Read in తెలుగు / ಕನ್ನಡ / தமிழ் / देवनागरी / English (IAST)
ಕಲಯತು ಕಲ್ಯಾಣತತಿಂ
ಕಮಲಾಸಖಪದ್ಮಯೋನಿಮುಖವಂದ್ಯಃ |
ಕರಿಮುಖಷಣ್ಮುಖಯುಕ್ತಃ
ಕಾಮೇಶಸ್ತ್ರಿಪುರಸುಂದರೀನಾಥಃ || ೧ ||
ಏಕೈವಾಹಂ ಜಗತೀ-
-ತ್ಯಾಯೋಧನಮಧ್ಯ ಅಬ್ರವೀದ್ಯಾದೌ |
ಶುಂಭಂ ಪ್ರತಿ ಸಾ ಪಾಯಾ-
-ದಾದ್ಯಾ ಶಕ್ತಿಃ ಕೃಪಾಪಯೋರಾಶಿಃ || ೨ ||
ಈಷದಿತಿ ಮನ್ಯತೇ ಯ-
-ತ್ಪದಭಕ್ತಃ ಶಂಭುವಿಷ್ಣುಮುಖಪದವೀಃ |
ಸಾ ಮೇ ನಿಶ್ಚಲವಿರತಿಂ
ದದ್ಯಾದ್ವಿಷಯೇಷು ವಿಷ ಇವಾತ್ಯಂತಮ್ || ೩ ||
ಲಭತೇ ಪರಾತ್ಮವಿದ್ಯಾಂ
ಸುದೃಢಾಮೇವಾಶು ಯತ್ಪದಾಸಕ್ತಃ |
ತಾಂ ನೌಮಿ ಬೋಧರೂಪಾ-
-ಮಾದ್ಯಾಂ ವಿದ್ಯಾಂ ಶಿವಾಜಮುಖಸೇವ್ಯಾಮ್ || ೪ ||
ಹ್ರೀಮಾನ್ಭವೇತ್ಸುರೇಶ-
-ಸ್ತದ್ಗುರುರಪಿ ಯತ್ಪದಾಬ್ಜಭಕ್ತಸ್ಯ |
ಲಕ್ಷ್ಮೀಂ ಗಿರಂ ಚ ದೃಷ್ಟ್ವಾ
ಸಾ ಮಾಮವ್ಯಾತ್ತಯೋಃ ಪ್ರದಾನೇನ || ೫ ||
ಹಸತಿ ವಿಧುಂ ಹಾಸೇನ
ಪ್ರವಾಲಮಪಿ ಪಂಚಶಾಖಮಾರ್ದವತಃ |
ಅಧರೇಣ ಬಿಂಬಮವ್ಯಾ-
-ತ್ಸಾ ಮಾ ಸೋಮಾರ್ಧಮೂರ್ಧಪುಣ್ಯತತಿಃ || ೬ ||
ಸಕಲಾಮ್ನಾಯಶಿರೋಭಿ-
-ಸ್ತಾತ್ಪರ್ಯೇಣೈವ ಗೀಯತೇ ರೂಪಮ್ |
ಯಸ್ಯಾಃ ಸಾವತು ಸತತಂ
ಗಂಗಾಧರಪೂರ್ವಪುಣ್ಯಪರಿಪಾಠೀ || ೭ ||
ಕಲಿಮಲನಿವಾರಣವ್ರತ-
-ಕೃತದೀಕ್ಷಃ ಕಾಲಸರ್ವಗರ್ವಹರಃ |
ಕರಣವಶೀಕರಣಪಟು-
-ಪ್ರಾಭವದಃ ಪಾತು ಪಾರ್ವತೀನಾಥಃ || ೮ ||
ಹರತು ತಮೋ ಹಾರ್ದಂ ಮೇ
ಹಾಲಾಹಲರಾಜಮಾನಗಲದೇಶಃ |
ಹಂಸಮನುಪ್ರತಿಪಾದ್ಯಃ
ಪರಹಂಸಾರಾಧ್ಯಪಾದಪಾಥೋಜಃ || ೯ ||
ಲಲನಾಃ ಸುರೇಶ್ವರಾಣಾಂ
ಯತ್ಪಾದಪಾಥೋಜಮರ್ಚಯಂತಿ ಮುದಾ |
ಸಾ ಮೇ ಮನಸಿ ವಿಹಾರಂ
ರಚಯತು ರಾಕೇಂದುಗರ್ವಹರವದನಾ || ೧೦ ||
ಹ್ರೀಮಂತಃ ಕಲಯತಿ ಯೋ
ಮೂಲಂ ಮೂಲಂ ಸಮಸ್ತಲಕ್ಷ್ಮೀನಾಮ್ |
ತಂ ಚಕ್ರವರ್ತಿನೋಽಪಿ
ಪ್ರಣಮಂತಿ ಚ ಯಾಂತಿ ತಸ್ಯ ಭೃತ್ಯತ್ವಮ್ ||
ಸದನಂ ಪ್ರಭವತಿ ವಾಚಾಂ
ಯನ್ಮೂರ್ತಿಧ್ಯಾನತೋ ಹಿ ಮೂಕೋಽಪಿ |
ಸರಸಾಂ ಸಾಲಂಕಾರಾಂ
ಸಾ ಮೇ ವಾಚಂ ದದಾತು ಶಿವಮಹಿಷೀ || ೧೨ ||
ಕರಕಲಿತಪಾಶಸೃಣಿಶರ-
-ಶರಾಸನಃ ಕಾಮಧುಕ್ಪ್ರಣಮ್ರಾಣಾಮ್ |
ಕಾಮೇಶ್ವರೀಹೃದಂಬುಜ-
-ಭಾನುಃ ಪಾಯಾದ್ಯುವಾ ಕೋಽಪಿ || ೧೩ ||
ಲಬ್ಧ್ವಾ ಸ್ವಯಂ ಪುಮರ್ಥಾಂ-
-ಶ್ಚತುರಃ ಕಿಂಚಾತ್ಮಭಕ್ತವರ್ಯೇಭ್ಯಃ |
ದದ್ಯಾದ್ಯತ್ಪದಭಕ್ತಃ
ಸಾ ಮಯಿ ಕರುಣಾಂ ಕರೋತು ಕಾಮೇಶೀ || ೧೪ ||
ಹ್ರೀಂಕಾರಜಪಪರಾಣಾಂ
ಜೀವನ್ಮುಕ್ತಿಂ ಚ ಭುಕ್ತಿಂ ಚ |
ಯಾ ಪ್ರದದಾತ್ಯಚಿರಾತ್ತಾಂ
ನೌಮಿ ಶ್ರೀಚಕ್ರರಾಜಕೃತವಸತಿಮ್ || ೧೫ ||
ಶ್ರೀಮಾತೃಪದಪಯೋಜಾ-
-ಸಕ್ತಸ್ವಾಂತೇನ ಕೇನಚಿದ್ಯತಿನಾ |
ರಚಿತಾ ಸ್ತುತಿರಿಯಮವನೌ
ಪಠತಾಂ ಭಕ್ತ್ಯಾ ದದಾತಿ ಶುಭಪಂಕ್ತಿಮ್ || ೧೬ ||
ಇತಿ ಶೃಂಗೇರಿ ಶ್ರೀಜಗದ್ಗುರು ಶ್ರೀಸಚ್ಚಿದಾನಂದಶಿವಾಭಿನವನೃಸಿಂಹಭಾರತೀಸ್ವಾಮಿಭಿಃ ವಿರಚಿತಃ ಶ್ರೀ ಲಲಿತಾಂಬಾ ಪರಮೇಶ್ವರ ಸ್ತವಃ |
ಇನ್ನಷ್ಟು ಶ್ರೀ ಲಲಿತಾ ಸ್ತೋತ್ರಗಳು ನೋಡಿ.
మా ప్రచురణ: "శ్రీ బగళాముఖీ స్తోత్రనిధి (తాత్పర్య సహితం)" ప్రింటింగు పూర్తి అయి కొనుగోలుకు సిద్ధంగా ఉంది.
స్తోత్రనిధి (తెలుగు) వాట్సాప్ ఛానల్ : మా తెలుగు వాట్సాప్ ఛానల్ ని ఫాలో చేయడానికి ఇక్కడ క్లిక్ చేయండి.
Support this Dharma Karya : If you find value in the Stotranidhi collection, please consider supporting this work. You can make a contribution through these links - PhonePe/GooglePay/BHIM (within India) or Paypal (outside India)
Buy Prabhata Stotranidhi Book: A single book with important stotras of Devatas is available in 4 languages - "తెలుగు" , "ಕನ್ನಡ" , "देवनागरि" , "English (IAST)".
విప్రులకు, ద్విజులకు విజ్ఞప్తి : మంత్ర అనుష్ఠానం లేక నేటి కాలంలో ధర్మాచరణ క్షీణిస్తూ ఉన్నది. దయచేసి మీకు ఉపదేశం ఉన్న మంత్రం కనీసం లక్ష జపం చేయండి. మీకు అతిదగ్గరలో ఉన్న దేవాలయానికి ప్రతిరోజూ వెళ్ళి అక్కడి దేవత మంత్రాన్ని కనీసం 108 జపంచేసి, ఆ దేవత బలాన్ని వృద్ధి చేయండి. దేవత అనుగ్రహం ఉంటేనే ఆ ప్రాంతంలో ధర్మం వర్ధిల్లుతుంది.
Important message to Dharmikas : Please visit your nearest Devalayam and chant mantra of that Devata atleast 108 times daily in that temple. When Devata becomes powerful, it will automatically protect Dharma.
Chant other stotras in తెలుగు, ಕನ್ನಡ, தமிழ், देवनागरी, english.
Did you see any mistake/variation in the content above? Click here to report mistakes and corrections in Stotranidhi content.
