Sri Kalika Stotram 1 – ಶ್ರೀ ಕಾಳಿಕಾ ಸ್ತೋತ್ರಂ 1

ಸ್ತೋತ್ರನಿಧಿ → ಶ್ರೀ ಕಾಳಿಕಾ ಸ್ತೋತ್ರಗಳು → ಶ್ರೀ ಕಾಳಿಕಾ ಸ್ತೋತ್ರಂ 1

ಶ್ರೀದೇವ್ಯುವಾಚ |
ಸ್ವಾಮಿನ್ ಸರ್ವಜಗನ್ನಾಥ ಪ್ರಣತಾರ್ತಿವಿನಾಶನ |
ಕಾಳಿಕಾಯಾಃ ಮಹಾಸ್ತೋತ್ರಂ ಬ್ರೂಹಿ ಭಕ್ತೇಷ್ಟದಾಯಕಮ್ || ೧ ||

ಶ್ರೀದಕ್ಷಿಣಾಮೂರ್ತಿರುವಾಚ |
ಏವಂ ಕಾಳೀಂ ಮಹಾದೇವೀಂ ಸಂಪೂಜ್ಯ ನರಪುಂಗವಃ |
ಸ್ತೋತ್ರಂ ಜಪೇದಿದಂ ನಿತ್ಯಂ ಕಾಳಿಕಾಯಾ ಮಹೇಶ್ವರಿ || ೨ ||

ಓಂ ಕ್ರೀಂ |
ಜಯ ತ್ವಂ ಕಾಳಿಕೇ ದೇವಿ ಜಯ ಮಾತರ್ಮಹೇಶ್ವರಿ |
ಜಯ ದಿವ್ಯೇ ಮಹಾಲಕ್ಷ್ಮಿ ಮಹಾಕಾಳಿ ನಮೋಽಸ್ತು ತೇ || ೩ ||

ಮುಕ್ತಕೇಶಿ ನಮಸ್ತೇಽಸ್ತು ನಮಸ್ತುಭ್ಯಂ ಚತುರ್ಭುಜೇ |
ವೀರಕಾಳಿ ನಮಸ್ತುಭ್ಯಂ ಮೃತ್ಯುಕಾಳಿ ನಮೋ ನಮಃ || ೪ ||

ನಮಃ ಕರಾಳವದನೇ ನಮಸ್ತೇ ಘೋರರೂಪಿಣಿ |
ಭದ್ರಕಾಳಿ ನಮಸ್ತುಭ್ಯಂ ಮಹಾಕಾಲಪ್ರಿಯೇ ನಮಃ || ೫ ||

ಜಯ ತ್ವಂ ಸರ್ವವಿದ್ಯಾನಾಮಧೀಶ್ವರಿ ಶಿವಪ್ರಿಯೇ |
ವಾಗೀಶ್ವರಿ ಮಹಾದೇವಿ ನಮಸ್ತುಭ್ಯಂ ದಿಗಂಬರೇ || ೬ ||

ನೀಲಮೇಘಪ್ರತೀಕಾಶೇ ನೀಲಾಂಬರವಿರಾಜಿತೇ |
ಆದಿಮಧ್ಯಾಂತರಹಿತೇ ನಮಸ್ತೇ ಗಣಕಾಳಿಕೇ || ೭ ||

ಸರ್ವಸಂಪತ್ಪ್ರದೇ ನಿತ್ಯಂ ಸರ್ವೋಪದ್ರವನಾಶಿನಿ |
ಮಹಾಮಾಯೇ ಮಹಾಕೃಷ್ಣೇ ಭಕ್ತಶತ್ರುವಿನಾಶಿನಿ || ೮ ||

ಜಗನ್ಮಾತರ್ಜಗದ್ರೂಪೇ ವಿರೂಪಾಕ್ಷಿ ನಮೋಽಸ್ತು ತೇ |
ಸಿಂಹಾರೂಢೇ ನಮಸ್ತುಭ್ಯಂ ಗಜಾರೂಢೇ ನಮೋ ನಮಃ || ೯ ||

ನಮೋ ಭದ್ರಾಂಗಿ ರಕ್ತಾಕ್ಷಿ ಮಹಾದೇವಸ್ವರೂಪಿಣಿ |
ನಿರೀಶ್ವರಿ ನಿರಾಧಾರೇ ನಿರಾಲಂಬೇ ನಮೋ ನಮಃ || ೧೦ ||

ನಿರ್ಗುಣೇ ಸಗುಣೇ ತುಭ್ಯಂ ನಮಸ್ತೇಽಸ್ತು ಸರಸ್ವತಿ |
ನೀಲಕೇಶಿ ನಮಸ್ತುಭ್ಯಂ ವ್ಯೋಮಕೇಶಿ ನಮೋಽಸ್ತು ತೇ || ೧೧ ||

ನಮಸ್ತೇ ಪಾರ್ವತೀರೂಪೇ ನಮ ಉತ್ತರಕಾಳಿಕೇ |
ನಮಸ್ತೇ ಚಂಡಯೋಗೇಶಿ ಚಂಡಾಸ್ಯೇ ಚಂಡನಾಯಿಕೇ || ೧೨ ||

ಜಯ ತ್ವಂ ಚಂಡಿಕೇ ಭದ್ರೇ ಚಾಮುಂಡೇ ತ್ವಾಂ ನಮಾಮ್ಯಹಮ್ |
ನಮಸ್ತುಭ್ಯಂ ಮಹಾಕಾಯೇ ನಮಸ್ತೇ ಮಾತೃಸಂಸ್ತುತೇ || ೧೩ ||

ನಮಸ್ತೇ ಸಿದ್ಧಸಂಸ್ತುತ್ಯೇ ಹರಿರುದ್ರಾದಿಪೂಜಿತೇ |
ಕಾಳಿಕೇ ತ್ವಾಂ ನಮಸ್ಯಾಮಿ ತವೋಕ್ತಂ ಗಿರಿಸಂಭವೇ || ೧೪ ||

ಫಲಶ್ರುತಿಃ –
ಯ ಏತನ್ನಿತ್ಯಮೇಕಾಗ್ರಃ ಪ್ರಜಪೇನ್ಮಾನವೋತ್ತಮಃ |
ಸ ಮುಚ್ಯತೇ ಮಹಾಪಾಪೈರ್ಜನ್ಮಕೋಟಿಸಮುದ್ಭವೈಃ || ೧೫ ||

ವ್ಯಾಚಷ್ಟೇ ಸರ್ವಶಾಸ್ತ್ರಾಣಿ ವಿವಾದೇ ಜಯಮಾಪ್ನುಯಾತ್ |
ಮೂಕೋಽಪಿ ಬ್ರಹ್ಮಸದೃಶೋ ವಿದ್ಯಯಾ ಭವತಿ ಧ್ರುವಮ್ || ೧೬ ||

ಏಕೇನ ಶ್ರವಣೇನೈವ ಗ್ರಹೇದ್ವೇದಚತುಷ್ಟಯಮ್ |
ಮಹಾಕವಿರ್ಭವೇನ್ಮಂತ್ರೀ ಲಭತೇ ಮಹತೀಂ ಶ್ರಿಯಮ್ || ೧೭ ||

ಜಗತ್ತ್ರಯಂ ವಶೀಕುರ್ಯಾತ್ ಮಹಾಸೌಂದರ್ಯವಾನ್ ಭವೇತ್ |
ಅಷ್ಟೈಶ್ವರ್ಯಾಣ್ಯವಾಪ್ನೋತಿ ಪುತ್ರಾನ್ ಪೌತ್ರಾನನುತ್ತಮಾನ್ |
ದೇವೀಸಾಮೀಪ್ಯಮಾಪ್ನೋತಿ ಅಂತೇ ನಾತ್ರ ವಿಚಾರಣಾ || ೧೮ ||

ಇತಿ ಶ್ರೀತ್ರಿಪುರಸುಂದರೀತಂತ್ರೇ ಶ್ರೀ ಕಾಳಿಕಾ ಸ್ತೋತ್ರಮ್ |

---

ಇನ್ನಷ್ಟು ಶ್ರೀ ಕಾಳಿಕಾ ಸ್ತೋತ್ರಗಳು ನೋಡಿ.

Did you see any mistake/variation in the content above? Click here to report mistakes and corrections in Stotranidhi content.