Read in తెలుగు / ಕನ್ನಡ / தமிழ் / देवनागरी / English (IAST)
ಉದ್ಗೀತಾಢ್ಯಂ ಮಹಾಭೀಮಂ ತ್ರಿನೇತ್ರಂ ಚೋಗ್ರವಿಗ್ರಹಮ್ |
ಉಜ್ಜ್ವಲಂ ತಂ ಶ್ರಿಯಾಜುಷ್ಟಂ ಶ್ರೀಂ ಕ್ಷ್ರೌಂ ಹ್ರೀಂ ನೃಹರಿಂ ಭಜೇ || ೧ ||
ಗ್ರಂಥಾಂತ ವೇದ್ಯಂ ದೇವೇಶಂ ಗಗನಾಶ್ರಯ ವಿಗ್ರಹಮ್ |
ಗರ್ಜನಾತ್ರಸ್ತ ವಿಶ್ವಾಂಡಂ ಶ್ರೀಂ ಕ್ಷ್ರೌಂ ಹ್ರೀಂ ನೃಹರಿಂ ಭಜೇ || ೨ ||
ವೀಥಿಹೋತ್ರೇಕ್ಷಣಂ ವೀರಂ ವಿಪಕ್ಷಕ್ಷಯದೀಕ್ಷಿತಮ್ |
ವಿಶ್ವಂಬರಂ ವಿರೂಪಾಕ್ಷಂ ಶ್ರೀಂ ಕ್ಷ್ರೌಂ ಹ್ರೀಂ ನೃಹರಿಂ ಭಜೇ || ೩ ||
ರಂಗನಾಥಂ ದಯಾನಾಥಂ ದೀನಬಂಧುಂ ಜಗದ್ಗುರುಮ್ |
ರಣಕೋಲಾಹಲಂ ಧೀರಂ ಶ್ರೀಂ ಕ್ಷ್ರೌಂ ಹ್ರೀಂ ನೃಹರಿಂ ಭಜೇ || ೪ ||
ಮಂತ್ರರಾಜಾಸನಾರೂಢಂ ಮಾರ್ತಾಂಡೋಜ್ಜ್ವಲ ತೇಜಸಮ್ |
ಮಣಿರತ್ನಕಿರೀಟಾಢ್ಯಂ ಶ್ರೀಂ ಕ್ಷ್ರೌಂ ಹ್ರೀಂ ನೃಹರಿಂ ಭಜೇ || ೫ ||
ಹಾಹಾಹೂಹ್ವಾದಿ ಗಂಧರ್ವೈಃ ಸ್ತೂಯಮಾನಪದಾಂಬುಜಮ್ |
ಉಗ್ರರೂಪಧರಂ ದೇವಂ ಶ್ರೀಂ ಕ್ಷ್ರೌಂ ಹ್ರೀಂ ನೃಹರಿಂ ಭಜೇ || ೬ ||
ವಿಧಿವೇದಪ್ರದಂ ವೀರಂ ವಿಘ್ನನಾಶಂ ರಮಾಪತಿಮ್ |
ವಜ್ರಖಡ್ಗಧರಂ ಧೀರಂ ಶ್ರೀಂ ಕ್ಷ್ರೌಂ ಹ್ರೀಂ ನೃಹರಿಂ ಭಜೇ || ೭ ||
ವಿಷ್ಣುಶಬ್ಧದಲಸ್ತಂಭಂ ದುಷ್ಟರಾಕ್ಷಸನಾಶನಮ್ |
ದುರ್ನಿರೀಕ್ಷಂ ದುರಾಧರ್ಷಂ ಶ್ರೀಂ ಕ್ಷ್ರೌಂ ಹ್ರೀಂ ನೃಹರಿಂ ಭಜೇ || ೮ ||
ಜ್ವಲತ್ಪಾವಕಸಂಕಾಶಂ ಜ್ವಾಲಾಮಾಲಾಮುಖಾಂಬುಜಮ್ |
ದಾರಿದ್ರ್ಯನಾಶನಂ ಶ್ರೀ ತಂ ಶ್ರೀಂ ಕ್ಷ್ರೌಂ ಹ್ರೀಂ ನೃಹರಿಂ ಭಜೇ || ೯ ||
ಲಂ ಬೀಜಂ ದೇವತಾನಾಥಂ ದೀರ್ಘವೃತ್ತ ಮಹಾಭುಜಮ್ |
ಲಕ್ಷ್ಮ್ಯಾಲಿಂಗಿತ ವಕ್ಷಸ್ಕಂ ಶ್ರೀಂ ಕ್ಷ್ರೌಂ ಹ್ರೀಂ ನೃಹರಿಂ ಭಜೇ || ೧೦ ||
ತಂತ್ರೀಭೂಜ ಜಗತ್ಕೃತ್ಸ್ನಂ ಧರ್ಮವೈಕುಂಠನಾಯಕಮ್ |
ಮಂತ್ರಜಾಪಕ ಸಾನ್ನಿಧ್ಯಂ ಶ್ರೀಂ ಕ್ಷ್ರೌಂ ಹ್ರೀಂ ನೃಹರಿಂ ಭಜೇ || ೧೧ ||
ಸರ್ವಾಂಡಕೋಶಮಾಲಾಢ್ಯಂ ಸರ್ವಾಂಡಾಂತರವಾಸಿನಮ್ |
ಅಷ್ಟಾಸ್ಯಕಂಠಭೇರಂಡಂ ಶ್ರೀಂ ಕ್ಷ್ರೌಂ ಹ್ರೀಂ ನೃಹರಿಂ ಭಜೇ || ೧೨ ||
ತೋಮರಾಂಕುಶ ವಜ್ರಾಣಾಂ ಸಮದಂಷ್ಟ್ರೈರ್ಮುಖೈಃ ಸ್ಥಿತಮ್ |
ಶತ್ರುಕ್ಷಯಕರಂ ವ್ಯಾಘ್ರಂ ಶ್ರೀಂ ಕ್ಷ್ರೌಂ ಹ್ರೀಂ ನೃಹರಿಂ ಭಜೇ || ೧೩ ||
ಮುನಿಮಾನಸಸಂಚಾರಂ ಭುಕ್ತಿಮುಕ್ತಿಫಲಪ್ರದಮ್ |
ಹಯಾಸ್ಯಂ ಜ್ಞಾನದಾತಾರಂ ಶ್ರೀಂ ಕ್ಷ್ರೌಂ ಹ್ರೀಂ ನೃಹರಿಂ ಭಜೇ || ೧೪ ||
ಕಂ ಶಬ್ದ ಕಂಕಣೋಪೇತಂ ಕಮಲಾಯತಲೋಚನಮ್ |
ಸರ್ವೈಶ್ವರ್ಯಪ್ರದಂ ಕ್ರೋಡಂ ಶ್ರೀಂ ಕ್ಷ್ರೌಂ ಹ್ರೀಂ ನೃಹರಿಂ ಭಜೇ || ೧೫ ||
ನೃಲೋಕರಕ್ಷಣಪರಂ ಭೂತೋಚ್ಚಾಟನ ತತ್ಪರಮ್ |
ಆಂಜನೇಯಮುಖಂ ವೀರಂ ಶ್ರೀಂ ಕ್ಷ್ರೌಂ ಹ್ರೀಂ ನೃಹರಿಂ ಭಜೇ || ೧೬ ||
ಸಿತವರ್ಣಂ ದೀರ್ಘನಾಸಂ ನಾಗಾಭರಣಭೂಷಿತಮ್ |
ಗರುಡಾಸ್ಯಂ ಮಹಾಧೀರಂ ಶ್ರೀಂ ಕ್ಷ್ರೌಂ ಹ್ರೀಂ ನೃಹರಿಂ ಭಜೇ || ೧೭ ||
ಮ್ಹಂ ಮ್ಹಂ ಮ್ಹಂ ಶಬ್ದಸಹಿತಂ ಮಾನವಾರಾಧನೋತ್ಸುಕಮ್ |
ಭಲ್ಲೂಕವಕ್ತ್ರಂ ಭೀತಿಘ್ನಂ ಶ್ರೀಂ ಕ್ಷ್ರೌಂ ಹ್ರೀಂ ನೃಹರಿಂ ಭಜೇ || ೧೮ ||
ಭೀಮಾಕ್ಷನಾಸಿಕೋಪೇತಂ ವೇದಗ್ರಹಣತತ್ಪರಮ್ |
ಧರಣೀಧೃತಮುತ್ಸಂಗಂ ಶ್ರೀಂ ಕ್ಷ್ರೌಂ ಹ್ರೀಂ ನೃಹರಿಂ ಭಜೇ || ೧೯ ||
ಷಡ್ವಕ್ತ್ರಪೂಜಿತಾಂಘ್ರ್ಯಬ್ಜಂ ಧೃಷ್ಟಕೋದ್ಧೃತಮಂಡಲಮ್ |
ಕೋಮಲಾಂಗಂ ಮಹಾಸತ್ವಂ ಶ್ರೀಂ ಕ್ಷ್ರೌಂ ಹ್ರೀಂ ನೃಹರಿಂ ಭಜೇ || ೨೦ ||
ಣಂಕಾರಕಿಂಕಿಣೀಜಾಲಂ ಜ್ಞಾನಮೂರ್ತಿಂ ಧರಾಪತಿಮ್ |
ವರಾಹಾಂಗಂ ಮುದಾರಾಂಗಂ ಶ್ರೀಂ ಕ್ಷ್ರೌಂ ಹ್ರೀಂ ನೃಹರಿಂ ಭಜೇ || ೨೧ ||
ಭಯಘ್ನಂ ಸರ್ವಭೂತಾನಾಂ ಪ್ರಹ್ಲಾದಾಭೀಷ್ಟದಾಯಿನಮ್ |
ನೃಸಿಂಹಸ್ತಂಭಸಂಬೋಧ್ಯಂ ಶ್ರೀಂ ಕ್ಷ್ರೌಂ ಹ್ರೀಂ ನೃಹರಿಂ ಭಜೇ || ೨೨ ||
ದ್ರವ್ಯಯಾಂಚಾಪರಂ ವಿಪ್ರಂ ಬಲಿಮಾನಮುಷಂ ಹರಿಮ್ |
ವಾಮನಂ ರೂಪಮಾಸ್ಥಾಯ ಶ್ರೀಂ ಕ್ಷ್ರೌಂ ಹ್ರೀಂ ನೃಹರಿಂ ಭಜೇ || ೨೩ ||
ಮೃತ್ಯುರೂಪಂ ಕ್ಷತ್ರಿಯಾಣಾಂ ಮುಗ್ಧಸ್ನಿಗ್ಧಮುಖಾಂಬುಜಮ್ |
ಜಾಮದಗ್ನ್ಯಂ ಪರಂ ದೇವಂ ಶ್ರೀಂ ಕ್ಷ್ರೌಂ ಹ್ರೀಂ ನೃಹರಿಂ ಭಜೇ || ೨೪ ||
ದ್ಯುಂ ಶಬ್ದಯುಕ್ತಕೋದಂಡಂ ದುಷ್ಟರಾವಣಮರ್ದನಮ್ |
ರಾಮಂ ಕಮಲಪತ್ರಾಕ್ಷಂ ಶ್ರೀಂ ಕ್ಷ್ರೌಂ ಹ್ರೀಂ ನೃಹರಿಂ ಭಜೇ || ೨೫ ||
ಮೃದಂಗಗೀತಪ್ರಣವಶ್ರವಣಾಸಕ್ತಮಾನಸಮ್ |
ಬಲರಾಮಂ ಹಲಧರಂ ಶ್ರೀಂ ಕ್ಷ್ರೌಂ ಹ್ರೀಂ ನೃಹರಿಂ ಭಜೇ || ೨೬ ||
ದ್ಯುಂ ದ್ಯುಂ ದ್ಯುಂ ದ್ಯುಂ ವೇಣುನಾದಂ ಬ್ರಹ್ಮರುದ್ರಾದಿಸೇವಿತಮ್ |
ಯಶೋದಾತನಯಂ ಕೃಷ್ಣಂ ಶ್ರೀಂ ಕ್ಷ್ರೌಂ ಹ್ರೀಂ ನೃಹರಿಂ ಭಜೇ || ೨೭ ||
ನಲಿನಾಕ್ಷಂ ಅಗ್ನಿರೂಪಂ ಮ್ಲೇಚ್ಛನಾಶನತತ್ಪರಮ್ |
ಜ್ವಾಲಾಮಾಲಾಪೂರಿತಾಂಗಂ ಶ್ರೀಂ ಕ್ಷ್ರೌಂ ಹ್ರೀಂ ನೃಹರಿಂ ಭಜೇ || ೨೮ ||
ಮಾನಾಯಕಂ ಮಹಾಸತ್ವಂ ಮಮಾಭೀಷ್ಟಪ್ರದಾಯಕಮ್ |
ಮದ್ರಕ್ಷಣಪರಂ ಶಾಂತಂ ಶ್ರೀಂ ಕ್ಷ್ರೌಂ ಹ್ರೀಂ ನೃಹರಿಂ ಭಜೇ || ೨೯ ||
ಮೃತ್ಯುಟಂಕಾರಸಂಯುಕ್ತಂ ಶಾರ್ಙ್ಗಧನ್ವಾನಮೀಶ್ವರಮ್ |
ಸದ್ವಸ್ತ್ರಾಭರಣೋಪೇತಂ ಶ್ರೀಂ ಕ್ಷ್ರೌಂ ಹ್ರೀಂ ನೃಹರಿಂ ಭಜೇ || ೩೦ ||
ಯನ್ನಾಮಸ್ಮರಣಾತ್ ಸರ್ವಭೂತವೇತಾಲರಾಕ್ಷಸಾಃ |
ಶತ್ರವಃ ಪ್ರಲಯಂ ಯಾಂತಿ ಶ್ರೀಂ ಕ್ಷ್ರೌಂ ಹ್ರೀಂ ನೃಹರಿಂ ಭಜೇ || ೩೧ ||
ಹಂ ಬೀಜನಾದಂ ಸರ್ವೇಶಂ ಶರಣಂ ವರಯಾಮ್ಯಹಮ್ |
ಉಪಾಯಭೂತಂ ಲಕ್ಷ್ಮೀಶಂ ಶ್ರೀಂ ಕ್ಷ್ರೌಂ ಹ್ರೀಂ ನೃಹರಿಂ ಭಜೇ || ೩೨ ||
ಫಲಶ್ರುತಿಃ |
ಭರದ್ವಾಜಕೃತಂ ಸ್ತೋತ್ರಂ ಮಂತ್ರಜಾರ್ಣವಸಂಭವಮ್ |
ಸಕೃತ್ಪಠನಮಾತ್ರೇಣ ಸರ್ವದುಃಖವಿನಾಶನಮ್ || ೧ ||
ರಾಜವಶ್ಯಂ ಜಗದ್ವಶ್ಯಂ ಸರ್ವವಶ್ಯಂ ಭವೇದ್ಧ್ರುವಮ್ |
ಭೂತಪ್ರೇತಪಿಶಾಚಾದಿ ವ್ಯಾಧಿ ದುರ್ಭಿಕ್ಷತಸ್ಕರಾಃ || ೨ ||
ದೂರಾದೇವ ಪ್ರಣಶ್ಯಂತಿ ಸತ್ಯಂ ಸತ್ಯಂ ನ ಸಂಶಯಃ |
ವಿದ್ಯಾರ್ಥೀ ಲಭತೇ ವಿದ್ಯಾಂ ಧನಾರ್ಥೀ ಲಭತೇ ಧನಮ್ || ೩ ||
ಸರ್ವಾರ್ಥೀ ಸರ್ವಮಾಪ್ನೋತಿ ಮೋಕ್ಷಾರ್ಥೀ ಮೋಕ್ಷಮಾಪ್ನುಯಾತ್ |
ಯಂ ಯಂ ಕಾಮಯತೇ ಚಿತ್ತಂ ತಂ ತಂ ಪ್ರಾಪ್ನೋತಿ ನಿಶ್ಚಯಮ್ || ೪ ||
ಇತಿ ಶ್ರೀಭರದ್ವಾಜಮುನಿ ಕೃತಂ ಶ್ರೀ ನೃಸಿಂಹ ದ್ವಾತ್ರಿಂಶದ್ಬೀಜಮಾಲಾ ಸ್ತೋತ್ರಮ್ |
ಇನ್ನಷ್ಟು ಶ್ರೀ ನೃಸಿಂಹ ಸ್ತೋತ್ರಗಳು ನೋಡಿ.
మా ప్రచురణ: "శ్రీ బగళాముఖీ స్తోత్రనిధి (తాత్పర్య సహితం)" ప్రింటింగు పూర్తి అయి కొనుగోలుకు సిద్ధంగా ఉంది.
స్తోత్రనిధి (తెలుగు) వాట్సాప్ ఛానల్ : మా తెలుగు వాట్సాప్ ఛానల్ ని ఫాలో చేయడానికి ఇక్కడ క్లిక్ చేయండి.
Support this Dharma Karya : If you find value in the Stotranidhi collection, please consider supporting this work. You can make a contribution through these links - PhonePe/GooglePay/BHIM (within India) or Paypal (outside India)
Buy Prabhata Stotranidhi Book: A single book with important stotras of Devatas is available in 4 languages - "తెలుగు" , "ಕನ್ನಡ" , "देवनागरि" , "English (IAST)".
విప్రులకు, ద్విజులకు విజ్ఞప్తి : మంత్ర అనుష్ఠానం లేక నేటి కాలంలో ధర్మాచరణ క్షీణిస్తూ ఉన్నది. దయచేసి మీకు ఉపదేశం ఉన్న మంత్రం కనీసం లక్ష జపం చేయండి. మీకు అతిదగ్గరలో ఉన్న దేవాలయానికి ప్రతిరోజూ వెళ్ళి అక్కడి దేవత మంత్రాన్ని కనీసం 108 జపంచేసి, ఆ దేవత బలాన్ని వృద్ధి చేయండి. దేవత అనుగ్రహం ఉంటేనే ఆ ప్రాంతంలో ధర్మం వర్ధిల్లుతుంది.
Important message to Dharmikas : Please visit your nearest Devalayam and chant mantra of that Devata atleast 108 times daily in that temple. When Devata becomes powerful, it will automatically protect Dharma.
Chant other stotras in తెలుగు, ಕನ್ನಡ, தமிழ், देवनागरी, english.
Did you see any mistake/variation in the content above? Click here to report mistakes and corrections in Stotranidhi content.
