Read in తెలుగు / ಕನ್ನಡ / தமிழ் / देवनागरी / English (IAST)
ವಿಶ್ವೇಶ್ವರೀ ನಿಖಿಲದೇವಮಹರ್ಷಿಪೂಜ್ಯಾ
ಸಿಂಹಾಸನಾ ತ್ರಿನಯನಾ ಭುಜಗೋಪವೀತಾ |
ಶಂಖಾಂಬುಜಾಸ್ಯಽಮೃತಕುಂಭಕ ಪಂಚಶಾಖಾ
ರಾಜ್ಞೀ ಸದಾ ಭಗವತೀ ಭವತು ಪ್ರಸನ್ನಾ || ೧ ||
ಜನ್ಮಾಟವೀಪ್ರದಹನೇ ದವವಹ್ನಿಭೂತಾ
ತತ್ಪಾದಪಂಕಜರಜೋಗತ ಚೇತಸಾಂ ಯಾ |
ಶ್ರೇಯೋವತಾಂ ಸುಕೃತಿನಾಂ ಭವಪಾಶಭೇತ್ತ್ರೀ
ರಾಜ್ಞೀ ಸದಾ ಭಗವತೀ ಭವತು ಪ್ರಸನ್ನಾ || ೨ ||
ದೇವ್ಯಾ ಯಯಾ ದನುಜರಾಕ್ಷಸದುಷ್ಟಚೇತೋ
ನ್ಯಗ್ಭಾವಿತಂ ಚರಣನೂಪುರಶಿಂಜಿತೇನ |
ಇಂದ್ರಾದಿದೇವಹೃದಯಂ ಪ್ರವಿಕಾಸಯಂತೀ
ರಾಜ್ಞೀ ಸದಾ ಭಗವತೀ ಭವತು ಪ್ರಸನ್ನಾ || ೩ ||
ದುಃಖಾರ್ಣವೇ ಹಿ ಪತಿತಂ ಶರಣಾಗತಂ ಯಾ
ಚೋದ್ಧತ್ಯ ಸಾ ನಯತಿ ಧಾಮ ಪರಂ ದಯಾಬ್ಧಿಃ |
ವಿಷ್ಣುರ್ಗಜೇಂದ್ರಮಿವ ಭೀತಭಯಾಪಹರ್ತ್ರೀ
ರಾಜ್ಞೀ ಸದಾ ಭಗವತೀ ಭವತು ಪ್ರಸನ್ನಾ || ೪ ||
ಯಸ್ಯಾ ವಿಚಿತ್ರಮಖಿಲಂ ಹಿ ಜಗತ್ಪ್ರಪಂಚಂ
ಕುಕ್ಷೌ ವಿಲೀನಮಪಿ ಸೃಷ್ಟಿವಿಸೃಷ್ಟಿರೂಪಾತ್ |
ಆವಿರ್ಭವತ್ಯವಿರತಂ ಚಿದಚಿತ್ಸ್ವಭಾವಂ
ರಾಜ್ಞೀ ಸದಾ ಭಗವತೀ ಭವತು ಪ್ರಸನ್ನಾ || ೫ ||
ಯತ್ಪಾದಪಂಕಜರಜಃಕಣಜ ಪ್ರಸಾದಾ-
-ದ್ಯೋಗೀಶ್ವರೈರ್ವಿಗತಕಲ್ಮಷಮಾನಸೈಸ್ತತ್ |
ಪ್ರಾಪ್ತಂ ಪದಂ ಜನಿವಿನಾಶಹರಂ ಪರಂ ಸಾ
ರಾಜ್ಞೀ ಸದಾ ಭಗವತೀ ಭವತು ಪ್ರಸನ್ನಾ || ೬ ||
ಯತ್ಪಾದಪಂಕಜರಜಾಂಸಿ ಮನೋಮಲಾನಿ
ಸಂಮಾರ್ಜಯಂತಿ ಶಿವವಿಷ್ಣುವಿರಿಂಚಿದೇವೈಃ |
ಮೃಗ್ಯಾನ್ಯಽಪಶ್ಚಿಮತನೋಃ ಪ್ರಣುತಾನಿ ಮಾತಾ
ರಾಜ್ಞೀ ಸದಾ ಭಗವತೀ ಭವತು ಪ್ರಸನ್ನಾ || ೭ ||
ಯದ್ದರ್ಶನಾಮೃತನದೀ ಮಹದೋಘಯುಕ್ತಾ
ಸಂಪ್ಲಾವಯತ್ಯಖಿಲಭೇದಗುಹಾಸ್ವಽನಂತಾ |
ತೃಷ್ಣಾಹರಾ ಸುಕೃತಿನಾಂ ಭವತಾಪಹರ್ತ್ರೀ
ರಾಜ್ಞೀ ಸದಾ ಭಗವತೀ ಭವತು ಪ್ರಸನ್ನಾ || ೮ ||
ಯತ್ಪಾದಚಿಂತನ ದಿವಾಕರರಶ್ಮಿಮಾಲಾ
ಚಾಂತರ್ಬಹಿಷ್ಕರಣವರ್ಗಸರೋಜಷಂಡಮ್ |
ಜ್ಞಾನೋದಯೇ ಸತಿ ವಿಕಾಸ್ಯ ತಮೋಪಹರ್ತ್ರೀ
ರಾಜ್ಞೀ ಸದಾ ಭಗವತೀ ಭವತು ಪ್ರಸನ್ನಾ || ೯ ||
ಹಂಸಸ್ಥಿತಾ ಸಕಲಶಬ್ದಮಯೀ ಭವಾನೀ
ವಾಗ್ವಾದಿನೀ ಹೃದಯ ಪುಷ್ಕರ ಚಾರಿಣೀಯಾ |
ಹಂಸೀವ ಹಂಸ ರಜನೀಶ್ವರ ವಹ್ನಿನೇತ್ರಾ
ರಾಜ್ಞೀ ಸದಾ ಭಗವತೀ ಭವತು ಪ್ರಸನ್ನಾ || ೧೦ ||
ಯಾ ಸೋಮಸೂರ್ಯವಪುಷಾ ಸತತಂ ಸರಂತೀ
ಮೂಲಾಶ್ರಯಾತ್ತಡಿದಿವಾಽಽವಿಧಿರಂಧ್ರಮೀಢ್ಯಾ |
ಮಧ್ಯಸ್ಥಿತಾ ಸಕಲನಾಡಿಸಮೂಹ ಪೂರ್ಣಾ
ರಾಜ್ಞೀ ಸದಾ ಭಗವತೀ ಭವತು ಪ್ರಸನ್ನಾ || ೧೧ ||
ಚೈತನ್ಯಪೂರಿತ ಸಮಸ್ತಜಗದ್ವಿಚಿತ್ರಾ
ಮಾತೃ ಪ್ರಮೇಯಪರಿಮಾಣತಯಾ ಚಕಾಸ್ತಿ |
ಯಾ ಪೂರ್ಣವೃತ್ಯಹಮಿತಿ ಸ್ವಪದಾಧಿರೂಢಾ
ರಾಜ್ಞೀ ಸದಾ ಭಗವತೀ ಭವತು ಪ್ರಸನ್ನಾ || ೧೨ ||
ಯಾ ಚಿತ್ಕ್ರಮಕ್ರಮತಯಾ ಪ್ರವಿಭಾತಿ ನಿತ್ಯಾ
ಸ್ವಾತಂತ್ರ್ಯ ಶಕ್ತಿರಮಲಾ ಗತಭೇದಭಾವಾ |
ಸ್ವಾತ್ಮಸ್ವರೂಪಸುವಿಮರ್ಶಪರೈಃ ಸುಗಮ್ಯಾ
ರಾಜ್ಞೀ ಸದಾ ಭಗವತೀ ಭವತು ಪ್ರಸನ್ನಾ || ೧೩ ||
ಯಾ ಕೃತ್ಯಪಂಚಕನಿಭಾಲನಲಾಲಸೈಸ್ತೈಃ
ಸಂದೃಶ್ಯತೇ ನಿಖಿಲವೇದ್ಯಗತಾಪಿ ಶಶ್ವತ್ |
ಸಾಂತರ್ಧೃತಾ ಪರಪ್ರಮಾತೃಪದಂ ವಿಶಂತೀ
ರಾಜ್ಞೀ ಸದಾ ಭಗವತೀ ಭವತು ಪ್ರಸನ್ನಾ || ೧೪ ||
ಯಾಽನುತ್ತರಾತ್ಮನಿ ಪದೇ ಪರಮಾಽಮೃತಾಬ್ಧೌ
ಸ್ವಾತಂತ್ರ್ಯಶಕ್ತಿಲಹರೀವ ಬಹಿಃ ಸರಂತೀ |
ಸಂಲೀಯತೇ ಸ್ವರಸತಃ ಸ್ವಪದೇ ಸಭಾವಾ
ರಾಜ್ಞೀ ಸದಾ ಭಗವತೀ ಭವತು ಪ್ರಸನ್ನಾ || ೧೫ ||
ಮೇರೋಃ ಸದೈವ ಹಿ ದರೀಷುವಿಚಿತ್ರವಾಗ್ಭಿ-
-ರ್ಗಾಯಂತಿ ಯಾ ಭಗವತೀಂ ಪರಿವಾದಿನೀಭಿಃ |
ವಿದ್ಯಾಧರಾ ಹಿ ಪುಲಕಾಂಕಿತ ವಿಗ್ರಹಾಃ ಸಾ
ರಾಜ್ಞೀ ಸದಾ ಭಗವತೀ ಭವತು ಪ್ರಸನ್ನಾ || ೧೬ ||
ರಾಜ್ಞೀ ಸದಾ ಭಗವತೀ ಮನಸಾ ಸ್ಮರಾಮಿ
ರಾಜ್ಞೀ ಸದಾ ಭಗವತೀ ವಚಸಾ ಗೃಣಾಮಿ |
ರಾಜ್ಞೀ ಸದಾ ಭಗವತೀ ಶಿರಸಾ ನಮಾಮಿ
ರಾಜ್ಞೀ ಸದಾ ಭಗವತೀ ಶರಣಂ ಪ್ರಪದ್ಯೇ || ೧೭ ||
ರಾಜ್ಞ್ಯಾಃ ಸ್ತೋತ್ರಮಿದಂ ಪುಣ್ಯಂ ಯಃ ಪಠೇದ್ಭಕ್ತಿಮಾನ್ನರಃ |
ನಿತ್ಯಂ ದೇವ್ಯಾಃ ಪ್ರಸಾದೇನ ಶಿವಸಾಯುಜ್ಯಮಾಪ್ನುಯಾತ್ || ೧೮ ||
ಇತಿ ಶ್ರೀವಿದ್ಯಾಧರ ವಿರಚಿತಂ ಶ್ರೀ ರಾಜ್ಞೀ ಸ್ತೋತ್ರಮ್ |
ಇನ್ನಷ್ಟು ಶ್ರೀ ಲಲಿತಾ ಸ್ತೋತ್ರಗಳು ನೋಡಿ.
మా ప్రచురణ: "శ్రీ బగళాముఖీ స్తోత్రనిధి (తాత్పర్య సహితం)" ప్రింటింగు పూర్తి అయి కొనుగోలుకు సిద్ధంగా ఉంది.
స్తోత్రనిధి (తెలుగు) వాట్సాప్ ఛానల్ : మా తెలుగు వాట్సాప్ ఛానల్ ని ఫాలో చేయడానికి ఇక్కడ క్లిక్ చేయండి.
Support this Dharma Karya : If you find value in the Stotranidhi collection, please consider supporting this work. You can make a contribution through these links - PhonePe/GooglePay/BHIM (within India) or Paypal (outside India)
Buy Prabhata Stotranidhi Book: A single book with important stotras of Devatas is available in 4 languages - "తెలుగు" , "ಕನ್ನಡ" , "देवनागरि" , "English (IAST)".
విప్రులకు, ద్విజులకు విజ్ఞప్తి : మంత్ర అనుష్ఠానం లేక నేటి కాలంలో ధర్మాచరణ క్షీణిస్తూ ఉన్నది. దయచేసి మీకు ఉపదేశం ఉన్న మంత్రం కనీసం లక్ష జపం చేయండి. మీకు అతిదగ్గరలో ఉన్న దేవాలయానికి ప్రతిరోజూ వెళ్ళి అక్కడి దేవత మంత్రాన్ని కనీసం 108 జపంచేసి, ఆ దేవత బలాన్ని వృద్ధి చేయండి. దేవత అనుగ్రహం ఉంటేనే ఆ ప్రాంతంలో ధర్మం వర్ధిల్లుతుంది.
Important message to Dharmikas : Please visit your nearest Devalayam and chant mantra of that Devata atleast 108 times daily in that temple. When Devata becomes powerful, it will automatically protect Dharma.
Chant other stotras in తెలుగు, ಕನ್ನಡ, தமிழ், देवनागरी, english.
Did you see any mistake/variation in the content above? Click here to report mistakes and corrections in Stotranidhi content.
