Read in తెలుగు / ಕನ್ನಡ / தமிழ் / देवनागरी / English (IAST)
[గమనిక: ఈ స్తోత్రము “శ్రీ కాళికా స్తోత్రనిధి” పారాయణ గ్రంథములో కూడా ఉన్నది. Click here to buy.]
శ్రీదేవ్యువాచ |
స్వామిన్ సర్వజగన్నాథ ప్రణతార్తివినాశన |
కాళికాయాః మహాస్తోత్రం బ్రూహి భక్తేష్టదాయకమ్ || ౧ ||
శ్రీదక్షిణామూర్తిరువాచ |
ఏవం కాళీం మహాదేవీం సంపూజ్య నరపుంగవః |
స్తోత్రం జపేదిదం నిత్యం కాళికాయా మహేశ్వరి || ౨ ||
ఓం క్రీం |
జయ త్వం కాళికే దేవి జయ మాతర్మహేశ్వరి |
జయ దివ్యే మహాలక్ష్మి మహాకాళి నమోఽస్తు తే || ౩ ||
ముక్తకేశి నమస్తేఽస్తు నమస్తుభ్యం చతుర్భుజే |
వీరకాళి నమస్తుభ్యం మృత్యుకాళి నమో నమః || ౪ ||
నమః కరాళవదనే నమస్తే ఘోరరూపిణి |
భద్రకాళి నమస్తుభ్యం మహాకాలప్రియే నమః || ౫ ||
జయ త్వం సర్వవిద్యానామధీశ్వరి శివప్రియే |
వాగీశ్వరి మహాదేవి నమస్తుభ్యం దిగంబరే || ౬ ||
నీలమేఘప్రతీకాశే నీలాంబరవిరాజితే |
ఆదిమధ్యాంతరహితే నమస్తే గణకాళికే || ౭ ||
సర్వసంపత్ప్రదే నిత్యం సర్వోపద్రవనాశిని |
మహామాయే మహాకృష్ణే భక్తశత్రువినాశిని || ౮ ||
జగన్మాతర్జగద్రూపే విరూపాక్షి నమోఽస్తు తే |
సింహారూఢే నమస్తుభ్యం గజారూఢే నమో నమః || ౯ ||
నమో భద్రాంగి రక్తాక్షి మహాదేవస్వరూపిణి |
నిరీశ్వరి నిరాధారే నిరాలంబే నమో నమః || ౧౦ ||
నిర్గుణే సగుణే తుభ్యం నమస్తేఽస్తు సరస్వతి |
నీలకేశి నమస్తుభ్యం వ్యోమకేశి నమోఽస్తు తే || ౧౧ ||
నమస్తే పార్వతీరూపే నమ ఉత్తరకాళికే |
నమస్తే చండయోగేశి చండాస్యే చండనాయికే || ౧౨ ||
జయ త్వం చండికే భద్రే చాముండే త్వాం నమామ్యహమ్ |
నమస్తుభ్యం మహాకాయే నమస్తే మాతృసంస్తుతే || ౧౩ ||
నమస్తే సిద్ధసంస్తుత్యే హరిరుద్రాదిపూజితే |
కాళికే త్వాం నమస్యామి తవోక్తం గిరిసంభవే || ౧౪ ||
ఫలశ్రుతిః –
య ఏతన్నిత్యమేకాగ్రః ప్రజపేన్మానవోత్తమః |
స ముచ్యతే మహాపాపైర్జన్మకోటిసముద్భవైః || ౧౫ ||
వ్యాచష్టే సర్వశాస్త్రాణి వివాదే జయమాప్నుయాత్ |
మూకోఽపి బ్రహ్మసదృశో విద్యయా భవతి ధ్రువమ్ || ౧౬ ||
ఏకేన శ్రవణేనైవ గ్రహేద్వేదచతుష్టయమ్ |
మహాకవిర్భవేన్మంత్రీ లభతే మహతీం శ్రియమ్ || ౧౭ ||
జగత్త్రయం వశీకుర్యాత్ మహాసౌందర్యవాన్ భవేత్ |
అష్టైశ్వర్యాణ్యవాప్నోతి పుత్రాన్ పౌత్రాననుత్తమాన్ |
దేవీసామీప్యమాప్నోతి అంతే నాత్ర విచారణా || ౧౮ ||
ఇతి శ్రీత్రిపురసుందరీతంత్రే శ్రీ కాళికా స్తోత్రమ్ |
గమనిక: పైన ఇవ్వబడిన స్తోత్రము, ఈ క్రింది పుస్తకములో కూడా ఉన్నది.
శ్రీ కాళికా స్తోత్రనిధి
(నిత్య పారాయణ గ్రంథము)
మరిన్ని శ్రీ కాళికా స్తోత్రాలు చూడండి. మరిన్ని దశమహావిద్యా స్తోత్రాలు చూడండి.
గమనిక: ఉగాది నుండి మొదలయ్యే వసంత నవరాత్రుల కోసం "శ్రీ లలితా స్తోత్రనిధి" పారాయణ గ్రంథము అందుబాటులో ఉంది.
Chant other stotras in తెలుగు, ಕನ್ನಡ, தமிழ், देवनागरी, english.
Did you see any mistake/variation in the content above? Click here to report mistakes and corrections in Stotranidhi content.
