Read in తెలుగు / ಕನ್ನಡ / தமிழ் / देवनागरी / English (IAST)
śrīdēvyuvāca |
svāmin sarvajagannātha praṇatārtivināśana |
kālikāyāḥ mahāstōtraṁ brūhi bhaktēṣṭadāyakam || 1 ||
śrīdakṣiṇāmūrtiruvāca |
ēvaṁ kālīṁ mahādēvīṁ sampūjya narapuṅgavaḥ |
stōtraṁ japēdidaṁ nityaṁ kālikāyā mahēśvari || 2 ||
ōṁ krīm |
jaya tvaṁ kālikē dēvi jaya mātarmahēśvari |
jaya divyē mahālakṣmi mahākāli namō:’stu tē || 3 ||
muktakēśi namastē:’stu namastubhyaṁ caturbhujē |
vīrakāli namastubhyaṁ mr̥tyukāli namō namaḥ || 4 ||
namaḥ karālavadanē namastē ghōrarūpiṇi |
bhadrakāli namastubhyaṁ mahākālapriyē namaḥ || 5 ||
jaya tvaṁ sarvavidyānāmadhīśvari śivapriyē |
vāgīśvari mahādēvi namastubhyaṁ digambarē || 6 ||
nīlamēghapratīkāśē nīlāmbaravirājitē |
ādimadhyāntarahitē namastē gaṇakālikē || 7 ||
sarvasampatpradē nityaṁ sarvōpadravanāśini |
mahāmāyē mahākr̥ṣṇē bhaktaśatruvināśini || 8 ||
jaganmātarjagadrūpē virūpākṣi namō:’stu tē |
siṁhārūḍhē namastubhyaṁ gajārūḍhē namō namaḥ || 9 ||
namō bhadrāṅgi raktākṣi mahādēvasvarūpiṇi |
nirīśvari nirādhārē nirālambē namō namaḥ || 10 ||
nirguṇē saguṇē tubhyaṁ namastē:’stu sarasvati |
nīlakēśi namastubhyaṁ vyōmakēśi namō:’stu tē || 11 ||
namastē pārvatīrūpē nama uttarakālikē |
namastē caṇḍayōgēśi caṇḍāsyē caṇḍanāyikē || 12 ||
jaya tvaṁ caṇḍikē bhadrē cāmuṇḍē tvāṁ namāmyaham |
namastubhyaṁ mahākāyē namastē mātr̥saṁstutē || 13 ||
namastē siddhasaṁstutyē harirudrādipūjitē |
kālikē tvāṁ namasyāmi tavōktaṁ girisambhavē || 14 ||
phalaśrutiḥ –
ya ētannityamēkāgraḥ prajapēnmānavōttamaḥ |
sa mucyatē mahāpāpairjanmakōṭisamudbhavaiḥ || 15 ||
vyācaṣṭē sarvaśāstrāṇi vivādē jayamāpnuyāt |
mūkō:’pi brahmasadr̥śō vidyayā bhavati dhruvam || 16 ||
ēkēna śravaṇēnaiva grahēdvēdacatuṣṭayam |
mahākavirbhavēnmantrī labhatē mahatīṁ śriyam || 17 ||
jagattrayaṁ vaśīkuryāt mahāsaundaryavān bhavēt |
aṣṭaiśvaryāṇyavāpnōti putrān pautrānanuttamān |
dēvīsāmīpyamāpnōti antē nātra vicāraṇā || 18 ||
iti śrītripurasundarītantrē śrī kālikā stōtram |
See more śrī kālikā stōtrāṇi for chanting.
గమనిక: ఉగాది నుండి మొదలయ్యే వసంత నవరాత్రుల కోసం "శ్రీ లలితా స్తోత్రనిధి" పారాయణ గ్రంథము అందుబాటులో ఉంది.
Chant other stotras in తెలుగు, ಕನ್ನಡ, தமிழ், देवनागरी, english.
Did you see any mistake/variation in the content above? Click here to report mistakes and corrections in Stotranidhi content.
