Sri Kamakshi Stotram 4 (Paramacharya Krutam) – ಶ್ರೀ ಕಾಮಾಕ್ಷೀ ಸ್ತೋತ್ರಂ – ೪ (ಪರಮಾಚಾರ್ಯ ಕೃತಂ)


ಮಂಗಳಚರಣೇ ಮಂಗಳವದನೇ ಮಂಗಳದಾಯಿನಿ ಕಾಮಾಕ್ಷಿ |
ಗುರುಗುಹಜನನಿ ಕುರು ಕಲ್ಯಾಣಂ ಕುಂಜರಿಜನನಿ ಕಾಮಾಕ್ಷಿ || ೧ ||

ಹಿಮಗಿರಿತನಯೇ ಮಮ ಹೃದಿನಿಲಯೇ ಸಜ್ಜನಸದಯೇ ಕಾಮಾಕ್ಷಿ |
ಗುರುಗುಹಜನನಿ ಕುರು ಕಲ್ಯಾಣಂ ಕುಂಜರಿಜನನಿ ಕಾಮಾಕ್ಷಿ || ೨ ||

ಗ್ರಹನುತಚರಣೇ ಗೃಹಸುತದಾಯಿನಿ ನವ ನವ ಭವತೇ ಕಾಮಾಕ್ಷಿ |
ಗುರುಗುಹಜನನಿ ಕುರು ಕಲ್ಯಾಣಂ ಕುಂಜರಿಜನನಿ ಕಾಮಾಕ್ಷಿ || ೩ ||

ಶಿವಮುಖವಿನುತೇ ಭವಸುಖದಾಯಿನಿ ನವ ನವ ಭವತೇ ಕಾಮಾಕ್ಷಿ |
ಗುರುಗುಹಜನನಿ ಕುರು ಕಲ್ಯಾಣಂ ಕುಂಜರಿಜನನಿ ಕಾಮಾಕ್ಷಿ || ೪ ||

ಭಕ್ತ ಸುಮಾನಸ ತಾಪವಿನಾಶಿನಿ ಮಂಗಳದಾಯಿನಿ ಕಾಮಾಕ್ಷಿ |
ಗುರುಗುಹಜನನಿ ಕುರು ಕಲ್ಯಾಣಂ ಕುಂಜರಿಜನನಿ ಕಾಮಾಕ್ಷಿ || ೫ ||

ಕೇನೋಪನಿಷದ್ವಾಕ್ಯವಿನೋದಿನಿ ದೇವಿ ಪರಾಶಕ್ತಿ ಕಾಮಾಕ್ಷಿ |
ಗುರುಗುಹಜನನಿ ಕುರು ಕಲ್ಯಾಣಂ ಕುಂಜರಿಜನನಿ ಕಾಮಾಕ್ಷಿ || ೬ ||

ಪರಶಿವಜಾಯೇ ವರಮುನಿಭಾವ್ಯೇ ಅಖಿಲಾಂಡೇಶ್ವರಿ ಕಾಮಾಕ್ಷಿ |
ಗುರುಗುಹಜನನಿ ಕುರು ಕಲ್ಯಾಣಂ ಕುಂಜರಿಜನನಿ ಕಾಮಾಕ್ಷಿ || ೭ ||

ಹರಿದ್ರಾಮಂಡಲವಾಸಿನಿ ನಿತ್ಯಮಂಗಳದಾಯಿನಿ ಕಾಮಾಕ್ಷಿ |
ಗುರುಗುಹಜನನಿ ಕುರು ಕಲ್ಯಾಣಂ ಕುಂಜರಿಜನನಿ ಕಾಮಾಕ್ಷಿ || ೮ ||

ಇತಿ ಪರಮಾಚಾರ್ಯ ಕೃತ ಶ್ರೀ ಕಾಮಾಕ್ಷೀ ಸ್ತೋತ್ರಮ್ |


గమనిక : "శ్రీ దత్తాత్రేయ స్తోత్రనిధి" పుస్తకము ముద్రణ చేయబోతున్నాము.

Did you see any mistake/variation in the content above? Click here to report mistakes and corrections in Stotranidhi content.

Facebook Comments
error: Not allowed