Read in తెలుగు / ಕನ್ನಡ / தமிழ் / देवनागरी / English (IAST)
ಶ್ರೀಪರಶುರಾಮ ಉವಾಚ |
ಓಂ ನಮಃ ಪರಮಾನಂದೇ ಸರ್ವದೇವಮಯೀ ಶುಭೇ |
ಅಕಾರಾದಿಕ್ಷಕಾರಾಂತಂ ಮಾತೃಕಾಮಂತ್ರಮಾಲಿನೀ || ೧ ||
ಏಕವೀರೇ ಏಕರೂಪೇ ಮಹಾರೂಪೇ ಅರೂಪಿಣೀ |
ಅವ್ಯಕ್ತೇ ವ್ಯಕ್ತಿಮಾಪನ್ನೇ ಗುಣಾತೀತೇ ಗುಣಾತ್ಮಿಕೇ || ೨ ||
ಕಮಲೇ ಕಮಲಾಭಾಸೇ ಹೃತ್ಸತ್ಪ್ರಕ್ತರ್ಣಿಕಾಲಯೇ |
ನಾಭಿಚಕ್ರಸ್ಥಿತೇ ದೇವಿ ಕುಂಡಲೀ ತಂತುರೂಪಿಣೀ || ೩ ||
ವೀರಮಾತಾ ವೀರವಂದ್ಯಾ ಯೋಗಿನೀ ಸಮರಪ್ರಿಯೇ |
ವೇದಮಾತಾ ವೇದಗರ್ಭೇ ವಿಶ್ವಗರ್ಭೇ ನಮೋಽಸ್ತು ತೇ || ೪ ||
ರಾಮಮಾತರ್ನಮಸ್ತುಭ್ಯಂ ನಮಸ್ತ್ರೈಲೋಕ್ಯರೂಪಿಣೀ |
ಮಹ್ಯಾದಿಕೇ ಪಂಚಭೂತಾ ಜಮದಗ್ನಿಪ್ರಿಯೇ ಶುಭೇ || ೫ ||
ಯೈಸ್ತು ಭಕ್ತ್ಯಾ ಸ್ತುತಾ ಧ್ಯಾತ್ವಾ ಅರ್ಚಯಿತ್ವಾ ಪಿತೇ ಶಿವೇ |
ಭೋಗಮೋಕ್ಷಪ್ರದೇ ದೇವಿ ಕಾಮೇಶ್ವರಿ ನಮೋಽಸ್ತು ತೇ || ೬ ||
ನಮೋಽಸ್ತು ತೇ ನಿರಾಲಂಬೇ ಪರಮಾನಂದವಿಗ್ರಹೇ |
ಪಂಚಭೂತಾತ್ಮಿಕೇ ದೇವಿ ಭೂತಭಾವವಿವರ್ಜಿತೇ || ೭ ||
ಮಹಾರೌದ್ರೇ ಮಹಾಕಾಯೇ ಸೃಷ್ಟಿಸಂಹಾರಕಾರಿಣೀ |
ಬ್ರಹ್ಮಾಂಡಗೋಲಕಾಕಾರೇ ವಿಶ್ವರೂಪೇ ನಮೋಽಸ್ತು ತೇ || ೮ ||
ಚತುರ್ಭುಜೇ ಖಡ್ಗಹಸ್ತೇ ಮಹಾಡಮರುಧಾರಿಣೀ |
ಶಿರಃಪಾತ್ರಧರೇ ದೇವಿ ಏಕವೀರೇ ನಮೋಽಸ್ತು ತೇ || ೯ ||
ನೀಲಾಂಬರೇ ನೀಲವರ್ಣೇ ಮಯೂರಪಿಚ್ಛಧಾರಿಣೀ |
ವನಭಿಲ್ಲಧನುರ್ವಾಮೇ ದಕ್ಷಿಣೇ ಬಾಣಧಾರಿಣೀ || ೧೦ ||
ರೌದ್ರಕಾಯೇ ಮಹಾಕಾಯೇ ಸಹಸ್ರಾರ್ಜುನಭಂಜನೀ |
ಏಕಂ ಶಿರಃ ಪುರಾ ಸ್ಥಿತ್ವಾ ರಕ್ತಪಾತ್ರೇ ಚ ಪೂರಿತಮ್ || ೧೧ ||
ಮೃತಧಾರಾಪಿಬಂ ದೇವಿ ರುಧಿರಂ ದೈತ್ಯದೇಹಜಮ್ |
ರಕ್ತವರ್ಣೇ ರಕ್ತದಂತೇ ಖಡ್ಗಲಾಂಗಲಧಾರಿಣೀ || ೧೨ ||
ವಾಮಹಸ್ತೇ ಚ ಖಟ್ವಾಂಗಂ ಡಮರುಂ ಚೈವ ದಕ್ಷಿಣೇ |
ಪ್ರೇತವಾಹನಕೇ ದೇವಿ ಋಷಿಪತ್ನೀ ಚ ದೇವತೇ || ೧೩ ||
ಏಕವೀರೇ ಮಹಾರೌದ್ರೇ ಮಾಲಿನೀ ವಿಶ್ವಭೈರವೀ |
ಯೋಗಿನೀ ಯೋಗಯುಕ್ತಾ ಚ ಮಹಾದೇವೀ ಮಹೇಶ್ವರೀ || ೧೪ ||
ಕಾಮಾಕ್ಷೀ ಭದ್ರಕಾಲೀ ಚ ಹುಂಕಾರೀ ತ್ರಿಪುರೇಶ್ವರೀ |
ರಕ್ತವಕ್ತ್ರೇ ರಕ್ತನೇತ್ರೇ ಮಹಾತ್ರಿಪುರಸುಂದರೀ || ೧೫ ||
ರೇಣುಕಾಸೂನುಯೋಗೀ ಚ ಭಕ್ತಾನಾಮಭಯಂಕರೀ |
ಭೋಗಲಕ್ಷ್ಮೀರ್ಯೋಗಲಕ್ಷ್ಮೀರ್ದಿವ್ಯಲಕ್ಷ್ಮೀಶ್ಚ ಸರ್ವದಾ || ೧೬ ||
ಕಾಲರಾತ್ರಿ ಮಹಾರಾತ್ರಿ ಮದ್ಯಮಾಂಸಶಿವಪ್ರಿಯೇ |
ಭಕ್ತಾನಾಂ ಶ್ರೀಪದೇ ದೇವಿ ಲೋಕತ್ರಯವಿಮೋಹಿನೀ || ೧೭ ||
ಕ್ಲೀಂಕಾರೀ ಕಾಮಪೀಠೇ ಚ ಹ್ರೀಂಕಾರೀ ಚ ಪ್ರಬೋಧ್ಯತಾ |
ಶ್ರೀಂಕಾರೀ ಚ ಶ್ರಿಯಾ ದೇವಿ ಸಿದ್ಧಲಕ್ಷ್ಮೀಶ್ಚ ಸುಪ್ರಭಾ || ೧೮ ||
ಮಹಾಲಕ್ಷ್ಮೀಶ್ಚ ಕೌಮಾರೀ ಕೌಬೇರೀ ಸಿಂಹವಾಹಿನೀ |
ಸಿಂಹಪ್ರೇತಾಸನೇ ದೇವಿ ರೌದ್ರೀ ಕ್ರೂರಾವತಾರಿಣೀ || ೧೯ ||
ದೈತ್ಯಮಾರೀ ಕುಮಾರೀ ಚ ರೌದ್ರದೈತ್ಯನಿಪಾತಿನೀ |
ತ್ರಿನೇತ್ರಾ ಶ್ವೇತರೂಪಾ ಚ ಸೂರ್ಯಕೋಟಿಸಮಪ್ರಭಾ || ೨೦ ||
ಖಡ್ಗಿನೀ ಬಾಣಹಸ್ತಾ ಚಾರೂಢಾ ಮಹಿಷವಾಹಿನೀ |
ಮಹಾಕುಂಡಲಿನೀ ಸಾಕ್ಷಾತ್ ಕಂಕಾಲೀ ಭುವನೇಶ್ವರೀ || ೨೧ ||
ಕೃತ್ತಿವಾಸಾ ವಿಷ್ಣುರೂಪಾ ಹೃದಯಾ ದೇವತಾಮಯಾ |
ದೇವಮಾರುತಮಾತಾ ಚ ಭಕ್ತಮಾತಾ ಚ ಶಂಕರೀ || ೨೨ ||
ಚತುರ್ಭುಜೇ ಚತುರ್ವಕ್ತ್ರೇ ಸ್ವಸ್ತಿಪದ್ಮಾಸನಸ್ಥಿತೇ |
ಪಂಚವಕ್ತ್ರಾ ಮಹಾಗಂಗಾ ಗೌರೀ ಶಂಕರವಲ್ಲಭಾ || ೨೩ ||
ಕಪಾಲಿನೀ ದೇವಮಾತಾ ಕಾಮಧೇನುಸ್ತ್ರಯೋಗುಣೀ |
ವಿದ್ಯಾ ಏಕಮಹಾವಿದ್ಯಾ ಶ್ಮಶಾನಪ್ರೇತವಾಸಿನೀ || ೨೪ ||
ದೇವತ್ರಿಗುಣತ್ರೈಲೋಕ್ಯಾ ಜಗತ್ತ್ರಯವಿಲೋಕಿನೀ |
ರೌದ್ರಾ ವೈತಾಲಿ ಕಂಕಾಲೀ ಭವಾನೀ ಭವವಲ್ಲಭಾ || ೨೫ ||
ಕಾಲೀ ಕಪಾಲಿನೀ ಕ್ರೋಧಾ ಮಾತಂಗೀ ವೇಣುಧಾರಿಣೀ |
ರುದ್ರಸ್ಯ ನ ಪರಾಭೂತಾ ರುದ್ರದೇಹಾರ್ಧಧಾರಿಣೀ || ೨೬ ||
ಜಯಾ ಚ ವಿಜಯಾ ಚೈವ ಅಜಯಾ ಚಾಪರಾಜಿತಾ |
ರೇಣುಕಾಯೈ ನಮಸ್ತೇಽಸ್ತು ಸಿದ್ಧದೇವ್ಯೈ ನಮೋ ನಮಃ || ೨೭ ||
ಶ್ರಿಯೈ ದೇವ್ಯೈ ನಮಸ್ತೇಽಸ್ತು ದೀನನಾಥೇ ನಮೋ ನಮಃ |
ಜಯ ತ್ವಂ ದೇವದೇವೇಶಿ ಸರ್ವದೇವಿ ನಮೋಽಸ್ತು ತೇ || ೨೮ ||
ದೇವದೇವಸ್ಯ ಜನನಿ ಪಂಚಪ್ರಾಣಪ್ರಪೂರಿತೇ |
ತ್ವತ್ಪ್ರಸಾದಾಯ ದೇವೇಶಿ ದೇವಾಃ ಕ್ರಂದಂತಿ ವಿಷ್ಣವೇ || ೨೯ ||
ಮಹಾಬಲೇ ಮಹಾರೌದ್ರೇ ಸರ್ವದೈತ್ಯನಿಪಾತಿನೀ |
ಆಧಾರಾ ಬುದ್ಧಿದಾ ಶಕ್ತಿಃ ಕುಂಡಲೀ ತಂತುರೂಪಿಣೀ || ೩೦ ||
ಷಟ್ಚಕ್ರಮಣೇ ದೇವಿ ಯೋಗಿನಿ ದಿವ್ಯರೂಪಿಣೀ |
ಕಾಮಿಕಾ ಕಾಮರಕ್ತಾ ಚ ಲೋಕತ್ರಯವಿಲೋಕಿನೀ || ೩೧ ||
ಮಹಾನಿದ್ರಾ ಮದ್ಯನಿದ್ರಾ ಮಧುಕೈಟಭಭಂಜಿನೀ |
ಭದ್ರಕಾಲೀ ತ್ರಿಸಂಧ್ಯಾ ಚ ಮಹಾಕಾಲೀ ಕಪಾಲಿನೀ || ೩೨ ||
ರಕ್ಷಿತಾ ಸರ್ವಭೂತಾನಾಂ ದೈತ್ಯಾನಾಂ ಚ ಕ್ಷಯಂಕರೀ |
ಶರಣ್ಯಂ ಸರ್ವಸತ್ತ್ವಾನಾಂ ರಕ್ಷ ತ್ವಂ ಪರಮೇಶ್ವರೀ || ೩೩ ||
ತ್ವಾಮಾರಾಧಯತೇ ಲೋಕೇ ತೇಷಾಂ ರಾಜ್ಯಂ ಚ ಭೂತಲೇ |
ಆಷಾಢೇ ಕಾರ್ತಿಕೇ ಚೈವ ಪೂರ್ಣೇ ಪೂರ್ಣಚತುರ್ದಶೀ || ೩೪ ||
ಆಶ್ವಿನೇ ಪೌಷಮಾಸೇ ಚ ಕೃತ್ವಾ ಪೂಜಾಂ ಪ್ರಯತ್ನತಃ |
ಗಂಧಪುಷ್ಪೈಶ್ಚ ನೈವೇದ್ಯೈಸ್ತೋಷಿತಾಂ ಪಂಚಭಿಃ ಸಹ || ೩೫ ||
ಯಂ ಯಂ ಪ್ರಾರ್ಥಯತೇ ನಿತ್ಯಂ ತಂ ತಂ ಪ್ರಾಪ್ನೋತಿ ನಿಶ್ಚಿತಮ್ |
ತತ್ತ್ವಂ ಮೇ ವರದೇ ದೇವಿ ರಕ್ಷ ಮಾಂ ಪರಮೇಶ್ವರೀ || ೩೬ ||
ತವ ವಾಮಾಂಕಿತಂ ದೇವಿ ರಕ್ಷ ಮೇ ಸಕಲೇಶ್ವರೀ |
ಸರ್ವಭೂತೋದಯೇ ದೇವಿ ಪ್ರಸಾದ ವರದೇ ಶಿವೇ || ೩೭ ||
ಶ್ರೀದೇವ್ಯುವಾಚ |
ವರಂ ಬ್ರೂಹಿ ಮಹಾಭಾಗ ರಾಜ್ಯಂ ಕುರು ಮಹೀತಲೇ |
ಮಾಮಾರಾಧ್ಯತೇ ಲೋಕೇ ಭಯಂ ಕ್ವಾಪಿ ನ ವಿದ್ಯತೇ || ೩೮ ||
ಮಮ ಮಾರ್ಗೇ ಚ ಆಯಾಂತೀ ಭೀರ್ದೇವೀ ಮಮ ಸನ್ನಿಧೌ |
ಅಭಾರ್ಯೋ ಲಭತೇ ಭಾರ್ಯಾಂ ನಿರ್ಧನೋ ಲಭತೇ ಧನಮ್ || ೩೯ ||
ವಿದ್ಯಾಂ ಪುತ್ರಮವಾಪ್ನೋತಿ ಶತ್ರುನಾಶಂ ಚ ವಿಂದತಿ |
ಅಪುತ್ರೋ ಲಭತೇ ಪುತ್ರಾನ್ ಬದ್ಧೋ ಮುಚ್ಯೇತ ಬಂಧನಾತ್ || ೪೦ ||
ಕಾಮಾರ್ಥೀ ಲಭತೇ ಕಾಮಂ ರೋಗೀ ಆರೋಗ್ಯಮಾಪ್ನುಯಾತ್ |
ಮಮ ಆರಾಧನಂ ನಿತ್ಯಂ ರಾಜ್ಯಂ ಪ್ರಾಪ್ನೋತಿ ಭೂತಲೇ || ೪೧ ||
ಸರ್ವಕಾರ್ಯಾಣಿ ಸಿದ್ಧ್ಯಂತಿ ಪ್ರಸಾದಾನ್ಮೇ ನ ಸಂಶಯಃ |
ಸರ್ವಕಾರ್ಯಾಣ್ಯವಾಪ್ನೋತಿ ದೀರ್ಘಾಯುಶ್ಚ ಲಭೇತ್ಸುಖೀ || ೪೨ ||
ಶ್ರೀಪರಶುರಾಮ ಉವಾಚ |
ಅತ್ರ ಸ್ಥಾನೇಷು ಭವತಾಂ ಅಭಯಂ ಕುರು ಸರ್ವದಾ |
ಯಂ ಯಂ ಪ್ರಾರ್ಥಯತೇ ನಿತ್ಯಂ ತಂ ತಂ ಪ್ರಾಪ್ನೋತಿ ನಿಶ್ಚಿತಮ್ || ೪೩ ||
ಪ್ರಯಾಗೇ ಪುಷ್ಕರೇ ಚೈವ ಗಂಗಾಸಾಗರಸಂಗಮೇ |
ಸ್ನಾನಂ ಚ ಲಭತೇ ನಿತ್ಯಂ ನಿತ್ಯಂ ಚ ಚರಣೋದಕಮ್ || ೪೪ ||
ಇದಂ ಸ್ತೋತ್ರಂ ಪಠೇನ್ನಿತ್ಯಂ ತ್ರಿಸಂಧ್ಯಂ ಶ್ರದ್ಧಯಾನ್ವಿತಃ |
ಸರ್ವಾನ್ ಕಾಮಾನವಾಪ್ನೋತಿ ಪ್ರಾಪ್ಯತೇ ಪರಮಂ ಪದಮ್ || ೪೫ ||
ಇತಿ ಶ್ರೀವಾಯುಪುರಾಣೇ ಪರಶುರಾಮಕೃತ ಶ್ರೀರೇಣುಕಾಸ್ತೋತ್ರಮ್ |
ಇನ್ನಷ್ಟು ದೇವೀ ಸ್ತೋತ್ರಗಳು ನೋಡಿ.
గమనిక: ఉగాది నుండి మొదలయ్యే వసంత నవరాత్రుల కోసం "శ్రీ లలితా స్తోత్రనిధి" పారాయణ గ్రంథము అందుబాటులో ఉంది.
Chant other stotras in తెలుగు, ಕನ್ನಡ, தமிழ், देवनागरी, english.
Did you see any mistake/variation in the content above? Click here to report mistakes and corrections in Stotranidhi content.
