Read in తెలుగు / ಕನ್ನಡ / தமிழ் / देवनागरी / English (IAST)
ದೇವ್ಯುವಾಚ |
ತ್ವತ್ತಃ ಶ್ರುತಂ ಮಯಾ ನಾಥ ದೇವ ದೇವ ಜಗತ್ಪತೇ |
ದೇವ್ಯಾಃ ಕಾಮಕಳಾಕಾಳ್ಯಾ ವಿಧಾನಂ ಸಿದ್ಧಿದಾಯಕಮ್ || ೧ ||
ತ್ರೈಲೋಕ್ಯವಿಜಯಸ್ಯಾಪಿ ವಿಶೇಷೇಣ ಶ್ರುತೋ ಮಯಾ |
ತತ್ಪ್ರಸಂಗೇನ ಚಾನ್ಯಾಸಾಂ ಮಂತ್ರಧ್ಯಾನೇ ತಥಾ ಶ್ರುತೇ || ೨ ||
ಇದಾನೀಂ ಜಾಯತೇ ನಾಥ ಶುಶ್ರೂಷಾ ಮಮ ಭೂಯಸೀ |
ನಾಮ್ನಾಂ ಸಹಸ್ರೇ ತ್ರಿವಿಧಮಹಾಪಾಪೌಘಹಾರಿಣಿ || ೩ ||
ಶ್ರುತೇನ ಯೇನ ದೇವೇಶ ಧನ್ಯಾ ಸ್ಯಾಂ ಭಾಗ್ಯವತ್ಯಪಿ |
ಶ್ರೀಮಹಾಕಾಲ ಉವಾಚ |
ಭಾಗ್ಯವತ್ಯಸಿ ಧನ್ಯಾಸಿ ಸಂದೇಹೋ ನಾತ್ರ ಭಾವಿನಿ || ೪ ||
ಸಹಸ್ರನಾಮಶ್ರವಣೇ ಯಸ್ಮಾತ್ತೇ ನಿಶ್ಚಿತಂ ಮನಃ |
ತಸ್ಯಾ ನಾಮ್ನಾಂ ತು ಲಕ್ಷಾಣಿ ವಿದ್ಯಂತೇ ಚಾಥ ಕೋಟಯಃ || ೫ ||
ತಾನ್ಯಲ್ಪಾಯುರ್ಮತಿತ್ವೇನ ನೃಭಿರ್ಧಾರಯಿತುಂ ಸದಾ |
ಅಶಕ್ಯಾನಿ ವರಾರೋಹೇ ಪಠಿತುಂ ಚ ದಿನೇ ದಿನೇ || ೬ ||
ತೇಭ್ಯೋ ನಾಮಸಹಸ್ರಾಣಿ ಸಾರಾಣ್ಯುದ್ಧೃತ್ಯ ಶಂಭುನಾ |
ಅಮೃತಾನೀವ ದುಗ್ಧಾಬ್ಧೇರ್ಭೂದೇವೇಭ್ಯಃ ಸಮರ್ಪಿತಮ್ || ೭ ||
ಕಾನಿಚಿತ್ತತ್ರ ಗೌಣಾನಿ ಗದಿತಾನಿ ಶುಚಿಸ್ಮಿತೇ |
ರೂಢಾಣ್ಯಾಕಾರಹೀನತ್ವಾದ್ಗೌಣಾನಿ ಗುಣಯೋಗತಃ || ೮ ||
ರಾಹಿತ್ಯಾದ್ರೂಢಿಗುಣಯೋಸ್ತಾನಿ ಸಾಂಕೇತಿಕಾನ್ಯಪಿ |
ತ್ರಿವಿಧಾನ್ಯಪಿ ನಾಮಾನಿ ಪಠಿತಾನಿ ದಿನೇ ದಿನೇ || ೯ ||
ರಾಧಯಂತೀಪ್ಸಿತಾನರ್ಥಾನ್ ದದತ್ಯಮೃತಮವ್ಯಯಮ್ |
ಕ್ಷಪಯಂತ್ಯಪಮೃತ್ಯುಂ ಚ ಮಾರಯಂತಿ ದ್ವಿಷೋಽಖಿಲಾನ್ || ೧೦ ||
ಘ್ನಂತಿ ರೋಗಾನಥೋತ್ಪಾತಾನ್ಮಂಗಳಂ ಕುರ್ವತೇಽನ್ವಹಮ್ |
ಕಿಮುತಾನ್ಯತ್ ಸದಾ ಸನ್ನಿಧಾಪಯತ್ಯರ್ಥಿಕಾಮಪಿ || ೧೧ ||
ತ್ರಿಪುರಘ್ನೋಽಪ್ಯದೋ ನಾಮಸಹಸ್ರಂ ಪಠತಿ ಪ್ರಿಯೇ |
ತದಾಜ್ಞಯಾಪ್ಯಹಮಪಿ ಕೀರ್ತಯಾಮಿ ದಿನೇದಿನೇ | ೧೨ ||
ಭವತ್ಯಪೀದಮಸ್ಮತ್ತಃ ಶಿಕ್ಷಿತ್ವಾ ತು ಪಠಿಷ್ಯತಿ |
ಭವಿಷ್ಯತಿ ಚ ನಿರ್ಣೀತಂ ಚತುರ್ವರ್ಗಸ್ಯ ಭಾಜನಮ್ || ೧೩ ||
ಮನೋಽನ್ಯತೋ ನಿರಾಕೃತ್ಯ ಸಾವಧಾನಾ ನಿಶಾಮಯ |
ನಾಮ್ನಾಂ ಕಾಮಕಳಾಕಾಳ್ಯಾಃ ಸಹಸ್ರಂ ಮುಕ್ತಿದಾಯಕಮ್ || ೧೪ ||
ಅಸ್ಯ ಶ್ರೀಕಾಮಕಳಾಕಾಳೀ ಸಹಸ್ರನಾಮಸ್ತೋತ್ರಸ್ಯ ಶ್ರೀತ್ರಿಪುರಘ್ನ ಋಷಿಃ ಅನುಷ್ಟುಪ್ ಛಂದಃ ತ್ರಿಜಗನ್ಮಯರೂಪಿಣೀ ಭಗವತೀ ಶ್ರೀಕಾಮಕಳಾಕಾಳೀ ದೇವತಾ ಕ್ಲೀಂ ಬೀಜಂ ಸ್ಫ್ರೋಂ ಶಕ್ತಿಃ ಹೂಂ ಕೀಲಕಂ ಕ್ಷ್ರೌಂ ತತ್ತ್ವಂ ಶ್ರೀಕಾಮಕಳಾಕಾಳೀ ಸಹಸ್ರನಾಮಸ್ತೋತ್ರ ಪಾಠೇ ವಿನಿಯೋಗಃ |
ಓಂ ಕ್ಲೀಂ ಕಾಮಕಳಾಕಾಳೀ ಕಾಲರಾತ್ರಿಃ ಕಪಾಲಿನೀ |
ಕಾತ್ಯಾಯನೀ ಚ ಕಲ್ಯಾಣೀ ಕಾಲಾಕಾರಾ ಕರಾಳಿನೀ || ೧೫ ||
ಉಗ್ರಮೂರ್ತಿರ್ಮಹಾಭೀಮಾ ಘೋರರಾವಾ ಭಯಂಕರಾ |
ಭೂತಿದಾ ಭಯಹಂತ್ರೀ ಚ ಭವಬಂಧವಿಮೋಚಿನೀ || ೧೬ ||
ಭವ್ಯಾ ಭವಾನೀ ಭೋಗಾಢ್ಯಾ ಭುಜಂಗಪತಿಭೂಷಣಾ |
ಮಹಾಮಾಯಾ ಜಗದ್ಧಾತ್ರೀ ಪಾವನೀ ಪರಮೇಶ್ವರೀ || ೧೭ ||
ಯೋಗಮಾತಾ ಯೋಗಗಮ್ಯಾ ಯೋಗಿನೀ ಯೋಗಿಪೂಜಿತಾ |
ಗೌರೀ ದುರ್ಗಾ ಕಾಳಿಕಾ ಚ ಮಹಾಕಲ್ಪಾಂತನರ್ತಕೀ || ೧೮ ||
ಅವ್ಯಯಾ ಜಗದಾದಿಶ್ಚ ವಿಧಾತ್ರೀ ಕಾಲಮರ್ದಿನೀ |
ನಿತ್ಯಾ ವರೇಣ್ಯಾ ವಿಮಲಾ ದೇವಾರಾಧ್ಯಾಮಿತಪ್ರಭಾ || ೧೯ ||
ಭಾರುಂಡಾ ಕೋಟರೀ ಶುದ್ಧಾ ಚಂಚಲಾ ಚಾರುಹಾಸಿನೀ |
ಅಗ್ರಾಹ್ಯಾತೀಂದ್ರಿಯಾಽಗೋತ್ರಾ ಚರ್ಚರೋರ್ಧ್ವಶಿರೋರುಹಾ || ೨೦ ||
ಕಾಮುಕೀ ಕಮನೀಯಾ ಚ ಶ್ರೀಕಂಠಮಹಿಷೀ ಶಿವಾ |
ಮನೋಹರಾ ಮಾನನೀಯಾ ಮತಿದಾ ಮಣಿಭೂಷಣಾ || ೨೧ ||
ಶ್ಮಶಾನನಿಲಯಾ ರೌದ್ರಾ ಮುಕ್ತಕೇಶ್ಯಟ್ಟಹಾಸಿನೀ |
ಚಾಮುಂಡಾ ಚಂಡಿಕಾ ಚಂಡೀ ಚಾರ್ವಂಗೀ ಚರಿತೋಜ್ಜ್ವಲಾ || ೨೨ ||
ಘೋರಾನನಾ ಧೂಮ್ರಶಿಖಾ ಕಂಪನಾ ಕಂಪಿತಾನನಾ |
ವೇಪಮಾನತನುರ್ಭೀದಾ ನಿರ್ಭಯಾ ಬಾಹುಶಾಲಿನೀ || ೨೩ ||
ಉಲ್ಮುಕಾಕ್ಷೀ ಸರ್ಪಕರ್ಣೀ ವಿಶೋಕಾ ಗಿರಿನಂದಿನೀ |
ಜ್ಯೋತ್ಸ್ನಾಮುಖೀ ಹಾಸ್ಯಪರಾ ಲಿಂಗಾ ಲಿಂಗಧರಾ ಸತೀ || ೨೪ ||
ಅವಿಕಾರಾ ಮಹಾಚಿತ್ರಾ ಚಂದ್ರವಕ್ತ್ರಾ ಮನೋಜವಾ |
ಅದರ್ಶನಾ ಪಾಪಹರಾ ಶ್ಯಾಮಲಾ ಮುಂಡಮೇಖಲಾ || ೨೫ ||
ಮುಂಡಾವತಂಸಿನೀ ನೀಲಾ ಪ್ರಪನ್ನಾನಂದದಾಯಿನೀ |
ಲಘುಸ್ತನೀ ಲಂಬಕುಚಾ ಘೂರ್ಣಮಾನಾ ಹರಾಂಗನಾ || ೨೬ ||
ವಿಶ್ವಾವಾಸಾ ಶಾಂತಿಕರೀ ದೀರ್ಘಕೇಶ್ಯರಿಖಂಡಿನೀ |
ರುಚಿರಾ ಸುಂದರೀ ಕಮ್ರಾ ಮದೋನ್ಮತ್ತಾ ಮದೋತ್ಕಟಾ || ೨೭ ||
ಅಯೋಮುಖೀ ವಹ್ನಿಮುಖೀ ಕ್ರೋಧನಾಽಭಯದೇಶ್ವರೀ |
ಕುಡಂಬಿಕಾ ಸಾಹಸಿನೀ ಖಡ್ಗಕೀ ರಕ್ತಲೇಹಿನೀ || ೨೮ ||
ವಿದಾರಿಣೀ ಪಾನರತಾ ರುದ್ರಾಣೀ ಮುಂಡಮಾಲಿನೀ |
ಅನಾದಿನಿಧನಾ ದೇವೀ ದುರ್ನಿರೀಕ್ಷ್ಯಾ ದಿಗಂಬರಾ || ೨೯ ||
ವಿದ್ಯುಜ್ಜಿಹ್ವಾ ಮಹಾದಂಷ್ಟ್ರಾ ವಜ್ರತೀಕ್ಷ್ಣಾ ಮಹಾಸ್ವನಾ |
ಉದಯಾರ್ಕಸಮಾನಾಕ್ಷೀ ವಿಂಧ್ಯಶೈಲಸಮಾಕೃತಿಃ || ೩೦ ||
ನೀಲೋತ್ಪಲದಳಶ್ಯಾಮಾ ನಾಗೇಂದ್ರಾಷ್ಟಕಭೂಷಿತಾ |
ಅಗ್ನಿಜ್ವಾಲಕೃತಾವಾಸಾ ಫೇತ್ಕಾರಿಣ್ಯಹಿಕುಂಡಲಾ || ೩೧ ||
ಪಾಪಘ್ನೀ ಪಾಲಿನೀ ಪದ್ಮಾ ಪೂಣ್ಯಾ ಪುಣ್ಯಪ್ರದಾ ಪರಾ |
ಕಲ್ಪಾಂತಾಂಭೋದನಿರ್ಘೋಷಾ ಸಹಸ್ರಾರ್ಕಸಮಪ್ರಭಾ || ೩೨ ||
ಸಹಸ್ರಪ್ರೇತರಾಟ್ ಕ್ರೋಧಾ ಸಹಸ್ರೇಶಪರಾಕ್ರಮಾ |
ಸಹಸ್ರಧನದೈಶ್ವರ್ಯಾ ಸಹಸ್ರಾಂಧ್ರಿಕರಾಂಬಿಕಾ || ೩೩ ||
ಸಹಸ್ರಕಾಲದುಷ್ಪ್ರೇಕ್ಷ್ಯಾ ಸಹಸ್ರೇಂದ್ರಿಯಸಂಚಯಾ |
ಸಹಸ್ರಭೂಮಿಸದನಾ ಸಹಸ್ರಾಕಾಶವಿಗ್ರಹಾ || ೩೪ ||
ಸಹಸ್ರಚಂದ್ರಪ್ರತಿಮಾ ಸಹಸ್ರಗ್ರಹಚಾರಿಣೀ |
ಸಹಸ್ರರುದ್ರತೇಜಸ್ಕಾ ಸಹಸ್ರಬ್ರಹ್ಮಸೃಷ್ಟಿಕೃತ್ || ೩೫ ||
ಸಹಸ್ರವಾಯುವೇಗಾ ಚ ಸಹಸ್ರಫಣಕುಂಡಲಾ |
ಸಹಸ್ರಯಂತ್ರಮಥಿನೀ ಸಹಸ್ರೋದಧಿಸುಸ್ಥಿರಾ || ೩೬ ||
ಸಹಸ್ರಬುದ್ಧಕರುಣಾ ಮಹಾಭಾಗಾ ತಪಸ್ವಿನೀ |
ತ್ರೈಲೋಕ್ಯಮೋಹಿನೀ ಸರ್ವಭೂತದೇವವಶಂಕರೀ || ೩೭ ||
ಸುಸ್ನಿಗ್ಧಹೃದಯಾ ಘಂಟಾಕರ್ಣಾ ಚ ವ್ಯೋಮಚಾರಿಣೀ |
ಶಂಖಿನೀ ಚಿತ್ರಿಣೀಶಾನೀ ಕಾಲಸಂಕರ್ಷಿಣೀ ಜಯಾ || ೩೮ ||
ಅಪರಾಜಿತಾ ಚ ವಿಜಯಾ ಕಮಲಾ ಕಮಲಾಪ್ರದಾ |
ಜನಯಿತ್ರೀ ಜಗದ್ಯೋನಿರ್ಹೇತುರೂಪಾ ಚಿದಾತ್ಮಿಕಾ || ೩೯ ||
ಅಪ್ರಮೇಯಾ ದುರಾಧರ್ಷಾ ಧ್ಯೇಯಾ ಸ್ವಚ್ಛಂದಚಾರಿಣೀ |
ಶಾತೋದರೀ ಶಾಂಭವಿನೀ ಪೂಜ್ಯಾ ಮಾನೋನ್ನತಾಽಮಲಾ || ೪೦ ||
ಓಂಕಾರರೂಪಿಣೀ ತಾಮ್ರಾ ಬಾಲಾರ್ಕಸಮತಾರಕಾ |
ಚಲಜ್ಜಿಹ್ವಾ ಚ ಭೀಮಾಕ್ಷೀ ಮಹಾಭೈರವನಾದಿನೀ || ೪೧ ||
ಸಾತ್ತ್ವಿಕೀ ರಾಜಸೀ ಚೈವ ತಾಮಸೀ ಘರ್ಘರಾಽಚಲಾ |
ಮಾಹೇಶ್ವರೀ ತಥಾ ಬ್ರಾಹ್ಮೀ ಕೌಮಾರೀ ಮಾನಿನೀಶ್ವರಾ || ೪೨ ||
ಸೌಪರ್ಣೀ ವಾಯವೀ ಚೈಂದ್ರೀ ಸಾವಿತ್ರೀ ನೈರೃತೀ ಕಳಾ |
ವಾರುಣೀ ಶಿವದೂತೀ ಚ ಸೌರೀ ಸೌಮ್ಯಾ ಪ್ರಭಾವತೀ || ೪೩ ||
ವಾರಾಹೀ ನಾರಸಿಂಹೀ ಚ ವೈಷ್ಣವೀ ಲಲಿತಾ ಸ್ವರಾ |
ಮೈತ್ರ್ಯಾರ್ಯಮ್ಣೀ ಚ ಪೌಷ್ಣೀ ಚ ತ್ವಾಷ್ಟ್ರೋ ವಾಸವ್ಯುಮಾರತಿಃ || ೪೪ ||
ರಾಕ್ಷಸೀ ಪಾವನೀ ರೌದ್ರೀ ದಾಸ್ರೀ ರೋದಸ್ಯುದುಂಬರೀ |
ಸುಭಗಾ ದುರ್ಭಗಾ ದೀನಾ ಚಂಚುರೀಕಾ ಯಶಸ್ವಿನೀ || ೪೫ ||
ಮಹಾನಂದಾ ಭಗಾನಂದಾ ಪಿಚ್ಛಿಲಾ ಭಗಮಾಲಿನೀ |
ಅರುಣಾ ರೇವತೀ ರಕ್ತಾ ಶಕುನೀ ಶ್ಯೇನತುಂಡಿಕಾ || ೪೬ ||
ಸುರಭೀ ನಂದಿನೀ ಭದ್ರಾ ಬಲಾ ಚಾತಿಬಲಾಮಲಾ |
ಉಲೂಪೀ ಲಂಬಿಕಾ ಖೇಟಾ ಲೇಲಿಹಾನಾಂತ್ರಮಾಲಿನೀ || ೪೭ ||
ವೈನಾಯಿಕೀ ಚ ವೇತಾಳೀ ತ್ರಿಜಟಾ ಭೃಕುಟೀ ಸತೀ |
ಕುಮಾರೀ ಯುವತೀ ಪ್ರೌಢಾ ವಿದಗ್ಧಾ ಘಸ್ಮರಾ ತಥಾ || ೪೮ ||
ಜರತೀ ರೋಚನಾ ಭೀಮಾ ದೋಲಮಾಲಾ ಪಿಚಿಂಡಿಲಾ |
ಅಲಂಬಾಕ್ಷೀ ಕುಂಭಕರ್ಣೀ ಕಾಲಕರ್ಣೀ ಮಹಾಸುರೀ || ೪೯ ||
ಘಂಟಾರವಾಥ ಗೋಕರ್ಣೀ ಕಾಕಜಂಘಾ ಚ ಮೂಷಿಕಾ |
ಮಹಾಹನುರ್ಮಹಾಗ್ರೀವಾ ಲೋಹಿತಾ ಲೋಹಿತಾಶನೀ || ೫೦ ||
ಕೀರ್ತಿಃ ಸರಸ್ವತೀ ಲಕ್ಷ್ಮೀಃ ಶ್ರದ್ಧಾ ಬುದ್ಧಿಃ ಕ್ರಿಯಾ ಸ್ಥಿತಿಃ |
ಚೇತನಾ ವಿಷ್ಣುಮಾಯಾ ಚ ಗುಣಾತೀತಾ ನಿರಂಜನಾ || ೫೧ ||
ನಿದ್ರಾ ತಂದ್ರಾ ಸ್ಮಿತಾ ಛಾಯಾ ಜೃಂಭಾ ಕ್ಷುದಶನಾಯಿತಾ |
ತೃಷ್ಣಾ ಕ್ಷುಧಾ ಪಿಪಾಸಾ ಚ ಲಾಲಸಾ ಕ್ಷಾಂತಿರೇವ ಚ || ೫೨ ||
ವಿದ್ಯಾ ಪ್ರಜ್ಞಾ ಸ್ಮೃತಿಃ ಕಾಂತಿರಿಚ್ಛಾ ಮೇಧಾ ಪ್ರಭಾ ಚಿತಿಃ |
ಧರಿತ್ರೀ ಧರಣೀ ಧನ್ಯಾ ಧೋರಣೀ ಧರ್ಮಸಂತತಿಃ || ೫೩ ||
ಹಾಲಾಪ್ರಿಯಾ ಹಾರರತಿರ್ಹಾರಿಣೀ ಹರಿಣೇಕ್ಷಣಾ |
ಚಂಡಯೋಗೇಶ್ವರೀ ಸಿದ್ಧಿಕರಾಳೀ ಪರಿಡಾಮರೀ || ೫೪ ||
ಜಗದಾನ್ಯಾ ಜನಾನಂದಾ ನಿತ್ಯಾನಂದಮಯೀ ಸ್ಥಿರಾ |
ಹಿರಣ್ಯಗರ್ಭಾ ಕುಂಡಲಿನೀ ಜ್ಞಾನಂ ಧೈರ್ಯಂ ಚ ಖೇಚರೀ || ೫೫ ||
ನಗಾತ್ಮಜಾ ನಾಗಹಾರಾ ಜಟಾಭಾರಾ ಪ್ರತರ್ದಿನೀ |
ಖಡ್ಗಿನೀ ಶೂಲಿನೀ ಚಕ್ರವತೀ ಬಾಣವತೀ ಕ್ಷಿತಿಃ || ೫೬ ||
ಘೃಣಿಧರ್ತ್ರೀ ನಾಳಿಕಾ ಚ ಕರ್ತ್ರೀ ಮತ್ಯಕ್ಷಮಾಲಿನೀ |
ಪಾಶಿನೀ ಪರ್ಶುಹಸ್ತಾ ಚ ನಾಗಹಸ್ತಾ ಧನುರ್ಧರಾ || ೫೭ ||
ಮಹಾಮುದ್ಗರಹಸ್ತಾ ಚ ಶಿವಾಪೋತಧರಾಪಿ ಚ |
ನಾರಖರ್ಪರಿಣೀ ಲಂಬತ್ಕಚಮುಂಡಪ್ರಧಾರಿಣೀ || ೫೮ ||
ಪದ್ಮಾವತ್ಯನ್ನಪೂರ್ಣಾ ಚ ಮಹಾಲಕ್ಷ್ಮೀಃ ಸರಸ್ವತೀ |
ದುರ್ಗಾ ಚ ವಿಜಯಾ ಘೋರಾ ತಥಾ ಮಹಿಷಮರ್ದಿನೀ || ೫೯ ||
ಧನಲಕ್ಷ್ಮೀ ಜಯದಾಶ್ಚಾಽಶ್ವಾರೂಢಾ ಜಯಭೈರವೀ |
ಶೂಲಿನೀ ರಾಜಮಾತಂಗೀ ರಾಜರಾಜೇಶ್ವರೀ ತಥಾ || ೬೦ ||
ತ್ರಿಪುಟೋಚ್ಛಿಷ್ಟಚಾಂಡಾಲೀ ಅಘೋರಾ ತ್ವರಿತಾಪಿ ಚ |
ರಾಜ್ಯಲಕ್ಷ್ಮೀರ್ಜಯಮಹಾಚಂಡಯೋಗೇಶ್ವರೀ ತಥಾ || ೬೧ ||
ಗುಹ್ಯಾ ಮಹಾಭೈರವೀ ಚ ವಿಶ್ವಲಕ್ಷ್ಮೀರರುಂಧತೀ |
ಯಂತ್ರಪ್ರಮಥಿನೀ ಚಂಡಯೋಗೇಶ್ವರ್ಯಪ್ಯಲಂಬುಷಾ || ೬೨ ||
ಕಿರಾತೀ ಚ ಮಹಾಚಂಡಭೈರವೀ ಕಲ್ಪವಲ್ಲರೀ |
ತ್ರೈಲೋಕ್ಯವಿಜಯಾ ಸಂಪತ್ಪ್ರದಾ ಮಂಥಾನಭೈರವೀ || ೬೩ ||
ಮಹಾಮಂತ್ರೇಶ್ವರೀ ವಜ್ರಪ್ರಸ್ತಾರಿಣ್ಯಂಗಚರ್ಪಟಾ |
ಜಯಲಕ್ಷ್ಮೀಶ್ಚಂಡರೂಪಾ ಜಲೇಶೀ ಕಾಮದಾಯಿನೀ || ೬೪ ||
ಸ್ವರ್ಣಕೂಟೇಶ್ವರೀ ರುಂಡಾ ಮರ್ಮರೀ ಬುದ್ಧಿವರ್ಧಿನೀ |
ವಾರ್ತಾಳೀ ಚಂಡವಾರ್ತಾಳೀ ಜಯವಾರ್ತಾಳಿಕಾ ತಥಾ || ೬೫ ||
ಉಗ್ರಚಂಡಾ ಶ್ಮಶಾನೋಗ್ರಾ ಚಂಡಾ ವೈ ರುದ್ರಚಂಡಿಕಾ |
ಅತಿಚಂಡಾ ಚಂಡವತೀ ಪ್ರಚಂಡಾ ಚಂಡನಾಯಿಕಾ || ೬೬ ||
ಚೈತನ್ಯಭೈರವೀ ಕೃಷ್ಣಾ ಮಂಡಲೀ ತುಂಬುರೇಶ್ವರೀ |
ವಾಗ್ವಾದಿನೀ ಮುಂಡಮಧುಮತ್ಯನರ್ಘ್ಯಾ ಪಿಶಾಚಿನೀ || ೬೭ ||
ಮಂಜೀರಾ ರೋಹಿಣೀ ಕುಲ್ಯಾ ತುಂಗಾ ಪೂರ್ಣೇಶ್ವರೀ ವರಾ |
ವಿಶಾಲಾ ರಕ್ತಚಾಮುಂಡಾ ಅಘೋರಾ ಚಂಡವಾರುಣೀ || ೬೮ ||
ಧನದಾ ತ್ರಿಪುರಾ ವಾಗೀಶ್ವರೀ ಚ ಜಯಮಂಗಳಾ |
ದೈಗಂಬರೀ ಕುಬ್ಜಿಕಾ ಚ ಕುಡುಕ್ಕಾ ಕಾಲಭೈರವೀ || ೬೯ ||
ಕುಕ್ಕುಟೀ ಸಂಕಟಾ ವೀರಾ ಕರ್ಪಟಾ ಭ್ರಮರಾಂಬಿಕಾ |
ಮಹಾರ್ಣವೇಶ್ವರೀ ಭೋಗವತೀ ಲಂಕೇಶ್ವರೀ ತಥಾ || ೭೦ ||
ಪುಲಿಂದೀ ಶವರೀ ಮ್ಲೇಚ್ಛೀ ಪಿಂಗಳಾ ಶವರೇಶ್ವರೀ |
ಮೋಹಿನೀ ಸಿದ್ಧಿಲಕ್ಷ್ಮೀಶ್ಚ ಬಾಲಾ ತ್ರಿಪುರಸುಂದರೀ || ೭೧ ||
ಉಗ್ರತಾರಾ ಚೈಕಜಟಾ ಮಹಾನೀಲಸರಸ್ವತೀ |
ತ್ರಿಕಂಟಕೀ ಛಿನ್ನಮಸ್ತಾ ಮಹಿಷಘ್ನೀ ಜಯಾವಹಾ || ೭೨ ||
ಹರಸಿದ್ಧಾನಂಗಮಾಲಾ ಫೇತ್ಕಾರೀ ಲವಣೇಶ್ವರೀ |
ಚಂಡೇಶ್ವರೀ ನಾಕುಲೀ ಚ ಹಯಗ್ರೀವೇಶ್ವರೀ ತಥಾ || ೭೩ ||
ಕಾಳಿಂದೀ ವಜ್ರವಾರಾಹೀ ಮಹಾನೀಲಪತಾಕಿಕಾ |
ಹಂಸೇಶ್ವರೀ ಮೋಕ್ಷಲಕ್ಷ್ಮೀರ್ಭೂತಿನೀ ಜಾತರೇತಸಾ || ೭೪ ||
ಶಾತಕರ್ಣಾ ಮಹಾನೀಲಾ ವಾಮಾ ಗುಹ್ಯೇಶ್ವರೀ ಭ್ರಮಿಃ |
ಏಕಾನಂಶಾಽಭಯಾ ತಾರ್ಕ್ಷೀ ಬಾಭ್ರವೀ ಡಾಮರೀ ತಥಾ || ೭೫ ||
ಕೋರಂಗೀ ಚರ್ಚಿಕಾ ವಿನ್ನಾ ಸಂಶಿಕಾ ಬ್ರಹ್ಮವಾದಿನೀ |
ತ್ರಿಕಾಲವೇದಿನೀ ನೀಲಲೋಹಿತಾ ರಕ್ತದಂತಿಕಾ || ೭೬ ||
ಕ್ಷೇಮಂಕರೀ ವಿಶ್ವರೂಪಾ ಕಾಮಾಖ್ಯಾ ಕುಲಕುಟ್ಟನೀ |
ಕಾಮಾಂಕುಶಾ ವೇಶಿನೀ ಚ ಮಾಯೂರೀ ಚ ಕುಲೇಶ್ವರೀ || ೭೭ ||
ಇಭಾಕ್ಷೀ ಘೋಣಕೀ ಶಾರ್ಙ್ಗೀ ಭೀಮಾ ದೇವೀ ವರಪ್ರದಾ |
ಧೂಮಾವತೀ ಮಹಾಮಾರೀ ಮಂಗಳಾ ಹಾಟಕೇಶ್ವರೀ || ೭೮ ||
ಕಿರಾತೀ ಶಕ್ತಿಸೌಪರ್ಣೀ ಬಾಂಧವೀ ಚಂಡಖೇಚರೀ |
ನಿಸ್ತಂದ್ರಾ ಭವಭೂತಿಶ್ಚ ಜ್ವಾಲಾಘಂಟಾಗ್ನಿಮರ್ದಿನೀ || ೭೯ ||
ಸುರಂಗಾ ಕೌಳಿನೀ ರಮ್ಯಾ ನಟೀ ನಾರಾಯಣೀ ಧೃತಿಃ |
ಅನಂತಾ ಪುಂಜಿಕಾ ಜಿಹ್ಮಾ ಧರ್ಮಾಧರ್ಮಪ್ರವರ್ತಿಕಾ || ೮೦ ||
ಬಂದಿನೀ ಬಂದನೀಯಾ ಚ ಬೇಲಾಽಹಸ್ಕರಿಣೀ ಸುಧಾ |
ಅರಣೀ ಮಾಧವೀ ಗೋತ್ರಾ ಪತಾಕಾ ವಾಙ್ಮಯೀ ಶ್ರುತಿಃ || ೮೧ ||
ಗೂಢಾ ತ್ರಿಗೂಢಾ ವಿಸ್ಪಷ್ಟಾ ಮೃಗಾಂಕಾ ಚ ನಿರಿಂದ್ರಿಯಾ |
ಮೇನಾನಂದಕರೀ ವೋಧ್ರೀ ತ್ರಿನೇತ್ರಾ ವೇದವಾಹನಾ || ೮೨ ||
ಕಲಸ್ವನಾ ತಾರಿಣೀ ಚ ಸತ್ಯಾಸತ್ಯಪ್ರಿಯಾಽಜಡಾ |
ಏಕವಕ್ತ್ರಾ ಮಹಾವಕ್ತ್ರಾ ಬಹುವಕ್ತ್ರಾ ಘನಾನನಾ || ೮೩ ||
ಇಂದಿರಾ ಕಾಶ್ಯಪೀ ಜ್ಯೋತ್ಸ್ನಾ ಶವಾರೂಢಾ ತನೂದರೀ |
ಮಹಾಶಂಖಧರಾ ನಾಗೋಪವೀತಿನ್ಯಕ್ಷತಾಶಯಾ || ೮೪ ||
ನಿರಿಂಧನಾ ಧರಾಧಾರಾ ವ್ಯಾಧಿಘ್ನೀ ಕಲ್ಪಕಾರಿಣೀ |
ವಿಶ್ವೇಶ್ವರೀ ವಿಶ್ವಧಾತ್ರೀ ವಿಶ್ವೇಶೀ ವಿಶ್ವವಂದಿತಾ || ೮೫ ||
ವಿಶ್ವಾ ವಿಶ್ವಾತ್ಮಿಕಾ ವಿಶ್ವವ್ಯಾಪಿಕಾ ವಿಶ್ವತಾರಿಣೀ |
ವಿಶ್ವಸಂಹಾರಿಣೀ ವಿಶ್ವಹಸ್ತಾ ವಿಶ್ವೋಪಕಾರಿಕಾ || ೮೬ ||
ವಿಶ್ವಮಾತಾ ವಿಶ್ವಗತಾ ವಿಶ್ವಾತೀತಾ ವಿರೋಧಿತಾ |
ತ್ರೈಲೋಕ್ಯತ್ರಾಣಕರ್ತ್ರೀ ಚ ಕೂಟಾಕಾರಾ ಕಟಂಕಟಾ || ೮೭ ||
ಕ್ಷಾಮೋದರೀ ಚ ಕ್ಷೇತ್ರಜ್ಞಾ ಕ್ಷಯಹೀನಾ ಕ್ಷಯಜ್ಜಿತಾ | [ಕ್ಷರವರ್ಜಿತಾ]
ಕ್ಷಪಾ ಕ್ಷೋಭಕರೀ ಕ್ಷೇಮ್ಯಾಽಕ್ಷೋಭ್ಯಾ ಕ್ಷೇಮದುಘಾ ಕ್ಷಿಯಾ || ೮೮ ||
ಸುಖದಾ ಸುಮುಖೀ ಸೌಮ್ಯಾ ಸ್ವಂಗಾ ಸುರಪರಾ ಸುಧೀಃ |
ಸರ್ವಾಂತರ್ಯಾಮಿನೀ ಸರ್ವಾ ಸರ್ವಾರಾಧ್ಯಾ ಸಮಾಹಿತಾ || ೮೯ ||
ತಪಿನೀ ತಾಪಿನೀ ತೀವ್ರಾ ತಪನೀಯಾ ತು ನಾಭಿಗಾ |
ಹೈಮೀ ಹೈಮವತೀ ಋದ್ಧಿರ್ವೃದ್ಧಿರ್ಜ್ಞಾನಪ್ರದಾ ನರಾ || ೯೦ ||
ಮಹಾಜಟಾ ಮಹಾಪಾದಾ ಮಹಾಹಸ್ತಾ ಮಹಾಹನುಃ |
ಮಹಾಬಲಾ ಮಹಾರೋಷಾ ಮಹಾಧೈರ್ಯಾ ಮಹಾಘೃಣಾ || ೯೧ ||
ಮಹಾಕ್ಷಮಾ ಪುಣ್ಯಪಾಪಧ್ವಜಿನೀ ಘುರ್ಘುರಾರವಾ |
ಡಾಕಿನೀ ಶಾಕಿನೀ ರಮ್ಯಾ ಶಕ್ತಿಃ ಶಕ್ತಿಸ್ವರೂಪಿಣೀ || ೯೨ ||
ತಮಿಸ್ರಾ ಗಂಧರಾ ಶಾಂತಾ ದಾಂತಾ ಕ್ಷಾಂತಾ ಜಿತೇಂದ್ರಿಯಾ |
ಮಹೋದಯಾ ಜ್ಞಾನಿನೀಚ್ಛಾ ವಿರಾಗಾ ಸುಖಿತಾಕೃತಿಃ || ೯೩ ||
ವಾಸನಾ ವಾಸನಾಹೀನಾ ನಿವೃತ್ತಿರ್ನಿರ್ವೃತಿಃ ಕೃತಿಃ |
ಅಚಲಾ ಹೇತುರುನ್ಮುಕ್ತಾ ಜಯಿನೀ ಸಂಸ್ಮೃತಿಃ ಚ್ಯುತಾ || ೯೪ ||
ಕಪರ್ದಿನೀ ಮುಕುಟಿನೀ ಮತ್ತಾ ಪ್ರಕೃತಿರೂರ್ಜಿತಾ |
ಸದಸತ್ಸಾಕ್ಷಿಣೀ ಸ್ಫೀತಾ ಮುದಿತಾ ಕರುಣಾಮಯೀ || ೯೫ ||
ಪೂರ್ವೋತ್ತರಾ ಪಶ್ಚಿಮಾ ಚ ದಕ್ಷಿಣಾವಿದಿಗುದ್ಗತಾ |
ಆತ್ಮಾರಾಮಾ ಶಿವಾರಾಮಾ ರಮಣೀ ಶಂಕರಪ್ರಿಯಾ || ೯೬ ||
ವರೇಣ್ಯಾ ವರದಾ ವೇಣೀ ಸ್ತಂಭಿನ್ಯಾಕರ್ಷಿಣೀ ತಥಾ |
ಉಚ್ಚಾಟನೀ ಮಾರಣೀ ಚ ದ್ವೇಷಿಣೀ ವಶಿನೀ ಮಹೀ || ೯೭ ||
ಭ್ರಮಣೀ ಭಾರತೀ ಭಾಮಾ ವಿಶೋಕಾ ಶೋಕಹಾರಿಣೀ |
ಸಿನೀವಾಲೀ ಕುಹೂ ರಾಕಾನುಮತಿ ಪದ್ಮಿನೀತಿಹೃತ್ || ೯೮ ||
ಸಾವಿತ್ರೀ ವೇದಜನನೀ ಗಾಯತ್ರ್ಯಾಹುತಿಸಾಧಿಕಾ |
ಚಂಡಾಟ್ಟಹಾಸಾ ತರುಣೀ ಭೂರ್ಭುವಃಸ್ವಃಕಲೇವರಾ || ೯೯ ||
ಅತನುರತನುಪ್ರಾಣದಾತ್ರೀ ಮಾತಂಗಗಾಮಿನೀ |
ನಿಗಮಾಬ್ಧಿಮಣಿಃ ಪೃಥ್ವೀ ಜನ್ಮಮೃತ್ಯುಜರೌಷಧೀ || ೧೦೦ ||
ಪ್ರತಾರಿಣೀ ಕಳಾಲಾಪಾ ವೇದ್ಯಾ ಛೇದ್ಯಾ ವಸುಂಧರಾ |
ಪ್ರಕ್ಷುನ್ನಾ ವಾಸಿತಾ ಕಾಮಧೇನುರ್ವಾಂಛಿತದಾಯಿನೀ || ೧೦೧ ||
ಸೌದಾಮಿನೀ ಮೇಘಮಾಲಾ ಶರ್ವರೀ ಸರ್ವಗೋಚರಾ |
ಡಮರುರ್ಡಮರುಕಾ ಚ ನಿಃಸ್ವರಾ ಪರಿನಾದಿನೀ || ೧೦೨ ||
ಆಹತಾತ್ಮಾ ಹತಾ ಚಾಪಿ ನಾದಾತೀತಾ ವಿಲೇಶಯಾ |
ಪರಾಽಪಾರಾ ಚ ಪಶ್ಯಂತೀ ಮಧ್ಯಮಾ ವೈಖರೀ ತಥಾ || ೧೦೩ ||
ಪ್ರಥಮಾ ಚ ಜಘನ್ಯಾ ಚ ಮಧ್ಯಸ್ಥಾಂತವಿಕಾಶಿನೀ |
ಪೃಷ್ಠಸ್ಥಾ ಚ ಪುರಃಸ್ಥಾ ಚ ಪಾರ್ಶ್ವಸ್ಥೋರ್ಧ್ವತಲಸ್ಥಿತಾ || ೧೦೪ ||
ನೇದಿಷ್ಠಾ ಚ ದವಿಷ್ಠಾ ಚ ಬರ್ಹಿಷ್ಠಾ ಚ ಗುಹಾಶಯಾ |
ಅಪ್ರಾಪ್ಯಾ ಬೃಂಹಿತಾ ಪೂರ್ಣಾ ಪುಣ್ಯೈರ್ವೇದ್ಯಾ ಹ್ಯನಾಮಯಾ || ೧೦೫ ||
ಸುದರ್ಶನಾ ಚ ತ್ರಿಶಿಖಾ ಬೃಹತೀ ಸಂತತಿರ್ವಿಭಾ |
ಫೇತ್ಕಾರಿಣೀ ದೀರ್ಘಸ್ರುಕ್ಕಾ ಭಾವನಾ ಭವವಲ್ಲಭಾ || ೧೦೬ ||
ಭಾಗೀರಥೀ ಜಾಹ್ನವೀ ಚ ಕಾವೇರೀ ಯಮುನಾಹ್ವಯಾ |
ಸಿಪ್ರಾ ಗೋದಾವರೀ ವೇಲ್ಲಾ ವಿಪಾಶಾ ನರ್ಮದಾ ಧುನೀ || ೧೦೭ ||
ತ್ರೇತಾ ಸ್ವಾಹಾ ಸಾಮಿಧೇನೀ ಸ್ರುಕ್ಸ್ರುವಾ ಚ ಧ್ರುವಾವಸುಃ |
ಗರ್ವಿತಾ ಮಾನಿನೀ ಮೇನಾ ನಂದಿತಾ ನಂದನಂದಿನೀ || ೧೦೮ ||
ನಾರಾಯಣೀ ನಾರಕಘ್ನೀ ರುಚಿರಾ ರಣಶಾಲಿನೀ |
ಆಧಾರಣಾಧಾರತಮಾ ಧರ್ಮಾಧ್ವನ್ಯಾ ಧನಪ್ರದಾ || ೧೦೯ ||
ಅಭಿಜ್ಞಾ ಪಂಡಿತಾ ಮೂಕಾ ಬಾಲಿಶಾ ವಾಗವಾದಿನೀ |
ಬ್ರಹ್ಮವಲ್ಲೀ ಮುಕ್ತಿವಲ್ಲೀ ಸಿದ್ಧಿವಲ್ಲೀ ವಿಪಹ್ನವೀ || ೧೧೦ ||
ಆಹ್ಲಾದಿನೀ ಜಿತಾಮಿತ್ರಾ ಸಾಕ್ಷಿಣೀ ಪುನರಾಕೃತಿಃ |
ಕಿರ್ಮರೀ ಸರ್ವತೋಭದ್ರಾ ಸ್ವರ್ವೇದೀ ಮುಕ್ತಿಪದ್ಧತಿಃ || ೧೧೧ ||
ಸುಷಮಾ ಚಂದ್ರಿಕಾ ವನ್ಯಾ ಕೌಮುದೀ ಕುಮುದಾಕರಾ |
ತ್ರಿಸಂಧ್ಯಾಮ್ನಾಯಸೇತುಶ್ಚ ಚರ್ಚಾಽರ್ಛಾಪಾರಿನೈಷ್ಠಿಕೀ || ೧೧೨ ||
ಕಲಾ ಕಾಷ್ಠಾ ತಿಥಿಸ್ತಾರಾ ಸಂಕ್ರಾತಿರ್ವಿಷುವತ್ತಥಾ |
ಮಂಜುನಾದಾ ಮಹಾವಲ್ಗು ಭಗ್ನಭೇರೀಸ್ವನಾಽರಟಾ || ೧೧೩ ||
ಚಿಂತಾ ಸುಪ್ತಿಃ ಸುಷುಪ್ತಿಶ್ಚ ತುರೀಯಾ ತತ್ತ್ವಧಾರಣಾ |
ಮೃತ್ಯುಂಜಯಾ ಮೃತ್ಯುಹರೀ ಮೃತ್ಯುಮೃತ್ಯುವಿಧಾಯಿನೀ || ೧೧೪ ||
ಹಂಸೀ ಪರಮಹಂಸೀ ಚ ಬಿಂದುನಾದಾಂತವಾಸಿನೀ |
ವೈಹಾಯಸೀ ತ್ರೈದಶೀ ಚ ಭೈಮೀ ವಾಸಾತನೀ ತಥಾ || ೧೧೫ ||
ದೀಕ್ಷಾ ಶಿಕ್ಷಾ ಅನೂಢಾ ಚ ಕಂಕಾಳೀ ತೈಜಸೀ ತಥಾ |
ಸುರೀ ದೈತ್ಯಾ ದಾನವೀ ಚ ನರೀ ನಾಥಾ ಸುರೀತ್ವರೀ || ೧೧೬ ||
ಮಾಧ್ವಾ ಸ್ವನಾ ಖರಾ ರೇಖಾ ನಿಷ್ಕಳಾ ನಿರ್ಮಮಾ ಮೃತಿಃ |
ಮಹತೀ ವಿಪುಲಾ ಸ್ವಲ್ಪಾ ಕ್ರೂರಾ ಕ್ರೂರಾಶಯಾಪಿ ಚ || ೧೧೭ ||
ಉನ್ಮಾಥಿನೀ ಧೃತಿಮತೀ ವಾಮನೀ ಕಲ್ಪಚಾರಿಣೀ |
ವಾಡವೀ ವಡವಾಶ್ವೋಢಾ ಕೋಲಾ ಪಿತೃವನಾಲಯಾ || ೧೧೮ ||
ಪ್ರಸಾರಿಣೀ ವಿಶಾರಾ ಚ ದರ್ಪಿತಾ ದರ್ಪಣಪ್ರಿಯಾ |
ಉತ್ತಾನಾಧೋಮುಖೀ ಸುಪ್ತಾ ವಂಚನ್ಯಾಕುಂಚನೀ ತ್ರುಟಿಃ || ೧೧೯ ||
ಕ್ರಾದಿನೀ ಯಾತನಾದಾತ್ರೀ ದುರ್ಗಾ ದುರ್ಗತಿನಾಶಿನೀ |
ಧರಾಧರಸುತಾ ಧೀರಾ ಧರಾಧರಕೃತಾಲಯಾ || ೧೨೦ ||
ಸುಚರಿತ್ರೀ ತಥಾತ್ರೀ ಚ ಪೂತನಾ ಪ್ರೇತಮಾಲಿನೀ |
ರಂಭೋರ್ವಶೀ ಮೇನಕಾ ಚ ಕಲಿಹೃತ್ಕಾಲಕೃತ್ಕಶಾ || ೧೨೧ ||
ಹರೀಷ್ಟದೇವೀ ಹೇರಂಬಮಾತಾ ಹರ್ಯಕ್ಷವಾಹನಾ |
ಶಿಖಂಡಿನೀ ಕೋಂಡಪಿನೀ ವೇತುಂಡೀ ಮಂತ್ರಮಯ್ಯಪಿ || ೧೨೨ ||
ವಜ್ರೇಶ್ವರೀ ಲೋಹದಂಡಾ ದುರ್ವಿಜ್ಞೇಯಾ ದುರಾಸದಾ |
ಜಾಲಿನೀ ಜಾಲಪಾ ಯಾಜ್ಯಾ ಭಗಿನೀ ಭಗವತ್ಯಪಿ || ೧೨೩ ||
ಭೌಜಂಗೀ ತುರ್ವರಾ ಬಭ್ರು ಮಹನೀಯಾ ಚ ಮಾನವೀ |
ಶ್ರೀಮತೀ ಶ್ರೀಕರೀ ಗಾರ್ಧ್ರೀ ಸದಾನಂದಾ ಗಣೇಶ್ವರೀ || ೧೨೪ ||
ಅಸಂದಿಗ್ಧಾ ಶಾಶ್ವತಾ ಚ ಸಿದ್ಧಾ ಸಿದ್ಧೇಶ್ವರೀಡಿತಾ |
ಜ್ಯೇಷ್ಠಾ ಶ್ರೇಷ್ಠಾ ವರಿಷ್ಠಾ ಚ ಕೌಶಾಂಬೀ ಭಕ್ತವತ್ಸಲಾ || ೧೨೫ ||
ಇಂದ್ರನೀಲನಿಭಾ ನೇತ್ರೀ ನಾಯಿಕಾ ಚ ತ್ರಿಲೋಚನಾ |
ಬಾರ್ಹಸ್ಪತ್ಯಾ ಭಾರ್ಗವೀ ಚ ಆತ್ರೇಯಾಂಗಿರಸೀ ತಥಾ || ೧೨೬ ||
ಧುರ್ಯಾಧಿಹರ್ತ್ರೀ ಧಾರಿತ್ರೀ ವಿಕಟಾ ಜನ್ಮಮೋಚಿನೀ |
ಆಪದುತ್ತಾರಿಣೀ ದೃಪ್ತಾ ಪ್ರಮಿತಾ ಮಿತಿವರ್ಜಿತಾ || ೧೨೭ ||
ಚಿತ್ರರೇಖಾ ಚಿದಾಕಾರಾ ಚಂಚಲಾಕ್ಷೀ ಚಲತ್ಪದಾ |
ವಲಾಹಕೀ ಪಿಂಗಸಟಾ ಮೂಲಭೂತಾ ವನೇಚರೀ || ೧೨೮ ||
ಖಗೀ ಕರಂಧಮಾ ಧ್ಮಾಕ್ಷೀ ಸಂಹಿತಾ ಕೇರರೀಂಧನಾ |
ಅಪುನರ್ಭವಿನೀ ವಾಂತರಿಣೀ ಚ ಯಮಗಂಜಿನೀ || ೧೨೯ ||
ವರ್ಣಾತೀತಾಶ್ರಮಾತೀತಾ ಮೃಡಾನೀ ಮೃಡವಲ್ಲಭಾ |
ದಯಾಕರೀ ದಮಪರಾ ದಂಭಹೀನಾ ದೃತಿಪ್ರಿಯಾ || ೧೩೦ ||
ನಿರ್ವಾಣದಾ ಚ ನಿರ್ಬಂಧಾ ಭಾವಾಭಾವವಿಧಾಯಿನೀ |
ನೈಃಶ್ರೇಯಸೀ ನಿರ್ವಿಕಲ್ಪಾ ನಿರ್ಬೀಜಾ ಸರ್ವಬೀಜಿಕಾ || ೧೩೧ ||
ಅನಾದ್ಯಂತಾ ಭೇದಹೀನಾ ಬಂಧೋನ್ಮೂಲಿನ್ಯಬಾಧಿತಾ |
ನಿರಾಭಾಸಾ ಮನೋಗಮ್ಯಾ ಸಾಯುಜ್ಯಾಮೃತದಾಯಿನೀ || ೧೩೨ ||
ಇತೀದಂ ನಾಮಸಾಹಸ್ರಂ ನಾಮಕೋಟಿಶತಾಧಿಕಮ್ |
ದೇವ್ಯಾಃ ಕಾಮಕಳಾಕಾಳ್ಯಾ ಮಯಾ ತೇ ಪ್ರತಿಪಾದಿತಮ್ || ೧೩೩ ||
ನಾನೇನ ಸದೃಶಂ ಸ್ತೋತ್ರಂ ತ್ರಿಷು ಲೋಕೇಷು ವಿದ್ಯತೇ |
ಯದ್ಯಪ್ಯಮುಷ್ಯ ಮಹಿಮಾ ವರ್ಣಿತುಂ ನೈವ ಶಕ್ಯತೇ || ೧೩೪ ||
ಪ್ರರೋಚನಾತಯಾ ಕಶ್ಚಿತ್ತಥಾಪಿ ವಿನಿಗದ್ಯತೇ |
ಪ್ರತ್ಯಹಂ ಯ ಇದಂ ದೇವಿ ಕೀರ್ತಯೇದ್ವಾ ಶೃಣೋತಿ ವಾ || ೧೩೫ ||
ಗುಣಾಧಿಕ್ಯಮೃತೇ ಕೋಽಪಿ ದೋಷೋ ನೈವೋಪಜಾಯತೇ |
ಅಶುಭಾನಿ ಕ್ಷಯಂ ಯಾಂತಿ ಜಾಯಂತೇ ಮಂಗಳಾನ್ಯಥಾ || ೧೩೬ ||
ಪಾರತ್ರಿಕಾಮುಷ್ಮಿಕೌ ದ್ವೌ ಲೋಕೌ ತೇನ ಪ್ರಸಾಧಿತೌ |
ಬ್ರಾಹ್ಮಣೋ ಜಾಯತೇ ವಾಗ್ಮೀ ವೇದವೇದಾಂಗಪಾರಗಃ || ೧೩೭ ||
ಖ್ಯಾತಃ ಸರ್ವಾಸು ವಿದ್ಯಾಸು ಧನವಾನ್ ಕವಿಪಂಡಿತಃ |
ಯುದ್ಧೇ ಜಯೀ ಕ್ಷತ್ರಿಯಃ ಸ್ಯಾದ್ದಾತಾ ಭೋಕ್ತಾ ರಿಪುಂಜಯಃ || ೧೩೮ ||
ಆಹರ್ತಾ ಚಾಶ್ವಮೇಧಸ್ಯ ಭಾಜನಂ ಪರಮಾಯುಷಾಮ್ |
ಸಮೃದ್ಧೋ ಧನ ಧಾನ್ಯೇನ ವೈಶ್ಯೋ ಭವತಿ ತತ್ಕ್ಷಣಾತ್ || ೧೩೯ ||
ನಾನಾವಿಧಪಶೂನಾಂ ಹಿ ಸಮೃದ್ಧ್ಯಾ ಸ ಸಮೃದ್ಧತೇ |
ಶೂದ್ರಃ ಸಮಸ್ತಕಲ್ಯಾಣಮಾಪ್ನೋತಿ ಶ್ರುತಿಕೀರ್ತನಾತ್ || ೧೪೦ ||
ಭುಂಕ್ತೇ ಸುಖಾನಿ ಸುಚಿರಂ ರೋಗಶೋಕೌ ಪರಿತ್ಯಜನ್ |
ಏವಂ ನಾರ್ಯಪಿ ಸೌಭಾಗ್ಯಂ ಭರ್ತೃಹಾರ್ದಂ ಸುತಾನಪಿ || ೧೪೧ ||
ಪ್ರಾಪ್ನೋತಿ ಶ್ರವಣಾದಸ್ಯ ಕೀರ್ತನಾದಪಿ ಪಾರ್ವತಿ |
ಸ್ವಸ್ವಾಭೀಷ್ಟಮಥಾನ್ಯೇಽಪಿ ಲಭಂತೇಽಸ್ಯ ಪ್ರಸಾದತಃ || ೧೪೨ ||
ಆಪ್ನೋತಿ ಧಾರ್ಮಿಕೋ ಧರ್ಮಾನರ್ಥಾನಾಪ್ನೋತಿ ದುರ್ಗತಃ |
ಮೋಕ್ಷಾರ್ಥಿನಸ್ತಥಾ ಮೋಕ್ಷಂ ಕಾಮುಕಾಃ ಕಾಮಿನೀಂ ವರಾಮ್ || ೧೪೩ ||
ಯುದ್ಧೇ ಜಯಂ ನೃಪಾಃ ಕ್ಷೀಣಾಃ ಕುಮಾರ್ಯಃ ಸತ್ಪತಿಂ ತಥಾ |
ಆರೋಗ್ಯಂ ರೋಗಿಣಶ್ಚಾಪಿ ತಥಾ ವಂಶಾರ್ಥಿನಃ ಸುತಾನ್ || ೧೪೪ ||
ಜಯಂ ವಿವಾದೇ ಕಲಿಕೃತ್ ಸಿದ್ಧೀಃ ಸಿದ್ಧೀಚ್ಛುರುತ್ತಮಾಃ |
ವಿಯುಕ್ತಾ ಬಂಧುಭಿಃ ಸಂಗಂ ಗತಾಯುಶ್ಚಾಯುಷಾಂಚಯಮ್ || ೧೪೫ ||
ಸದಾ ಯ ಏತತ್ಪಠತಿ ನಿಶೀಥೇ ಭಕ್ತಿಭಾವಿತಃ |
ತಸ್ಯಾಸಾಧ್ಯಮಥಾಪ್ರಾಪ್ಯಂ ತ್ರೈಲೋಕ್ಯೇ ನೈವ ವಿದ್ಯತೇ || ೧೪೬ ||
ಕೀರ್ತಿಂ ಭೋಗಾನ್ ಸ್ತ್ರಿಯಃ ಪುತ್ರಾನ್ ಧನಂ ಧಾನ್ಯಂ ಹಯಾನ್ ಗಜಾನ್ |
ಜ್ಞಾತಿಶ್ರೈಷ್ಠ್ಯಂ ಪಶೂನ್ ಭೂಮಿಂ ರಾಜವಶ್ಯಂ ಚ ಮಾನ್ಯತಾಮ್ || ೧೪೭ ||
ಲಭತೇ ಪ್ರೇಯಸಿ ಕ್ಷುದ್ರಜಾತಿರಪ್ಯಸ್ಯ ಕೀರ್ತನಾತ್ |
ನಾಸ್ಯ ಭೀತಿರ್ನ ದೌರ್ಭಾಗ್ಯಂ ನಾಲ್ಪಾಯುಷ್ಯಂ ನ ರೋಗಿತಾ || ೧೪೮ ||
ನ ಪ್ರೇತಭೂತಾಭಿಭವೋ ನ ದೋಷೋ ಗ್ರಹಜಸ್ತಥಾ |
ಜಾಯತೇ ಪತಿತೋ ನೈವ ಕ್ವಚಿದಪ್ಯೇಷ ಸಂಕಟೇ || ೧೪೯ ||
ಯದೀಚ್ಛಸಿ ಪರಂ ಶ್ರೇಯಸ್ತರ್ತುಂ ಸಂಕಟಮೇವ ಚ |
ಪಠಾನ್ವಹಮಿದಂ ಸ್ತೋತ್ರಂ ಸತ್ಯಂ ಸತ್ಯಂ ಸುರೇಶ್ವರಿ || ೧೫೦ ||
ನ ಸಾಸ್ತಿ ಭೂತಲೇ ಸಿದ್ಧಿಃ ಕೀರ್ತನಾದ್ಯಾ ನ ಜಾಯತೇ |
ಶೃಣು ಚಾನ್ಯದ್ವರಾರೋಹೇ ಕೀರ್ತ್ಯಮಾನಂ ವಚೋ ಮಮ || ೧೫೧ ||
ಮಹಾಭೂತಾನಿ ಪಂಚಾಪಿ ಖಾನ್ಯೇಕಾದಶ ಯಾನಿ ಚ |
ತನ್ಮಾತ್ರಾಣಿ ಚ ಜೀವಾತ್ಮಾ ಪರಮಾತ್ಮಾ ತಥೈವ ಚ || ೧೫೨ ||
ಸಪ್ತಾರ್ಣವಾಃ ಸಪ್ತಲೋಕಾ ಭುವನಾನಿ ಚತುರ್ದಶ |
ನಕ್ಷತ್ರಾಣಿ ದಿಶಃ ಸರ್ವಾಃ ಗ್ರಹಾಃ ಪಾತಾಳಸಪ್ತಕಮ್ || ೧೫೩ ||
ಸಪ್ತದ್ವೀಪವತೀ ಪೃಥ್ವೀ ಜಂಗಮಾಜಂಗಮಂ ಜಗತ್ |
ಚರಾಚರಂ ತ್ರಿಭುವನಂ ವಿದ್ಯಾಶ್ಚಾಪಿ ಚತುರ್ದಶ || ೧೫೪ ||
ಸಾಂಖ್ಯಂ ಯೋಗಸ್ತಥಾ ಜ್ಞಾನಂ ಚೇತನಾ ಕರ್ಮವಾಸನಾ |
ಭಗವತ್ಯಾಂ ಸ್ಥಿತಂ ಸರ್ವಂ ಸೂಕ್ಷ್ಮರೂಪೇಣ ಬೀಜವತ್ || ೧೫೫ ||
ಸಾ ಚಾಸ್ಮಿನ್ ನಾಮಸಾಹಸ್ರೇ ಸ್ತೋತ್ರೇ ತಿಷ್ಠತಿ ಬದ್ಧವತ್ |
ಪಠನೀಯಂ ವಿದಿತ್ವೈವಂ ಸ್ತೋತ್ರಮೇತತ್ ಸುದುರ್ಲಭಮ್ || ೧೫೬ ||
ದೇವೀಂ ಕಾಮಕಳಾಕಾಳೀಂ ಭಜಂತಃ ಸಿದ್ಧಿದಾಯಿನೀಮ್ |
ಸ್ತೋತ್ರಂ ಚಾದಃ ಪಠಂತೋ ಹಿ ಸಾಧಯಂತೀಪ್ಸಿತಾನ್ ಸ್ವಕಾನ್ || ೧೫೭ ||
ಇತಿ ಶ್ರೀಮಹಾಕಾಲಸಂಹಿತಾಯಾಂ ಕಾಮಕಳಾಖಂಡೇ ದ್ವಾದಶಪಟಲೇ ಶ್ರೀ ಕಾಮಕಳಾಕಾಳೀ ಸಹಸ್ರನಾಮ ಸ್ತೋತ್ರಮ್ ||
ಇನ್ನಷ್ಟು ಶ್ರೀ ಕಾಳಿಕಾ ಸ್ತೋತ್ರಗಳು ನೋಡಿ.
మా ప్రచురణ: "శ్రీ బగళాముఖీ స్తోత్రనిధి (తాత్పర్య సహితం)" ప్రింటింగు పూర్తి అయి కొనుగోలుకు సిద్ధంగా ఉంది.
స్తోత్రనిధి (తెలుగు) వాట్సాప్ ఛానల్ : మా తెలుగు వాట్సాప్ ఛానల్ ని ఫాలో చేయడానికి ఇక్కడ క్లిక్ చేయండి.
Support this Dharma Karya : If you find value in the Stotranidhi collection, please consider supporting this work. You can make a contribution through these links - PhonePe/GooglePay/BHIM (within India) or Paypal (outside India)
Buy Prabhata Stotranidhi Book: A single book with important stotras of Devatas is available in 4 languages - "తెలుగు" , "ಕನ್ನಡ" , "देवनागरि" , "English (IAST)".
విప్రులకు, ద్విజులకు విజ్ఞప్తి : మంత్ర అనుష్ఠానం లేక నేటి కాలంలో ధర్మాచరణ క్షీణిస్తూ ఉన్నది. దయచేసి మీకు ఉపదేశం ఉన్న మంత్రం కనీసం లక్ష జపం చేయండి. మీకు అతిదగ్గరలో ఉన్న దేవాలయానికి ప్రతిరోజూ వెళ్ళి అక్కడి దేవత మంత్రాన్ని కనీసం 108 జపంచేసి, ఆ దేవత బలాన్ని వృద్ధి చేయండి. దేవత అనుగ్రహం ఉంటేనే ఆ ప్రాంతంలో ధర్మం వర్ధిల్లుతుంది.
Important message to Dharmikas : Please visit your nearest Devalayam and chant mantra of that Devata atleast 108 times daily in that temple. When Devata becomes powerful, it will automatically protect Dharma.
Chant other stotras in తెలుగు, ಕನ್ನಡ, தமிழ், देवनागरी, english.
Did you see any mistake/variation in the content above? Click here to report mistakes and corrections in Stotranidhi content.
