರತಿಷ್ಠಿತಃ ಪ್ರೀತಿಕರಃ ಪ್ರಿಯಕಾರೀ ಪ್ರಯೋಜನಃ || ೧೧೨ ||
ಪ್ರೀತಿಮಾನ್ ಪ್ರವರಸ್ತುತ್ಯಃ ಪುರೂರವಸಮರ್ಚಿತಃ |
ಪ್ರಪಂಚಕಾರೀ ಪುಣ್ಯಶ್ಚ ಪುರುಹೂತಸಮರ್ಚಿತಃ || ೧೧೩ ||
ಪಾಂಡವಾದಿಸುಸಂಸೇವ್ಯಃ ಪ್ರಣವಃ ಪುರುಷಾರ್ಥದಃ |
ಪಯೋದಸಮವರ್ಣಶ್ಚ ಪಾಂಡುಪುತ್ರಾರ್ತಿಭಂಜನಃ || ೧೧೪ ||
ಪಾಂಡುಪುತ್ರೇಷ್ಟದಾತಾ ಚ ಪಾಂಡವಾನಾಂ ಹಿತಂಕರಃ |
ಪಂಚಪಾಂಡವಪುತ್ರಾಣಾಂ ಸರ್ವಾಭೀಷ್ಟಫಲಪ್ರದಃ || ೧೧೫ ||
ಪಂಚಪಾಂಡವಪುತ್ರಾಣಾಂ ಸರ್ವಾರಿಷ್ಟನಿವಾರಕಃ |
ಪಾಂಡುಪುತ್ರಾದ್ಯರ್ಚಿತಶ್ಚ ಪೂರ್ವಜಶ್ಚ ಪ್ರಪಂಚಭೃತ್ || ೧೧೬ ||
ಪರಚಕ್ರಪ್ರಭೇದೀ ಚ ಪಾಂಡವೇಷುವನಪ್ರದಃ |
ಪರಬ್ರಹ್ಮಸ್ವರೂಪಶ್ಚ ಪರಾಜ್ಞಾ ಪರಿವರ್ಜಿತಃ || ೧೧೭ ||
ಪರಾತ್ಪರಃ ಪಾಶಹಂತಾ ಪರಮಾಣುಃ ಪ್ರಪಂಚಕೃತ್ |
ಪಾತಂಗೀ ಪುರುಷಾಕಾರಃ ಪರಶಂಭುಸಮುದ್ಭವಃ || ೧೧೮ ||
ಪ್ರಸನ್ನಾತ್ಸರ್ವಸುಖದಃ ಪ್ರಪಂಚೋದ್ಭವಸಂಭವಃ |
ಪ್ರಸನ್ನಃ ಪರಮೋದಾರಃ ಪರಾಹಂಕಾರಭಂಜನಃ || ೧೧೯ ||
ಪರಃ ಪರಮಕಾರುಣ್ಯಃ ಪರಬ್ರಹ್ಮಮಯಸ್ತಥಾ |
ಪ್ರಪನ್ನಭಯಹಾರೀ ಚ ಪ್ರಣತಾರ್ತಿಹರಸ್ತಥಾ || ೧೨೦ ||
ಪ್ರಸಾದಕೃತ್ ಪ್ರಪಂಚಶ್ಚ ಪರಾಶಕ್ತಿಸಮುದ್ಭವಃ |
ಪ್ರದಾನಪಾವನಶ್ಚೈವ ಪ್ರಶಾಂತಾತ್ಮಾ ಪ್ರಭಾಕರಃ || ೧೨೧ ||
ಪ್ರಪಂಚಾತ್ಮಾ ಪ್ರಪಂಚೋಪಶಮನಃ ಪೃಥಿವೀಪತಿಃ |
ಪರಶುರಾಮಸಮಾರಾಧ್ಯಃ ಪರಶುರಾಮವರಪ್ರದಃ || ೧೨೨ ||
ಪರಶುರಾಮಚಿರಂಜೀವಿಪ್ರದಃ ಪರಮಪಾವನಃ |
ಪರಮಹಂಸಸ್ವರೂಪಶ್ಚ ಪರಮಹಂಸಸುಪೂಜಿತಃ || ೧೨೩ ||
ಪಂಚನಕ್ಷತ್ರಾಧಿಪಶ್ಚ ಪಂಚನಕ್ಷತ್ರಸೇವಿತಃ |
ಪ್ರಪಂಚರಕ್ಷಿತಶ್ಚೈವ ಪ್ರಪಂಚಸ್ಯ ಭಯಂಕರಃ || ೧೨೪ ||
ಫಲದಾನಪ್ರಿಯಶ್ಚೈವ ಫಲಹಸ್ತಃ ಫಲಪ್ರದಃ |
ಫಲಾಭಿಷೇಕಪ್ರಿಯಶ್ಚ ಫಲ್ಗುನಸ್ಯ ವರಪ್ರದಃ || ೧೨೫ ||
ಫುಟಚ್ಛಮಿತ ಪಾಪೌಘಃ ಫಲ್ಗುನೇನ ಪ್ರಪೂಜಿತಃ |
ಫಣಿರಾಜಪ್ರಿಯಶ್ಚೈವ ಫುಲ್ಲಾಂಬುಜವಿಲೋಚನಃ || ೧೨೬ ||
ಬಲಿಪ್ರಿಯೋ ಬಲೀ ಬಭ್ರುರ್ಬ್ರಹ್ಮವಿಷ್ಣ್ವೀಶಕ್ಲೇಶಕೃತ್ |
ಬ್ರಹ್ಮವಿಷ್ಣ್ವೀಶರೂಪಶ್ಚ ಬ್ರಹ್ಮಶಕ್ರಾದಿದುರ್ಲಭಃ || ೧೨೭ ||
ಬಾಸದರ್ಷ್ಟ್ಯಾ ಪ್ರಮೇಯಾಂಗೋ ಬಿಭ್ರತ್ಕವಚಕುಂಡಲಃ |
ಬಹುಶ್ರುತೋ ಬಹುಮತಿರ್ಬ್ರಹ್ಮಣ್ಯೋ ಬ್ರಾಹ್ಮಣಪ್ರಿಯಃ || ೧೨೮ ||
ಬಲಪ್ರಮಥನೋ ಬ್ರಹ್ಮಾ ಬಹುರೂಪೋ ಬಹುಪ್ರದಃ |
ಬಾಲಾರ್ಕದ್ಯುತಿಮಾನ್ ಬಾಲೋ ಬೃಹದ್ವಕ್ಷೋ ಬೃಹತ್ತನುಃ || ೧೨೯ ||
ಬ್ರಹ್ಮಾಂಡಭೇದಕೃಚ್ಚೈವ ಭಕ್ತಸರ್ವಾರ್ಥಸಾಧಕಃ |
ಭವ್ಯೋ ಭೋಕ್ತಾ ಭೀತಿಕೃಚ್ಚ ಭಕ್ತಾನುಗ್ರಹಕಾರಕಃ || ೧೩೦ ||
ಭೀಷಣೋ ಭೈಕ್ಷಕಾರೀ ಚ ಭೂಸುರಾದಿಸುಪೂಜಿತಃ |
ಭೋಗಭಾಗ್ಯಪ್ರದಶ್ಚೈವ ಭಸ್ಮೀಕೃತಜಗತ್ತ್ರಯಃ || ೧೩೧ ||
ಭಯಾನಕೋ ಭಾನುಸೂನುರ್ಭೂತಿಭೂಷಿತವಿಗ್ರಹಃ |
ಭಾಸ್ವದ್ರತೋ ಭಕ್ತಿಮತಾಂ ಸುಲಭೋ ಭ್ರುಕುಟೀಮುಖಃ || ೧೩೨ ||
ಭವಭೂತಗಣೈಸ್ಸ್ತುತ್ಯೋ ಭೂತಸಂಘಸಮಾವೃತಃ |
ಭ್ರಾಜಿಷ್ಣುರ್ಭಗವಾನ್ ಭೀಮೋ ಭಕ್ತಾಭೀಷ್ಟವರಪ್ರದಃ || ೧೩೩ ||
ಭವಭಕ್ತೈಕಚಿತ್ತಶ್ಚ ಭಕ್ತಿಗೀತಸ್ತವೋನ್ಮುಖಃ |
ಭೂತಸಂತೋಷಕಾರೀ ಚ ಭಕ್ತಾನಾಂ ಚಿತ್ತಶೋಧಕಃ || ೧೩೪ ||
ಭಕ್ತಿಗಮ್ಯೋ ಭಯಹರೋ ಭಾವಜ್ಞೋ ಭಕ್ತಸುಪ್ರಿಯಃ |
ಭೂತಿದೋ ಭೂತಿಕೃದ್ಭೋಜ್ಯೋ ಭೂತಾತ್ಮಾ ಭುವನೇಶ್ವರಃ || ೧೩೫ ||
ಮಂದೋ ಮಂದಗತಿಶ್ಚೈವ ಮಾಸಮೇವ ಪ್ರಪೂಜಿತಃ |
ಮುಚುಕುಂದಸಮಾರಾಧ್ಯೋ ಮುಚುಕುಂದವರಪ್ರದಃ || ೧೩೬ ||
ಮುಚುಕುಂದಾರ್ಚಿತಪದೋ ಮಹಾರೂಪೋ ಮಹಾಯಶಾಃ |
ಮಹಾಭೋಗೀ ಮಹಾಯೋಗೀ ಮಹಾಕಾಯೋ ಮಹಾಪ್ರಭುಃ || ೧೩೭ ||
ಮಹೇಶೋ ಮಹದೈಶ್ವರ್ಯೋ ಮಂದಾರಕುಸುಮಪ್ರಿಯಃ |
ಮಹಾಕ್ರತುರ್ಮಹಾಮಾನೀ ಮಹಾಧೀರೋ ಮಹಾಜಯಃ || ೧೩೮ ||
ಮಹಾವೀರೋ ಮಹಾಶಾಂತೋ ಮಂಡಲಸ್ಥೋ ಮಹಾದ್ಯುತಿಃ |
ಮಹಾಸುತೋ ಮಹೋದಾರೋ ಮಹನೀಯೋ ಮಹೋದಯಃ || ೧೩೯ ||
ಮೈಥಿಲೀವರದಾಯೀ ಚ ಮಾರ್ತಾಂಡಸ್ಯ ದ್ವಿತೀಯಜಃ |
ಮೈಥಿಲೀಪ್ರಾರ್ಥನಾಕ್ಲುಪ್ತದಶಕಂಠಶಿರೋಪಹೃತ್ || ೧೪೦ ||
ಮರಾಮರಹರಾರಾಧ್ಯೋ ಮಹೇಂದ್ರಾದಿಸುರಾರ್ಚಿತಃ |
ಮಹಾರಥೋ ಮಹಾವೇಗೋ ಮಣಿರತ್ನವಿಭೂಷಿತಃ || ೧೪೧ ||
ಮೇಷನೀಚೋ ಮಹಾಘೋರೋ ಮಹಾಸೌರಿರ್ಮನುಪ್ರಿಯಃ |
ಮಹಾದೀರ್ಘೋ ಮಹಾಗ್ರಾಸೋ ಮಹದೈಶ್ವರ್ಯದಾಯಕಃ || ೧೪೨ ||
ಮಹಾಶುಷ್ಕೋ ಮಹಾರೌದ್ರೋ ಮುಕ್ತಿಮಾರ್ಗಪ್ರದರ್ಶಕಃ |
ಮಕರಕುಂಭಾಧಿಪಶ್ಚೈವ ಮೃಕಂಡುತನಯಾರ್ಚಿತಃ || ೧೪೩ ||
ಮಂತ್ರಾಧಿಷ್ಠಾನರೂಪಶ್ಚ ಮಲ್ಲಿಕಾಕುಸುಮಪ್ರಿಯಃ |
ಮಹಾಮಂತ್ರಸ್ವರೂಪಶ್ಚ ಮಹಾಯಂತ್ರಸ್ಥಿತಸ್ತಥಾ || ೧೪೪ ||
ಮಹಾಪ್ರಕಾಶದಿವ್ಯಾತ್ಮಾ ಮಹಾದೇವಪ್ರಿಯಸ್ತಥಾ |
ಮಹಾಬಲಿಸಮಾರಾಧ್ಯೋ ಮಹರ್ಷಿಗಣಪೂಜಿತಃ || ೧೪೫ ||
ಮಂದಚಾರೀ ಮಹಾಮಾಯೀ ಮಾಷದಾನಪ್ರಿಯಸ್ತಥಾ |
ಮಾಷೋದನಪ್ರೀತಚಿತ್ತೋ ಮಹಾಶಕ್ತಿರ್ಮಹಾಗುಣಃ || ೧೪೬ ||
ಯಶಸ್ಕರೋ ಯೋಗದಾತಾ ಯಜ್ಞಾಂಗೋಽಪಿ ಯುಗಂಧರಃ |
ಯೋಗೀ ಯೋಗ್ಯಶ್ಚ ಯಾಮ್ಯಶ್ಚ ಯೋಗರೂಪೀ ಯುಗಾಧಿಪಃ || ೧೪೭ ||
ಯಜ್ಞಭೃದ್ಯಜಮಾನಶ್ಚ ಯೋಗೋ ಯೋಗವಿದಾಂ ವರಃ |
ಯಕ್ಷರಾಕ್ಷಸವೇತಾಳಕೂಷ್ಮಾಂಡಾದಿಪ್ರಪೂಜಿತಃ || ೧೪೮ ||
ಯಮಪ್ರತ್ಯಧಿದೇವಶ್ಚ ಯುಗಪದ್ಭೋಗದಾಯಕಃ |
ಯೋಗಪ್ರಿಯೋ ಯೋಗಯುಕ್ತೋ ಯಜ್ಞರೂಪೋ ಯುಗಾಂತಕೃತ್ || ೧೪೯ ||
ರಘುವಂಶಸಮಾರಾಧ್ಯೋ ರೌದ್ರೋ ರೌದ್ರಾಕೃತಿಸ್ತಥಾ |
ರಘುನಂದನಸಲ್ಲಾಪೋ ರಘುಪ್ರೋಕ್ತಜಪಪ್ರಿಯಃ || ೧೫೦ ||
ರೌದ್ರರೂಪೀ ರಥಾರೂಢೋ ರಾಘವೇಷ್ಟವರಪ್ರದಃ |
ರಥೀ ರೌದ್ರಾಧಿಕಾರೀ ಚ ರಾಘವೇಣ ಸಮರ್ಚಿತಃ || ೧೫೧ ||
ರೋಷಾತ್ಸರ್ವಸ್ವಹಾರೀ ಚ ರಾಘವೇಣ ಸುಪೂಜಿತಃ |
ರಾಶಿದ್ವಯಾಧಿಪಶ್ಚೈವ ರಘುಭಿಃ ಪರಿಪೂಜಿತಃ || ೧೫೨ ||
ರಾಜ್ಯಭೂಪಾಕರಶ್ಚೈವ ರಾಜರಾಜೇಂದ್ರ ವಂದಿತಃ |
ರತ್ನಕೇಯೂರಭೂಷಾಢ್ಯೋ ರಮಾನಂದನವಂದಿತಃ || ೧೫೩ ||
ರಘುಪೌರುಷಸಂತುಷ್ಟೋ ರಘುಸ್ತೋತ್ರಬಹುಪ್ರಿಯಃ |
ರಘುವಂಶನೃಪೈಃ ಪೂಜ್ಯೋ ರಣನ್ಮಂಜೀರನೂಪುರಃ || ೧೫೪ ||
ರವಿನಂದನ ರಾಜೇಂದ್ರೋ ರಘುವಂಶಪ್ರಿಯಸ್ತಥಾ |
ಲೋಹಜಪ್ರತಿಮಾದಾನಪ್ರಿಯೋ ಲಾವಣ್ಯವಿಗ್ರಹಃ || ೧೫೫ ||
ಲೋಕಚೂಡಾಮಣಿಶ್ಚೈವ ಲಕ್ಷ್ಮೀವಾಣೀಸ್ತುತಿಪ್ರಿಯಃ |
ಲೋಕರಕ್ಷೋ ಲೋಕಶಿಕ್ಷೋ ಲೋಕಲೋಚನರಂಜಿತಃ || ೧೫೬ ||
ಲೋಕಾಧ್ಯಕ್ಷೋ ಲೋಕವಂದ್ಯೋ ಲಕ್ಷ್ಮಣಾಗ್ರಜಪೂಜಿತಃ |
ವೇದವೇದ್ಯೋ ವಜ್ರದೇಹೋ ವಜ್ರಾಂಕುಶಧರಸ್ತಥಾ || ೧೫೭ ||
ವಿಶ್ವವಂದ್ಯೋ ವಿರೂಪಾಕ್ಷೋ ವಿಮಲಾಂಗವಿರಾಜಿತಃ |
ವಿಶ್ವಸ್ಥೋ ವಾಯಸಾರೂಢೋ ವಿಶೇಷಸುಖಕಾರಕಃ || ೧೫೮ ||
ವಿಶ್ವರೂಪೀ ವಿಶ್ವಗೋಪ್ತಾ ವಿಭಾವಸುಸುತಸ್ತಥಾ |
ವಿಪ್ರಪ್ರಿಯೋ ವಿಪ್ರರೂಪೋ ವಿಪ್ರಾರಾಧನತತ್ಪರಃ || ೧೫೯ ||
ವಿಶಾಲನೇತ್ರೋ ವಿಶಿಖೋ ವಿಪ್ರದಾನಬಹುಪ್ರಿಯಃ |
ವಿಶ್ವಸೃಷ್ಟಿಸಮುದ್ಭೂತೋ ವೈಶ್ವಾನರಸಮದ್ಯುತಿಃ || ೧೬೦ ||
ವಿಷ್ಣುರ್ವಿರಿಂಚಿರ್ವಿಶ್ವೇಶೋ ವಿಶ್ವಕರ್ತಾ ವಿಶಾಂ ಪತಿಃ |
ವಿರಾಡಾಧಾರಚಕ್ರಸ್ಥೋ ವಿಶ್ವಭುಗ್ವಿಶ್ವಭಾವನಃ || ೧೬೧ ||
ವಿಶ್ವವ್ಯಾಪಾರಹೇತುಶ್ಚ ವಕ್ರಕ್ರೂರವಿವರ್ಜಿತಃ |
ವಿಶ್ವೋದ್ಭವೋ ವಿಶ್ವಕರ್ಮಾ ವಿಶ್ವಸೃಷ್ಟಿ ವಿನಾಯಕಃ || ೧೬೨ ||
ವಿಶ್ವಮೂಲನಿವಾಸೀ ಚ ವಿಶ್ವಚಿತ್ರವಿಧಾಯಕಃ |
ವಿಶ್ವಾಧಾರವಿಲಾಸೀ ಚ ವ್ಯಾಸೇನ ಕೃತಪೂಜಿತಃ || ೧೬೩ ||
ವಿಭೀಷಣೇಷ್ಟವರದೋ ವಾಂಛಿತಾರ್ಥಪ್ರದಾಯಕಃ |
ವಿಭೀಷಣಸಮಾರಾಧ್ಯೋ ವಿಶೇಷಸುಖದಾಯಕಃ || ೧೬೪ ||
ವಿಷಮವ್ಯಯಾಷ್ಟಜನ್ಮಸ್ಥೋಽಪ್ಯೇಕಾದಶಫಲಪ್ರದಃ |
ವಾಸವಾತ್ಮಜಸುಪ್ರೀತೋ ವಸುದೋ ವಾಸವಾರ್ಚಿತಃ || ೧೬೫ ||
ವಿಶ್ವತ್ರಾಣೈಕನಿರತೋ ವಾಙ್ಮನೋತೀತವಿಗ್ರಹಃ |
ವಿರಾಣ್ಮಂದಿರಮೂಲಸ್ಥೋ ವಲೀಮುಖಸುಖಪ್ರದಃ || ೧೬೬ ||
ವಿಪಾಶೋ ವಿಗತಾತಂಕೋ ವಿಕಲ್ಪಪರಿವರ್ಜಿತಃ |
ವರಿಷ್ಠೋ ವರದೋ ವಂದ್ಯೋ ವಿಚಿತ್ರಾಂಗೋ ವಿರೋಚನಃ || ೧೬೭ ||
ಶುಷ್ಕೋದರಃ ಶುಕ್ಲವಪುಃ ಶಾಂತರೂಪೀ ಶನೈಶ್ಚರಃ |
ಶೂಲೀ ಶರಣ್ಯಃ ಶಾಂತಶ್ಚ ಶಿವಾಯಾಮಪ್ರಿಯಂಕರಃ || ೧೬೮ ||
ಶಿವಭಕ್ತಿಮತಾಂ ಶ್ರೇಷ್ಠಃ ಶೂಲಪಾಣಿಃ ಶುಚಿಪ್ರಿಯಃ |
ಶ್ರುತಿಸ್ಮೃತಿಪುರಾಣಜ್ಞಃ ಶ್ರುತಿಜಾಲಪ್ರಬೋಧಕಃ || ೧೬೯ ||
ಶ್ರುತಿಪಾರಗಸಂಪೂಜ್ಯಃ ಶ್ರುತಿಶ್ರವಣಲೋಲುಪಃ |
ಶ್ರುತ್ಯಂತರ್ಗತಮರ್ಮಜ್ಞಃ ಶ್ರುತ್ಯೇಷ್ಟವರದಾಯಕಃ || ೧೭೦ ||
ಶ್ರುತಿರೂಪಃ ಶ್ರುತಿಪ್ರೀತಃ ಶ್ರುತೀಪ್ಸಿತಫಲಪ್ರದಃ |
ಶುಚಿಶ್ರುತಃ ಶಾಂತಮೂರ್ತಿಃ ಶ್ರುತಿಶ್ರವಣಕೀರ್ತನಃ || ೧೭೧ ||
ಶಮೀಮೂಲನಿವಾಸೀ ಚ ಶಮೀಕೃತಫಲಪ್ರದಃ |
ಶಮೀಕೃತಮಹಾಘೋರಃ ಶರಣಾಗತವತ್ಸಲಃ || ೧೭೨ ||
ಶಮೀತರುಸ್ವರೂಪಶ್ಚ ಶಿವಮಂತ್ರಜ್ಞಮುಕ್ತಿದಃ |
ಶಿವಾಗಮೈಕನಿಲಯಃ ಶಿವಮಂತ್ರಜಪಪ್ರಿಯಃ || ೧೭೩ ||
ಶಮೀಪತ್ರಪ್ರಿಯಶ್ಚೈವ ಶಮೀಪರ್ಣಸಮರ್ಚಿತಃ |
ಶತೋಪನಿಷದಸ್ತುತ್ಯಃ ಶಾಂತ್ಯಾದಿಗುಣಭೂಷಿತಃ || ೧೭೪ ||
ಶಾಂತ್ಯಾದಿಷಡ್ಗುಣೋಪೇತಃ ಶಂಖವಾದ್ಯಪ್ರಿಯಸ್ತಥಾ |
ಶ್ಯಾಮರಕ್ತಸಿತಜ್ಯೋತಿಃ ಶುದ್ಧಪಂಚಾಕ್ಷರಪ್ರಿಯಃ || ೧೭೫ ||
ಶ್ರೀಹಾಲಾಸ್ಯಕ್ಷೇತ್ರವಾಸೀ ಶ್ರೀಮಾನ್ ಶಕ್ತಿಧರಸ್ತಥಾ |
ಷೋಡಶದ್ವಯಸಂಪೂರ್ಣಲಕ್ಷಣಃ ಷಣ್ಮುಖಪ್ರಿಯಃ || ೧೭೬ ||
ಷಡ್ಗುಣೈಶ್ವರ್ಯಸಂಯುಕ್ತಃ ಷಡಂಗಾವರಣೋಜ್ಜ್ವಲಃ |
ಷಡಕ್ಷರಸ್ವರೂಪಶ್ಚ ಷಟ್ಚಕ್ರೋಪರಿಸಂಸ್ಥಿತಃ || ೧೭೭ ||
ಷೋಡಶೀ ಷೋಡಶಾಂತಶ್ಚ ಷಟ್ಛಕ್ತಿವ್ಯಕ್ತಮೂರ್ತಿಮಾನ್ |
ಷಡ್ಭಾವರಹಿತಶ್ಚೈವ ಷಡಂಗಶ್ರುತಿಪಾರಗಃ || ೧೭೮ ||
ಷಟ್ಕೋಣಮಧ್ಯನಿಲಯಃ ಷಟ್ಛಾಸ್ತ್ರಸ್ಮೃತಿಪಾರಗಃ |
ಸ್ವರ್ಣೇಂದ್ರನೀಲಮಕುಟಃ ಸರ್ವಾಭೀಷ್ಟಪ್ರದಾಯಕಃ || ೧೭೯ ||
ಸರ್ವಾತ್ಮಾ ಸರ್ವದೋಷಘ್ನಃ ಸರ್ವಗರ್ವಪ್ರಭಂಜನಃ |
ಸಮಸ್ತಲೋಕಾಭಯದಃ ಸರ್ವದೋಷಾಂಗನಾಶಕಃ || ೧೮೦ ||
ಸಮಸ್ತಭಕ್ತಸುಖದಃ ಸರ್ವದೋಷನಿವರ್ತಕಃ |
ಸರ್ವನಾಶಕ್ಷಮಃ ಸೌಮ್ಯಃ ಸರ್ವಕ್ಲೇಶನಿವಾರಕಃ || ೧೮೧ ||
ಸರ್ವಾತ್ಮಾ ಸರ್ವದಾ ತುಷ್ಟಃ ಸರ್ವಪೀಡಾನಿವಾರಕಃ |
ಸರ್ವರೂಪೀ ಸರ್ವಕರ್ಮಾ ಸರ್ವಜ್ಞಃ ಸರ್ವಕಾರಕಃ || ೧೮೨ ||
ಸುಕೃತೀ ಸುಲಭಶ್ಚೈವ ಸರ್ವಾಭೀಷ್ಟಫಲಪ್ರದಃ |
ಸೂರ್ಯಾತ್ಮಜಃ ಸದಾತುಷ್ಟಃ ಸೂರ್ಯವಂಶಪ್ರದೀಪನಃ || ೧೮೩ ||
ಸಪ್ತದ್ವೀಪಾಧಿಪಶ್ಚೈವ ಸುರಾಸುರಭಯಂಕರಃ |
ಸರ್ವಸಂಕ್ಷೋಭಹಾರೀ ಚ ಸರ್ವಲೋಕಹಿತಂಕರಃ || ೧೮೪ ||
ಸರ್ವೌದಾರ್ಯಸ್ವಭಾವಶ್ಚ ಸಂತೋಷಾತ್ಸಕಲೇಷ್ಟದಃ |
ಸಮಸ್ತಋಷಿಭಿಃ ಸ್ತುತ್ಯಃ ಸಮಸ್ತಗಣಪಾವೃತಃ || ೧೮೫ ||
ಸಮಸ್ತಗಣಸಂಸೇವ್ಯಃ ಸರ್ವಾರಿಷ್ಟವಿನಾಶನಃ |
ಸರ್ವಸೌಖ್ಯಪ್ರದಾತಾ ಚ ಸರ್ವವ್ಯಾಕುಲನಾಶನಃ || ೧೮೬ ||
ಸರ್ವಸಂಕ್ಷೋಭಹಾರೀ ಚ ಸರ್ವಾರಿಷ್ಟಫಲಪ್ರದಃ |
ಸರ್ವವ್ಯಾಧಿಪ್ರಶಮನಃ ಸರ್ವಮೃತ್ಯುನಿವಾರಕಃ || ೧೮೭ ||
ಸರ್ವಾನುಕೂಲಕಾರೀ ಚ ಸೌಂದರ್ಯಮೃದುಭಾಷಿತಃ |
ಸೌರಾಷ್ಟ್ರದೇಶೋದ್ಭವಶ್ಚ ಸ್ವಕ್ಷೇತ್ರೇಷ್ಟವರಪ್ರದಃ || ೧೮೮ ||
ಸೋಮಯಾಜಿಸಮಾರಾಧ್ಯಃ ಸೀತಾಭೀಷ್ಟವರಪ್ರದಃ |
ಸುಖಾಸನೋಪವಿಷ್ಟಶ್ಚ ಸದ್ಯಃಪೀಡಾನಿವಾರಕಃ || ೧೮೯ ||
ಸೌದಾಮನೀಸನ್ನಿಭಶ್ಚ ಸರ್ವಾನುಲ್ಲಂಘ್ಯಶಾಸನಃ |
ಸೂರ್ಯಮಂಡಲಸಂಚಾರೀ ಸಂಹಾರಾಸ್ತ್ರನಿಯೋಜಿತಃ || ೧೯೦ ||
ಸರ್ವಲೋಕಕ್ಷಯಕರಃ ಸರ್ವಾರಿಷ್ಟವಿಧಾಯಕಃ |
ಸರ್ವವ್ಯಾಕುಲಕಾರೀ ಚ ಸಹಸ್ರಜಪಸುಪ್ರಿಯಃ || ೧೯೧ ||
ಸುಖಾಸನೋಪವಿಷ್ಟಶ್ಚ ಸಂಹಾರಾಸ್ತ್ರಪ್ರದರ್ಶಿತಃ |
ಸರ್ವಾಲಂಕಾರಸಂಯುಕ್ತಕೃಷ್ಣಗೋದಾನಸುಪ್ರಿಯಃ || ೧೯೨ ||
ಸುಪ್ರಸನ್ನಃ ಸುರಶ್ರೇಷ್ಠಃ ಸುಘೋಷಃ ಸುಖದಃ ಸುಹೃತ್ |
ಸಿದ್ಧಾರ್ಥಃ ಸಿದ್ಧಸಂಕಲ್ಪಃ ಸರ್ವಜ್ಞಃ ಸರ್ವದಃ ಸುಖೀ || ೧೯೩ ||
ಸುಗ್ರೀವಃ ಸುಧೃತಿಃ ಸಾರಃ ಸುಕುಮಾರಃ ಸುಲೋಚನಃ |
ಸುವ್ಯಕ್ತಃ ಸಚ್ಚಿದಾನಂದಃ ಸುವೀರಃ ಸುಜನಾಶ್ರಯಃ || ೧೯೪ ||
ಹರಿಶ್ಚಂದ್ರಸಮಾರಾಧ್ಯೋ ಹೇಯೋಪಾದೇಯವರ್ಜಿತಃ |
ಹರಿಶ್ಚಂದ್ರೇಷ್ಟವರದೋ ಹಂಸಮಂತ್ರಾದಿಸಂಸ್ತುತಃ || ೧೯೫ ||
ಹಂಸವಾಹಸಮಾರಾಧ್ಯೋ ಹಂಸವಾಹವರಪ್ರದಃ |
ಹೃದ್ಯೋ ಹೃಷ್ಟೋ ಹರಿಸಖೋ ಹಂಸೋ ಹಂಸಗತಿರ್ಹವಿಃ || ೧೯೬ ||
ಹಿರಣ್ಯವರ್ಣೋ ಹಿತಕೃದ್ಧರ್ಷದೋ ಹೇಮಭೂಷಣಃ |
ಹವಿರ್ಹೋತಾ ಹಂಸಗತಿರ್ಹಂಸಮಂತ್ರಾದಿಸಂಸ್ತುತಃ || ೧೯೭ ||
ಹನೂಮದರ್ಚಿತಪದೋ ಹಲಧೃತ್ ಪೂಜಿತಃ ಸದಾ |
ಕ್ಷೇಮದಃ ಕ್ಷೇಮಕೃತ್ ಕ್ಷೇಮ್ಯಃ ಕ್ಷೇತ್ರಜ್ಞಃ ಕ್ಷಾಮವರ್ಜಿತಃ || ೧೯೮ ||
ಕ್ಷುದ್ರಘ್ನಃ ಕ್ಷಾಂತಿದಃ ಕ್ಷೇಮಃ ಕ್ಷಿತಿಭೂಷಃ ಕ್ಷಮಾಶ್ರಯಃ |
ಕ್ಷಮಾಧರಃ ಕ್ಷಯದ್ವಾರೋ ನಾಮ್ನಾಮಷ್ಟಸಹಸ್ರಕಮ್ || ೧೯೯ ||
ವಾಕ್ಯೇನೈಕೇನ ವಕ್ಷ್ಯಾಮಿ ವಾಂಚಿತಾರ್ಥಂ ಪ್ರಯಚ್ಛತಿ |
ತಸ್ಮಾತ್ಸರ್ವಪ್ರಯತ್ನೇನ ನಿಯಮೇನ ಜಪೇತ್ಸುಧೀಃ || ೨೦೦ ||
ಇತಿ ಶ್ರೀ ಶನೈಶ್ಚರ ಸಹಸ್ರನಾಮ ಸ್ತೋತ್ರಮ್ |
గమనిక: ఉగాది నుండి మొదలయ్యే వసంత నవరాత్రుల కోసం "శ్రీ లలితా స్తోత్రనిధి" పారాయణ గ్రంథము అందుబాటులో ఉంది.
Chant other stotras in తెలుగు, ಕನ್ನಡ, தமிழ், देवनागरी, english.
Did you see any mistake/variation in the content above? Click here to report mistakes and corrections in Stotranidhi content.