Read in తెలుగు / ಕನ್ನಡ / தமிழ் / देवनागरी / English (IAST)
ಸಿತತರಸಂವಿದವಾಪ್ಯಂ ಸದಸತ್ಕಲನಾವಿಹೀನಮನುಪಾಧಿ |
ಜಯತಿ ಜಗತ್ತ್ರಯರೂಪಂ ನೀರೂಪಂ ದೇವಿ ತೇ ರೂಪಮ್ || ೧ ||
ಏಕಮನೇಕಾಕಾರಂ ಪ್ರಸೃತಜಗದ್ವ್ಯಾಪ್ತಿವಿಕೃತಿಪರಿಹೀನಮ್ |
ಜಯತಿ ತವಾದ್ವಯರೂಪಂ ವಿಮಲಮಲಂ ಚಿತ್ಸ್ವರೂಪಾಖ್ಯಮ್ || ೨ ||
ಜಯತಿ ತವೋಚ್ಛಲದಂತಃ ಸ್ವಚ್ಛೇಚ್ಛಾಯಾಃ ಸ್ವವಿಗ್ರಹಗ್ರಹಣಮ್ |
ಕಿಮಪಿ ನಿರುತ್ತರಸಹಜಸ್ವರೂಪಸಂವಿತ್ಪ್ರಕಾಶಮಯಮ್ || ೩ ||
ವಾಂತ್ವಾ ಸಮಸ್ತಕಾಲಂ ಭೂತ್ಯಾ ಝಂಕಾರಘೋರಮೂರ್ತಿಮಪಿ |
ನಿಗ್ರಹಮಸ್ಮಿನ್ ಕೃತ್ವಾನುಗ್ರಹಮಪಿ ಕುರ್ವತೀ ಜಯಸಿ || ೪ ||
ಕಾಲಸ್ಯ ಕಾಲಿ ದೇಹಂ ವಿಭಜ್ಯ ಮುನಿಪಂಚಸಂಖ್ಯಯಾ ಭಿನ್ನಮ್ |
ಸ್ವಸ್ಮಿನ್ ವಿರಾಜಮಾನಂ ತದ್ರೂಪಂ ಕುರ್ವತೀ ಜಯಸಿ || ೫ ||
ಭೈರವರೂಪೀ ಕಾಲಃ ಸೃಜತಿ ಜಗತ್ಕಾರಣಾದಿಕೀಟಾಂತಮ್ |
ಇಚ್ಛಾವಶೇನ ಯಸ್ಯಾಃ ಸಾ ತ್ವಂ ಭುವನಾಂಬಿಕಾ ಜಯಸಿ || ೬ ||
ಜಯತಿ ಶಶಾಂಕದಿವಾಕರಪಾವಕಧಾಮತ್ರಯಾಂತರವ್ಯಾಪಿ |
ಜನನಿ ತವ ಕಿಮಪಿ ವಿಮಲಂ ಸ್ವರೂಪರೂಪಂ ಪರಂಧಾಮ || ೭ ||
ಏಕಂ ಸ್ವರೂಪರೂಪಂ ಪ್ರಸರಸ್ಥಿತಿವಿಲಯಭೇದಸ್ತ್ರಿವಿಧಮ್ |
ಪ್ರತ್ಯೇಕಮುದಯಸಂಸ್ಥಿತಿಲಯವಿಶ್ರಮತಶ್ಚತುರ್ವಿಧಂ ತದಪಿ || ೮ ||
ಇತಿ ವಸುಪಂಚಕಸಂಖ್ಯಂ ವಿಧಾಯ ಸಹಜಸ್ವರೂಪಮಾತ್ಮೀಯಮ್ |
ವಿಶ್ವವಿವರ್ತಾವರ್ತಪ್ರವರ್ತಕ ಜಯತಿ ತೇ ರೂಪಮ್ || ೯ ||
ಸದಸದ್ವಿಭೇದಸೂತೇರ್ದಲನಪರಾ ಕಾಪಿ ಸಹಜಸಂವಿತ್ತಿಃ |
ಉದಿತಾ ತ್ವಮೇವ ಭಗವತಿ ಜಯಸಿ ಜಯಾದ್ಯೇನ ರೂಪೇಣ || ೧೦ ||
ಜಯತಿ ಸಮಸ್ತಚರಾಚರವಿಚಿತ್ರವಿಶ್ವಪ್ರಪಂಚರಚನೋರ್ಮಿ |
ಅಮಲಸ್ವಭಾವಜಲಧೌ ಶಾಂತಂ ಕಾಂತಂ ಚ ತೇ ರೂಪಮ್ || ೧೧ ||
ಸಹಜೋಲ್ಲಾಸವಿಕಾಸಪ್ರಪೂರಿತಾಶೇಷವಿಶ್ವವಿಭವೈಷಾ |
ಪೂರ್ಣಾ ತವಾಂಬ ಮೂರ್ತಿರ್ಜಯತಿ ಪರಾನಂದಸಂಪೂರ್ಣಾ || ೧೨ ||
ಕವಲಿತಸಕಲಜಗತ್ರಯವಿಕಟಮಹಾಕಾಲಕವಲನೋದ್ಯುಕ್ತಾ |
ಉಪಭುಕ್ತಭಾವವಿಭವಪ್ರಭವಾಪಿ ಕೃಶೋದರೀ ಜಯಸಿ || ೧೩ ||
ರೂಪತ್ರಯಪರಿವರ್ಜಿತಮಸಮಂ ರೂಪತ್ರಯಾಂತರವ್ಯಾಪಿ |
ಅನುಭವರೂಪಮರೂಪಂ ಜಯತಿ ಪರಂ ಕಿಮಪಿ ತೇ ರೂಪಮ್ || ೧೪ ||
ಅವ್ಯಯಮಕುಲಮಮೇಯಂ ವಿಗಲಿತಸದಸದ್ವಿವೇಕಕಲ್ಲೋಲಮ್ |
ಜಯತಿ ಪ್ರಕಾಶವಿಭವಸ್ಫೀತಂ ಕಾಲ್ಯಾಃ ಪರಂ ಧಾಮ || ೧೫ ||
ಋತುಮುನಿಸಂಖ್ಯಂ ರೂಪಂ ವಿಭಜ್ಯ ಪಂಚಪ್ರಕಾರಮೇಕೈಕಮ್ |
ದಿವ್ಯೌಘಮುದ್ಗಿರಂತೀ ಜಯತಿ ಜಗತ್ತಾರಿಣೀ ಜನನೀ || ೧೬ ||
ಭೂದಿಗ್ಗೋಖಗದೇವೀಚಕ್ರಸಂಜ್ಞಾನವಿಭವಪರಿಪೂರ್ಣಮ್ |
ನಿರುಪಮವಿಶ್ರಾಂತಿಮಯಂ ಶ್ರೀಪೀಠಂ ಜಯತಿ ತೇ ರೂಪಮ್ || ೧೭ ||
ಪ್ರಲಯಲಯಾಂತರಭೂಮೌ ವಿಲಸಿತಸದಸತ್ಪ್ರಪಂಚಪರಿಹೀನಾಮ್ |
ದೇವಿ ನಿರುತ್ತರತರಾಂ ನೌಮಿ ಸದಾ ಸರ್ವತಃ ಪ್ರಕಟಾಮ್ || ೧೮ ||
ಯಾದೃಙ್ಮಹಾಶ್ಮಶಾನೇ ದೃಷ್ಟಂ ದೇವ್ಯಾಃ ಸ್ವರೂಪಮಕುಲಸ್ಥಮ್ |
ತಾದೃಗ್ ಜಗತ್ರಯಮಿದಂ ಭವತು ತವಾಂಬ ಪ್ರಸಾದೇನ || ೧೯ ||
ಇತ್ಥಂ ಸ್ವರೂಪಸ್ತುತಿರಭ್ಯಧಾಯಿ
ಸಮ್ಯಕ್ಸಮಾವೇಶದಶಾವಶೇನ |
ಮಯಾ ಶಿವೇನಾಸ್ತು ಶಿವಾಯ ಸಮ್ಯಕ್
ಮಮೈವ ವಿಶ್ವಸ್ಯ ತು ಮಂಗಳಾಯ || ೨೦ ||
ಇತಿ ಶ್ರೀಶ್ರೀಜ್ಞಾನನೇತ್ರಪಾದ ರಚಿತಂ ಶ್ರೀ ಕಾಳಿಕಾ ಸ್ವರೂಪ ಸ್ತುತಿಃ |
ಇನ್ನಷ್ಟು ಶ್ರೀ ಕಾಳಿಕಾ ಸ್ತೋತ್ರಗಳು ನೋಡಿ.
మా ప్రచురణ: "శ్రీ బగళాముఖీ స్తోత్రనిధి (తాత్పర్య సహితం)" ప్రింటింగు పూర్తి అయి కొనుగోలుకు సిద్ధంగా ఉంది.
స్తోత్రనిధి (తెలుగు) వాట్సాప్ ఛానల్ : మా తెలుగు వాట్సాప్ ఛానల్ ని ఫాలో చేయడానికి ఇక్కడ క్లిక్ చేయండి.
Support this Dharma Karya : If you find value in the Stotranidhi collection, please consider supporting this work. You can make a contribution through these links - PhonePe/GooglePay/BHIM (within India) or Paypal (outside India)
Buy Prabhata Stotranidhi Book: A single book with important stotras of Devatas is available in 4 languages - "తెలుగు" , "ಕನ್ನಡ" , "देवनागरि" , "English (IAST)".
విప్రులకు, ద్విజులకు విజ్ఞప్తి : మంత్ర అనుష్ఠానం లేక నేటి కాలంలో ధర్మాచరణ క్షీణిస్తూ ఉన్నది. దయచేసి మీకు ఉపదేశం ఉన్న మంత్రం కనీసం లక్ష జపం చేయండి. మీకు అతిదగ్గరలో ఉన్న దేవాలయానికి ప్రతిరోజూ వెళ్ళి అక్కడి దేవత మంత్రాన్ని కనీసం 108 జపంచేసి, ఆ దేవత బలాన్ని వృద్ధి చేయండి. దేవత అనుగ్రహం ఉంటేనే ఆ ప్రాంతంలో ధర్మం వర్ధిల్లుతుంది.
Important message to Dharmikas : Please visit your nearest Devalayam and chant mantra of that Devata atleast 108 times daily in that temple. When Devata becomes powerful, it will automatically protect Dharma.
Chant other stotras in తెలుగు, ಕನ್ನಡ, தமிழ், देवनागरी, english.
Did you see any mistake/variation in the content above? Click here to report mistakes and corrections in Stotranidhi content.
