Sri Sabari Giripati Ashtakam – ಶ್ರೀ ಶಬರಿಗಿರಿಪತ್ಯಷ್ಟಕಂ


ಶಬರಿಗಿರಿಪತೇ ಭೂತನಾಥ ತೇ
ಜಯತು ಮಂಗಳಂ ಮಂಜುಲಂ ಮಹಃ |
ಮಮ ಹೃದಿಸ್ಥಿತಂ ಧ್ವಾಂತರಂ ತವ
ನಾಶಯದ್ವಿದಂ ಸ್ಕಂದಸೋದರ || ೧ ||

ಕಾಂತಗಿರಿಪತೇ ಕಾಮಿತಾರ್ಥದಂ
ಕಾಂತಿಮತ್ತವ ಕಾಂಕ್ಷಿತಂ ಮಯಾ |
ದರ್ಶಯಾದ್ಭುತಂ ಶಾಂತಿಮನ್ಮಹಃ
ಪೂರಯಾರ್ಥಿತಂ ಶಬರಿವಿಗ್ರಹ || ೨ ||

ಪಂಪಯಾಂಚಿತೇ ಪರಮಮಂಗಳೇ
ದುಷ್ಟದುರ್ಗಮೇ ಗಹನಕಾನನೇ |
ಗಿರಿಶಿರೋವರೇ ತಪಸಿಲಾಲಸಂ
ಧ್ಯಾಯತಾಂ ಮನೋ ಹೃಷ್ಯತಿ ಸ್ವಯಮ್ || ೩ ||

ತ್ವದ್ದಿದೃಕ್ಷಯ ಸಂಚಿತವ್ರತಾ-
-ಸ್ತುಲಸಿಮಾಲಿಕಃ ಕಮ್ರಕಂಧರಾ |
ಶರಣಭಾಷಿಣ ಶಂಘಸೋಜನ
ಕೀರ್ತಯಂತಿ ತೇ ದಿವ್ಯವೈಭವಮ್ || ೪ ||

ದುಷ್ಟಶಿಕ್ಷಣೇ ಶಿಷ್ಟರಕ್ಷಣೇ
ಭಕ್ತಕಂಕಣೇ ದಿಶತಿ ತೇ ಗಣೇ |
ಧರ್ಮಶಾಸ್ತ್ರೇ ತ್ವಯಿ ಚ ಜಾಗ್ರತಿ
ಸಂಸ್ಮೃತೇ ಭಯಂ ನೈವ ಜಾಯತೇ || ೫ ||

ಪೂರ್ಣಪುಷ್ಕಲಾ ಸೇವಿತಾಽಪ್ಯಹೋ
ಯೋಗಿಮಾನಸಾಂಭೋಜ ಭಾಸ್ಕರಃ |
ಹರಿಗಜಾದಿಭಿಃ ಪರಿವೃತೋ ಭವಾನ್
ನಿರ್ಭಯಃ ಸ್ವಯಂ ಭಕ್ತಭೀಹರಃ || ೬ ||

ವಾಚಿ ವರ್ತತಾಂ ದಿವ್ಯನಾಮ ತೇ
ಮನಸಿ ಸಂತತಂ ತಾವಕಂ ಮಹಃ |
ಶ್ರವಣಯೋರ್ಭವದ್ಗುಣಗಣಾವಳಿ-
-ರ್ನಯನಯೋರ್ಭವನ್ಮೂರ್ತಿರದ್ಭುತಾಃ || ೭ ||

ಕರಯುಗಂ ಮಮ ತ್ವದ್ಪದಾರ್ಚನೇ
ಪದಯುಗಂ ಸದಾ ತ್ವತ್ಪ್ರದಕ್ಷಿಣೇ |
ಜೀವಿತಂ ಭವನ್ಮೂರ್ತಿಪೂಜನೇ
ಪ್ರಣತಮಸ್ತು ತೇ ಪೂರ್ಣಕರುಣಯಾ || ೮ ||

ಇತಿ ಶ್ರೀ ಶಬರಿಗಿರಿಪತ್ಯಷ್ಟಕಮ್ |


ಇನ್ನಷ್ಟು ಶ್ರೀ ಅಯ್ಯಪ್ಪ ಸ್ತೋತ್ರಗಳು ನೋಡಿ.


గమనిక: మా రెండు పుస్తకాలు - "నవగ్రహ స్తోత్రనిధి" మరియు "శ్రీ సూర్య స్తోత్రనిధి", విడుదల చేశాము. కొనుగోలుకు ఇప్పుడు అందుబాటులో ఉన్నాయి.

Did you see any mistake/variation in the content above? Click here to report mistakes and corrections in Stotranidhi content.

Facebook Comments
error: Not allowed
%d bloggers like this: