Read in తెలుగు / ಕನ್ನಡ / தமிழ் / देवनागरी / English (IAST)
sitatarasaṁvidavāpyaṁ sadasatkalanāvihīnamanupādhi |
jayati jagattrayarūpaṁ nīrūpaṁ dēvi tē rūpam || 1 ||
ēkamanēkākāraṁ prasr̥tajagadvyāptivikr̥tiparihīnam |
jayati tavādvayarūpaṁ vimalamalaṁ citsvarūpākhyam || 2 ||
jayati tavōcchaladantaḥ svacchēcchāyāḥ svavigrahagrahaṇam |
kimapi niruttarasahajasvarūpasaṁvitprakāśamayam || 3 ||
vāntvā samastakālaṁ bhūtyā jhaṅkāraghōramūrtimapi |
nigrahamasmin kr̥tvānugrahamapi kurvatī jayasi || 4 ||
kālasya kāli dēhaṁ vibhajya munipañcasaṅkhyayā bhinnam |
svasmin virājamānaṁ tadrūpaṁ kurvatī jayasi || 5 ||
bhairavarūpī kālaḥ sr̥jati jagatkāraṇādikīṭāntam |
icchāvaśēna yasyāḥ sā tvaṁ bhuvanāmbikā jayasi || 6 ||
jayati śaśāṅkadivākarapāvakadhāmatrayāntaravyāpi |
janani tava kimapi vimalaṁ svarūparūpaṁ parandhāma || 7 ||
ēkaṁ svarūparūpaṁ prasarasthitivilayabhēdastrividham |
pratyēkamudayasaṁsthitilayaviśramataścaturvidhaṁ tadapi || 8 ||
iti vasupañcakasaṅkhyaṁ vidhāya sahajasvarūpamātmīyam |
viśvavivartāvartapravartaka jayati tē rūpam || 9 ||
sadasadvibhēdasūtērdalanaparā kāpi sahajasaṁvittiḥ |
uditā tvamēva bhagavati jayasi jayādyēna rūpēṇa || 10 ||
jayati samastacarācaravicitraviśvaprapañcaracanōrmi |
amalasvabhāvajaladhau śāntaṁ kāntaṁ ca tē rūpam || 11 ||
sahajōllāsavikāsaprapūritāśēṣaviśvavibhavaiṣā |
pūrṇā tavāmba mūrtirjayati parānandasampūrṇā || 12 ||
kavalitasakalajagatrayavikaṭamahākālakavalanōdyuktā |
upabhuktabhāvavibhavaprabhavāpi kr̥śōdarī jayasi || 13 ||
rūpatrayaparivarjitamasamaṁ rūpatrayāntaravyāpi |
anubhavarūpamarūpaṁ jayati paraṁ kimapi tē rūpam || 14 ||
avyayamakulamamēyaṁ vigalitasadasadvivēkakallōlam |
jayati prakāśavibhavasphītaṁ kālyāḥ paraṁ dhāma || 15 ||
r̥tumunisaṅkhyaṁ rūpaṁ vibhajya pañcaprakāramēkaikam |
divyaughamudgirantī jayati jagattāriṇī jananī || 16 ||
bhūdiggōkhagadēvīcakrasañjñānavibhavaparipūrṇam |
nirupamaviśrāntimayaṁ śrīpīṭhaṁ jayati tē rūpam || 17 ||
pralayalayāntarabhūmau vilasitasadasatprapañcaparihīnām |
dēvi niruttaratarāṁ naumi sadā sarvataḥ prakaṭām || 18 ||
yādr̥ṅmahāśmaśānē dr̥ṣṭaṁ dēvyāḥ svarūpamakulastham |
tādr̥g jagatrayamidaṁ bhavatu tavāmba prasādēna || 19 ||
itthaṁ svarūpastutirabhyadhāyi
samyaksamāvēśadaśāvaśēna |
mayā śivēnāstu śivāya samyak
mamaiva viśvasya tu maṅgalāya || 20 ||
iti śrīśrījñānanētrapāda racitaṁ śrī kālikā svarūpa stutiḥ |
See more śrī kālikā stōtrāṇi for chanting.
గమనిక: ఉగాది నుండి మొదలయ్యే వసంత నవరాత్రుల కోసం "శ్రీ లలితా స్తోత్రనిధి" పారాయణ గ్రంథము అందుబాటులో ఉంది.
Chant other stotras in తెలుగు, ಕನ್ನಡ, தமிழ், देवनागरी, english.
Did you see any mistake/variation in the content above? Click here to report mistakes and corrections in Stotranidhi content.