Sri Kalika Stotram 1 – ஶ்ரீ காளிகா ஸ்தோத்ரம் – 1


ஶ்ரீதே³வ்யுவாச ।
ஸ்வாமிந் ஸர்வஜக³ந்நாத² ப்ரணதார்திவிநாஶந ।
காளிகாயா꞉ மஹாஸ்தோத்ரம் ப்³ரூஹி ப⁴க்தேஷ்டதா³யகம் ॥ 1 ॥

ஶ்ரீத³க்ஷிணாமூர்திருவாச ।
ஏவம் காளீம் மஹாதே³வீம் ஸம்பூஜ்ய நரபுங்க³வ꞉ ।
ஸ்தோத்ரம் ஜபேதி³த³ம் நித்யம் காளிகாயா மஹேஶ்வரி ॥ 2 ॥

ஓம் க்ரீம் ।
ஜய த்வம் காளிகே தே³வி ஜய மாதர்மஹேஶ்வரி ।
ஜய தி³வ்யே மஹாலக்ஷ்மி மஹாகாளி நமோ(அ)ஸ்து தே ॥ 3 ॥

முக்தகேஶி நமஸ்தே(அ)ஸ்து நமஸ்துப்⁴யம் சதுர்பு⁴ஜே ।
வீரகாளி நமஸ்துப்⁴யம் ம்ருத்யுகாளி நமோ நம꞉ ॥ 4 ॥

நம꞉ கராளவத³நே நமஸ்தே கோ⁴ரரூபிணி ।
ப⁴த்³ரகாளி நமஸ்துப்⁴யம் மஹாகாலப்ரியே நம꞉ ॥ 5 ॥

ஜய த்வம் ஸர்வவித்³யாநாமதீ⁴ஶ்வரி ஶிவப்ரியே ।
வாகீ³ஶ்வரி மஹாதே³வி நமஸ்துப்⁴யம் தி³க³ம்ப³ரே ॥ 6 ॥

நீலமேக⁴ப்ரதீகாஶே நீலாம்ப³ரவிராஜிதே ।
ஆதி³மத்⁴யாந்தரஹிதே நமஸ்தே க³ணகாளிகே ॥ 7 ॥

ஸர்வஸம்பத்ப்ரதே³ நித்யம் ஸர்வோபத்³ரவநாஶிநி ।
மஹாமாயே மஹாக்ருஷ்ணே ப⁴க்தஶத்ருவிநாஶிநி ॥ 8 ॥

ஜக³ந்மாதர்ஜக³த்³ரூபே விரூபாக்ஷி நமோ(அ)ஸ்து தே ।
ஸிம்ஹாரூடே⁴ நமஸ்துப்⁴யம் க³ஜாரூடே⁴ நமோ நம꞉ ॥ 9 ॥

நமோ ப⁴த்³ராங்கி³ ரக்தாக்ஷி மஹாதே³வஸ்வரூபிணி ।
நிரீஶ்வரி நிராதா⁴ரே நிராளம்பே³ நமோ நம꞉ ॥ 10 ॥

நிர்கு³ணே ஸகு³ணே துப்⁴யம் நமஸ்தே(அ)ஸ்து ஸரஸ்வதி ।
நீலகேஶி நமஸ்துப்⁴யம் வ்யோமகேஶி நமோ(அ)ஸ்து தே ॥ 11 ॥

நமஸ்தே பார்வதீரூபே நம உத்தரகாளிகே ।
நமஸ்தே சண்ட³யோகே³ஶி சண்டா³ஸ்யே சண்ட³நாயிகே ॥ 12 ॥

ஜய த்வம் சண்டி³கே ப⁴த்³ரே சாமுண்டே³ த்வாம் நமாம்யஹம் ।
நமஸ்துப்⁴யம் மஹாகாயே நமஸ்தே மாத்ருஸம்ஸ்துதே ॥ 13 ॥

நமஸ்தே ஸித்³த⁴ஸம்ஸ்துத்யே ஹரிருத்³ராதி³பூஜிதே ।
காளிகே த்வாம் நமஸ்யாமி தவோக்தம் கி³ரிஸம்ப⁴வே ॥ 14 ॥

ப²லஶ்ருதி꞉ –
ய ஏதந்நித்யமேகாக்³ர꞉ ப்ரஜபேந்மாநவோத்தம꞉ ।
ஸ முச்யதே மஹாபாபைர்ஜந்மகோடிஸமுத்³ப⁴வை꞉ ॥ 15 ॥

வ்யாசஷ்டே ஸர்வஶாஸ்த்ராணி விவாதே³ ஜயமாப்நுயாத் ।
மூகோ(அ)பி ப்³ரஹ்மஸத்³ருஶோ வித்³யயா ப⁴வதி த்⁴ருவம் ॥ 16 ॥

ஏகேந ஶ்ரவணேநைவ க்³ரஹேத்³வேத³சதுஷ்டயம் ।
மஹாகவிர்ப⁴வேந்மந்த்ரீ லப⁴தே மஹதீம் ஶ்ரியம் ॥ 17 ॥

ஜக³த்த்ரயம் வஶீகுர்யாத் மஹாஸௌந்த³ர்யவாந் ப⁴வேத் ।
அஷ்டைஶ்வர்யாண்யவாப்நோதி புத்ராந் பௌத்ராநநுத்தமாந் ।
தே³வீஸாமீப்யமாப்நோதி அந்தே நாத்ர விசாரணா ॥ 18 ॥

இதி ஶ்ரீத்ரிபுரஸுந்த³ரீதந்த்ரே ஶ்ரீ காளிகா ஸ்தோத்ரம் ।


மேலும் ஶ்ரீ காளிகா ஸ்தோத்திரங்கள் பார்க்க.


గమనిక: రాబోయే హనుమజ్జయంతి సందర్భంగా హనుమాన్ స్తోత్రాలతో కూడిన "శ్రీ రామ స్తోత్రనిధి" పుస్తకము అందుబాటులో ఉంది. Click here to buy.

Did you see any mistake/variation in the content above? Click here to report mistakes and corrections in Stotranidhi content.

Facebook Comments
error: Not allowed