Read in తెలుగు / ಕನ್ನಡ / தமிழ் / देवनागरी / English (IAST)
ಸೌರಿಃ ಶನೈಶ್ಚರಃ ಕೃಷ್ಣೋ ನೀಲೋತ್ಪಲನಿಭಃ ಶನಿಃ |
ಶುಷ್ಕೋದರೋ ವಿಶಾಲಾಕ್ಷೋ ದುರ್ನಿರೀಕ್ಷ್ಯೋ ವಿಭೀಷಣಃ || ೧ ||
ಶಿತಿಕಂಠನಿಭೋ ನೀಲಶ್ಛಾಯಾಹೃದಯನಂದನಃ |
ಕಾಲದೃಷ್ಟಿಃ ಕೋಟರಾಕ್ಷಃ ಸ್ಥೂಲರೋಮಾವಳೀಮುಖಃ || ೨ ||
ದೀರ್ಘೋ ನಿರ್ಮಾಂಸಗಾತ್ರಸ್ತು ಶುಷ್ಕೋ ಘೋರೋ ಭಯಾನಕಃ |
ನೀಲಾಂಶುಃ ಕ್ರೋಧನೋ ರೌದ್ರೋ ದೀರ್ಘಶ್ಮಶ್ರುರ್ಜಟಾಧರಃ || ೩ ||
ಮಂದೋ ಮಂದಗತಿಃ ಖಂಜೋಽತೃಪ್ತಃ ಸಂವರ್ತಕೋ ಯಮಃ |
ಗ್ರಹರಾಜಃ ಕರಾಳೀ ಚ ಸೂರ್ಯಪುತ್ರೋ ರವಿಃ ಶಶೀ || ೪ ||
ಕುಜೋ ಬುಧೋ ಗುರುಃ ಕಾವ್ಯೋ ಭಾನುಜಃ ಸಿಂಹಿಕಾಸುತಃ |
ಕೇತುರ್ದೇವಪತಿರ್ಬಾಹುಃ ಕೃತಾಂತೋ ನೈರೃತಸ್ತಥಾ || ೫ ||
ಶಶೀ ಮರುತ್ ಕುಬೇರಶ್ಚ ಈಶಾನಃ ಸುರ ಆತ್ಮಭೂಃ |
ವಿಷ್ಣುರ್ಹರೋ ಗಣಪತಿಃ ಕುಮಾರಃ ಕಾಮ ಈಶ್ವರಃ || ೬ ||
ಕರ್ತಾ ಹರ್ತಾ ಪಾಲಯಿತಾ ರಾಜ್ಯೇಶೋ ರಾಜ್ಯದಾಯಕಃ |
ಛಾಯಾಸುತಃ ಶ್ಯಾಮಲಾಂಗೋ ಧನಹರ್ತಾ ಧನಪ್ರದಃ || ೭ ||
ಕ್ರೂರಕರ್ಮವಿಧಾತಾ ಚ ಸರ್ವಕರ್ಮಾವರೋಧಕಃ |
ತುಷ್ಟೋ ರುಷ್ಟಃ ಕಾಮರೂಪಃ ಕಾಮದೋ ರವಿನಂದನಃ || ೮ ||
ಗ್ರಹಪೀಡಾಹರಃ ಶಾಂತೋ ನಕ್ಷತ್ರೇಶೋ ಗ್ರಹೇಶ್ವರಃ |
ಸ್ಥಿರಾಸನಃ ಸ್ಥಿರಗತಿರ್ಮಹಾಕಾಯೋ ಮಹಾಬಲಃ || ೯ ||
ಮಹಾಪ್ರಭೋ ಮಹಾಕಾಲಃ ಕಾಲಾತ್ಮಾ ಕಾಲಕಾಲಕಃ |
ಆದಿತ್ಯಭಯದಾತಾ ಚ ಮೃತ್ಯುರಾದಿತ್ಯನಂದನಃ || ೧೦ ||
ಶತಭಿದ್ರುಕ್ಷದಯಿತಾ ತ್ರಯೋದಶೀತಿಥಿಪ್ರಿಯಃ |
ತಿಥ್ಯಾತ್ಮಕಸ್ತಿಥಿಗಣೋ ನಕ್ಷತ್ರಗಣನಾಯಕಃ || ೧೧ ||
ಯೋಗರಾಶಿರ್ಮುಹೂರ್ತಾತ್ಮಾ ಕರ್ತಾ ದಿನಪತಿಃ ಪ್ರಭುಃ |
ಶಮೀಪುಷ್ಪಪ್ರಿಯಃ ಶ್ಯಾಮಸ್ತ್ರೈಲೋಕ್ಯಭಯದಾಯಕಃ || ೧೨ ||
ನೀಲವಾಸಾಃ ಕ್ರಿಯಾಸಿಂಧುರ್ನೀಲಾಂಜನಚಯಚ್ಛವಿಃ |
ಸರ್ವರೋಗಹರೋ ದೇವಃ ಸಿದ್ಧೋ ದೇವಗಣಸ್ತುತಃ || ೧೩ ||
ಅಷ್ಟೋತ್ತರಶತಂ ನಾಮ್ನಾಂ ಸೌರೇಶ್ಛಾಯಾಸುತಸ್ಯ ಯಃ |
ಪಠೇನ್ನಿತ್ಯಂ ತಸ್ಯ ಪೀಡಾ ಸಮಸ್ತಾ ನಶ್ಯತಿ ಧ್ರುವಮ್ || ೧೪ ||
ಇತಿ ಶ್ರೀಭವಿಷ್ಯಪುರಾಣೇ ಶ್ರೀ ಶನೈಶ್ಚರ ಅಷ್ಟೋತ್ತರಶತನಾಮ ಸ್ತೋತ್ರಮ್ |
గమనిక: ఉగాది నుండి మొదలయ్యే వసంత నవరాత్రుల కోసం "శ్రీ లలితా స్తోత్రనిధి" పారాయణ గ్రంథము అందుబాటులో ఉంది.
Chant other stotras in తెలుగు, ಕನ್ನಡ, தமிழ், देवनागरी, english.
Did you see any mistake/variation in the content above? Click here to report mistakes and corrections in Stotranidhi content.
