Read in తెలుగు / ಕನ್ನಡ / தமிழ் / देवनागरी / English (IAST)
ಶ್ರೀಭೈರವ್ಯುವಾಚ |
ಭಗವನ್ ಶ್ರೋತುಮಿಚ್ಛಾಮಿ ಮಾತಂಗ್ಯಾಃ ಶತನಾಮಕಮ್ |
ಯದ್ಗುಹ್ಯಂ ಸರ್ವತಂತ್ರೇಷು ಕೇನಾಪಿ ನ ಪ್ರಕಾಶಿತಮ್ || ೧ ||
ಶ್ರೀಭೈರವ ಉವಾಚ |
ಶೃಣು ದೇವಿ ಪ್ರವಕ್ಷ್ಯಾಮಿ ರಹಸ್ಯಾತಿರಹಸ್ಯಕಮ್ |
ನಾಖ್ಯೇಯಂ ಯತ್ರ ಕುತ್ರಾಪಿ ಪಠನೀಯಂ ಪರಾತ್ಪರಮ್ || ೨ ||
ಯಸ್ಯೈಕವಾರಪಠನಾತ್ಸರ್ವೇ ವಿಘ್ನಾ ಉಪದ್ರವಾಃ |
ನಶ್ಯಂತಿ ತತ್ಕ್ಷಣಾದ್ದೇವಿ ವಹ್ನಿನಾ ತೂಲರಾಶಿವತ್ || ೩ ||
ಪ್ರಸನ್ನಾ ಜಾಯತೇ ದೇವೀ ಮಾತಂಗೀ ಚಾಸ್ಯ ಪಾಠತಃ |
ಸಹಸ್ರನಾಮಪಠನೇ ಯತ್ಫಲಂ ಪರಿಕೀರ್ತಿತಮ್ |
ತತ್ಕೋಟಿಗುಣಿತಂ ದೇವೀನಾಮಾಷ್ಟಶತಕಂ ಶುಭಮ್ || ೪ ||
ಅಸ್ಯ ಶ್ರೀಮಾತಂಗ್ಯಷ್ಟೋತ್ತರಶತನಾಮಸ್ತೋತ್ರಸ್ಯ ಭಗವಾನ್ಮತಂಗ ಋಷಿಃ ಅನುಷ್ಟುಪ್ಛಂದಃ ಶ್ರೀಮಾತಂಗೀ ದೇವತಾ ಶ್ರೀಮಾತಂಗೀ ಪ್ರೀತಯೇ ಜಪೇ ವಿನಿಯೋಗಃ |
ಮಹಾಮತ್ತಮಾತಂಗಿನೀ ಸಿದ್ಧಿರೂಪಾ
ತಥಾ ಯೋಗಿನೀ ಭದ್ರಕಾಳೀ ರಮಾ ಚ |
ಭವಾನೀ ಭವಪ್ರೀತಿದಾ ಭೂತಿಯುಕ್ತಾ
ಭವಾರಾಧಿತಾ ಭೂತಿಸಂಪತ್ಕರೀ ಚ || ೧ ||
ಧನಾಧೀಶಮಾತಾ ಧನಾಗಾರದೃಷ್ಟಿ-
-ರ್ಧನೇಶಾರ್ಚಿತಾ ಧೀರವಾಪೀ ವರಾಂಗೀ |
ಪ್ರಕೃಷ್ಟಾ ಪ್ರಭಾರೂಪಿಣೀ ಕಾಮರೂಪಾ
ಪ್ರಹೃಷ್ಟಾ ಮಹಾಕೀರ್ತಿದಾ ಕರ್ಣನಾಲೀ || ೨ ||
ಕರಾಳೀ ಭಗಾ ಘೋರರೂಪಾ ಭಗಾಂಗೀ
ಭಗಾಹ್ವಾ ಭಗಪ್ರೀತಿದಾ ಭೀಮರೂಪಾ |
ಭವಾನೀ ಮಹಾಕೌಶಿಕೀ ಕೋಶಪೂರ್ಣಾ
ಕಿಶೋರೀ ಕಿಶೋರಪ್ರಿಯಾ ನಂದಈಹಾ || ೩ ||
ಮಹಾಕಾರಣಾಽಕಾರಣಾ ಕರ್ಮಶೀಲಾ
ಕಪಾಲೀ ಪ್ರಸಿದ್ಧಾ ಮಹಾಸಿದ್ಧಖಂಡಾ |
ಮಕಾರಪ್ರಿಯಾ ಮಾನರೂಪಾ ಮಹೇಶೀ
ಮಲೋಲ್ಲಾಸಿನೀ ಲಾಸ್ಯಲೀಲಾಲಯಾಂಗೀ || ೪ ||
ಕ್ಷಮಾ ಕ್ಷೇಮಶೀಲಾ ಕ್ಷಪಾಕಾರಿಣೀ ಚಾ-
-ಽಕ್ಷಯಪ್ರೀತಿದಾ ಭೂತಿಯುಕ್ತಾ ಭವಾನೀ |
ಭವಾರಾಧಿತಾ ಭೂತಿಸತ್ಯಾತ್ಮಿಕಾ ಚ
ಪ್ರಭೋದ್ಭಾಸಿತಾ ಭಾನುಭಾಸ್ವತ್ಕರಾ ಚ || ೫ ||
ಧರಾಧೀಶಮಾತಾ ಧರಾಗಾರದೃಷ್ಟಿ-
-ರ್ಧರೇಶಾರ್ಚಿತಾ ಧೀವರಾ ಧೀವರಾಂಗೀ |
ಪ್ರಕೃಷ್ಟಾ ಪ್ರಭಾರೂಪಿಣೀ ಪ್ರಾಣರೂಪಾ
ಪ್ರಕೃಷ್ಟಸ್ವರೂಪಾ ಸ್ವರೂಪಪ್ರಿಯಾ ಚ || ೬ ||
ಚಲತ್ಕುಂಡಲಾ ಕಾಮಿನೀ ಕಾಂತಯುಕ್ತಾ
ಕಪಾಲಾಽಚಲಾ ಕಾಲಕೋದ್ಧಾರಿಣೀ ಚ |
ಕದಂಬಪ್ರಿಯಾ ಕೋಟರೀ ಕೋಟದೇಹಾ
ಕ್ರಮಾ ಕೀರ್ತಿದಾ ಕರ್ಣರೂಪಾ ಚ ಕಾಕ್ಷ್ಮೀಃ || ೭ ||
ಕ್ಷಮಾಂಗೀ ಕ್ಷಯಪ್ರೇಮರೂಪಾ ಕ್ಷಯಾ ಚ
ಕ್ಷಯಾಕ್ಷಾ ಕ್ಷಯಾಹ್ವಾ ಕ್ಷಯಪ್ರಾಂತರಾ ಚ |
ಕ್ಷವತ್ಕಾಮಿನೀ ಕ್ಷಾರಿಣೀ ಕ್ಷೀರಪೂರ್ಣಾ
ಶಿವಾಂಗೀ ಚ ಶಾಕಂಭರೀ ಶಾಕದೇಹಾ || ೮ ||
ಮಹಾಶಾಕಯಜ್ಞಾ ಫಲಪ್ರಾಶಕಾ ಚ
ಶಕಾಹ್ವಾಽಶಕಾಹ್ವಾ ಶಕಾಖ್ಯಾ ಶಕಾ ಚ |
ಶಕಾಕ್ಷಾಂತರೋಷಾ ಸುರೋಷಾ ಸುರೇಖಾ
ಮಹಾಶೇಷಯಜ್ಞೋಪವೀತಪ್ರಿಯಾ ಚ || ೯ ||
ಜಯಂತೀ ಜಯಾ ಜಾಗ್ರತೀ ಯೋಗ್ಯರೂಪಾ
ಜಯಾಂಗಾ ಜಪಧ್ಯಾನಸಂತುಷ್ಟಸಂಜ್ಞಾ |
ಜಯಪ್ರಾಣರೂಪಾ ಜಯಸ್ವರ್ಣದೇಹಾ
ಜಯಜ್ವಾಲಿನೀ ಯಾಮಿನೀ ಯಾಮ್ಯರೂಪಾ || ೧೦ ||
ಜಗನ್ಮಾತೃರೂಪಾ ಜಗದ್ರಕ್ಷಣಾ ಚ
ಸ್ವಧಾವೌಷಡಂತಾ ವಿಲಂಬಾಽವಿಲಂಬಾ |
ಷಡಂಗಾ ಮಹಾಲಂಬರೂಪಾಸಿಹಸ್ತಾ-
ಪದಾಹಾರಿಣೀಹಾರಿಣೀ ಹಾರಿಣೀ ಚ || ೧೧ ||
ಮಹಾಮಂಗಳಾ ಮಂಗಳಪ್ರೇಮಕೀರ್ತಿ-
-ರ್ನಿಶುಂಭಚ್ಛಿದಾ ಶುಂಭದರ್ಪಾಪಹಾ ಚ |
ತಥಾಽಽನಂದಬೀಜಾದಿಮುಕ್ತಿಸ್ವರೂಪಾ
ತಥಾ ಚಂಡಮುಂಡಾಪದಾ ಮುಖ್ಯಚಂಡಾ || ೧೨ ||
ಪ್ರಚಂಡಾಽಪ್ರಚಂಡಾ ಮಹಾಚಂಡವೇಗಾ
ಚಲಚ್ಚಾಮರಾ ಚಾಮರಾ ಚಂದ್ರಕೀರ್ತಿಃ |
ಸುಚಾಮೀಕರಾ ಚಿತ್ರಭೂಷೋಜ್ಜ್ವಲಾಂಗೀ
ಸುಸಂಗೀತಗೀತಾ ಚ ಪಾಯಾದಪಾಯಾತ್ || ೧೩ ||
ಇತಿ ತೇ ಕಥಿತಂ ದೇವಿ ನಾಮ್ನಾಮಷ್ಟೋತ್ತರಂ ಶತಮ್ |
ಗೋಪ್ಯಂ ಚ ಸರ್ವತಂತ್ರೇಷು ಗೋಪನೀಯಂ ಚ ಸರ್ವದಾ || ೧೪ ||
ಏತಸ್ಯ ಸತತಾಭ್ಯಾಸಾತ್ಸಾಕ್ಷಾದ್ದೇವೋ ಮಹೇಶ್ವರಃ |
ತ್ರಿಸಂಧ್ಯಂ ಚ ಮಹಾಭಕ್ತ್ಯಾ ಪಠನೀಯಂ ಸುಖೋದಯಮ್ || ೧೫ ||
ನ ತಸ್ಯ ದುಷ್ಕರಂ ಕಿಂಚಿಜ್ಜಾಯತೇ ಸ್ಪರ್ಶತಃ ಕ್ಷಣಾತ್ |
ಸುಕೃತಂ ಯತ್ತದೇವಾಪ್ತಂ ತಸ್ಮಾದಾವರ್ತಯೇತ್ಸದಾ || ೧೬ ||
ಸದೈವ ಸನ್ನಿಧೌ ತಸ್ಯ ದೇವೀ ವಸತಿ ಸಾದರಮ್ |
ಅಯೋಗಾ ಯೇ ತ ಏವಾಗ್ರೇ ಸುಯೋಗಾಶ್ಚ ಭವಂತಿ ವೈ || ೧೭ ||
ತ ಏವ ಮಿತ್ರಭೂತಾಶ್ಚ ಭವಂತಿ ತತ್ಪ್ರಸಾದತಃ |
ವಿಷಾಣಿ ನೋಪಸರ್ಪಂತಿ ವ್ಯಾಧಯೋ ನ ಸ್ಪೃಶಂತಿ ತಾನ್ || ೧೮ ||
ಲೂತಾವಿಸ್ಫೋಟಕಾಃ ಸರ್ವೇ ಶಮಂ ಯಾಂತಿ ಚ ತತ್ಕ್ಷಣಾತ್ |
ಜರಾಪಲಿತನಿರ್ಮುಕ್ತಃ ಕಲ್ಪಜೀವೀ ಭವೇನ್ನರಃ || ೧೯ ||
ಅಪಿ ಕಿಂ ಬಹುನೋಕ್ತೇನ ಸಾನ್ನಿಧ್ಯಂ ಫಲಮಾಪ್ನುಯಾತ್ |
ಯಾವನ್ಮಯಾ ಪುರಾ ಪ್ರೋಕ್ತಂ ಫಲಂ ಸಾಹಸ್ರನಾಮಕಮ್ |
ತತ್ಸರ್ವಂ ಲಭತೇ ಮರ್ತ್ಯೋ ಮಹಾಮಾಯಾಪ್ರಸಾದತಃ || ೨೦ ||
ಇತಿ ಶ್ರೀರುದ್ರಯಾಮಲೇ ಶ್ರೀಮಾತಂಗೀಶತನಾಮಸ್ತೋತ್ರಮ್ |
ಇನ್ನಷ್ಟು ದಶಮಹಾವಿದ್ಯಾ ಸ್ತೋತ್ರಗಳು ನೋಡಿ.
మా ప్రచురణ: "శ్రీ బగళాముఖీ స్తోత్రనిధి (తాత్పర్య సహితం)" ప్రింటింగు పూర్తి అయి కొనుగోలుకు సిద్ధంగా ఉంది.
స్తోత్రనిధి (తెలుగు) వాట్సాప్ ఛానల్ : మా తెలుగు వాట్సాప్ ఛానల్ ని ఫాలో చేయడానికి ఇక్కడ క్లిక్ చేయండి.
Support this Dharma Karya : If you find value in the Stotranidhi collection, please consider supporting this work. You can make a contribution through these links - PhonePe/GooglePay/BHIM (within India) or Paypal (outside India)
Buy Prabhata Stotranidhi Book: A single book with important stotras of Devatas is available in 4 languages - "తెలుగు" , "ಕನ್ನಡ" , "देवनागरि" , "English (IAST)".
విప్రులకు, ద్విజులకు విజ్ఞప్తి : మంత్ర అనుష్ఠానం లేక నేటి కాలంలో ధర్మాచరణ క్షీణిస్తూ ఉన్నది. దయచేసి మీకు ఉపదేశం ఉన్న మంత్రం కనీసం లక్ష జపం చేయండి. మీకు అతిదగ్గరలో ఉన్న దేవాలయానికి ప్రతిరోజూ వెళ్ళి అక్కడి దేవత మంత్రాన్ని కనీసం 108 జపంచేసి, ఆ దేవత బలాన్ని వృద్ధి చేయండి. దేవత అనుగ్రహం ఉంటేనే ఆ ప్రాంతంలో ధర్మం వర్ధిల్లుతుంది.
Important message to Dharmikas : Please visit your nearest Devalayam and chant mantra of that Devata atleast 108 times daily in that temple. When Devata becomes powerful, it will automatically protect Dharma.
Chant other stotras in తెలుగు, ಕನ್ನಡ, தமிழ், देवनागरी, english.
Did you see any mistake/variation in the content above? Click here to report mistakes and corrections in Stotranidhi content.
